Nick Vujicic來訪

4/6/2013
Nick Vujicic呢一日嚟到女兒就讀嘅學校演講。
影曦叻叻！代表一年級上台喺Nick 同全校前讀禱文♥

上台前...練習下先！

因為影曦係第一個讀，佢喺之前一日綵排時仲同老師提出，不如佢講埋"Let's bow our heads and pray."好醒目呢<3
佢話佢試上台講時有啲怯，我話有啲怯係正常，但唔會影響你表現㗎呵？佢話佢ok㗎！
佢上台時我無得睇，但老公話佢讀得好好<3
我一年班時仲係一舊飯，一定唔會敢上台對住咁多人講野呢！
"Let's bow our heads and pray."

影張靚相先




星期日檔案都有嚟學校拍呀
以下係喺mytv到cap返嚟㗎





左上角見到老公添！


nick 分享咗佢細個成日被人欺凌嘅經驗
佢細個時因身體嘅缺憾，本應係入讀特殊學校，但係佢就常返普通學校
就係因為佢無四肢，令佢經常成為被欺凌嘅對象
9歲時更曾經自殺...但佢想到，佢死咗嘅話，屋企人會有幾傷心，於是打消念頭。
佢一路以真誠去打動其他人。
如果有人蝦佢、出言傷害佢，佢反而會問返人"hey, you're looking good."

唔會以怨報怨，而係以德報怨！
當你以為自己喺人生最低點時，反轉頭諗返，呢個係轉好嘅開始

以正面態度面對問題，而唔係消極咁過日子
NICK而家結咗婚，有個仔。
佢想做一個演說家，佢都做到啦！
佢要做一件事，比我地健全嘅人付出更多！
佢能夠做到，我地又點可以再畀自己咁多籍口話邊樣唔得、嗰樣唔得呢？？？



最後影曦仲上埋新聞呢！


為影曦非常驕傲呢！！！

希望各位聽咗講座嘅小朋友，都有所得著！

鴨鴨再見！

9/6/2013
喺娘家瞓咗一晚後，就早早返歸啦！
掛住影曦同靖翹嘛！
鴨鴨喺維港遊水嘅最後一日，我帶埋舒韻去同鴨鴨講再見！


舒韻好似好慘咁望住鴨鴨


我地坐天星小輪過海，等意等近海港城嗰班船，而且走上上層，同鴨鴨最後道別~

鴨鴨帶畀我地好多美好回憶。相信好多香港人都唔會忘記㗎！
bye bye 啦！

與舒韻短遊錦田

8/6/2013
是日老公有啲野要我去錦田攞，靖翹要返學，老公要返工，影曦就選擇留喺學校陪老公所以我就帶咗舒韻去錦田
我先去咗送靖翹返學，點知行咗10分鐘去巴士站先知...無帶銀包！！！

本來兩分鐘車程...
結果死死地氣咁拖住兩個行多20分鐘返學！
原朲諗住送完返學就去錦田
心諗...死啦，又要行返屋企再出過去
跟住我突然醒起，學校欠找一百蚊未畀返學
我就走去追數lol
我就搭咗的士返屋企攞銀包，再出發出征錦田！
矮小嘅平房，藍藍嘅天空，感覺清新！
我好大部份嘅童年就喺呢到過㗎啦~
細個時婆婆住吳家村，每逄星期六、日，暑假我都會返去婆婆到住㗎！


每次去錦田，必定要去食波地路呢間豬腸粉！
唔講唔知，呢到已經傳到第三代啦！
我細個時婆婆成日都買呢檔嘅豬腸粉我食㗎！



yum yum!!!
連舒韻都大讚好味呀！！！


呢間玩具、文具咁多年仲喺到
細個我同妹妹病親，都會去呢到睇江醫生㗎！


辦完事，我地就搭64K出咗大埔搵婆婆（舒韻嘅太婆）

元朗/錦田，係香港最大嘅平原<3

我外賣咗豬腸粉畀婆婆，開心到佢呢~
探完婆婆我就帶舒韻去咗我媽油麻地嘅屋企
真係一日遊晒港九新界呢！
我專登走去我媽到...係因為表妹Karrie返咗嚟
佢係為咗一個15分鐘嘅港大interview而專登由加拿大飛返嚟！
希望佢成功啦！！！
同karrie傾傾傾...傾到8點幾...
於是我決定呢晚喺我媽到瞓算~
廢事帶住個超攰嘅舒韻返屋企啦~
在娘家嘅感覺真好！

Mii organic產品用後感~

三星期前去 Cosmo Beebies 攞咗Mii 嘅產品試用~
Mii 係一個美國品牌，以健康、新穎、安全為宗旨令媽咪同BB都安心咁用佢地嘅產品。最掂嘅係佢地會根據最新嘅民意調查去改善產品嘅品質，亦詳細列出產品成份，從而確保產品唔會對小朋友產生不良反應~佢地選擇產品成份時都好嚴謹，只會揀安全同合乎環保嘅成份~好似茶樹油、麵包樹油、橄欖油、希蒙得木油等等。身為用家嘅我地，真係用得安心又放心呀！！！

Mii有出breast pump、奶樽、小朋友水杯同埋護膚清潔用品（全線organic，無有害成份㗎！）。
今次我攞咗啲瓶pure mom 身體磨砂、洗手液、bubble bath、有機地板專門清潔劑、有機玩具清潔劑同有機除污漬/氣味清潔劑♥
等我續一同大家介紹同分享下用後感啦！

先介紹我覺得最正嘅產品-Toy Cleaner
BB成日都放玩具落口，怕污糟驚佢遲早會肚仔痛？
呢隻Toy Cleaner絕對幫到你！
喺玩具上噴一噴、抺一抺，得咗！！！
連水都唔洗過~
皆因呢隻cleaner係用有機嘅植物配方製，好安全㗎！
除咗玩具，用嚟抺枱、high chair都係一流呀！

跟住就介紹我最常用嘅有機除污漬／氣味清潔劑 ~ 綠茶味全天然有機成份全天然有機成份

我屋企就只得一張地毯，喺正客廳，所以成日都好易污糟
有幾撻我擦極都擦唔甩
但係用咗佢~嗰啲漬即刻起咗出嚟！
我成日以為organic嘅野無化學野咁好用，原來都唔係㗎！
而且真係除到味（但就唔係好聞好綠茶味）
對於無得晒地毯嘅我嚟講，呢支絕對係救星~


地板清潔濃縮液 ~ 綠茶味
清潔效能可媲美滴露~
雖然佢係綠茶味，但我用完都唔係好覺有
但係佢係全天然有機成分，對家人同BB都無害嘛！

BB用bubble bath ~ 薫衣草味
呢個bubble bath真係好bubbly! 我平時用開強生，但都唔夠呢隻啲bubbles勁~
啲女勁鍾意！
如果你小朋友唔鍾意沖涼，不鈁試下呢隻bubble bath，一見到啲bubbles即刻想沖落去lol
而且清潔效能不錯呀！好鍾意幽幽嘅薰衣草味！


屋企不能缺少嘅...洗手液 ~ 藍莓味
啲女好鍾意呢隻藍莓味，成日洗完手都會走嚟比對手我聞！

pure mom 身體磨砂
嘩嘩嘩！我從未用過隻咁嘅磨砂！
呢隻磨砂係會一路揸，啲粗粒粒一路溶㗎！
先濕咗啲皮膚，跟住揸上身到，一路揸一路溶...然後就畀皮膚吸收晒
再用水沖洗
真係好潤！！！啲皮膚滑咗（呵呵呵！）
呢樽正野嚟㗎！

Cosmo Beebies仲有好多好正嘅BB野賣，又靚，品質又好！我真係睇咗好耐先捨得走呢！

Mii 一系列嘅產品



全部都啱媽咪同BB用㗎！



cosmo beebies賣嘅產品又潮又靚又實用！
我都好心動，可惜我啲女唔再係BB

Cosmo Beebies地址： 中環威靈頓街33號The Loop 9樓  

喺附近返工嘅lunch time上去都好方便呀！

記住去like Cosmo Beebies個 FACEBOOK page 呀！ https://www.facebook.com/cosmo.beebies?fref=ts

Cosmo Beebies' website: http://www.cosmobeebies.com.hk/zh/brand_list.php?id=32