今日係星期,返咗去我以前返開既教會
見到好多熟悉面孔:)有成兩年半無返過嚟呢間教會囉!
仲記得嗰時影曦得歲半,我仲陀住靖翹...我生靖翹之前嗰日仲喺到走嚟走去呢!
講返正題先
我住英國既郊區,同城市既生活好唔同架
喺郊區有好多大大小小的既村
呢頭既村都係叫xxxxhurst 定係xxxxden
呢d村都會有條大街
大既村都會有30-40間鋪既
但細既可能只有3-4間(我以前住嗰到就係得4間啦!)
不過呢,每條村都會有一間post office, local shop, 教會, 學校 同公園
好多時local shop內係連埋post office既
local shop好似便利店咁,不過就會有多少少fresh produces好似薯仔,生果呀咁
咁住附近既人唔洗專登走去超市嘛!
好啦講返教會
喺仲未有車既年代(即係幾百年前呀),每條村都會有教會架
一到星期日,個個村既人都會著得整整齊齊咁返教會
喺一個好重要既日子嚟架
教會好似係成個村既中心點,維繫住成條村
睇下呢張相, church yard到有好多tomb stones, 細睇既你會見到呢d都係以前住呢條村既人既grave(唔好意思,唔記得中文點寫,所以唔識打)
好多都係dated 17xx年呀,18x年呀咁,好舊架啦!
tomb stones都有好多唔同款架,從佢地既款式,可以睇得出佢地係咩年代造既
我99係牧師,我返呢間church,佢有份做service架
所以我先會返呢間
呢間教會有成800年历史架啦!!!
其間有加建咁架,入去就得出
教堂內仲有好多前人既石刻,講佢地對呢間教堂既貢獻
service就快開始啦:)
好靚既玫瑰窗
今日係harvest,99講導
佢請咗d小朋友出嚟整蛋榚,用材料做比喻
呢到既教會比起我喺hk返嗰間,真係差好遠
喺呢到所有野都親切好多
記得我住舒韻時帶住影曦同靖翹返hk既教會
喺崇拜期間我畀我d女玩砌圖,玩玩具,食小食,起碼唔會跑嚟跑去嘛
我兩女都唔嘈,但就喺崇拜期間畀牧師叫人咗我同d女出去...
咁返教會仲有咩意思?
喺呢到呢到既教會感覺畀我親切好多,好多時牧c講導都係好互動,會請好多人做一d活動呀,打比喻咁,令小朋友都會明白
成個崇拜,牧c都唔會上個台到,反而係會喺櫈同櫈之間既走廊行,講導時會喺你身邊行過呀咁,又會同你講下笑,輕鬆好多架!
喺崇拜既側邊有個area畀小朋友同bb玩,等大人可以安心咁畀小朋友玩,自己仍然可以參加崇拜
我99都去過我hk既教會,佢話佢地以前都好似我地咁,好嚴肅,但而家己經變晒架啦
唉...連hk既教會風氣都慢人50年...(可能只係我之前返開嗰間係咁啦)
唔知幾時hk既教會先可以變得親切d呢?
呢個就係個play area啦
有晒玩具畀小朋友玩~
到咗而家,好多local既教會同church of england既小學都會有連繫
好多sevice等等既野都會安排小學生參與
真正係成條村既中心點
好靚~ ~ 香港的教會好多都分得好清楚. 未有BB前, 我和老公朋友一起番church, 但有了BB, 教會掃左入育嬰室睇電視現場直播, 感覺差很遠. :(
ReplyDelete[版主回覆10/13/2010 05:31:00]喺育嬰室睇感覺又真係幾差...咁不如星期日朝早睇明珠/國際(唔記得邊台)既崇拜
hk教會喺呢方面真係要move forward啦!係咁巨地會流失好多教友!
係啊，我有了阿囡都已經返得好少，主要是因為HK教會不太接受小朋友，如果去嬰兒室睇電視個feel好差。我以前在澳洲時，大人細老一齊services，沒有問題，好奇怪。
ReplyDelete[版主回覆10/13/2010 05:33:00]我99成日講, I am sure God doesn't mind the children being here.一間睇唔透呢既教會,去嚟都無咩意思-.-
我係天主教架...但學你話事解..喺hk教堂/教會都冇地方比啲小朋友玩既！我返開嗰間好少少係︰大人去咗參與彌撒，同時間佢地有小朋友主日學....但可惜只係收三歲以上！咁我帶住細佬仔呢啲唔大唔細唔識講野只係會玩既大bb...要佢坐足一個鐘真係悶死佢！我都費是比人話...結果好耐有返教堂lu......唉...
ReplyDelete[版主回覆10/13/2010 05:35:00]我返嗰間都日學,但係無收我個女,結田我大住個肚帶住兩個坐喺禮堂...之後畀人趕,真係好無癮...
咁你而家仲有無返呀?
冇返LU....太多野拎...太多人...太少位...阿仔又唔肯坐定....不過今年X'MAS會去領洗囉！
ReplyDelete[版主回覆10/16/2010 05:40:00]希望你領洗後會返多d啦:)
(我都係聖誕時洗禮架!都6年前囉)
哈哈... 又係woh..
ReplyDelete帶BB一起去church 1-2次後, 可能因為唔喜歡睇直播, 又加上church service 時間剛好要喂奶. 真係集中唔到, 曾經有幾次無去church, 但我同自己講, god know we're trying our best. 在church 喂奶總比在家裡睡覺好. : P
[版主回覆10/16/2010 05:43:00]你仍然堅持到帶小朋友返教會,真係好啦! 我鐘意崇拜完後同大家傾下計,起碼知道有人心緊自己hehe
我唔係教徒, 但見到你呢篇文同埋相片, 都有好warm好peaceful的感覺! 小朋友喺呢個氛圍下, 都應該會有更堅定的信仰!
ReplyDelete[版主回覆10/16/2010 05:44:00]我都希望係啦! 希望佢地都鐘意返教會:)
下年妳可以帶啲囡囡番我哋間English Church.好free.佢哋一定會鍾意。
ReplyDelete恩祈再試番中文教會，罰坐唔准郁，要跟t.v.唸歌詞(佢未識認字架)，喊住想走又唔敢(奇怪個個細路都好似犯人咁好乖坐到好定)，另外妳番幼稚園嗰間教會仲掂呀，同細路講想食好啲嘅茶點就叫父母比多啲捐獻，我親耳聽到！！
[版主回覆10/16/2010 05:46:00]呵呵...影曦學校間教會我無諗過我會返
聽你咁講,更加唔會試
好呀,返到嚟試下你返開嗰間都好喎:)
Yes, I really don't like the feeling of sitting inside a 育嬰室!
ReplyDelete[版主回覆10/16/2010 05:48:00]我之前都唔知有育嬰室既存在
聽完樓下d人咁講,我都覺得唔係咁好...
唔知幾時香港的教會先可以做到同英國咁...雖然我間教會無硬性規定有小朋友一定要帶去嬰兒房，但崇拜時小朋友如果唔能夠安靜，咁都唯有去囉，費事嘈到人地嘛！但响嬰兒房睇電視，真係覺得唔知返來做咩咁
ReplyDelete[版主回覆10/16/2010 05:51:00]咁就要睇個牧c既作風啦
如果牧c既眼界過闊d,作風"前衛"d,都可以做到既
可能hk有教會都好似英國既咁架,只係我地唔知啫!