浮潛
終於寫到馬來西亞熱浪島(Redang)之旅嘅最後一篇
大家最關注係有啲咩玩
嚟呢到嘅最主要目的只有一個
同魚魚游水
浮潛係咪一定要識游水呢？
唔係嘅，但識當然係最好啦
基本上都會著救生衣㗎啦，都ok安全嘅
幾細個可以浮潛呢？
我見過細過舒韻嘅小朋友都識（約3歲）
影曦識游水
靖翹同舒韻都識識地，係啲姿勢唔係咁好
浮潛要用snorkeling 嘅鏡同管
入水唔用鼻呼吸
用口，通過條管呼吸~
舒韻好唔鍾意（可能放入口舊膠有啲大，唔舒服）
所以佢最終都係用口閉氣落水睇
唔夠氣就上口吸口氣再落水睇咁囉
揸好防晒（記住一定要揸！我有試過偷懶無揸，晒傷咗！）
She's ready!
Redang有好多浮潛熱點
resort每日會去唔同地方
有時太大浪就會去啲小島側嘅淺灘咁囉~
有N咁多種魚...我唔會記得
救生衣、浮潛鏡同吸管可以用自己帶嘅，亦可以租
租嘅都好平，幾十蚊啫（唔記得啦~）
畀一次錢，可以借足咁多日
佢地仲有潛水相機可以借㗎
有啲人已經急不及待咁上船啦！
由於我地呢個灘對出嘅海好淺水
而家上呢架係接駁船嚟嘅
搭去停泊喺對出深少少嘅浮潛用船
bye bye
試下先~
都還可以
4個女仔一齊玩
上咗大船啦
幾個女仔走晒去船頭
望下有無海龜
仲有機會坐駕駛室
人人有份
永不落空！
（你睇我地出咗幾多次海~）
又坐船頭（都幾晒，所以要遮下）
我地嚟時係淡季
(大馬無復活節)
而且我地間Resort 唔係好多人
啲員工可以照顧我地好啲
我見其他resort 嘅船坐滿晒人，有2-30人㗎
唔同玩法啦
我地嗰間homely啲
大灘嗰邊商業味重啲
呢日出海，有一班十幾人人嘅中學生嚟咗玩
佢地住3日2夜
(坐喺我赽後面嗰堆)
感覺好似我地中學時去梅窩啲度假村咁
不過佢地正好多，可以咁浮潛
香港啲水邊到有咁清呀~
我地有時就係去呢啲小島旁浮潛啦
有時個海中間有堆白色沙
聽聞海龜喺到生蛋㗎
第一潛就要跳入海中心~
其實嗰下我仲驚過啲女
好彩Tim叔叔旁住lol
游啦游啦！
我地其實都係喺個島仔隔離
無咁大浪
有時游到啲海水交滙點
一邊係暖嘅海水，一邊係涼嘅
時暖時涼，感覺幾有趣
我地有帶潛水相機
啲相影得相當唔錯！
唔同顏色嘅海參（影完相當然放返佢地啦！當地人好注意保育㗎！）
有黑色的
橙色的
Yeah!潛到！
呢個人...唔用吸管
都潛到
（但我地個個用吸管好平靜咁望緊啲魚時...呢個人喺水面唱歌lol）
Finding Nemo
Tim叔叔教，只要我地咁可“初”下食指同母指
啲魚就會以為有野食，係咁游過嚟㗎啦！
得咗~
有啲魚會"錫"我隻手添！
佢地一啲都唔怕羞！
會變色的~
好似我妹妹潛過咁多次，又識游水嘅
唔著救生衣都ok~
呢次去Marine Park
我地早到無咩人
（但之後就愈嚟愈多~）
靖翹掛住影相
你睇，多魚到呢~
啲魚真係唔怕羞
行去島嘅另一邊...
無錯，係要行過森林㗎
20分鐘步程
行到嚟，有唔少resort加建緊
舒韻話啲花靚
要同啲花影相
行到嚟聞名不如見面嘅麽麽茶海灘
啲水都係靚到假嘅咁呀~
好大浪呢！
浪花一朵朵
好想唱返首“對面的女孩看過來”～
呢邊啲resort的確靚好多!
呢邊有十幾間酒店
聽講話到夜晚時海灘會好熱鬧~
又有live music
玩下水水先
打功夫?!
唔去浮潛嘅時間
啲女大多數都會喺吊床附近玩
又會睇下書
好捨意
真係要學識放鬆下
見到個咁靚嘅景
乜野煩惱都唔記得晒
小朋友又落水玩~
Resort對出嘅海好淺水
對出一百米嘅水都係到心口左右
一行山去就可以浮潛啦！
佢地無事搵事做
有日佢地4個，一人包一條巾
...勁似巫師囉！
施法中
占卜玩塔羅?!
求雨?!
總之佢地搵到乜就玩乜
我鍾意佢地咁樣親親大自然！
Easter Egg Hunt
話說去旅行時係復活節
我特意買咗啲朱古力蛋糕佢地玩尋蛋
我叫啲女喺房等
我同欣欣收埋晒啲朱古力蛋喺花園唔同地方...
我有啲收咗喺...
呢到...
呢到都有~
三位聽足我指示準備尋蛋
(我地帶咗少少玩沙玩具嚟，所以有3個桶)
找到了！
數下邊個多啲蛋
（你睇我地幾個晒到紅晒啦！）
小插曲：
舒韻行行下倒咗啲蛋出嚟，但佢唔知
影曦靖翹上前執
舒韻仍然唔知發生咩事...哈哈哈！
好味!
下雨了
出唔到海，有乜做好？
再嚟尋蛋！
佢地搵到好興奮！
靜靜坐喺到畫下呢幾日見到乜野
幾個鬼妹仔要學識國粹~麻雀！
其實只係玩4行9隻
啱啱停雨又跳求雨舞？唔好啦掛...
得閒又睇下書
夜晚食完飯
幾個女仔就一齊"表演"
好鐘意見到小朋友自己作遊戲出嚟玩~
入黑啦喎
佢地喺沙灘做乜？
尋找藍眼淚中
唔係成日見到㗎!
我地第一晚見到
之後嗰幾晚都無
好好彩呀！
夜光沙咁呀～
天文攝影
我鐘意睇星
難得嚟到無咩光害嘅地迫，梗係要追下星啦
如果你唔熟星座
可以download 觀星apps
我用開有兩個
香港太空館出嘅"星夜行"同外國較流行用嘅star walk
呢啲app 只要你攞起電話對住個天
就會有晒星星嘅名
推介"星夜行"
仲有中、英文名同中西故事
「星夜行」備有iOS與Android版本，市民現可在App Store（itunes.apple.com/us/app/xing-ye-xing/id865064592?ls=1&mt=8）或Google Play（play.google.com/store/apps/details?id=gov.hkspm.android.hk）
天蠍座嘅大J(只見到頭)
北斗七星(大熊座尾巴)
南十字星座
呢個星座喺地球較北嘅地方係睇唔到㗎
我地有一晚攞咗啲被出嚟
喺星空下瞓覺
呢到無咩蚊㗎!
影靚景
黃昏
我地仲會專登早起睇日出呢！
日出東方
雨後彩虹
如果想睇星
記住留意初幾、月出同月落時間
月亮一出咗，啲星會暗咗好多㗎
通常月出嘅時間會早之前嗰日約9個字至1個鐘
呢到有幾隻貓貓
我地有時都會同貓貓玩㗎
有時又會坐碼頭傾計
呢到個老闆係大馬華僑
所以呢到好多員工都識講廣東話㗎
房間自拍
購物
喺熱浪島無咩特產
購物機會只有賣紀念品呢啲鋪頭
喺拍麽麽茶嗰邊嘅海灘有好幾間賣紀念品鋪頭
大同小異
浮潛用品、防晒、沖涼液、水泡、玩沙玩具、拖鞋、沙灘褲、雪糕、手信等...
當年Sammi同任賢齊就係喺呢到拍戲
裡面嘅野都幾齊
好多貝殼飾物
嚟到梗係要食雪糕啦
講到最平
一定係呢到...碼頭傍邊呢啲檔
其實機場都有手信賣，但係貴好多㗎
賣嘅野大同小異，但係價錢差好遠㗎
我地最後買咗啲磁石畀啲女返學派
同場加映
點解靖翹無抹咀?!
垃圾車你就見得多
垃圾船你又見過未？
原來呢到好多小朋友都住喺唔同嘅島到
佢地返學都要搭呢啲小船㗎
