近期作品~大花花頭飾

靖翹畢業禮要跳西班牙舞，佢學校嘅老師知我識整頭飾，問我可唔可以幫佢地整
當然可以啦~
佢地話要紅色喎
我就試整咗幾款啦~
要有大有細喎
因為有啲小朋友頭髮比較短，個髻細啲喎
呢日我就搵咗靖翹帶一朵返學校畀老師睇下啦~


整咗呢四款~
好彩佢地只係想我整十朵啫！
唔好睇少呢幾朵花，每朵我都最少整咗半個鐘㗎！！！



跟住整整下...順便整埋其他頻先先
影曦又話要朵白色戴返學㗎喎！



都係紅色最靚



整埋淺藍色，又係可以戴返學



𣶶藍色又得~

粉飾花女鞋

花女鞋本身嘅蝴蝶結甩咗
我整咗呢啲花花加上去
仲靚咗添喎！

百搭頭飾（必買頭箍）

嘩嘩嘩！
呢啲頭飾全部都係我整㗎:)

個頭箍係我特製㗎！
個頭箍有一個圈仔，啲頭夾可以夾住係頭箍到
你睇下以下嘅示範就見到，個夾可以換嚟換去，戴左或左都得！
亞女學校規定一定要戴黑白藍嘅頭飾，所以我整咗呢set畀佢~



呢啲就留返畀靖翹戴啦！因為佢返學戴咩色嘅頭飾都得！
呢個頭箍都係可以換嚟換去㗎
就算你喺街買到嘅頭夾都可以夾落去做頭箍㗎！

*頭箍有一個圈仔，啲頭夾可以夾住係頭箍到
實行一物二用！
個頭箍係金屬嚟㗎，戴全日都唔會痛（我啲女話㗎！）
平日嗰啲好多時都會戴到耳背痛㗎嘛！呢款就唔會~
係咪好正呢~
大家記住訂閱我fb嘅public status, 留意我幾時開賣啦~~~

頭飾示範

呢呢排都會整多啲頭飾，會放上facebook賣~
呢個款好靚~個花係髮夾嚟㗎！
個頭箍係我特製㗎！
個頭箍有一個圈仔，啲頭夾可以夾住係頭箍到
實行一物二用！
個頭箍係金屬嚟㗎，戴全日都唔會痛（我啲女話㗎！）
平日嗰啲好多時都會戴到耳背痛㗎嘛！呢款就唔會~
係咪好正呢~
大家記住訂閱我fb嘅public status, 留恴我幾時開賣啦~~~
(上嚟yahoo真係比較麻煩＠＠）

花花頭飾

近排真係好忙好忙忙...
日日都好鬼攰...
所以好耐無寫卜添！
因為時間關係...我唔打咁多野住啦！
畀住啲相大家睇先！



係咪好靚呢~
呢啲係頭夾嚟㗎，可以周圍夾
係我整嚟畀啲女做花女時戴~平日返學戴都得㗎！
呢啲花真係要花好多時間整
點整...ummmmm...
前幾日飛媽IRIS 邀請我去佢新開嘅teapot分校開班！
無錯，我係會開班呀！
但我同飛媽講我呢排真係好忙
所以我諗都係要下兩個月先會攪
大家要密切留意啦！！！

簡易浪漫頭箍架

既然都整咗個髮夾架，咁就順便整埋個頭箍架先~


呢個真係易，十零分鐘就攪掂！
我用得最多時間嘅反而係襯色！
材枓：
兩種唔同闊度嘅絲帶
熱溶膠

先喺幼絲帶背面用鉛筆做記號（頭一節係會反入去，突出少少就夠...之後就係吋半、兩吋、吋半、兩吋半...)
＊我今次整嘅架主要係用嚟掛幼嘅頭箍，所以我整嘅loop比較細，大家可以跟返自己想要嘅loop大少嚟調較



黐好第一節加圈（用嚟勾住做個架㗎！）
之後喺呢個位加熱溶膠，拎起下一個鉛筆痕位黐落去



如是者係咁黐就會係咁...



又用熱溶膠咁黐埋兩條絲帶



咁就攪掂！！！
喺頂加個裝飾~即刻靚晒！
真係勁簡單！
*個勾喺日本城買㗎，係鑼絲頭，就咁轉入木就得㗎啦！



都幾美觀同實用㗎！

特大漂亮蝴蝶結教學

呢種蝴蝶結靚唔靚呀？
喺街賣成十幾廿蚊一隻...
其實要整好簡單~
我錄咗片畀大家睇呀~去片！



http://youtu.be/O-Znl8pEdys

玩具箱

taste送貨，用上了這種盛香蕉的紙皮箱，蠻穩固的！
由於紙箱中間有個洞，就加了紙皮在底部，包上花紙，就成了玩具箱♥
如果用布包住，會更美觀呢♥

相架髮夾／耳環架

整開有條癮~
今晚又整多咗個相架髮夾架
今次用上蕾絲（lace)，仲可以掛埋耳環~



材料...
相架: 吉之島十二蚊店(我塗了顏色)
花紙: 拆禮物時留下的
絲帶數條~有啲人地包禮物時用剩~（自已襯色啦！）



拆咗相架嘅包裝
內裡有張紙皮
我用二手禮物紙包住



呢張係用過嘅禮物紙，所以有條痕，仲要有Willow個名
不過唔緊要~用絲帶遮一遮，乜都無晒！
打直呢條絲帶，我用雙面膠紙黐穩
之後我就放塊膠片喺面



其他打橫呢幾條就只係喺後面黐實
用熱溶膠黐最好，不過我懶，今次只係用咗膠紙，一樣OK！
*記住絲帶下面有層膠（除相架附送），咁會保謢到張靚靚紙



後面就係咁嘅樣㗎啦！



放返張紙皮入去相架到



咁就攪掂啦！！！
真係好鬼易，又靚嘅啫~

長裙形髮夾架

3A太多髮夾啦~
上次去朋友屋企見到佢有個類似嘅髮夾架，實在太正！
返到屋企就整咗兩個~
材料都係喺屋企搵嘅，無專登買㗎~
都唔難整:)



材料：
cardboard (我用亞女玩具包裝剩返嘅，recycle,環保嘛！）
絲帶數款
布碎一塊（用舊衫都得...上圖左邊嗰條其實係我老公穿咗孔嘅舊衫嚟㗎！）
花紙（右邊嗰條我用咗摺紙，左邊嗰條我用咗包過禮物嘅禮物紙）
工具：
𠝹刀、剪刀、雙面膠紙、熱溶膠、針線、白膠漿



先用cardboard cut咗上身嘅形先
剪出一塊布（記住要heat seal，咁唔會咁易甩線），有下圍嘅2.5倍，用走針連起後打結

襯下絲帶先~
而家就定下你想加幾條絲帶
髮夾就係夾喺呢啲絲帶到㗎啦
剪咗啲絲帶，又係要heat seal! （用火燒一燒頭尾，咁唔會咁易甩線）



剪出一條比腰出少少嘅絲帶，用熱溶膠黐好定位
絲帶嘅尾部我都有摺住用熱溶膠黐黐，甩線機會更少，同埋整出嚟靚啲
喺背面用熱溶膠黐好腰帶



[都係背面]再黐好埋條裙



前面就係咁嘅



dada!



呢條裙上身我用摺紙，因為唔夠大，所以就要有少少剪裁



咁樣黐好
彎佔要剪一格格
用白膠黐好一格格（下兩張圖咁黐）



前面係咁



後面係咁



用絲帶遮遮條邊先



再喺“膀頭位”用熱溶膠加上掛項絲帶就完成啦！！！



而右邊嗰條我就用咗個唔同嘅方法整...



一起手就用雙面膠紙黐咗成條裙先（呢張紙係花紙，所以大張啲，可以一次過貼晒）
跟住我就直接用熱溶膠黐絲帶同條裙落去
少功夫，快好多呢！