搬屋公司推介！

話說我兩年前搬屋時推介過下面呢間搬屋公司

自此無隔兩、三個月就會有人pm問我呢間公司嘅contact!（佢地真係好記性，記得我講過）

真係要寫篇blog記一記佢

http://www.goodcaremovers.com/aboutus.htm

我2011年搬屋時用過佢地一次

佢地可以幫你執埋野，你完全唔洗執，仲幫你unpack埋

九點鐘到，六、七個人嚟咗

老公留守，佢地執野，我去飲茶

一點搬完拆埋野走埋

我飲完茶返新屋就得

完全係stressfree!

當年由灣仔搬赤柱，$8500

（而家應該加咗價㗎啦）

搬屋無壓力

推介！

Dr Pillow & Mattress 智能點對點床褥及智能枕頭充試用

估唔到揀床褥都有咁多學問！

枕頭嘅高度-原來側睡同仰睡，對枕頭要求嘅高度已經唔同，最少差2.5cm咁多㗎！

仰睡時頸背至背部嘅距離較短，側睡時，頸至肩嘅距離相差較大

所以仰睡時應用較矮嘅枕頭，側睡時就用較高嘅

DPM嘅枕頭就考慮到呢點，推出咗唔同嘅枕頭

枕頭有唔同嘅系列，特點都唔同，仲要有唔同大細添呀！

砌圖床褥（智能點對點床褥）

智能點對點床褥係特定為你訂造嘅床褥

我地瞓上床時，身體各部位嘅受力點都唔同，承受住身體不同嘅重量

呢啲部位長期受力嘅話，就容易瞓到腰酸背痛

瞓得唔好，影響睡眠質素之餘，仲可能引致脊柱不正

呢張點對點嘅床，勁就勁在可以砌出啱你體型嘅床褥

去到DPM

佢地先會為你量度適合你嘅枕頭

然後請你瞓上智能床墊（喺一張普通嘅床褥試瞓）

量度出你身體各部分瞓上普通床褥時所受嘅壓力

根據呢啲數據

專人就會即場砌出一啲啱你而唔同硬度嘅床畀你試瞓

同時再量度返身體各處嘅受力點

建議適合你嘅床褥

呢張點對點床另外佢嘅賣點係佢可以陪住小朋友成長

小朋友長高了，受壓點唔同咗，又可以砌返啱適合小朋友嘅床褥

此外，呢張係一張可以「呼吸」嘅床褥

床褥面布可以拆出嚟清洗，內部組件仲可以攞晒出嚟，方便清理

細菌同蟎就無地方呢埋啦！