簡易浪漫頭箍架

既然都整咗個髮夾架，咁就順便整埋個頭箍架先~


呢個真係易，十零分鐘就攪掂！
我用得最多時間嘅反而係襯色！
材枓：
兩種唔同闊度嘅絲帶
熱溶膠

先喺幼絲帶背面用鉛筆做記號（頭一節係會反入去，突出少少就夠...之後就係吋半、兩吋、吋半、兩吋半...)
＊我今次整嘅架主要係用嚟掛幼嘅頭箍，所以我整嘅loop比較細，大家可以跟返自己想要嘅loop大少嚟調較



黐好第一節加圈（用嚟勾住做個架㗎！）
之後喺呢個位加熱溶膠，拎起下一個鉛筆痕位黐落去



如是者係咁黐就會係咁...



又用熱溶膠咁黐埋兩條絲帶



咁就攪掂！！！
喺頂加個裝飾~即刻靚晒！
真係勁簡單！
*個勾喺日本城買㗎，係鑼絲頭，就咁轉入木就得㗎啦！



都幾美觀同實用㗎！