有時如果小朋友唔聽話...我就會...
1.先警告佢一次.要捉住佢隻手,叫佢望住你
你要去到佢LEVEL,眼對眼,唔好要佢抬高頭望你.同佢好清楚咁講佢有乜野做錯咗,點解錯,佢唔可再做(語氣要沉實,畀佢知你係認真). 再做就會放佢落床瞓覺(我見D專家係會用NAUGHTY SPOT/CHAIR, 但我地鐘意用床) D專家係話,以小朋友既年紀去定小朋友STAY係NAUGHTY SPOT幾耐.兩歲就兩分鐘.記住同佢講佢要留係嗰到兩分鐘,走開會重新計過)
2. 通常我個女都OK,唔會再犯.
i)但如果再犯既,就同佢講(唔係鬧)佢做得唔啱,而家要放佢落床閂門走人. 佢會係床喊,但過咗兩鐘之後,我老公就會入去同佢講佢有咩錯,要佢SAY SORRY 同 KISS + CUDDLE,叫佢唔好再犯
如果佢唔肯SAY SORRY, 佢就要再留係床到,我地再閂門走人
ii)如果個小朋友唔肯留係NAUGHTY SPOT到,仲好開心咁笑,以同佢玩咁周圍走,第一次佢咁做你就要抱起佢,放返佢去NAUGHTY SPOT,同佢講唔可以周圍走,要留喺到2分鐘.重新開始計時.每次佢走開你都係咁做.直到佢留係NAUGHTY SPOT 2分鐘為止
我係電視睇返嚟架
好多家長剛開始用呢個方法係用咗成個鐘先控制到個小朋友留係NAUGHTY SPOT到. 但之後慣咗,個小朋友話好多
個過程好漫長架.一開始唔容易
要你同你老公互相支持呢個方法先可以做到
仲有呀...對住小朋友要有連貫性呀~唔可以一時一樣.
例如我地食飯唔會開電視. 咁就無論做緊咩節目,我都唔會開
我一話食飯要女就會提我閂電視添~
我想知擺左佢係床我係咁可以行開呢??岩岩開始1定要睇住佢係張床度架??我個女開始百厭唔聽話啦 佢得16個月咁要幾耐呢??thanks
ReplyDelete[版主回覆10/28/2010 05:43:00]唔好意思呀!我完全iss咗你既留言,而家先睇到添!
通常畀小朋友time out幾耐,係跟返佢歲既
1歲1分鐘,2歲2分鐘咁囉!
唔洗睇住佢,要佢自己留喺個spot到就得:)
想請問你地嘅Naughty Spot 係未唔係固定個BB例如有條帶圍住等佢走唔開, 定還是可以任佢行開架? 我係用遊戲床, 放左落去就走唔番出黎, 唔知咁樣得唔得?
ReplyDeletehi, 雖然你這編BLOG寫咗好耐我都睇咗又用咗好耐，但睇返都想話你知個方法有用^_^。當時我個囡歲幾2歲，好大脾氣又出手打我，可能我之前係有打佢手仔同佢唔乖會好惡咁話佢，所以佢學咗>_<。我唔想再係咁"身敎"佢，開始用哩個naughty corner。之後佢唔 乖我就要佢企naughty corner，係街無我就係個naughty corner，我會捉住佢唔俾佢走/陏，咁佢都好記得唔想企。有次連朋友個囡 都敎埋，個細路女 2 歲半多d，佢阿媽成日就哂佢 搞到個靚妹成日"蝦"同打 佢阿媽，點有知次佢見我個囡話要打人，要坐naughty corner(即係我， 哈哈!!!)，以後就好記得唔無再打佢媽媽。
ReplyDelete[版主回覆09/20/2011 22:01:00]好多謝好多謝你嘅留言呀! 好高興知道呢個方法有用:) 而家舒韻開始反斗啦 提早進入trouble 2!我都要用返呢招呀lol