友人話想我喺BLOG寫多D英國人食嘅野...
一於一次過寫幾個嚟漢足下佢
係英國人都知, BASIL係蕃茄嘅死黨, 英國人煮茄汁加BASIL調下味就好味好多~好多人都會用新鮮嘅BASIL(有D人喺屋企會有個HERB GARDEN,自己種, 有D人就會去超市買一包包新鮮嘅嚟用)
通常都係會將BASIL切碎,煮完最後先加碎BASIL喺面(BASIL唔洗煮㗎)
不過我就比較懶...最近比我發現咗呢種BASIL PESTO
Basil pesto= 蒜+松子+紫蘇+檻欖油+芝士 (意大利野嚟㗎)
煮茄汁(如肉醬意粉)加一兩匙會好味好多!!!即~刻無咗蕃茄嘅酸味呢~
呢種PESTO好好用,仲可以就咁煮咗PASTA, 加兩匙撈撈佢就食得~熱食又得, 凍食又得(變咗PASTA SALAD, 可以加粟米,芝士,火腿之類嘅配料咁食~)夏天唔想食熱野, 試下 PASTA SALAD做LUNCH啦~好開胃㗎~ 我去PICNIC都成日帶佢:)
一大樽可以放一個星期左右(我放咗兩個都係咁用,無問題喎), 而家佢成為我家中常客啦:)
*香港應該唔難買呢~
英國人鐘意食奶類製品
而且會成日鼓勵小朋友食乳酪,吸收多D鈣
又因為小朋友食日都會帶PACK LUNCH返學,所以牛奶商用咗好多𠰴同方法去包裝乳酪,吸引大人買畀小朋友食
以下只係少數...
有一杯杯嘅小乳酪(呢種由BB轉食固體時已經食得)
一包包嘅...好似飲品咁
一條條嘅...吱出嚟咁食
你睇下超巿內,放乳酪嘅位置佔咗幾多!!!
如果HK都出呢D咁嘅乳酪你話幾好呢~而家HK嗰D一杯杯好大杯, 小朋友一次過食唔晒又浪費...
我知HK有得賣PETITE FILOUS嘅乳酪, 當年要成$38先得6杯仔...呢到1.99磅就有18杯!!!你話點買得落手呀...
好在我喺香港有個乳酪機,自己整, 要食幾多"不"幾多, 又好味又新鮮,幾值得推介㗎!
呢到有個YOGHURT MAKER嘅BLOG呀->http://hk.myblog.yahoo.com/yenniedarkins/article?mid=361
老公曾經同我提起超市呢類食品(下圖)
佢唔講我都唔會留意...
CHINESE STYLE WINGS? 中式雞翼???
即係咩味呢???真係考起!連我呢個中國人都唔知LOL
今日買咗嚟食先知係咩味-好味!
我成完都食唔出係咩醃出嚟嘅,你話係咪勁先?!
其實唔止呢盒雞翼...市面上仲有好多"CHINESE FLAVOUR嘅野賣
中國味...UMMMMM
食完只係令我諗起英國,唔係中國LOL
英國除咗ROAST 出名外, Fish & chips(炸魚和薯條)都非常有名, 係傳統嘅英式快餐
有英國人住嘅地方,就會有fish & chips shop (好似英國人嘅度假勝地西班牙咁,真係沿每都有好多間㗎!)
記得喺HK灣仔都有間,Discovery Bay有間PUB又有...長沙又有~
喺呢到, 尤其喺海邊~沙灘/石灘附近都會有好幾間fish & chips shop 㗎!
喺英國無論你住邊,都梗有一間fish and chips shop喺左近!(仲有中國餐館同印度/中東餐館都係周圍係㗎!!!)
傳統嚟講英國人食薯條係配VINEGAR MALT (醋嘅一種)
配茄汁係美國人帶起嘅(6299話佢地細個時完全唔知茄汁係咩嚟㗎!對當時嘅佢地講茄汁係非常"外國"嘅野)<-好難想像!
魚通常都係用COD㗎~外脆內軟真係幾正㗎:)
嚟英國一定要試呀~
德國嘅香腸出晒名好食
英國人都鐘意食㗎
HK人所謂嘅腸仔...都係雞肉腸呀,芝士脆皮腸
英國人所謂嘅腸,就係呢D咁㗎啦...
英國人最鐘意食嘅腸叫CHIPOLATAS
係幼嘅豬肉腸嚟㗎
超市仲有好多牛肉同豬肉腸(腸肉都會加黑椒,LEEKS之類嘅調味料)
有粗有幼
唔知你知唔知呢...
腸嘅"脆皮"其實係豬嘅大小腸嚟㗎
話說以前未有雪櫃時,D豬肉佬要賣晒D豬肉佢,所以佢地就清乾淨D大小腸,用D無咩人買嘅豬肉部位加調味料,再塞入腸內嚟賣~腸仔就係咁嚟㗎啦:)
英國人的午餐許多時都很簡單
bean on toast, spaghetti on toast, scrumble egg on toast, cheese on toast...加幾片青瓜,幾粒車厘茄...或是一個沙律
起初我也覺得這種配搭很奇怪
但慢慢地我也習慣了這種味道
這都是很英式的食法,連美國人也不會這吃呢!
英國日通常星期日都會食sunday lunch既
上次講到喺pub食,今次講下喺屋企食
喺英國既超市,有好多預備好既roast,一大舊雞/牛/豬/羊/gammon之類既肉,好多選擇架
有d肉中間仲有stuffing添,好好味架
一放落焗爐焗個幾兩個鐘就得
今日煮咗roast turkey, roast potato, 拾豆同炒磨菇,有梗係唔少得GRAVY啦
佢地好多都係放晒有野喺中間,之後會傳碟傳晒畀咁多個人,各人攞自己要既份量再放返喺中間
以前既英國人係會一到星期日就會roast一大大大舊肉
星期日食roast,會淨返好多肉架
咁星期一就會食cold meat sandwich
再淨返既肉就會整cottage pie啦
而家己經少咗好多人咁做啦,因為而家有雪櫃嘛!唔洗一次過煮大大舊肉:)
香港人平時星期日鐘意同至企人飲早茶
英國人就鐘意食sunday lunch
出街食既,通常會去pub到食carvery
好多時d local pub都會有兩至三種肉類揀,個個星期都唔同
有豬,牛,羊,雞,火雞,火腿...
佢地會烤咗一大舊肉,你行去counter會有人carve幾塊肉畀你(所以叫carvery!)
之後你就以揀其他野(有少少似自助餐,但大部份餐廳只會畀你攞一次,所以你會見到個個人個碟都係滿晒架!)
攞好晒"餸"就加汁
咩配咩汁都有學問架(係我嚟到英國先知-.-)
對於英國人嚟講,呢d係common sense,但係對於我呢個港女嚟講,呢d野都係要從頭學起!
gravy 即係肉汁,英國人係好鐘意食gravy架!仲要落好多好多添!(gravy好似係百搭既汁咁,咩肉都加得架)
我初初對gravy係無好感,而家食慣咗,每次都會加
除咗gravy, 每種肉類佢地都會配唔同既sauce去既
豬配apple sauce
牛配horseradish
羊配mint jelly
sausage配mustard
火雞配cranberry (聖誕必食)...等等
上圖就係我既roast beef + horseradish (羊先係我至愛,可惜嗰日無!)
唔少得既係roast potato,食親roast一定會食roast potato
好多英國人都鐘意食yorkshire pudding ,仲要加好多gravy喺裡面咁食
我就唔好好,所以無攞
其次既就係唔同既veg
甘荀(carrot),西蘭花(broccoli)都係走唔甩架啦
芝士椰菜花(cauliflower cheese)喺呢到好普遍,連細個唔鐘意食椰菜花既我都愛上!
呢到仲有好幾種地道既veg喺hk係好少有得賣/直頭無得賣添
parsnips, turnips, sweden 同courgette...
差d唔記得,仲有stuffing呀!你見我相薯仔下面嗰兩pat野就係啦(我唔太鐘意食,所以只係攞咗少少)
呢d野真要同英國人一齊住落先知咁多呢d咁多野呢!
除咗知...仲要識煮
我而家都要成日煮呢d野畀屋企人食架!
mmm...下次講下喺屋企住既sunday roast係點架啦:)
