Easter Egg Hunt + Beach Party!!!

見愉景灣嘅尋蛋活動咁好玩~我自己都嚟攪返個！！！
我今次請咗十幾個小朋友嚟屋企附近嘅沙灘嚟玩~
今日天氣超好！真係好正！！！
當小朋友玩緊沙嘅時候...我就同幾個媽咪一齊埋好預先準備好嘅蛋~


我設備齊全~帶咗兩架屋嚟㗎~

玩得幾開心~

好啦！等齊人就挖挖挖啦！
我每個小朋友派咗個有佢地名嘅膠袋~挖完可以放入去！
個個都好落力挖㗎！！！
（我地埋咗啲蛋係樹蔭，因為怕啲朱古力蛋會溶呀@@）


影曦挖


靖翹挖


舒韻都挖~



我準備咗三雙銀蛋~挖到嘅就有奬品~
不過有隻無人挖到~我都唔知自己埋咗去邊：p
跟住啲小朋友就各有各玩啦~
我準咗小食~cupcakes, fruit sticks同dips
不過我唔記得影相...
但好多小朋友都走過嚟話好食:)


影曦同朋友仔挖大窿~


大家玩咗成個下晝~玩得好開心呀！

入大埔探太婆

搭車入大埔搵太婆

影曦勁愛太婆㗎~~~
成日都攬實太婆！好鬼識氹太婆㗎！

韆鞦呀！！！
一定要玩！

喺香港好少見到韆鞦㗎

舒韻陪我去電髮

話說星期六老公終於得閒睇住三個女，我就極速去咗剪髮

剪短咗...發覺真係唔係好掂！

因為我天生有少少鬈毛

唔夠直...後面唔係好得

所以今日我帶埋舒韻出去同我一齊電髮

無計啦，仲每４個鐘一次咁餵緊人奶

電都要４個鐘啦~所以一定要帶佢囉

尋日表姐，表姐夫，Gawen，表哥同表嫂嚟咗我屋企攞bb野

我畀咗張我好鐘意嘅single BB車連carseat佢地

所以我而家得返呢架士的車同孖車咋

加孖車我諗我都要臨走前賣咗佢啦~

我電緊髮
有人好悶
我抱咗佢出嚟玩~
對住塊鏡﹣＞佢以為有第二個BB同佢玩呢！玩得好開心！

電好啦

請唔好介意我鬧雞同我勉強的笑容-.-

好似簿咗d...唔緊要啦！

留長應該會好d嘅~

親親動物農莊+Terminal 2潮樓飲茶+會所學芭蕾舞+玩渣車！

我地班映灣媽咪約好一齊去asiaworld expo嘅親親動物農莊

以為會好好玩...點知...

動物少又多人，收費貴，唔係好值得去...

喺７﹣１１買飛，＄３０一個人

我地先去東涌搭免費shuttle bus->無頂巴士嚟㗎！

d女好鐘意~好晒佢地都唔介意！

一入到去見到人人排隊再買飛

原來要喺counter買飛先可以玩bouncy castle同攤位遊戲-.-

去到買咗飛畀小朋友跳bouncy castle

盛惠$30/5分鐘（憑入場劵減$10，但都係好貴！）

大家除晒鞋，等入場

期間有兩段小插曲：

插曲１：

買咗飛門口個人先同我講唔夠４歲唔畀入@@

賣飛嗰個人無講清楚...

靖翹超級失望！

好彩事後有個工作人員話暗地𥚃畀佢入埋去

插曲２：

小朋友赤晒腳，靖翹踩落地毯到﹣＞佢吉到腳！！！！
之後發現有粒大嘅釘書釘喺地下！！！係向上吉咗出嚟嗰種！！！（張相放大嘅話會見到粒訂㗎！）
我有少少失控...走咗去鬧個職員...
我都知唔係好關佢事...但係又真係控制唔到...
好彩靖翹無流血啫！

７個小朋友個個都唔落力咁sir咗５分鐘！

憑飛可換一包仔生菜

攪到周圍d細路都餵生菜畀兔仔同龜食

d動物係被埋喺生菜海到㗎囉-.-

靖翹好大膽

餵完隻龜自己走去摸佢囉lol

影曦摸兔仔

悶悶地...

孖女都走返過嚟同舒韻玩

欣欣ee買咗個棉花糖畀大家食呀~

梗係要分享啦

愈嚟愈多人，又樣樣野都要收錢

我地一於走人

用$5坐機鐵過Terminal 2嘅潮樓飲茶

Lily有機場員工價~咞多個人食，三百蚊都唔洗~正！

我地食，舒韻瞓咗覺！

返到屋企...

影曦趕住去會所學芭蕾舞

我無同佢報８月啦

所以今日係最後一堂啦！

梳好個頭先~

幾靚~

影曦學緊芭蕾舞時，我地就喺會所畀靖翹同舒韻玩陣

睇下舒韻同vivi玩得幾開心！

喺會所見到孖仔媽咪Elaine

佢畀咗粒Apricot 舒韻

佢啜下啜下~又幾好味喎！

接影曦放學（多謝欣欣ee今日同我地影咗咁多靚相！）

我地之後去咗揸車~搬咗嚟咁耐，我都係第一次帶d女去玩咋！

今朝喺Asiaworld Expo畀人襟住嚟搶，幾大我都要賺返，平衡返d心理！

揸呢d車$5/15分鐘

抵！！！！！！

東涌文東路圖書館

今日同Macy+孖女，Joey+James同D女去咗新開嘅文東路圖書館

呢到好大好靚呀！

最緊要嘅係...呢到無人shhh我地！

記得之前去過逸東嗰個圖書館

靖翹嗰時得歲半

佢興𡚒咁走嚟走去（佢係無咩點嘈㗎）

畀一個圖書館職員追住佢嚟shhh佢囉

我明白圖書館要靜

但係我只係想同d女養成去圖書館嘅習慣

你要一個歲半嘅細路係圖書館完全唔嘈係無可能

我畀呢個職員shhh到煩晒...

自此都無去過逸東個圖書館

平時我地都係喺圖書車到借書

而家唔洗lu~

呢個部份全部都係小朋友書，又無人嚟shhh我地

大家都睇得好開心呢！

今日喺圖書館都撞到好多人~

Elly,栢賢,風風...

好似成個東涌我地識嘅人都嚟晒呢到咁呢！

去完圖書館

我地去咗隔離嘅遊戲室到玩~

今個星期今日算係最得閒㗎啦...

聽日又要忙啦~

James' Farewell party（黑雨中度過！）

James一家星期六就要搬離東涌啦

Joey喺東堤會所攪咗個farewell party

今日真係好多好多小朋友到呀！

希望Joey一家搬咗後，快d適應新生活啦~

我負責今日嘅蛋糕

係用60個cupcakes砌成嘅火車嚟㗎！

點咗蠟蠋，個個小朋友都有得吹！

由於尋晚整咗兩打後先發覺唔夠cup cake case

所以我今朝拿拿淋落街買，再焗咗三打！

影曦幫我裝飾㗎

靖翹負責幫我清潔個碗~

she loves licking the bowl!

今日嘅野食，係我地三個負責㗎！

James婆婆整中式野

我整蛋糕

Mandy整西式野！

Mandy幫我抱住舒韻時

舒韻無啦啦攞住人地個杯係咁啜！勁攪笑@@

靖翹擺晒pose,叫我同佢影相@@

小朋友坐定定玩遊戲！

pinata出場啦！

老友鬼鬼
祝你地四個友誼永固（加埋舒韻五個啦！）
無論你地我地搬咗去邊~都咁好朋友！

靚媽Yuki & 舒韻

Party後我地去咗playroom到玩

呢到又幾好玩喎！

靖翹咁sir嘅時候~好似條魷魚咁呀~~~

小插曲：

開開下party，黑雨！

會所職員會要成個會所閂門喎！要我地離開！

我地O晒咀！

橫風橫雨，咁多個媽咪同小朋友，你仲叫我地走？！

...但係我地無理繼續party玩遊戲

之後變返紅雨我地先無再畀人趕咋！

我出門口時無雨，乜都無帶

好彩老公喺屋企~叫咗佢嚟救我地

佢攞咗BB車嘅raincover畀我同埋影曦嘅雨褸

我地撤退時細雨咗~無咩點濕

返到屋企，老公煮咗餐勁野~

佢話會畀個surprise我

佢買咗我鐘意嘅煙三文魚

加檸檬同蛋黃醬~勁好味！

佢仲整咗雞全翼同熱狗~^.^~

正！