超靚花花CUPCAKES

呢種CUPCAKES我覺得超靚呀!

不過我唔係"發明"呢種CUPCAKES嘅人

係我睇WOMEN WEEKLY出嘅整蛋糕書介紹用棉花糖裝飾蛋糕

佢就係切圓柱體嘅橫切面咁剪, 我就打對角咁剪

呢種蛋糕真係好易整, 連三歲嘅靖翹都砌到~

小朋友生日同佢一齊整呢種CUPCAKES當生日蛋糕都好IMPRESSIVE㗎!

材料及用具:

CUPCAKES (喺街買都得)

棉花糖

較剪

BUTTERCREAM (用咩ICING都得,總之要杰), 要咩色就自己溝

小花/糖(咩裝飾都得,放喺中間嘅~)

做法:

棉花糖對角咁剪, 放埋一邊待用

將少少BUTTER CREAM 放喺CUPCAKES上, 用棉花糖當花瓣咁由外圍打圓咁砌起

砌完外圍砌中間嗰層. 砌一層,兩層,三層都無所謂~你鐘意啦

砌完放糖等裝飾物喺中間就攪掂:)

BUTTERCREAM放耐咗會硬D,花瓣唔易跌出嚟,好過用WHIPPED CREAM~

而且唔洗雪:)

有人問過呢種蛋糕會唔會得個樣,唔好食...

其實你見我用得幾樣野, 蛋糕=蛋糕味, BUTTERCREAM=BUTTERCREAM, 棉花糖=棉花糖...只係呢幾樣砌埋一齊...難食極有限

個人嚟講我唔太鐘意一大pat buttercream 吱喺面嗰D蛋糕, 太過甜

就係因為咁呢種蛋糕先好~得嗰少少buttercream!

如果用伊華棉花糖嚟整, 相信會更正!!!

近況

成個星期無寫BLOG啦

想同大家講下我呢個星期閃咗去邊~

今個星期日有個FETE

我同朋友夾份投咗一檔

今個星期係咁整野

我就主要賣CUPCAKES同幫人FACE PAINTING

希望幫補下家計啦LOL

下星期我會得閒D~會寫返多幾篇㗎啦

祝我好運賺多啲:D

變髮

大家覺得呢個頭點呀?

我覺得唔錯,不過影曦要坐喺到成三個字先紥好!

呢個又幾易紥,又靚呢~

呢個我嘅~前陰法式鬢辮加粒玫瑰

呢個我自創嘅hehe~

細個成日睇亞媽D䋲結書,仲記得幾個,咪紥咗喺個頭到囉

呢到仲有D我同D女紥嘅髮型相

http://www.facebook.com/media/set/?set=a.10150252871599319.374021.654084318&l=7178184caf

我係咁POST呢D相出嚟做乜鬼呢?

話說早兩個星期我喺YOUTUBE到搵hairstyle教學

無意中搵到呢個網頁

http://www.cutegirlshairstyles.com/

網頁主人有4Q, 再收養咗一個養女同養仔

佢有好多紥頭髮嘅教學㗎!!!我睇到上晒癮:)

非常有啟發性, 極力推介畀大家睇!!!!!!!!!!!!!!!!!!!!!!

大家嘅女女日日返學都可以好靚靚啦~

YOUTUBE真係好多野學㗎~大家要好好善用資源呀!!!

如何對付徧食的孩子

"我唔鐘意食菜菜!"

這是三歲時的影曦跟我說的. 你有類似的經驗嗎? 現在影曦和靖翹都愛吃菜, 在此想和大家分享個中經歷.

影曦在出世後的兩年多都是在英國生活, 吃的都是英國口味. 英國的超巿不像香港的供應不同品種的菜(是氣候和文化不同啦!), 固當時的我沒有煮任何菜給她(她只會吃西䔵花, 椰菜花,甘筍, 粟米等等)

到了她兩歲半,我們舉家搬到香港, 我煮的餸菜也有很大改變- 多煮了中餐...特別會煮影曦和靖翹都不喜歡的菜. 所以我嘗試了幾種方法...

1. 把小朋友不喜歡的食物藏在其他餸菜或汁內, 令小朋友不知不覺吃了,慢慢習慣其味道 (把菜煮成菜飯, 甘筍跟茄汁等打碎煮成肉醬意粉等)

2. 用孩子不喜歡的食物煮出創新有趣的菜. 外形可花些心思, 令小朋友食慾大增. 又可以叫小朋友多些參與準備食物的過程, 了解食物來源. 孩子大多愛吃自己煮的東西呢!

3. 跟其他小朋友一起吃飯, 同輩的影響力非同少可! 小朋友看到同輩的小朋友不抗拒吃自己不喜歡的食物, 就會少有投訴, 乖乖住食

4. 跟小朋友說他們喜歡的卡通人物, 偶像都愛吃, 是又健康又可口的食物

5. 定下"每次一口"的規則, 要孩子每次看到不喜歡的食物在枱上時, 都至少要吃一口,鼓勵他們多吃. 要小朋友習慣食物的味道, 希望他們會續漸接納繼而變成他們的日常飲食

6. 教導小朋友食物的種類及營養價值. 講解什麼是5-A-DAY. 我在診所拿了這張宣張, 貼了在雪櫃上,  女兒們會每日數數自己夠了5-A-DAY沒有:)

其實最好的方法,還是在孩子在嬰兒時期時給他們多種不同種類的食物. 他們自小習慣了不同食物的味道, 就自然不抗拒. 中國人經常只給"粥仔"予寶寶, 很多寶寶每天都吃粥, 吃得多了, 就厭倦了. 看到看多人在網上留言為寶寶不吃粥而煩惱, 其實何不給寶寶其他食物? 麵飽, 多士, 薯蓉, 蕃薯蓉, cous cous, pasta, 果蓉等等, 都適合剛轉食固體食物的寶寶食用. (這個網址有很多weaning 食譜 www.netmums.com/food )

若孩子仍然抗拒吃某些食物, 也不要緊, 只要飲食均衡, 少吃幾種食物其實對孩子健康影響不大. 作為父母, 不要過於執著孩子抗拒某些食物, 強硬的態度會令孩子對食物產生不良關係. 我們要多些鼓勵, 作孩子的模範吃各類的食健康食品, 使孩子在父母之良好飲食習慣環境下成長:)

多胞胎

喺英國生活咗一段時間, 喺電視睇咗好多有關多胞胎嘅節目, 好想同大家分享下~

雙胞胎分為兩種, 同卵同異卵

同卵雙胞胎-只有一粒卵受精, 及後分列為二, 嬰兒會是同性, 外表皆一樣.其中有四分一的同卵雙胞胎有MIRROR IMAGE EFFECT發生- 雙胞胎面對面對住大家時好似望住塊鐘咁見到自己, 即一個用左手, 一個用右手; 一個的髮轉在左邊,一個右邊等等, 有D例子係會連內臟都會左右倒轉

異卵雙胞胎-兩粒卵子同時受精, 性別可不同或一樣.

喺香港,好多人見到孖胎都會望多兩眼~原因?少見嘛! 三胞胎就更少...

喺外國多胞胎嘅出現次數比香港多好多. 主要原因係種族...

雙胞胎約每80 次懷孕出現1次. 黑人懷雙胞胎嘅機會多過白人, 亞洲人就更少

而年紀愈大嘅女性懷有雙胞胎嘅機會又會高D(因為體內荷爾蒙分泌激素令每次排卵可能會排多過一粒卵,生異卵雙胞胎嘅機會增加)

母親家族有生雙胞胎歷史嘅話, 你生雙胞胎嘅機會又會增加

現今嘅排卵丸及人工受孕,都令有雙胞胎嘅機會增加

(美國嘅 C人人工受孕診所, 每次會放唔同數目嘅受精卵子入女性體肉, 卵子著床嘅話就可成孕. 有D誇到放8粒, 8粒都成孕就變咗八胞胎-.- 好多國家都有監管診所每次放幾多粒卵子, 但美國我就唔知佢咁多啦...)

正常嚟講, 三胞胎約每7000-10,000次懷孕會出現一次, 四胞胎更罕有至每600,000次懷孕出現一次!

唔講唔知, 雙胞胎嘅BB未必係同一父親所出. 試過見過有一位女士有多過一個男伴, 同時受孕,誕下異卵雙胞胎的同母異父嬰兒!

三胞胎可以係全部同卵(三個都同性兼一樣樣); 兩個同卵(同性同樣)+一個卵 或 三個異卵(三個同唔同性唔同樣)

四胞胎同樣道理, 可以係全部同卵; 兩對雙胞; 一對雙胞+兩個異卵 或 四個都係異卵...

一個BB夠38周就足月, 雙胞胎嘅37周, 三胞胎33周, 四胞胎28周...

陀多一個BB嘅風險其實真係高好多, 除咗BB好可能會早產, 影響健康...而陀住多胞胎嘅準媽媽要食多好多好多野先可以令BB重D. 我見過五胞胎嘅媽咪, 每日要消耗約5000千卡路里先可以畀到足營養畀BB(佢變咗二百幾磅@.@), 佢仲要由20周開始卧床住醫院,食嘅野全部都係醫院專係寫畀佢嘅餐單,仲要啪埋營養丸~

同卵雙胞胎有機會出現twin-to-twin transfusion syndrome(TTTS), 有TTTS嘅TWINS 佢地會有血管共用, 變咗有一方會輸自己嘅血畀另一方, 咁有多D血供應嘅BB會大隻D. 有咁嘅情況出現好危險, 供血嘅一方可能會無命...要做手術用激光去電死有關血管, 咁兩個BB生存嘅機會會增加, 出生後嘅BB個樣會一樣, 但可能變咗一個肥D高D, 一個瘦D矮D呢!

唔講唔知, 原來喺我地喺母體到剛受精時,我地個個都有條尾㗎(因為我地進化咗而家先無之嘛), 不過呢條尾會喺照超聲波前已經消失~

仲有呀~原來8個人中,有一個人係其中一個TWINS嚟㗎! 卵子受精後有時會分列成二變為同卵雙胞胎,  但若果母體唔能夠支持兩個BB嘅存在時, 弱D嗰個就會自然犠牲令另一個有更大嘅生存機會. 呢個情況可能會喺10周前出現, 即係照超聲波時都只係見到一個心跳, 你未必會知道另一個曾經存在過. 我之前提到MIRROR IMAGE EFFECT會出現喺TWINS身上, 假如你係用左手嘅話, 可能你係TWINS嘅其中一個呢!

雙胞胎 Twins

三胞胎 Triplet

四胞胎 Quadruplet

五胞胎 Quintuple

六胞胎 Sextuple

七胞胎 Septuple

八胞胎 Octuple

九胞胎 Nonuple

*諗住上下嚟覆留言,結果又打到咁夜-.-好攰呀!我瞓啦!

(有錯請更正!)

前陰法式鬢辮的三種變髮

前陰法式鬢辮非常漂亮喲! 這種鬢辮有三種結尾- 活潑型, 浪漫型和典雅型. 適合不同場合呢!

 

陶畫籽 暑期班與ART PARTY

暑假想攪小朋友聚會/生日會但又唔知去邊好?
嚟陶畫籽開個KID KID SUMMER ART PARTY啦!
地方夠大, 小朋友可以喺舒適環境下作畫, 做陶瓷, 整曲奇, 做手工, 畫T-STIRT或布物, 畫水杯等等...
詳情請致電查詢:)
http://www.facebook.com/group.php?gid=333483316898

我媽咪有份幫手教嘅陶畫籽嘅暑期班時間表出咗啦~
各位有興趣畀小朋友試玩陶藝同用油畫布同畫架畫畫嘅,就快快快快D報名啦!!!
好快FULL㗎啦!!!

用英文讀數字

1,524呢個數字用英文你會點讀呢?

one thousand five hundred and twenty four

無錯...但咁長,係咪麻煩咗D呢?

英國人平時讀野時,多數都係讀做fifteen twenty four

佢地會將千立數同百位數黐埋一齊講, 十位就同個位黐埋

佢地通常都會以三個字一組咁睇

打多幾個比喻...除咗傳統嘅讀法,仲有...

*一般數字

1/2            half

2/3            two third

3/4            three quarters

4/5            four fifth

12.67        twevle sixty seven

459           four fifty nine

1,500        fifteen hundred

34,533      thirty four thousand five hundred and thirty three (有三十四個一千就係三萬四)

164,753    one hundred sixty four thousand seven hundred fifty three(有一百六十四個一千就係十六萬四千)

250,000    a quarter of a million (一百萬的四分一)

500,000    half a million(一百萬的一半)

1,000,000 one million

*時間

9.50      ten to ten / nine fifty

2.15      quarter past two / two fifteen

12.00    midnight / midday

4.30      half four / half past four (我地成日都唔會講埋個PAST㗎)

星期一至五 weekdays

星期六日       weekends

兩星期           a fortnight

四個月           a quarter of a year

半年               six months / half a year

五年               a lustrum

十年               a decade (two decades即係二十年)

一百年           a century

一千年           millennium

*年份

2011               twenty eleven

1865               eighteen sixty five

70年代           the seventies

30年代           the thirties

*錢(美國同英國嘅貨幣唔同,所以講法都唔同)

美國人用DOLLARS BUCKS, 英國人用POUNDS~我只講下我熟嘅英磅先:)

英國用pounds(又俗稱 quid) , 每100 pence(俗稱P)就係一磅

三磅      three quid / three pounds 

三磅半 three and a half quid / three and a half pounds

一千磅 a grand

二萬磅 twenty grand

十萬       a hundred grand

*重量

基本都係同香港嘅一樣, 每十六安士=一磅, 公斤嗰D都係一樣

但呢到有個單位叫STONE, 香港無㗎! 每14磅就係一個STONE

100磅   7st 2

77磅     five and a half st

*容量

呢到嘅容量單位基本都係同香港一樣

但多咗個單位叫PINT (英國嘅PINT同美國嘅唔同㗎!)

568ML= a pint

pint glass係一個568ML嘅玻璃杯,英國嘅家庭必定會有㗎

通常如果D人去PUB話要a pint (a pint of beer), 即係要一杯一PINT咁多嘅啤酒

*電話號碼

通常都係照讀,但見到個0 多數會讀英文字母嘅O多過ZERO~

講住咁多先啦!

叫得多D嘅再講過!

Corset 蛋糕

朋友攪咗個ANN SUMMERS PARTY, 我贈一贈慶, 整咗呢個ANN SUMMERS今季新款嘅 CORSET蛋糕畀大家:)

唔好話我"不雅"呀! 著靚嘅內衣會令人更有自信, 人都開心D:)

 唔好諗埋一邊呀! 大家要以欣賞覺度睇呀~

我仲影曦張未鋪FONDAT嘅相㗎,但唔知點解UPLOAD唔到喎-.-

做法都好簡單

焗兩個半圓形蛋糕(胸部)+一個正方形嘅(腰)

正方形嘅喺頂CUT咗兩隻角,以便拍埋兩個圓嘅到

加ICING, 鋪FONDANT同加少少DETAIL就攪掂:)

唔難整㗎!

英國嘅日本餐廳的筷子

前排99帶咗影曦去一間食日本面嘅餐廳食野

佢畀咗對即棄兒童筷子影曦用

我喺HK都未見過呢~

特登影畀大家睇下!

兩片平嘅竹片(黑色包裝紙上有筷子嘅形㗎), 插入個孔到, 好似我咁揸住嚟夾就得㗎啦!

(有少少似個夾LOL)

不同種類的乳酪

英國人鐘意食奶類製品

而且會成日鼓勵小朋友食乳酪,吸收多D鈣

又因為小朋友食日都會帶PACK LUNCH返學,所以牛奶商用咗好多𠰴同方法去包裝乳酪,吸引大人買畀小朋友食

以下只係少數...

有一杯杯嘅小乳酪(呢種由BB轉食固體時已經食得)

一包包嘅...好似飲品咁

一條條嘅...吱出嚟咁食

你睇下超巿內,放乳酪嘅位置佔咗幾多!!!

如果HK都出呢D咁嘅乳酪你話幾好呢~而家HK嗰D一杯杯好大杯, 小朋友一次過食唔晒又浪費...

我知HK有得賣PETITE FILOUS嘅乳酪, 當年要成$38先得6杯仔...呢到1.99磅就有18杯!!!你話點買得落手呀...

好在我喺香港有個乳酪機,自己整, 要食幾多"不"幾多, 又好味又新鮮,幾值得推介㗎!

呢到有個YOGHURT MAKER嘅BLOG呀->http://hk.myblog.yahoo.com/yenniedarkins/article?mid=361

英國的"方太"-DELIA SMITH

Delia Smith係英國嘅"方太", 無人不識㗎!

佢由70年代喺電視教人煮野食開始出名

(英國人好鐘意喺屋企煮野食㗎...英國好多電視節目教人煮野食,香港嘅就教人周街搵餐廳食LOL)

佢教英國人煮野食嘅基本技巧

上面呢本書嘅第一版係1971年出㗎,但係而家書局都仲有得賣

而家已經賣出二千一百萬本, 有成十幾版啦!!!

呢本書D資料就係舊,但勝在實用,乜都有晒- 我成日焗蛋糕, 整曲奇同甜品,全部都係問佢㗎LOL

當然仲有好多MAIN COURSE 同STATER仲有面包之類嘅野啦, 不過係我少用啫~

呢本好似百科全書咁, 英國人屋企梗要有一本LOL

近年佢出咗本"How to Cheat at Cooking" 都好值得一買(我喺書局見過咋!)

喺98年嘅時候佢又上電視教人煮野食, 有晚教"拾"蛋, 第二日蛋糕銷量升咗10%, 總之佢用親D咩材料,第二日就會賣得好咗, 什至斷貨添! 你話佢係咪勁先?!

簡單午餐

成日畀人問我地喺英國食咩...

睇下...一個包/三文治, 加少少蔬果,咁就一餐㗎啦!

唔洗下下煮~啱晒我呢個懶人LOL

如何用榶皮造玫瑰花(有片)

兩種用糖皮整玫瑰花嘅方法

又簡單又快又靚!

用嚟裝飾蛋糕一流呀!

片段仲講咗少少用糖皮嘅技巧

整完後待乾D花會變硬, 之後可以放入個密封嘅盒內存放好耐都得

我整咗百幾朵,影曦都有份幫我整㗎~仲整得好靚添!

我整嚟今個月尾用㗎~遲D講下用嚟做咩~

影曦用英文寫的中文

有一日, 嫲嫲爺爺問影曦數用中文數數字

影曦講咗次之後,佢嘗試糾正佢地嘅發音

好笑嘅係,佢自己D發音都唔正得去邊LOL

為咗幫嫲嫲爺爺記得, 佢就用英文寫咗中文嘅拼音出嚟

如果你地識PHONICS嘅,就會覺得...佢拼得唔差㗎!

(右上角嗰個係佢以前一位同學嘅名,佢好無啦啦咁寫咗出嚟LOL)

我覺得影曦好可愛, 貼出嚟畀大家笑下~

 

好行為獎勵表- 針對性改善孩子之不良行為!

三歲小朋友開始反叛嗎?

我家有個! 每日到黃昏時份因太攰會埋怨; 經想說"我要XXX" 而不是有禮地問人家可否替她做事; 在學校學到以為哭鬧可以奪回玩具; 早上又經常要求我替她換衣服...

你們有遇到這樣的情況嗎? 在早幾個月, 這些以前沒有的行為續漸在二女靖翹身上浮現. 但神奇地, 我用了三日時間, 把以上行為全部擊退 - 全因為這"好行為獎勵表"

上星期, 我在一POUND SHOP偶然見到這REWARD CHART, 就買了下來. 先來談談這個表的用法.

REWARD CHART有很多種, 我以上這種是定明要改善之項目, 若孩子逹標就可以有粒星星貼紙. 儲夠一定數量的星星就可以獲獎賞.

1) 想想你想孩子改善的行為. 3-4歲的孩子建議只集中數項行為改善. 孩子愈大就能兼顧更多的項目. 就算十歲的孩子也可以用~

2) 在寧靜環境下跟孩子談談好行獎勵表的作用. 道明這不是懲罰表, 是父母一個表達欣賞其好行為的方法:) 向孩子談談每項要改善之項目, 和孩子討論用什麼作獎勵.

3) 獎勵的項目不一定是物質上的, 可以是睡前多說一個故事, 一起做蛋糕, 做手工, 去一趟公園, 圖書館, 博物館, 或去看一場戲. 

4) 孩子獲得一定數量的星星就可以得到小獎勵, 儲得多,獎勵就會愈吸引. 家長要留意跟小朋友提及獎勵表時的語氣, 盡量正面, 亦要鼓小朋友做好行為, 使他們"士氣高昂"!

我在香港時也用過REWARD CHART, 的確很有效, 但小朋友"三分鐘熱度"後, 就沒有了其"魔力". 我有朋友會長期用REWARD CHART, 但我個人覺得沒有必要. REWARD CHART的用途是改善小朋友行為, 把好行為變成習慣. 或許你會發覺此表用了兩三星期後, 小朋友己沒像以前那麼在意拿到星星貼紙, 而小朋友的行為亦會比以前改善了. 此時獎勵表可以功成身退. (又或者可以每星期加入新一個改善目標, 增加小朋友的新鮮感~) 到過一段日子後再發現孩子的行為有問題, 小朋友又因為有新鮮感而變得熱衷改善, 效果顯著. (我有一整年沒有用過, 影曦早陣子要求我做一個給她, 因此我才買了這個REWARD CHART. 她倆愛比較, 固很湊效! 她們亦要鼓勵對方做好行為呢!)

設定之項目可包括: 自理 (自己換校服, 刷牙, 執拾玩具, 做功課, 溫習, 把晚餐吃完),幫忙做家務, 情緒管理(不發脾氣, 有禮貌等)

我跟女兒談到獎勵的項目. 我和朋友逢星期二會輪流家訪, 我就跟靖翹說如果她逹標, 我會請她的朋友到我們家玩; 影曦的朋友星期日生日, 我要造個蛋糕給她,我就問影曦, 她會否想在星期五晚晚一點睡, 跟我一起做蛋糕給她朋友(和小朋友有一對一的時間相處, 可增進親子關係 ) 獎勵的項目不需要花錢, 反不需要刻意安排, 只要花花唇舌, 令小朋友覺得這些事是特別為他們安排的, 他們會同樣興奮呢!

外國網站有很多免費的REWARD CHART, 大家可以搜尋事特別為一下,自行編制. 有些REWARD CHART是以一至十為目標, 每做得好就能向上移一至數級, 做得不好的會向下移...(我認為這種較適合年紀輕的小朋友, 我還是喜歡以上的那種-能針對性對付問題嘛!) 以下的網站有各種REWARD CHART下載, 可給小朋友填色,增加投入感:)

http://www.netmums.com/things/Reward_Charts_to_print_and_colour_in.2743/

另外, 想訓練小朋友自行如廁的, 也可使用REWARD CHART. 以下是一例子...

希望大家好好善用, 引導小朋友, 對抗製造港孩:)

*請大家用後分享一下REWARD CHART對小朋友的影響~是好?是壞? 齊來分享一下~!謝謝!!!!

參考網址:

http://www.supernanny.co.uk/Reward-Charts/-/3-to-5-year-olds/-/Fairies-and-Flowers-Supernanny-Superstars-Reward-Chart.aspx

 

給熊仔的結婚蛋糕

話說影曦學校今個學期嘅主題係FAIRYTALE, 老C講咗好多童話佢地聽,又教小朋友點係故仔等等...為配合WILL & KATE結婚, C老仲安排咗影曦班內嘅熊仔MICKEY & JELLY結婚! 我又趁機整個蛋糕畀呢兩隻熊, Mickey & Jelly嚟贈下慶:)

呢兩隻就係JELLY同MICKEY啦!

MISS RABBIT係BRIDESMAID (伴娘)!

Jelly同Mickey

今次個蛋糕因為喺畀小朋友食嘅,所以我用CUPCAKES整

頂就整咗呢個蛋糕仔

(外國好興用cupcakes整結婚蛋糕, 分發方便, 埋起嚟又靚嘛!)

影曦班有廿幾人,我整咗三十個,咁D老C都有得食:)

其實大家如果想用CUP整生日蛋糕都得㗎

喺超市買現成嘅返嚟自己裝飾都唔係好貴,又唔洗自己焗~

又可以好多變化~運送都方便呢!

慶祝皇室婚禮的STREET PARTY + 歷史

STREET PARTY係好"英國"嘅一樣野

起源於第一次世界大戰後, 英國人舉國慶祝, 喺全國各地紛紛舉行STREET PARTY

(你諗下...打咗咁多年丈,物資供短缺,死傷無數...經濟又差...舉行STREET PARTY可以令人民鬆一口氣,真正開開心心咁過一日! 真係可以推高士氣㗎!)

自此, 每逄皇后登基, 結婚週年紀念, 皇室成員結婚都會有STREET PARTY

影曦學校攪咗個STREET PARTY, 家長都有得參加~

所有同學仔都著紅白藍(英國國旗顏色)嘅衫返學

STREET PARTY通常都會喺一條封咗路嘅街到舉行, 路中心會放一排長枱, 一齊食下野,飲酒吹水咁~小朋友都會同鄰居玩~成條街D人都會識大家㗎~

(以前嘅人就家家戶戶每人攞張枱出嚟, 個個都整唔同野食同人分享, 載歌載舞~以D前街無車, 想開STREET PARTY好易, 但而家呢個年代要開嘅話都要同當地正苦入紙申請㗎!話晒要封路嘛!)

我地去前都做咗少少準備...畫咗英國國旗

(呢個叫UNION FLAG, 係由England, Northern Ireland, Wales同Scotland嘅旗組會而成)

喺學校,每個同學都有一個:)

影曦今個學期嘅主題係FAIRYTALE, 老C講咗好多童話佢地聽,又教小朋友點係故仔等等...為配合WILL & KATE結婚, C老仲安排咗影曦班內嘅熊仔MICKEY & JELLY結婚!

(呢兩隻熊喺班到有重要地位,小朋友乖/生日就可以嗰個星期六日帶佢地其中一個返屋企. 佢地仲好有用-老C教小朋友職業時,試過要小朋友扮警察查案,睇下邊個偷食咗D餅...跟住老C留低線索...小朋友發現係MICKEY偷食㗎! 咁上堂,真係幾好玩!)

小朋友仲幫佢地設計緍紗, 裝飾場地,設計蛋糕等等...

我仲整咗個結婚蛋糕畀佢地呢!

我一攞到返學校,D小朋友個個都好興奮, DC老仲全部走晒過嚟睇,同個蛋糕影相呢!