係時候投票啦!

我勁想贏呢個比賽,唔該大家幫幫手click入去投票,炸爆個網頁佢呀唔該!!!
贏咗你會喺next既catalog到見到舒韻架!
Please vote for Echo- she may appear in the NEXT catalog!

http://nextbabycomp2010.psycle.com/index.php/entry/641825

喺英國睇醫生

upload唔到相...咁就等我打多d唔洗相既blog啦

喺英國住既話,嚟到好緊要要做既事就係去附近既clinic登記!

National Health Service (NHS)似hk既醫管局咁(上nhs既網頁到搵邊個clinic近你)

基本上有咩問題上NHS既網頁都會答到

登記時唔需要任何身份證明文件(我都覺得奇怪...但我就咁填咗張FORM就上咗佢地個SYSTEM! 英國係無身份證架!要證明身份,就要用PASSPORT/車牌)

GP = General Practice 係你既家庭醫生, 以後你既一家都會係跟呢個醫生

0-16歲(唔記得係16定18)既人睇醫生同攞葯+睇牙醫都係唔洗錢既

有咗bb到bb出世後一年睇醫生同攞葯+睇牙醫又係唔洗錢既,仲有好似65歲以上都係有呢個福利

所以我嚟咗英國咁多年,咁耐...睇咗咁多次醫生,一次錢都未畀過!

一般要睇醫生既話,就要畀6磅幾(無記錯既話)

呢到睇醫生全部都係要預約架(打電話去clinic到book)

而且佢地好重時間,好少人會遲到架!因為睇醫生都係正苦錢,book間又無到即係浪費公帑!

呢到好少好少人睇私家架,我無一個朋友係睇私家,同香港真係好唔同呢!

睇得私家既,真係要好有好有米既人先會睇架!

我喺英國生咗兩胎,兩胎都係正苦生,服務好好:)好過香港好多!

我遲d打篇有關香港同英國生bb既分別畀大家睇下:)

好啦...登記咗GP後,佢地會主動聯絡HEALTH VISITORS

health visitors係會跟進0-5歲既小朋友成長,會畀一紅簿仔你記錄小朋友既生長歷程

如果bb喺英國出世,health visitor會喺你出院後幾日內去你屋企睇你,有d好既health visitors會幫你做少少家務,幫輕下你呢(我聽返嚟架咋!)

係新手媽咪既,佢地會喺bb出世後連續幾日都會嚟睇你.睇下你餵奶,bb瞓覺各方面有無問題.無既話之後就要你自己帶bb返健康院做檢查啦

如果小朋友啱啱先嚟英國,登記咗後,health visitor都會聯絡你,會安排小朋友補打返無打既針(英國同香港打既針係有少少唔同架),夠歲數仲會安排check up

如果你係好似我之前咁大住個肚嚟英國既話,登記完咗會有midwife聯絡你,同你做各種產前檢查.喺英國懷孕其間無咩問題既,佢地只會照兩次超聲波, 一次喺10 星期,第二次喺20星期(可以測埋bb性別) midwife好多產前資訊你,包括一本nhs講懷孕過程既書同產前班,產前yoga班等等.

我產前參加咗midwife攪既產前班,識到一班準媽咪

產後參加咗health visitor攪既breastfeeding group(喺英國絕大部份既人都係餵母乳,同hk真係差好遠好遠!我識十幾個媽咪,只有兩個係餵奶粉!),又識到一班媽咪.我地到而家仲有見面架!

我覺得呢到睇e生可靠好多呢!唔似hk d c+咁成日要你返去覆診!>.<

banoffee pie

banoffee = banana + toffee!

勁好味!

被邀請去朋友晊sunday lunch, 所以整定甜品去
見屋企咁多香蕉,就諗住整banoffee pie
banoffe= banana + toffee
勁勁勁好味!
唔難整~

材料：
消化餅 300g
牛油 60g
caramel 一 罐(唔知hk有無得賣呢)
whipping cream 250ml
香蕉 幾條
糖 幾茶匙(示乎個人喜好啦)
朱古力 少少(溶咗淋面架)
大家睇下點整啦

焗爐預熱180度

裝d消化餅入袋,搥碎佢
加60g溶咗既牛油...
放入ovenproof dish 入焗爐焗10-12分鐘

焗完就係咁既樣
待涼
加caramel喺面,放入雪櫃雪一個鐘

由於攰得濟...一個鐘變咗一晚...
好啦,切咗d蕉先,然後鋪面

打好d whipped cream
鋪面

放少少met到一粒粒既朱古力落入得微波爐既器皿
叮30秒,睇下溶,未既話繼續叮10秒...直到朱古力溶晒(可以隔水整溶朱古力,不過咁好似方便d,又work喎!)
之後fing d 朱古力上面
靖翹整完後話佢嗰個係monster嚟架喎!

味道如何?勁好味啦!!!我呢幾日又會再整過!勁快畀人清晒!

half term的啟示

今個星期係half term,英國絶大部分學校都會放一星期假(有d放上個星期)

好多朋友都一大細去旅行,無去旅行既都會一家人出下街

呢排心情認真麻麻

望見佢地,不得不寄以羡慕眼光

今日我拖住三條Q出街,自己狼狼狽狽咁,推住好多野

人地手拖手推住架bb車

眼淚在心裡流

仍然要固作堅強,強顏歡笑,真係唔好受

而家出街又唔敢買太多野,怕下年搬返香港時自己攞嚟辛苦

我雖然住喺呢到,有自己房,可以做自己野

但係...呢個唔係我既家

唔可以畀到自己小朋友一個穩定既居所...

呢種uncertinty 令我好不安.

以後既路係點,我真係無勇氣去諗

怕要面對做決定既一刻...

"前路汒汒"既意思,我而家真正了解到

英國與美國的大不同

小時候以為外國=英國=美國

到來到了英國才知,縱使他們說的是同一種語言,文化卻是大大不同的

英國人很重視是他們的文化歷史,會為身為英國人而驕傲.他們United Kingdom始於1707年(之前的england,scotland,ireland是分開的),在19至20世紀時英國最為強大,1922年時大英帝國更佔領整個世界的1/4國土.到現在很多籍民地仍保留英國籍民地色彩.

美國人也很重視他們的歷史,但他們的歷史只有二百多年.他們的建築特式都受著英國的影響.金髮藍眼的美國人,都是由英國遷移到美國的.美國人其實很熱愛英國文化,英國人到美國是很吃香的.你有看過love actuclly 這戲嗎?內裡有一英國人在英國找不到女朋友,跑到美國去.因他操一口英國口音,美國的女孩都對他另眼相看! 這只是一誇張的例子,但這道出了兩國文化的不同.

除了文化,口音也是很不同.有時連用字也有不同意思.就如英國人說pants,就是內褲;但美國人說pants,就是長褲.要住在這裡一段日子,才會知道呢!

不能不談的是兩國的屋的分別.英國人住的多是紅磚屋,非常穩固,固很多數百年的cottages仍可以供人居住.美國人住的大多是木屋,固起屋的費用較便宜而且快.你有看過美國製作的extreme makeover嗎?是美國abc電視台的一節目.主持人會選好一家家境困難的人,替他們拆除現有的屋,再在一星期內給他們起好一間豪華大宅,英國的屋,絕不可能在一星期內起好呢!

英國很大部份的街道都是由羅馬人起的.當時的人用的是馬車,路不會那麼闊.而美國的路都是闊闊的,除了因為地大,還因為是較後期建的.

數天前我曾講到英國人的簡單午餐.英國人喜愛roast dinner.哪美國人呢?相信你們都會很清楚...快餐>.<

還有在香港很流行的美國街頭文化,在英國真係很少見呢!punk的較多-在london有很多畫眼線的男生呢!

夜了...明天繼續作戰:) 我若想到更多的話,會跟大家分享:)

英國的屋-tudor period

英國人很重視自己的文化,古舊的屋都會盡量保存

好多有特式的建築都會被列作保護建築物(listed building)

英國人很喜歡還原被破舊的建築到以前的面貌,英國遺產局(English Heritage)有規管限制這些建築物的改變

Listed building分為grade I, grade II*, grade II, grade I的最為重要,限制的也較多

很多人仍然住在這些listed building內呢!

以後我每看到漂亮的屋,都會跟大家分享!

英國的歷史都有很多時期,每時期都會有其建築特式

這間屋是Tudor period (1485-1603)所建的,有400年歷史呢!

Tudor的屋都會有beams(樑)露出

從前的人會在地方那層工作(如織布),睡房都會在樓上

這條村子大街的屋都大約是在tudor時期建的:)

*我對英國的建築歷史沒有特別硏究

我所知的都是從看電視學到的

遲陣子我會談談英國的電視節目~看過英國的電視節目,就會覺得香港的有點...-.-

光是看電視,我學到很多英國化的事與物呢!

 

英國人的簡單午餐 - with toast

英國人的午餐許多時都很簡單

bean on toast, spaghetti on toast, scrumble egg on toast, cheese on toast...加幾片青瓜,幾粒車厘茄...或是一個沙律

起初我也覺得這種配搭很奇怪

但慢慢地我也習慣了這種味道

這都是很英式的食法,連美國人也不會這吃呢!

英國的小學(影曦的學校)

英國既學年係9月計起

英國教育制度（小學）喺分為三個stages㗎。

Foundation Stage - Nursery & Reception

Key Stage 1 - Year 1 & Year 2

Key Stage 2 - Year 3 to Year 6

有啲小學會附設nursery，有啲無。

有啲叫Primary School，係由Reception至Year 6嘅

有啲分Infant School 同 Junior School

Infant School由Reception至Year 2, 讀完Year 2 (Key Stage 1)就要轉校到Junior School繼續Key Stage 2嘅課程

不過好似現在新的小學都會喺Primary School。(以上資料由網友hihi提供,唔該晒!)

year r 入學時要滿4歲

靖翹8月出世,即係靖翹下年9月就可以返year r,會係佢班最細嗰堆

喺呢到,無得揀做大仔定細仔,夠歲數既,一定要入嗰年!

英國既小學一般都要小朋友住喺區內,私校當然除外啦!

入表時只可以揀屋企附近既學校,只有三個志願

所以住邊好影響小朋友入邊間學校(好似香港既校網制咁)

例如key stage1會包括學加減數,times table同歷史等等...只要喺呢幾年間學晒d野就ok,老師都會用課本既.基本課程會跟住一本,仲有幾本係附助既,咁就畀咗好大空間老師發揮佢地既宇宙,令課堂更有趣!

小朋友會年都會考一次評估,但係好多時小朋友都係唔知自己考緊架

呢個分係用嚟評估學校既級別,對小朋友無影響既

到小朋友7歲時,佢地會有個全國性既評估考試

11歲時有個時叫11plus

11plus唔硬性小朋友一定要考既

由於英國既中學有文法同非文法中學之分

想入文法中學既,就要pass 11plus

11plus分幾科考(詳情我唔係太清楚,因為我仲未經歷過!)

之後所分配到既中學會依分數,志願同學校<->屋企既距離而定

由電腦計算出嚟架

(有錯請更正!)

英國既學校都會經過ofsted,好似係學校質素評估咁上下既野

想知間學校好唔好,就上網下學校既ofsted好唔好啦!

英國既學校有d有宗教背景,有d無架

影曦呢間有架,連住間church架,大時大節小朋友都會過去church到做崇拜(見到間church嘛?)

呢個係影曦學校既操場, net ball team喺到練波架(net ball喺英國既小學好興架!下次等我講下英國既sports時再提下啦)

英國既小學成日都會有playgroup畀小朋友玩架

草地畀小朋友練足球

見唔見到喺足球場後又有個playarea呀?後面仲有d樹,成個森林咁架!

影曦叫嗰到做woods架!

影曦既課室

周圍既野都好能夠刺激小朋友各方面既發展

左邊有book corner,小朋友可以坐喺bean bags上揀書睇

右上角嗰個係role play area,有d bb喺到啦,仲有好多唔同既衫畀小朋友試著嚟玩角式扮演

又有個creation station,每朝返到學校,都會有唔同既野喺台面畀小朋友玩(沙,冰,積木...)

課室連廁所

每日返到學校,影曦都會掛好件褸同放好書包喺右邊既勾到

英國既小朋友唔會著體育衫返學,佢地會帶返學校換架!

你見到右邊掛住嗰d就係pe袋啦

佢地體育當通常都會著黑色鞋帶(有少少似我地細個時著既白飯魚咁,不過佢地著嗰d靚d架,喺clarks到賣4.5磅左右,唔會著壞小朋友腳架)

英國的學前教育-nursery / pre-school

英國既小朋友夠兩歲就可返nursery,兩歲後幾時開始返都得架

家長可以揀畀小朋友一個星期返幾多日

有d小朋友好似靖翹咁日日都返,有d只會返一日

夠三歲既話英國正苦係會貼錢畀小朋友返一個星期

佢地只係返朝早三個鐘架咋

好多local既nursery固定既校園

佢地通常都係駐喺village hall或者一d小學,中學既school hall到

雖然佢地無固定校園,但佢地都有幾多資源架

好似靖翹學咁,佢地學校既"老師"會setup晒個village hall

日日都會放d唔同既玩具出嚟,分好晒一個個section.

佢地返nuesery真係玩架咋,完全無要大家坐喺到用課本教野

小朋友通常一入到去就玩,玩咗陣就會大家圍圈點名,唱下歌

之後又玩...食茶點(茶點只會提供生果,多得jamie oliver,而家英國所有學校都主張health eating啦!)

然後畀小朋友出出面花園玩下單車,種下野...

跟住大家圍圈講個故仔唱下歌,咁就夠鐘等家長嚟湊走

聽落好似好求其,但係佢地好有計劃,我真係幾impressed架!

(呢間學校好多好細微既野佢地都會注意到.佢會請我去學校同小朋友講個中文故仔,畀小朋友知道呢個世界有好多種語言;又叫我用中文寫d"你好,椅子"等既野,畀靖翹得閒望下,令我覺得有參與其中)

nursery都有私校架...不過又係貴囉...

甲蟲

平時成日急急腳咁湊兩個返學...

今日湊完兩個返學同舒韻慢步走,先發覺原來周圍都係甲蟲!

數一數,喺短短既回家路上,有成廿幾隻喎!

我買咗呢件&quot;創意親子袋鼠服&quot;禦寒呀!

睇新聞話今個冬天仲凍,即~刻同coco買咗呢件創意親子袋鼠服(coco喺hk,我叫佢寄過嚟架)
以後湊兩個女返學,可以就咁咩住舒韻,再笠呢件vest,唔洗同舒韻另外著衫,啱晒呢個冬天:)
我喺呢到買架!
http://www.facebook.com/home.php#!/album.php?aid=28335&id=145773632101886

香港人咁多人用咩帶,好啱hk人用!

出街唔洗同bb著厚厚既衫,就咁著呢件就得:)
入到室內熱既話又只係大人除呢件背心就得,唔洗專登攞bb出嚟同佢除衫,方便好多!

Citizens Advice Bureau

今日去咗一轉CAB (要book appointment去架)

英國有好多福利可以攞

只要有小朋友係16歲以下既,都可以claim child benefit

第一個小朋友有20磅左右,第二個打後就每個13磅(每星期計)

仲有好多benefit可以攞架,但係因為我先生唔喺到住,我又同6299住...所以我唔知仲有咩可以攞,咪走去同佢地講我既情況,問問仲有無得攞囉

資料係絶對保密架.

個職員好細心咁幫我睇晒所有福利...結果我係除咗child benefit外就乜都claim唔到

唔緊要...唯有盡---量洗少d啦!

(呢到既職員都係義工嚟架!如果你啱啱搬嚟英國乜都唔知既,佢地會幫到你架!)

 

外國人的頭髮顏色

今日講下d輕鬆而有趣既野先:)

外國人既頭髮顏色有好多種.英國人統治好多地,有好多值民地唔同種族既人居住,所以有好多mixed races喺到架.就係呢d咁既DNA,令頭髮有好多唔同顏色

先講講有咩色先:)

ginger/ red, 紅頭髮,紅頭髮既人相比起其他髮色既人少...喺英國如果有紅頭髮既,會畀人取笑架(真係好慘...不過好似係傳統嚟既...而個年代會好d,有d紅頭髮既人仲會囉自己既髮色嚟講笑呢!)...唔知你有無睇 harry potter啦,裡面既ron咪係紅頭髮架囉,所以咪成日畀人笑!

auburn-dark red 個人嚟講,覺得呢種色好靚,黑中帶紅,紅中帶黑! 好多叱到既人都鐘意dark hair架,覺得sexy d囉

blonde 金髮. 通常金髮既人都會被取笑無腦...又係地道笑話嚟架

mouse brown 啡色頭髮,無咩特別既啡色

brunette- brown 啡中帶少紅

black 唔只國人,有d外人都係黑色頭髮架

dark blonde 深色少少既金髮,通常髮根部位會深色d,較啡

ash blonde 好金既金髮,金到好似白色咁

chestnut 粟子啡

grey/ silver hair 中國人所講既白頭髮

仲有少少野想講...外國人既頭髮係會隨住年紀而變色架

多數bb出世時都係金髮,到佢地大大下,有d唔會變,有d會變深色

我有兩個姑9有都兩個女一個仔

一個既三個小朋友都係金髮,大個而家1x數,頭髮先開始啡少少

另一個姑9既一仔一女都係金髮,另一個女係啡髮

大女出世時係啡髮,但到一歲左右突然變金(我姑9忍唔住剪晒啡色嗰堆髮尾)

二女出世就金髮,幾個月後就變啡

我大9細時係金中帶紅既,大個咗就變咗金啡

我老公細個時係ash blonde,超級金架,但係1x歲時就變深咗->mouse brown

下次我會講眼睛顏色:)

整muffins

影曦日日都食pack lunch...三文治三文治同三文治...

我整都整到悶,何況係食嗰個

今日喺間local shop到買咗包muffin mix,影曦放咗學就同佢一齊整,聽日佢就有得帶返學食啦

幾靚:)

Sunday lunch

英國日通常星期日都會食sunday lunch既

上次講到喺pub食,今次講下喺屋企食

喺英國既超市,有好多預備好既roast,一大舊雞/牛/豬/羊/gammon之類既肉,好多選擇架

有d肉中間仲有stuffing添,好好味架

一放落焗爐焗個幾兩個鐘就得

今日煮咗roast turkey, roast potato, 拾豆同炒磨菇,有梗係唔少得GRAVY啦

佢地好多都係放晒有野喺中間,之後會傳碟傳晒畀咁多個人,各人攞自己要既份量再放返喺中間

以前既英國人係會一到星期日就會roast一大大大舊肉

星期日食roast,會淨返好多肉架

咁星期一就會食cold meat sandwich

再淨返既肉就會整cottage pie啦

而家己經少咗好多人咁做啦,因為而家有雪櫃嘛!唔洗一次過煮大大舊肉:)

豬媽生豬仔

靖翹學校有位老c喺farm到住架
尋冕有個豬媽咪生咗11隻豬仔呀

嗰個老c話隻豬媽喺成個生產過程都呢埋喺d草堆到(左上角張相)
d豬好快就出咗嚟
d豬仔一出世後會自己爬去飲奶呢!

Fun Fair

喺英國,間唔中都會有呢d fun fair架

有d係每年都有既,有d就間唔中有既

呢個係每年都有架

我係經過下咋

日頭太早未開

run呢d fun fair既係一間公司

有好多架大貨櫃車,一開出嚟就係機動遊戲! very clever!!!

喺呢個fun fair做野既人都會隨團住,有少少似馬戲團咁

on site有好多caravans 同motorhomes

呢日我帶咗靖翹去呢個公園,見到d到做野既人啱啱起身呢

佢地係咁周圍遊,圍住英國咁周圍走

其實都幾攰...所謂既屋企都係喺架車到

當然有d人係會意呢種生活,但係有咗家庭後,呢種生活就對小朋友唔係咁好啦(我見到onsite有小朋友住架) 

Meringue蛋白餅

Meringue係好經典既英式甜品

平時食既時候加唔同既berries 同whipped cream, 或者加雪糕都好好味架!!!

焗爐預熱至150度

3隻蛋白（大）
175g糖粉　(caster sugar, 唔係砂煻。糖粉比糖砂糖更幼細㗎）

...先打蛋白打至企身(要打到反轉個碗唔滴落嚟架,好梗係用機打,如果唔係會手軟)
小心唔過攪得太耐,一打到企身就好停

糖,分幾咁加入去
攪好就可以一pat pat放查咗薄牛油既牛油紙上放入焗爐焗，或用pipping bag吱你想要嘅形狀
一放入焗爐就較至140度
焗一個鐘

想內軟外硬既焗一個鐘夠
想要正中就最好夜晚焗,一夠一個鐘就熄火唔好開焗爐間等過夜
等meringue內既水份無晒,咁就會成個都會脆卜卜架啦!!!

整完之後食唔晒，放喺密封嘅盒內可存放兩星期，放入雪格可存放一個月

pasta

真係唔好意思,咁耐都無update過呢part添-.-

舒韻由7個月左右己經食緊呢d pasta

同一般大人食既無分別,用較剪剪到咁就可以畀佢食

舒韻仲係一隻牙都無都食到

呢個時期既bb都係啜野食多:)

第一次畀舒韻自己食飯

第一次畀舒韻自己食飯
勁鐘意呢件包住上半身既口水件,有佢幾污糟都唔怕!

初初佢都肯用羹

都係用手好d...

喺完全無理佢既情況下,佢攪成咁!
哈哈!個樣仲要勁無辜!

睇怕下次都要記得喺地下鋪張報紙,食完飯可以一次過掉咗佢:)

食到咁上下,我都係頂唔住餵埋佢最後嗰幾啖

影曦的皇冠

今日湊影曦放 學時,佢帶住呢頂秋葉之冠

又幾靚喎

呢張影得佢好大個,想像到十幾歲時既樣呢:)

超愛呢件背心

我而家日日都著:)

舒韻喺我前面/後面,向前定向我都用得~正!

松子

而家係秋天,周圍都係松子呀!隨地都會執到

松鼠喺呢個時候經常出沒架!

英國的郊區生活-教會

今日係星期,返咗去我以前返開既教會

見到好多熟悉面孔:)有成兩年半無返過嚟呢間教會囉!

仲記得嗰時影曦得歲半,我仲陀住靖翹...我生靖翹之前嗰日仲喺到走嚟走去呢!

講返正題先

我住英國既郊區,同城市既生活好唔同架

喺郊區有好多大大小小的既村

呢頭既村都係叫xxxxhurst 定係xxxxden

呢d村都會有條大街

大既村都會有30-40間鋪既

但細既可能只有3-4間(我以前住嗰到就係得4間啦!)

不過呢,每條村都會有一間post office, local shop, 教會, 學校 同公園

好多時local shop內係連埋post office既

local shop好似便利店咁,不過就會有多少少fresh produces好似薯仔,生果呀咁

咁住附近既人唔洗專登走去超市嘛!

好啦講返教會

喺仲未有車既年代(即係幾百年前呀),每條村都會有教會架

一到星期日,個個村既人都會著得整整齊齊咁返教會

喺一個好重要既日子嚟架

教會好似係成個村既中心點,維繫住成條村

睇下呢張相, church yard到有好多tomb stones, 細睇既你會見到呢d都係以前住呢條村既人既grave(唔好意思,唔記得中文點寫,所以唔識打)

好多都係dated 17xx年呀,18x年呀咁,好舊架啦!

tomb stones都有好多唔同款架,從佢地既款式,可以睇得出佢地係咩年代造既

我99係牧師,我返呢間church,佢有份做service架

所以我先會返呢間

呢間教會有成800年历史架啦!!!

其間有加建咁架,入去就得出

教堂內仲有好多前人既石刻,講佢地對呢間教堂既貢獻

service就快開始啦:)

好靚既玫瑰窗

今日係harvest,99講導

佢請咗d小朋友出嚟整蛋榚,用材料做比喻

呢到既教會比起我喺hk返嗰間,真係差好遠

喺呢到所有野都親切好多

記得我住舒韻時帶住影曦同靖翹返hk既教會

喺崇拜期間我畀我d女玩砌圖,玩玩具,食小食,起碼唔會跑嚟跑去嘛

我兩女都唔嘈,但就喺崇拜期間畀牧師叫人咗我同d女出去...

咁返教會仲有咩意思?

喺呢到呢到既教會感覺畀我親切好多,好多時牧c講導都係好互動,會請好多人做一d活動呀,打比喻咁,令小朋友都會明白

成個崇拜,牧c都唔會上個台到,反而係會喺櫈同櫈之間既走廊行,講導時會喺你身邊行過呀咁,又會同你講下笑,輕鬆好多架!

喺崇拜既側邊有個area畀小朋友同bb玩,等大人可以安心咁畀小朋友玩,自己仍然可以參加崇拜

我99都去過我hk既教會,佢話佢地以前都好似我地咁,好嚴肅,但而家己經變晒架啦
唉...連hk既教會風氣都慢人50年...(可能只係我之前返開嗰間係咁啦)

唔知幾時hk既教會先可以變得親切d呢?

呢個就係個play area啦

有晒玩具畀小朋友玩~

到咗而家,好多local既教會同church of england既小學都會有連繫

好多sevice等等既野都會安排小學生參與

真正係成條村既中心點

 

英國人學英文的方法與學習態度

講到英國人學英文...我好有感觸

點解?識好幾個香港教書既英國人,好想用英國方式去教香港人英文

但徧徧學校話呢樣唔得,嗰樣唔得...要用返佢地平時教書既方法-用教科書!(我自己覺得有少少面子問題,同埋中國人唔鐘意改變,因為改變會令佢地out of their comfort zone!)

教署用咁多錢請net teacher返有鬼用! 學校得物無所用

真係覺得好可惜

最頂癮既係,香港既老師教返英國嚟既老師點教英文,真係好諷刺!!!

同99傾過香港人學英文既方法...個個對住本教科書坐喺到上堂,學生字,學gramma

而家仲教緊書既99笑咗出嚟

佢話呢d係佢返學既年代佢學英文既方法

而家己經轉晒,仲話咁用課本,係好50年代既野...

無錯,佢係講緊香港既教育方法慢英國足足50年!

我向來唔崇洋,我會好撐中國人

但係呢點,我真係駁唔到佢

如果你有睇"英國人的活動式教學",就會知佢地唔會用課本,小朋友仲會睇好多書

佢地會從圖書中學習

不如講下串字啦

記得細個時,我完全唔知咩係phonics,只係識得死背

細個就係咁,畀大人襟住咗條路,發展空間少,創作力都無咁強

當然唔係個個都係咁...不過我係囉

如果你要我寫一個有創意既故仔,我會覺得係一件好難既事

就係因為細個時畀人規限住,令到我既想像力無咁好

我係嗰種...你畀個task我做,我會去完成嗰種人

你要我用自己既方法做...我會覺得有難度,我會問,你想我點做...

呢d咪就係填鴨式教育得出嚟既結果...

再同99傾多陣,佢就話...咁既結果其實同我地中國人學中文字既方法好有關係

中文字無得拼音,你要認字,就要死記

可能咁就影響咗中國人學英文方法,都係注重死記!

記得有一次同一個老c傾開佢同一個小學生既對話

佢問老師一個英文字點串

老c問返佢,咁你覺得點串?

個女仔話唔知

老師話,咁你試下拼

個女仔話,如果我錯咗咁點呀?

個老c話,錯咗咪由得佢,我又唔會mark低,唔會扣分,最緊要你要試!

無錯...咁就係英國人學英文既方法

一般既hk老c如果被問到同樣既問題,會就咁串出嚟畀小朋友知就算

但英國人就會先讀個字出嚟,以拼音去串個字出嚟而唔係死記

從以上既例子你都會睇到普遍香港既小朋友都怕錯

能夠體驗到勇於嘗試既精神好緊要,小朋友可以明白呢個道理對日後學習會好有幫助呢!

我好慶興影曦仲有童真同想像力

有一次佢同我講

"mummy, I wish I could fly, fly up in the sky! Then I can tell the wishing star what I wish for cos she can't hear me from here."

有d家長聽完第一句可能會話,人唔可以飛架

咁...已經即時抺殺咗小朋友既想像力

有時小朋友講呢d野,唔雖要糾正佢,畀返多少想像空間佢地,唔係壞事嚟架!

總括嚟講...香港人學中文既方法,我好認同.死背真係唯一方法,而且可行既

但係英文呢...我真係覺得跟返外國人既方法會好d.正苦用咁多$請net teacher返嚟,梗係用盡佢地好!

我老公而家喺一家補習社到教緊phonics,上堂既內係佢自己編既,教都係用英式教法,無畀一般香港學校既制度限制住

上過既小朋友都玩得好開心,家長們都非常impressed!

佢一個月己經開咗三班, 下個月應該仲會開第四班添!

開心既係,老公證明到香港小朋友係可以用英式方法學好英文,而小朋友亦學得好開心

如果香港教英文既制度可以大改革,小朋友愛上學習,你話幾好呢!(唉...不過我都知我發緊夢架啦...好多時都係d大粒人想改變,d細粒既只想安守本份...要變到好似英國人學英文咁,衰d講句,我估要多過50年呀!)

英國的活動式教學

今日同99講開教育問題(我99係TA,以前做過特殊教育,而家仲教緊書,好有經驗)

令我諗咗好多野

雖然而家都夜,但我都希望趁我仲記得既時候記低

有睇開呢個BLOG既BLOG友,唔知你會唔會記得我之前講過下英國既教育呢?

學制係點,我遲D先講

今日我主要想講下活動式教學(我而家會講我知既野,我唔清楚既,我唔會講)

影曦讀緊YEAR R,所有足4歲既小朋友都會讀YEAR R

佢地係完全無課本架

無課本,咁點學野呀?

喺香港土生土長既我,起初對英國教育一無所知

香港人用慣課本,無課本,咁點教書呀?

呢樣就係活動教學既精彩之處

佢地相信LEARN THROUGH PLAYING

喺HK,影曦會喺學校渣筆學寫字

係咁用COPY BOOK,會有功課做

喺呢到,佢地會用好多唔同既野學習

例如,呢排佢地學緊寫自己個名

除咗用筆,佢地仲會用好多唔同既媒體學

好似用沙寫啦,用水啦,用畫筆啦...

令學習更有趣,仲會學到唔同物料既特性,對手眼協調都好好

佢地仲會玩唔同既遊戲去學野

打個比喻...

玩ROLE PLAY

我地喺個農場到喎,我地想要奶喎,咁我地就去問雞有無奶

雞無奶架喎,只可以畀雞蛋我地.咁我地去問下羊啦

依,羊有奶呀!攞咗D奶啦...但係唔夠添,咁我地去搵豬

豬無奶畀我地,豬奶要畀豬BB飲呀,咁我地去搵牛啦

牛媽媽有好多奶呀,夠晒我地飲啦!

喺以上例子,一本書都唔洗,但小朋友學識咗農場到有咩動物,動物媽媽同BB既名(英文係有唔同名架),我地可以飲咩動物既奶,仲有雞可以畀雞蛋我地食等等...

呢D就係LEARN THROUGH PLAYING啦

小朋友會好鐘意,享受學習過程比學習成積更為重要,咁仲會增加小朋友既想像同創造力

小朋友享受學習過程既話,佢地會終生學習,唔需要推動佢地,佢地會主動學習呢!

影曦喺學校學緊A-Z既發音(PHONICS),老公只會教佢地英國字母既發音,唔係讀音

而家睇緊OXFORD READING TREE,只有圖畫

目的係要令小朋友憑圖聯想出故事內容,誘發佢地既思考力,同時可以訓練佢地既表逹能力

(影曦學校仲有SHOW AND TELL TIME,小朋友可以每日都帶佢地既玩具/佢地喺屋企做既野返學校,之後講畀大家知佢地帶返嚟既係咩,可以訓練小朋友喺群眾面前演講而唔會怕羞)

影曦學校每逢星期一三五都會借書還書

英國既小朋友係睇好多書架!

睇玩只得圖畫既書後,小朋友會睇有每頁得一句既書

呢D書內既字都係可以拼音拼出嚟既

就係因為小朋友自少就睇咁多書,所以好多人大個咗都會成日睇書(我識好多人都係狂買書睇架!仲會互相交換書睇添)

小朋友鐘意睇書,識既字就會多咗,常識又會好,會主動學習:)

今朝起身,靖翹話要整早餐畀GRANDMA食

以下係佢地既對話:

"can i have scramble egg, sausages and beacon please?"

"but we have no beacon!"

"go to the shop and buy some then"

"oh butwe have no eggs!"

"go to the shop and buy some eggs then"

"they haven't got any eggs"

"go to ask the hen over there to see if she've got any"

"she hasn't got any"

"go and ask the han over there then, she got some eggs!"

"oh! thank you!"

呢d係imaginary play

當時靖翹同99手上係一樣玩具都無架

所有野都係想像出嚟既

喺以上對話,靖翹學識咗,可以喺鋪頭買beacon同蛋,又會領導到佢化方法解決問題...

咁同小朋友玩既話,可以誘發佢地無窮既想像力:)

希望大家都會有所得著,會咁同小朋友玩啦!

a relaxing sunday

星期日,去完99間church後食埋個harvest lunch先返屋企

呢排日日都落雨,見今日難得好天,無乜野做,我就帶咗三個女去公園

影咗幾張靚相:)

舒韻對蒲公英好有興趣呢

英國人的名字

英國人既名分為三部份

First name, middle name同 last name/ surname/ family name)

Last name 係姓

First name係平時叫得最多既名

middle name通常好少用

平時我地只係用first name同last name就夠啦

先講下first name先

英國人用嚟用去都嗰d名

Jack, Thomas, Joshua, Oliver, George, William, Jon, Michael, David...

Isabella, Lauren, Lily, Abigail, Emma, Mia, Madeline...

影曦嗰班有兩個Francesca,兩個Lily...

咁老師叫名時點分呢?

英文名其實好多都係有"短名"(唔識點易容...)

比如Frankie, Fran, Ceski...都係short for Francesca

影曦係francesca,另外嗰個就係frankie

*好多人以為Frankie係男仔名,但其實係男女都會用架

如果好似個名叫lily咁,咁就會以個姓既英國字母嚟定邊個打邊個啦

e.g. Lily D, Lily S

好多人以為sam一定係男仔名,但係sam係short for samantha架喎

好多英文名係中性架,可以男可以女,好難去跟據名去估架

由其是英文文法係有he同she,中文只有"佢"

有時見到d bb得意,問下媽咪bb幾大時,記住唔好用he/she, 叫how old is your baby好啦

我有好幾次估錯咗男/女,勁尷尬!

我叫yennie,其實英國人會覺得...咩名嚟架

佢地通常只係會用現有既名嚟同bb改名,唔會好似香港人咁有創意,跟據bb中文名個音嚟改返個英文名

因為現有既英文名都意思,而香港人就重音,無咗個意義喺到

所以我老公周不時見到香港人既英文名,都會認唔住笑-.-

所以大家為小朋友改英文名時都要小心

時穩穩陣陣好過太有創意!

仲有呀,英文都有好多历史架

英國咁鬼多個籍民地,有時睇人名都會估到個名喺邊個國家嚟架~可以估到下個人既背景

好啦,講下middle name先

好多英國人都會用名嚟記念佢志尊敬既人

好似我估9咁,就用咗我62既middle name嚟做佢個仔既middle name

我姑9出世前我99既媽咪過咗身,所以我4姑9既middle name係我99媽咪既名嚟架

有d家族較傳統既,會將自己(男丁)個名傳落去

我見過有個族譜係5代都係同名同姓架

老豆就jon既,個仔就叫jon junior(通常就咁叫junior)

有d人鐘意d咩偉人,都會以嗰個人嚟同自己既小朋友命名!

仲有呀~唔知大家有無聽過maiden name呢?

我姓黎既,我嫁咗後就跟我老公姓(喺呢到個個都係咁架)

我改咗姓,咁lai就係我maiden name啦

喺香港既老師,男既全部都係mr, 女既全部都係miss

但係喺呢到,如果你結咗婚既,你就會畀人即刻改口叫mrs +(你老公個姓)

喺學校,會好易知道邊個老師未結婚呢!

講住咁多先...打到好攰呀!

希望你地鐘意睇啦:)

會面對話

記得中學時代,英文老師教第一次見既人,要同佢地講"how do you do?"

仲要以mr. xx / mrs. xx(姓氏)稱呼人

之後講how are you就得啦

前幾日同我62講起,佢笑咗出嚟-.-

佢話呢d咁formal既會面語句,早喺50年代已經唔用...

而家佢地都只係講hi

香港人formal少少既,第一次都會握手,介紹自己姓咩

英國人普徧第一次見,會講

Hi, I'm Yennie. How are you?

就咁就得,會叫first name,唔會叫姓(除非做生意啦)

香港人會手,英國人都會

男同男既會握手,女同女/男同女既佢地見面會錫面

就算我而家成日見既姑9同佢地既老公見面,我地都會錫面架

記得切切嚟到佢地"對"塊面過嚟,真係嚇咗嚇-.-

但慢慢而家都慣咗囉

同我差唔多年紀既朋友先無咁做囉

順帶一提既係...

英國人係會成日都問"are you ok?"

佢地問你are you ok,唔係因為覺得你唔舒服先問

而係佢地係慣性成日都會問

好似我平時同6299一齊睇電視,都會無啦啦問下佢地are you ok

佢地會答你講關於佢地睇緊既節目,或者相關既野,或者今日所做既野

都係引發對話既好好方法:)

 

去wendy屋企玩

今日去咗大姑奶屋企玩

d女一去到就去咗表姐間放

我一入到去放低咗舒韻喺床

再望望先知原來佢側邊咁多bb,我就影咗張咁既相

舒韻同d bb糾纏緊!

又玩紙箱--

呢架玩具孖車,估唔到舒韻都坐得落喎

同表哥一齊玩wii
好笑既係,佢地有三個手制,但有四個細路喎
於是表哥同表姐就畀咗個假既靖翹,咁表哥表姐同影曦都可以玩
靖翹唔知嗰個係假既,係咁望住個電視玩!仲玩半個鐘

一齊食晚飯

Willow enjoyed making crispy cakes with auntie Wendy:)

and lauren:)