無聊嘅兩天

去完會所

明明係靖翹推bb車嘅，點知影曦話攰坐咗上去

本來想我抱嘅靖翹即刻走埋去推家姐

正一廿四孝亞妹！

又去咗公園

玩到攬頭攬頸~

Ms Darkins話要教我點畫磨菇喎！

孖女嚟咗，一齊畫畫~

旋轉木馬蛋糕-２

旋轉木馬蛋糕-２

好！繼續

剩返嘅fondant唔多，所以我要慳住用...廢事整過！ 
met咗剩返嘅一半再少d出嚟 
加少少紅色色素，猜下佢，會變咗粉紅色 
揉咗d長幼條，長度相約

一白一粉紅咁扭埋一齊，按扁個頭同尾，點少少水，痴上去蛋糕 
喺連接位加粒圓波

再加少少裝飾 
由於我一個cookie cutter都無，所以乜都係白整嘅，無咁完美-.- 
花點整？ 
搓咗一條粗長條 
係頭嘅橫切面剪五下（想要四塊花瓣，就開十字；要六塊，開*字），撐開壓扁就會係一朵花

今朝買咗d飲管就插埋入去

剪短咗後就可以放埋上層蛋糕上去 
我用fondant 整咗d馬出嚟，放埋上去

本來諗住整完㗎啦 

影曦又話要整

所以我又整咗d　fondant畀佢玩

花面貓~

佢話要整個城堡喎

佢食晒~好甜呀！

因為fondant 嘅質地散，我整唔到細花，所以我整咗朵k花

加埋上蛋糕到~ 
攪掂啦！！！

旋轉木馬蛋糕﹣１

旋轉木馬蛋糕

材料：
兩條瑞士卷
一包棉花糖
一盒糖霜
少少水

整咗個蛋糕先 
瑞士卷切開三等份 
第一份放碟嘅中間，第二份就拆咗佢，喺第一份嘅外圍卷

咁就攪掂個底 
卷得唔靚唔緊要，無人會睇到！

我今次想試下用fondant，所以上網搵下點整 
我都係第一次整咋！！！ 
fondant： 
先加少少水入可放入微波爐嘅容器（玻璃會好過膠） 
加入棉花糖 
叮１分鐘 
攪下佢，如果棉花糖仲未溶晒，再叮２０﹣３０秒（如仍未溶，重覆叮２０﹣３０秒直到棉花 糖溶晒）

加入半包糖霜 
如果呢個mixture仲係太黏，再加多d糠霜，直到杰

洒d糖霜上枱，你對手都要沾上糖霜，以免痴手 
喺面到都拪d糖霜

切開一半待用，另一半就６到佢咁 
６到佢圓啦 （我屋企都無６，所以我係用保鮮紙包住廁紙筒咁６）
我細個玩紙黏土好叻（無計啦！細個跟媽咪返公司無野做，媽咪就會畀紙黏土我地玩），所以 手作嘅野，我都有一手~

小心攞起塊fondant，鋪上蛋糕

用刀切邊，用羹背將邊收靚佢 
下層蛋糕攪掂

而家整上層 
由於我係邊整邊諗...所以一開始無講低，要用mixing bowl 添！ 
唔好意思！ 
因為我想個頂嘅型靚d，所以我搵咗個碗裝嘅（如果唔係，大家重覆以上步驟整多個for上 層嘅蛋糕就得） 
放少少糖霜落去，咁就唔會痴底 
６多塊圓嘅fondant

放埋落個mixing bowl到

用之前同樣嘅方法去砌呢個圓，不過無咁之前嗰個咁厚，同埋外圍嘅蛋糕都係薄d，因為個碗 有孤度 
（注意呢個係會比下層嗰個細少少）

我cut咗塊紙皮（要夠硬support到個蛋糕喎！） 
比碗內嘅蛋糕細少少，再用踢紙包住

見唔見到呀？ 
個底係比蛋糕細少少，蛋糕突咗條邊出嚟 
按住佢，反轉

因為之前喺碗到加咗糖霜，所以好易就反到出嚟 
整到個dome啦 
我都鬆咗口氣...話晒第一次整，乜都試下嘛！ 

口果有人屋企有焗爐，可以放cake mixture落呢種mixing bowl到bake 
焗完中間水平咁切開，上半就會好似呢個咁，下半會好似我之前整嘅base咁~仲簡單！

放落隻碟到 
因為有d會突咗出嚟，用羹背加少少水磨返滑佢

攞個廁紙筒，用錫紙包住佢 
度咗個下層蛋糕嘅深度，掃少少水喺嗰個深度以上嘅部分，又用fondant包住佢，連接 位又係用羹背整平佢

插入去

揉咗一條長幼條，圍住連接圍，咁睇落會靚d 
試下放埋上層嘅上去.都ok喎

因為每篇文章只可以放２０張相...

請大家去旋轉木馬蛋糕﹣２到緊續睇啦！

兒童節party+８４年媽媽聚會

今日playgroup攪咗個兒童節party

所以我帶咗face paint同小朋友畫面同帶咗波波可以扭

影曦當然係第一個

靖翹見到人人畫面，又話要畫，但係我只係查咗個底...佢就走咗啦！

所以佢變咗黃面婆！

三個公主

四大公主

睇下幾多人！

我整嘅蛋糕

今日食完野先喺playroom玩

之後我地去咗macy晊企食食，再去咗青衣見班８４年媽媽

呢個bb叫寶寶~好可愛㗎！

睇下！全部都係８４年媽媽嚟㗎

幾後生^.^

小朋友唔聽話嘅話

有時如果小朋友唔聽話...我就會...
1.先警告佢一次.要捉住佢隻手,叫佢望住你
你要去到佢LEVEL,眼對眼,唔好要佢抬高頭望你.同佢好清楚咁講佢有乜野做錯咗,點解錯,佢唔可再做(語氣要沉實,畀佢知你係認真). 再做就會放佢落床瞓覺(我見D專家係會用NAUGHTY SPOT/CHAIR, 但我地鐘意用床) D專家係話,以小朋友既年紀去定小朋友STAY係NAUGHTY SPOT幾耐.兩歲就兩分鐘.記住同佢講佢要留係嗰到兩分鐘,走開會重新計過)
2. 通常我個女都OK,唔會再犯.
i)但如果再犯既,就同佢講(唔係鬧)佢做得唔啱,而家要放佢落床閂門走人. 佢會係床喊,但過咗兩鐘之後,我老公就會入去同佢講佢有咩錯,要佢SAY SORRY 同 KISS + CUDDLE,叫佢唔好再犯
如果佢唔肯SAY SORRY, 佢就要再留係床到,我地再閂門走人

ii)如果個小朋友唔肯留係NAUGHTY SPOT到,仲好開心咁笑,以同佢玩咁周圍走,第一次佢咁做你就要抱起佢,放返佢去NAUGHTY SPOT,同佢講唔可以周圍走,要留喺到2分鐘.重新開始計時.每次佢走開你都係咁做.直到佢留係NAUGHTY SPOT 2分鐘為止
我係電視睇返嚟架
好多家長剛開始用呢個方法係用咗成個鐘先控制到個小朋友留係NAUGHTY SPOT到. 但之後慣咗,個小朋友話好多
個過程好漫長架.一開始唔容易
要你同你老公互相支持呢個方法先可以做到
仲有呀...對住小朋友要有連貫性呀~唔可以一時一樣. 
例如我地食飯唔會開電視. 咁就無論做緊咩節目,我都唔會開
我一話食飯要女就會提我閂電視添~

湊兩個小朋友，一大，一初生嘅時間表

到我較到細女嘅routine係４個鐘一次餵一次奶，每晚都係瞓１２個鐘，全日嘅routine係咁
07.00　餵細女食人奶
07.30　叫大女起身，同佢兩個換衫
08.00　食早餐（細女夠大時就食米糊）
10.00　細女早睡，可以同大女一對一咁玩
11.00　餵細女食奶
12.00　食午餐（細女一齊食﹣食咩就睇佢幾大啦）
13.00　放大女瞓覺，同細女一對一咁玩一個鐘
14.00　放細女瞓覺，我就做下家務，煮定飯／瞓下晏覺）
15.00　叫晒兩個女起身，一齊睇電視，我就一路餵細女食奶
17.00　食晚飯
18.00　沖涼
19.00　餵細女食奶，放瞓覺

又發現新公園！

繼上星期喺藍天發現原來仲有個公園仔喺會所側後

今日又發現原來杽堤後面有個咁正嘅公園！

今日仲同孖女+macy去咗流動圖書館

真係好鐘意流動圖書館啫~

借書可以借４個星期，平時d圖書館只可借页個星期~

我可以慢慢睇d學煮野食嘅書啦！

個火箭好掂！

但當然我地無畀佢地幾隻馬騮爬上去啦