暫露

好多謝一直支持我嘅blog友們！！！

我今日收到老公嘅短訊

內容大約係講佢見到大家前面有條路

我自己喺屋企開心到喊咗出嚟（死火，我而家又忍唔住喊）

我等咗咁耐，我終於等到

我真係好感謝一路支持我嘅朋友

特別係一班一路有幫我代禱嘅朋友

好感謝主

而家我終於有返少少希望

我打唔到落去啦

我怕我會喊到收唔到聲...:)

香港電視塗毒了我們（尤其是小孩！）

最近喺電視到睇到幾樣野...令我對香港電視好無信心

懇請各家長留意自己小朋友睇緊咩電視／電影（就算係兒童台，都唔係成日啱細路睇㗎！）

1.我擺明平時係絕少睇無記

點解？一睇就覺得自己IQ低咗...劇情返炒再返炒...

最近仲有套Janet Bin,我睇到毛管楝>.<

一見到要即刻轉台...

2.唔止無記，總之中港台日韓劇我都無睇...

自從畀我老公洗腦後，我先意識到自己被呢D劇集"熏陶"到不知所謂

例子一

兩夫婦鬧交，個女嘅就帶小朋友走返娘家

我自小因為睇得電視多，以為咁係理所當然

但而家先知...咁係幾咁幼稚！

兩個大人喺小朋友面前鬧，好影響小朋友嘅心理

佢地可能會行為異常

個媽咪帶埋小朋友走，更加令小朋友覺得逃避係啱嘅

（較好嘅處理方法係，等小朋友瞓咗（減低對小朋友嘅影響），兩公婆傾啱佢為止。鬧係無用㗎，記住係傾！唔好咁激動，激動對整件事係無幫助㗎！大不了，大落街冷靜下再傾過。而唔係郁d就話要返娘家！）

當然見到d咁嘅劇情，都同返小朋友講，鬧交係唔啱，咁走咗去都係唔啱㗎！

例子二

情侶鬧交，無論係邊個錯都好，一定係男嘅氹返女

嗱嗱嗱！港女咁咪咁出嚟㗎囉！

見到咁嘅情況，記住同小朋友講，邊個做錯就邊個認錯！

（某情度上，我覺得呢d係中國文化。但係係唔好嘅文化...唔應該保存...）

3.我屋企長期開住HBO之類嘅NOW台，我成日都會聽到人用英文爆粗！我唔明呢d刻集／電影，係點過廣管局㗎囉！！！

大部份時間，F-word cut 晒，但係比F-word仲要粗口嘅CXXT，係完全無cut!

仲有ballxxks,dxxk之類嘅粗口...只係cut個F-word有咩用？？？

4.有次上左朋友屋企，佢地睇真情

嗰集咁啱就係講靜川畀人追，靜川爬出窗逃走，之後畀人扑頭...墮樓

呢d咁嘅場面...安排係兩點播...唉...

你話我點敢畀D女睇無記呀

5.諗住畀亞女喺屋企睇崖上之波兒

見到I級，諗住實得啦

好彩嗰次陪住亞女睇咋！

我先可以從旁指導

有一場係講宗介攞住載住波兒個桶去河邊，有人叫佢都扮聽唔到，一直照去

波兒跌咗落河，宗介即刻落水諗住救返波兒...同時間，水開始漲，宗介愈行愈深...

好彩有個大人捉返宗介上嚟先無事

如果一個三歲嘅細路，遇到個咁嘅情況，我諗佢都會好似宗介咁落水！

好彩我同D女一齊睇，可以同佢地講到唔可以人地叫你都唔理，扮聽唔到

唔可以自己走落水...

只係短短嘅５分鐘，呢兩樣野已經可以足以令小朋友學壞

我唔係誇張呀...記得老公同我講過，child play2喺英國禁播（當年好似係IIb，但係有d家長唔理，照畀小朋友睇），就係因為曾經發生過有兩個分別８歲同１０歲嘅小朋友，喺超市帶走咗個歲半嘅BB去間廢屋，然後用石好似電影劇情咁擲死咗個BB

你會估，１０歲嘅細路應該會懂事啦？！原來唔係㗎...

5.我老公有個習慣，就係畀d女睇戲前，佢盡量都會睇過先

帶D女去戲院睇戲前，有可能嘅話，佢都會自己睇咗一次先，之後先會帶佢地去睇

可能你會覺得咁好傻，但我覺得佢好細心

記得batman﹣the dark knight出時，佢見過有大人帶個５歲嘅細路入場睇

佢都O晒咀...

你地聽到我咁保護D女，梗係以為佢地好細膽

我兩個女其實要比同齡嘅小朋友大膽得多！

就係因為佢地知道電視嘅野唔係真，唔會模枋，所以唔會驚

佢地完全唔怕黑

睇到D我地以為佢地會驚嘅野，佢地反而只會一笑置之~仲話我地傻，嗰d係假嘅，唔係真㗎！

四個月零一星期大的舒韻

舒韻愈嚟愈多表情

佢發嘅聲都愈嚟愈多~好可愛呀！

佢同佢兩個家姐都好似樣！

呢排佢好好動

成日換換下片會碌走咗@@

你個樣唔好可憐得唔得呀...

真係好想錫錫你...

有時你食完奶，同你玩得好開心

真係唔係好捨得放你瞓呢！

去探太婆

好耐無探太婆啦~

接咗影曦放學，我地又入咗大埔探太婆

婆婆見親佢三個就好開心~

今日接影曦放學時佢話頭痛

我以為佢太熱，無為意

到到我地方到屋企先知佢發緊燒-.-

佢發緊低溫燒，真係唔度唔知

我今日無帶BB車咁入大埔，好在影曦瞓咗都識醒，肯自己行，無扭計咋

靖翹就一落車有少少燥><

要我抱佢落車先肯行

返到屋企都唔係太晏^.^

要讚下影曦~好合作呢~

整pizza toast

兩個女話想整pizza toast

好！我又煮少餐！yeah!

影曦鉒意食青瓜，話要放青瓜落pizza

靖翹一路切，一路食ham...

加咗好多cheese!

好味！

舒韻~仲唔畀我影到你玩臭腳仔~哈！

挑印仔

我個妹嘅作品喺呢到

幫襯下我個妹呀！！！

佢自己親手造㗎！！！

訂造個畀小朋友做生日禮物，畀朋友做結婚禮物好特別㗎~又有紀念價值！

專業人手雕造人物肖像印章
訂購方法：
1.選取一張人像相片(面容不要被遮蓋)電郵至cinnielai@yahoo.com.hk
2.Cinnie會回覆電郵，告知付款資料.
3.回覆電郵後請3天內入數.
4.印章約於一星期內寄出

Professional handmade portrait stamps
To order:
1. Pick a picture that shows your full frontal face with clear facial features and email to cinnielai@yahoo.com.hk
2. Cinnie will reply to your email and let you know the price.
3. Please reply to the email and transfer the money within 3 days
4. The stamp will be sent in the post within a week.

訂造人物肖像印章
印章大小約為4.5cm*4.5cm
每個為＄１５０
另加＄１０郵費

**************************

手痕挑咗個印仔

我第二次挑，算係咁啦

但點都唔及我個妹咁好手工！

靖翹同舒韻跳舞

靖翹捉住亞妹跳舞@@

仲話要同佢影相

靖翹個樣仲係好BB呀

亞女，你生返多d頭髮啦~

你就嚟返學㗎啦...個樣仲咁細個咁嘅><

Charles Studio影全家幅

話說上次喺peegaboo嘅what's up專欄到，佢地登咗我嘅稿

所以送咗peegaboo嘅$1000攝影套餐畀我地

我終於book咗今日影

大家都影得好開心~

攝影師（無記錯嘅話，係Kevin）好專業，無悶場~

我去過三間影樓影，覺得呢到最好~

不過我地仲未揀相呀~揀咗先post出嚟啦！

凱鈴婚禮

對上一次見凱鈴，我諗係我嘅婚禮啦！

都５年前啦！

５年間我已經係二個囡囡嘅媽咪

５年後，見到佢結婚~真係好戥佢高興呢~

其實同凱鈴都"失散"咗幾年

係佢上個月喺Facebook到搵返我~

今日雖然落雨，出到尖咀都幾麻煩，但我都堅持出嚟

話晒結婚，一世人一次，點都要到嘅~

特別要多謝老公陪我嚟，等我唔洗落住大雨一湊三咁出去^^

搭巴士出去~

舒韻好大個頭呢！

daddy同影曦同靖翹玩...扮瞓覺hehe

舒韻好似仲大份過影曦@@

進場啦~

祝羅生羅太新婚快樂！！！

題外話：

影曦見到個花女，佢問：why can I do the same?

唉...佢開到聲想做花女啦！

親戚朋友們，請快d結婚！畀我個女做下花女啦！

舒韻個BB籃

原來咁耐都無影過舒韻個籃

前幾日喺BB籃到加咗喺BB車拆出嚟嘅，Sam買嘅呢條玩具喺到

而家朝早亞女唔會再喊食
一起身自己喺到玩
有時攪到我唔知醒-.-

你睇佢~起飛腳咁錫呢！

Zoe同孖仔嚟我地到玩

今日請咗Zeo同佢嘅孖仔細佬Jeremy同Owen嚟我地屋企玩

我地玩dressing up玩到興起呢~

Owen扮小丑

Zoe扮人魚，影曦扮仙子

靖翹又要做公主

玩得好開心呢~

希望有機會再請你地上嚟我地屋企啦！

尋晚發燒，今日無返學~狂做家務+玩泡泡

尋晚影曦燒完，今朝已經無燒

不過見呢期手足口咁勁，都係畀影曦留多日喺屋企啦~

食完飯,影曦問我可唔可以睇電視,我話唔得,叫佢去玩具房玩,我去做家務。點知個傻妹話唔想玩,話想幫我手做家務!於是成個晏晝,影曦同靖翹幫我做左好多好多家務~

影曦幫我掠衫

靖翹自己走入房攞wipe抺枱！
佢將d野移晒去梳化，再攞起枱上嘅野，少少少少咁抺，真係抺得好乾淨㗎！
佢梗係平時睇得我咁抺枱多學識咗^^

影曦自創嘅掠毛巾法：
先將塊毛巾掠喺手脾，再穿個衫架入去

我都係第一次見人咁掠床單！
真有創意~

影曦咁掠完之後，我一掛出去就跌咗落地啦-.-

佢真係識摺㗎

做完家務
大家一齊玩泡泡~

玩完...
又要抺窗同抺返個地㗎！
佢地仲爭住抺窗！
後來佢地講掂數，話take turns!
未見過有人會爭家務做㗎囉！

做完後...佢兩個仲問我...有咩做呀？
佢地真係做到上晒癮呢

今日雖然落雨，但係個天好清

睇下屯門舊雲幾靚~

徵文比賽頒獎禮（我完全miss咗！）+掃玩具

話說幾日前我收到電話，話我喺徵文比賽得到優異獎

徵文比賽頒獎禮喺星期日。我會到...

點知尋晚同班中學同學山去玩玩玩...玩到４點半先返到屋企上床瞓

點知就咁瞓過龍

老公又唔太願起身

結果我一個拖晒三個去JCCAC

地鐵站無lift上地面，去到JCCAC又搵唔到lift...

兩個大女自己行樓梯，我咩住舒韻，再拖住架孖車上樓梯...

你都咪話唔狼狽！

我行樓梯行到得返１０級到，先至有個有心人幫下我咋...我自己拖咗６節樓梯呀-.-

剩係上地面都攪咗咁耐...

個頒獎禮我完全錯過咗！

去到人地已經影完大合照啦T.T

只能怪自己太懶瞓啦！

不過都影返幾張相啦

之後老公先趕上嚟搵我地

係，無錯...我最需要佢時佢係唔喺到㗎囉-.-

算~因為之後我地行咗去又一城，全程都係佢推車嘅~算佢啦！

我地去咗KFC食野

前排老公同事夾份送咗成千蚊玩具反斗城嘅現金券畀舒韻

今日一於一次過用晒佢嚟買野（你知啦...舒韻係第三個，我屋企真係乜都有㗎啦，所以都係買玩具畀大嗰兩個好d）

我地定咗，佢地每人可以有三百蚊買野

老公教緊佢地嘅三百蚊可以買到乜

結果我地買咗...

真係滿載而歸~

去沙池玩~

見喺屋企悶悶地，帶咗佢地去沙池玩咗成個鐘！

今日天氣好好，好熱

但好彩個沙池喺正天橋底+風口位

陰陰涼涼呢！

影曦同靖翹玩沙，舒韻食餅餅

食完就畀佢踩踩沙~

斃！靖翹對腳唔見咗@@

影曦喺到整沙池版嘅snow angel

影曦學校畢業禮之表演

影曦學校畢業禮，佢有份表演~

佢上兩個星期用中文同我講：「媽鎷，我扮甲蟲呀！」

我當時都無為意，我以為係學校D故事角色扮演佢扮甲蟲

後來影曦有位同學媽咪問起我先知...原來係畢業禮表演！

我地被編排坐山頂數落嚟第二行...

我影唔到靚相呀>.<

唉~唔緊要啦，現場見完就算~

佢嘅甲蟲造型真係好cute呀！

你睇佢有化妝㗎！

佢而家一唔洗返學，問我可唔可以揸眼影囉！

心。深情

有人話互聯網令人無私癮,但係大家都係選擇性咁放野上嚟啫。

人地睇到既,其實只係你想畀人地睇嗰面。

內心深處既真實感受,只有自己呢！

呢排心情異常反覆,可能因為知道自己要離開香港既日子愈嚟愈近。

我要面對現實...過多兩個月，所有問題我都要一個人面對。

我將會係一個單親媽媽

呢個轉變實咗太大

雖然已經冷靜咗好一段日子

但日子愈嚟愈近，我就愈頽

好想珍惜現在，但又做唔到...

*我老公上兩個月喺fb同呢到禁咗我言，所以我咁耐都無講過我自己嘅近況

請唔好喺fb咁張揚，我唔想畀佢知道我又喺自己blog到講佢

我只想，有自己嘅一片小天地

端午節又去咗陶畫籽畫龍舟

今日我同影曦講，去陶畫籽畫畫好唔好呀？

佢爭大對眼望住我，好興奮咁話好！

喺屋企畫又唔見佢咁興奮喎@@

估唔到佢咁鐘意呢到！

今日有人喺陶畫籽開party

呢到嘅2P art party（４個鐘，1-9個人，每位$350；10-25個人，每位$280）係咁嘅...

先整曲奇﹣＞畫畫（咁就會有人焗緊啱啱整好嘅曲奇）﹣＞食野！有新鮮嘅曲奇同埋其他小食﹣＞整陶泥

（我無影到整曲奇呀，整陶泥又太晏，我走咗lu~）

今日有成十幾個小朋友呀！

十幾個畫架排晒喺到~都幾有勢！

佢地用Acrylic畀小朋友用

無毒，但係洗唔甩㗎！大家用時要小心呀~

d顏料一支支好似洗頭水咁裝

要攞顏色好方便呢！

開始畫啦...

畫緊乜？

佢話佢畫緊rainbow colours喎！

完成

靖翹嘅

‘

影曦嘅

嗰雙係龍舟嚟㗎

不過老公一睇，以為係美人魚@@

同婆婆合照

嗰日有思浩叔叔教畫龍舟

靖翹掛住食曲奇！佢個樣，唔知想點-.-

當日小朋友嘅畫~

好攰嘅一日...又要一湊三返東涌~

不過D女開心就乜都唔記得晒lu~