新不如舊

因為上次要寫廸廸尼嘅blog,所以我開咗電腦寫（ipad upload唔到相）
再一次感受到keyboard 的魔力！
我係打倉頡嘅，平時用ipad打成日打錯
咁耐無用電腦打blog，一打返...就覺得種打字感覺返晒嚟！
打得好鬼興𡚒！
輕觸式打字係好，但始終唔及keyboard嘅手感！
手指碰到鍵盤嘅啪啪聲，真係令人好有快感，愈打愈想打多啲！
仲要唔洗望都打到成篇野出嚟，比ipad 快好多~
（如果我老公唔覇住部電腦嘅，我會打多啲blog!!!)
ipad 嘅唯一好處係有語音打字功能，而且辨識能力唔錯~

報紙，你會睇一份份喺報攤買嘅報紙，定係網上電子版呢？
坦白說，我鍾意油油嘅報紙味，可以喺手裡翻閱嘅手感

電子書係色彩繽紛，可滿足晒我地嘅視覺
而書...嗰種書香味、油印味，可滿足視覺、聽覺，係電子書唔能夠代替嘅

但報紙同書一樣，需好多紙去印制，都幾浪費...所以...我都係浦圖書館多lol

近況~it's crazy!

近嚟我已經少寫咗blog,主攻Facebook 
原因除了咗因為互動性較大，亦因為一寫blog要開電腦寫，唔係咁方便。如果yahoo blog可以好似blogspot咁用app就寫到blog,我一定勤寫好多！
講下我最近忙咩先。自從上年十二月我唔覺意寫咗篇「不上playgroup」嘅文章被瘋傳後，報章嘅訪問接種而嚟！
先係主場新聞邀請我做佢地嘅blogger。
明報、星島親子王、經濟日報、東方新地嘅Sunday Kiss、晴報、頭條日報、兒童尖子教育都有我地一家嘅報導。仲有出版商搵我寫書、寫專欄。
我而家幫緊Sunday kiss同星島（逢星期一F版）寫緊專欄。另外仲要寫書，加上我每星期都兼職教畫，間唔中一次做face painter...
以上呢啲只係我副業，唔好唔記得我仲有全家人要照顧，家務係同以前一樣多！
所以而家真係好忙！忙到唔敢再接蛋糕做、blogger events 要選擇性去...
希望大家明白...好多時我都唔可能即時回到留言唔好意思呀！

送心行動<3

見到網友分享用銀紙摺心送畀執紙皮嘅老人家、露宿者
覺得好有意思！
***
From cck:
一件令人渦心的事! 其實我諗唔止婆婆覺得渦心, 我相信送餅比婆婆既Benson 一樣感到喎心!! 係呢個冷漠既香港, 你可曾伸出手去幫助同關顧別人嗎?
https://www.facebook.com/photo.php?fbid=10151390305314934&set=a.10150697118524934.408176.572574933&type=1&theater

我第二個妹Emma 最近有參與一D基層人仕既關愛工作, 聽佢分享時, 覺得有樣野好有意思, 佢教我用$20蚊摺定D 心心放係銀包, 係街見到執紙皮既公公婆婆, 或露宿者, 可以埋去送個心比佢地, 同佢講 " 婆婆, 送個心比你啊~ 我自己摺架~ 祝你今日開開心心 :) " 一來唔會似施捨, 二來佢地收到既唔止係$20蚊, 亦係我地對佢既關愛! 

好想大家都可以賞試踏出呢一步! 我覺得如果你送出呢 $20 蚊, 一定比你洗$200蚊買無聊野更開心 :)
***
我特意錄咗呢幾個videos 同大家分享點摺呢啲銀紙♥♥
最簡單嘅大心：
http://youtu.be/-COJ7Z2tfJg

心連心
http://youtu.be/n-mzD9f_YpE

有翼心心
http://youtu.be/zLEVXSG0otc

＜＜按摩女郎＞＞

早於復活節時，我把三個女兒交給丈夫照顧數天，我和幾位友人前往中山享受我們的girl's trip♥ （做了六年ftm才第一次這樣去旅行呢！）有日我們到了一家按摩店，我們進了一五人房，五位按摩師傅（女郎）走進來了。
不久，我就跟我的按摩師傅談起來。
她是從重慶走到中山打工的（她是說普通話的呢！我只能用有限的普通話跟她溝通），丈夫比她大十多年，他們有兩個孩子，女兒跟影曦差不多大，兒子和靖翹年紀相約。
「我有三個女兒。」
「你不想要多個男孩嗎？會生多個嗎？」（她是從鄉村出來打工，重男輕女的概念根深柢固）
「想。要生的話，不會因為想要個男的，而是想要多一個孩子才生。」（她的表情很驚訝！）
我給她看女兒的照片。
「你先生是哪裡人？」
「英國人。」
「你懂說英語？」
「是呀，在香港，英語是必修的。」
「你怎樣認識他？」
此時，五位按摩女郎同時澄著眼睛望著我，想要聽我說故事。
我跟先生認識，並不浪漫（我猜這要叫她們失望呢！我跟我先生，是在教會認識的），誰知她們非常雀躍，希望我繼續把故事講完。

原來...她們如此雀躍，並不是因為我的故事格外動聽，其實是她們都未試過自由戀愛！！！她們想要聽我從前談戀愛的事：被追求是什麼感覺、被愛是怎樣、分手又是什麼一回事？這些我以為每人人生必經的階段，她們都沒走過！這回就到我聽故事了...

「我跟家人關係不太好，不知什麼叫愛。爸爸常常打媽媽，幾年前媽媽就自殺了，我也沒有流過淚，因為我真的不知什麼叫做愛，所以不太傷心吧？！我唯一的記得跟父母的快樂回憶，就是有一次小時候到鄰村出席婚宴，回家時天已黑，我我們要走進森林的山路回家。我很累，爸媽就輪流背著我，一起邊唱邊走回家。」
聽到了其實心很酸，很難想像父母離逝，淚也不流的境況。
「婚嫁是父母之名、媒勺之言嘛！父母選了現任丈夫給我，他比我大十多年，很大男人，很古板。我只跟他見過一次面就結婚了。」
我估不到到這時代仍有媒人婆、相體等事@.@
「你愛你的丈夫嗎？」我問到。
「怎麼說呢？感情一定有，但你說愛不愛，我就不知道了。」
跟一個自己不愛的結婚，幸福這二字真的較難感受。
「他不喜歡我出來做工，但我希望有自己的自由，所以選擇到中山打工。」
「你念孩子嗎？我想像不到要離開女兒們去做工...」如果要我離開女兒們，我會很難受，但沒有說出口...耐心的等待她的反應。
「想的，但大女兒比較煩，不聽話。兒子就很會逗我笑，我比較喜歡兒子。」
女兒不聽話，或許是想引她注意？我沒有給意見，始終我是外人，而且她跟子女的是搖控關係，要比我這些每天都能見到女兒的全職媽媽複雜得多。我只做聆聽者好了。

媽，自殺死了。
姨，病死了。
外婆，因為坐超載的人力車，車在轉彎時倒翻，意外中死了。
她經歷了多次親人離開，可能如此，感覺麻木了。
命，就是如此兒戲。

臨走時，我多給了小費,希望她買點東西給孩子- 也感激她給我上了一課如此真實的「文化課」。
幸福，不是必然；自由，也不是必然的。珍惜眼前人，常存感恩之心，便得永遠之快樂。感謝你，我的按摩女郎！xxx

「我自己會教，我教得好好！」

今天在街上有人指著舒韻問我：「她幾歲了？」

「兩歲多了。」我答到。

「她上學了沒有？」

「還未，要到三歲才上幼稚園。」

「這不行，她要上學，學多點！」

我開始不耐煩，畢竟這是我的女兒，她是否適齡上學，我要比任何人都清楚。

「我自己教就可以了。」

「不上那些playgroup，總是會比別人差一點，不太好！」

我，大概有點自大，說：「我自己會教，我教得好好！」

她笑了笑，轉身走了。她笑，可能以笑遮羞，也可能笑我的無知。

從哪時開始，孩子的上學年齡越推越前？現在三歲的孩子上學被評為遲？

我不相信沒有上playgroup 、沒有上N班的三個女兒們比別的孩子遜色。

或許，我跟他人追求的有所不同 - 學業上的，我不太在乎。我覺得更重要的是培養孩子之價值觀與自理能力。

我的三個孩子早上會自己換衣服、把睡衣放進洗衣籃、會自己弄早餐、自己吃飯、會自己刷牙洗臉、會自己穿襪子鞋子、會收拾玩具、會自己做功課、會清理枱面抺枱開飯、吃完會收拾碗筷入廚房（連兩歲的舒韻都懂）！若她們有事做不到，會互相幫忙（如校服的拉鏈在後面，就會互相幫大家上拉鏈）此外，掠衫摺衫掃地等家務，她們都老早懂了。

跟她們外出時，我總會被照顧 - 拿著購物袋會有人問「媽媽，我可以幫你拿著嗎？」；要坐升降機時總會有人幫我按好制（有時舒韻想按但不夠高，姐姐們就會抱起她讓她按）；有門或閘時總有人「開定門等我」。

要給孩子多點與別的小孩相處，我就會帶她們到公園、室內遊戲室練練大肌肉，又不時約其他小朋友玩。都是免費的。

要教孩子學術上的我都會 ，不會的話就到網上找找找，找出方法，和孩子一同學習。比如我在大女兒小時候就跟她一起學bb手語，大了點學phonics。我先生雖時英國人，但他也不得不承認，女兒懂英文拼音，是我教出來的。（現在大女兒快將七歲，我猜她的英文閱讀能力已達十一、二歲。）我又會把數學融入生活中，希望把她們的數學底子打好（她們不懂唸乘數表，我只想她們按步就班，先打好基礎理論才進一步學習）

孩子們會常跟我做手工、畫畫、做蛋糕、做飯...試問香港哪裡有一個playgroup會比我的全面？

其實可以跟孩子相處是種恩賜，實在要珍惜 ♥ 兩歲的孩子還小，何不好好享受對方的陪伴？

*早幾天在Facebook 打了這個status, 竟被瘋轉！
兩日間已有萬八個讚好、訂閱我Facebook 公開狀況的由三百跳升至二千五百人！好誇張呢！

家長面試

上年我只係同大女報咗一間直資，即我老公教嗰間
今年都係
話面試心得，我唔敢講，話晒我只係in咗一間
不過都想同大家分享下我上年面試係點嘅

上年，大女pass咗得一round interview, 千三人減到三百人
其中有三十幾個係mix嘅家庭
影曦當時唔係好識廣東話，所以佢用英文in, 第二round都係用英文in家長）
（影曦有幾個同學直頭唔係中國人，有幾個日本人）

第二Round係主要in家長
我先入一間房報到，之後有人畀咗張紙我
紙上有約十點有關學校嘅教學理念，要我用1-10排先後次序
排完就寫原因（好似作文咁）
其他家長都係兩公婆去，有啲係mix,兩個人寫一張紙真係難，乜都要傾完先寫落去〜煩！
我一個人去幾輕鬆lol

張紙係中英都有，我揀咗用中文答
排嘅次序我唔係好記得
不過我記得寫過咩
內容大約係...
我覺得最重要係小朋友有正面嘅價值觀（唔好寫正確，因好難判斷咩係正確，正面會較易伸廷答案）
正面價值觀可以包括好多野： 做人處事態度謙虛誠懇、有正面態度面對問題（抗逆力強，能自我解決問題）、有耐性、常存感恩嘅心、包容體諒、中國人傳統嘅忠孝仁義禮智...真係任你吹
如果該校注重體育，你就可以講下有正面態度點樣去幫助小朋友喺呢方面有體育成就
若學校重音樂，又可以講下音樂點可以陶冶性情，使小朋友做事會更有耐性，因著正面態度不輕易放棄......等等

到寫完，我就同個女同另外四個家庭被叫入interview room.校長同兩個副校都在場
佢地問咗啲假設性問題，如成績同課外活動點取捨咁
（小朋友就要乖乖坐喺家長隔離，乜都唔洗做〜悶！不過我覺得可能係考小朋友坐唔坐得定）
答嘅重點就圍繞返你重親子時間、唔好畀佢地覺得你係pushy parents, 唔好一開口就請補習老師
同埋...唔好擦鞋
啲上過乜鬼面試班嗰啲小朋友，一見到校長嗰啲就九十度鞠躬@@＜-唔好咁做作！
有家長同校長講自己小朋友學鋼琴、小提琴、朗誦、畫班@@太多啦
我記得我講過...kids should be kids, they are entitled to play!
我亦有提及影曦好早瞓。我認為小朋友應有充足睡眠，咁佢地頭腦清醒啲，學野易入腦，脾氣又好啲〜

就係咁，影曦就中咗啦〜

選校分享

大家有諗過小朋友第時讀邊類型小學嗎？
國際？傳統名校？定係輕鬆啲嘅活動教學學校？

喺呢到，我想分享幾個朋友嘅經歷

我二女學校有個女仔(10/2006出世）以前讀Montessori 嘅學校，上年去考某傳統名校，點知佢中文唔夠好考唔到

考我而家二女讀緊嘅local幼稚園K3,又考唔到

上年結果係一月時轉咗嚟做大女讀K2

論歲數佢今年應該係讀小一㗎啦

佢就係因為父母喺選幼稚園時無諗清楚個女第時讀邊間，只係覺得Montessori 好就畀個女讀，結果就因此浪費咗一年

另一位朋友同佢個小朋揀咗間催谷型學校（名校嚟㗎），開學後排山倒海的功課做不完
小朋友做得慢，喊攰，唔願做
開學不到一個月，轉校了

有朋友給孩子選讀國際幼稚園，但想他升到傳統小學
孩子的英文不錯，但中文就...受苦了！上了小一他的中文真係跟不上

大家為孩子選幼稚園時真的要用心想一想，若你想孩子一路只讀國際學校，那讓他們讀國際幼稚園真的不錯
但由國際轉為本地小學，小朋友可能有點吃力
若然小朋友讀的是英普班，由英普班轉本地小學，我猜這對小朋友來說倒也不太難

總言之，大家選幼稚園時要想想孩子要入怎樣的小學
不要盲目追求名校
且要看小朋友的能力、家長跟學校的教學理念是否相似
否則，苦的是小孩。要轉校的話，亦浪費了時間！

我的兼職

大家係咪好奇怪我做咩消失咗咁耐呢？
實情呢排真係太忙忙忙，好多兼職做呀！
多到要推推推！

1）教畫
上兩個星期開始，我喺二女讀嘅幼稚園教手工同畫畫
學校畀我帶埋舒韻上堂（喺側邊玩）
課堂係用英文教嘅
估唔到反應熱烈！一班有成十四個人呀！
呢份兼職真係正〜

2）整蛋糕
朋友間唔中都會同我訂蛋糕
我都鍾意整㗎，但係成本貴，工作時間長
試過整到朝早六點先整完！
呢份兼職，我嘛嘛地鍾意

3）face painter
我好鍾意呢份工〜
畫到小朋友想要嘅野，見到佢地面上嘅反應，我得到好大嘅滿足感！
最重要係呢份工無乜野要準備，一去到畫畫畫，畫完就收工〜正！

4）賣頭飾
呢排我都積極整緊多啲頭飾諗住賣
整整整，其實都幾輕鬆，但又係好花時間囉〜

要做全職媽媽，又做兼職唔係易㗎
真係幾攰㗎
咪就係因為呢幾份兼職攪到我呢排無時間打卜
我連電腦都幾星期無開啦！

唉，尋日老公話想叫我開間nursery畀學前小朋友返嘅
又係一門生意...但有咗自己生意嘅真係好困身
我真係唔太想
我對老公嘅回覆係＂it's a lot of work!"
之後就畀佢插話我懶
其實唔係懶唔懶嘅問題，係困身嘅問題
我只係唔想少咗咁多時間見小朋友啫！
同埋教話真係好搵，工時又少
如果賺嘅錢係差唔多嘅，我梗係想做份少工時㗎啦！

可惜男人唔會明@.@

感動點

最近發生了幾件小事，令我好感動...

 

有一日，影曦放學返嚟同我講，佢跳繩嘅手柄位（木嚟㗎）爛咗，問我可唔可以整返。我問佢點整爛㗎？佢話：「我借咗畀同學玩，佢整爛咗，不過佢唔係有心㗎，係意外嚟㗎，媽媽你可唔可以幫我黐返好呀？」跳繩爛咗，佢無喊，無話要買過條，同學整爛咗佢仲怕我會責怪佢同學，幫佢講好說話~影曦真係好乖！！！

 

靖翹放學返嚟，有個貼紙喺件衫到，我問佢個貼紙點得嚟㗎？佢話佢答啱問題、幫老師（之類嗰啲），「原本我有兩個㗎，不過我畀咗一個XXX同學，因為我想佢開心呀嘛！」「我書包仲有啲糖呀，一粒畀影曦，一粒畀舒韻㗎！」...咁你呢...「唔洗㗎啦，我想同佢地分享呀！」靖翹都好乖呀...

 

我搵到一個Aurora公仔，係靖翹嘅兩歲生日禮物。佢見到後，佢話：「我想送畀舒韻呀！」「但係係你嘅special toy嚟㗎喎！」「唔緊要啦！我有Lily嘛！舒韻無一個可以換衫嘅公仔呀！」跟住佢就送咗個公仔畀妹妹啦！

 

更感動嘅係喺尋日發生...原本靖翹被邀請去一個生日會，我同佢一齊畫咗張生日咭，包好禮物，但因為塞車同要趕住去婚禮，老公帶唔到佢去佢期待咗個多星期嘅生日會（我有啲失望）...佢知道佢去唔到後，佢無喊，無扭，佢仲同daddy講“I did want to go to the party but it doesn't matter, it's not your fault daddy and anyway there will be other parties that I can go to.”跟住佢仲攬住daddy同錫咗佢一啖，同daddy講話多謝佢帶佢出街！佢地真係好生性，好聽話！雖然只係好小嘅事，但就令我覺得佢地真係好識諗，好明白事理，佢地都長大啦！我地為佢地而驕傲！！！

再次談及死亡

偶爾女兒們都會問及死亡。
死﹣亡﹣
是一個中國人普遍較少與小朋友談及的話題。
記得我第一次接觸親人死亡時，那時我已九歲﹣我的外公病逝了。
那時的我只懂嚎哭。為什麼會哭？除了因為傷心，是因為...我看了電視劇，親人死了就要呼天搶地地嚎哭，我就要在現實中把這些情節一一釋演出來。
從前，父母都沒有跟我和妹妹談過關於死亡的事。事情發生了，我就哭得崩潰，不懂怎樣面對。

我的外婆已年屆八十八， 她雖然仍能走動，但每次見她，她的身體狀況都比之前差。我很愛她，不想她離開，但我仍然要面對她在未來某一天她將會離開我。7年多前我嫁到英國，很想念外婆，念得一想到她就會流淚。那時的我並不知道我何時才會回港，那種思念把我的情緒都要摧毀！好不容易地過了兩年半，我們舉家回流香港，我終於達成讓外婆見外曾孫女的心願！

剛兩歲的影曦初次與太婆見面~

歲半的舒韻逗得太婆好開心呢！

出門時，她們都會嚷著拖太婆的手，說要照顧太婆


跟女兒們，我說得很白。太婆很老了，我們還不知道能見得她多久。每次見面，就多給她擁抱，要多點說「我愛你」！
女兒們都很受落，都懂珍惜 與太婆相處的時間
我告訴她們，就算太婆要離開，也不要難過。她活了精神的一生，會為著我們而驕傲！
我們要好好記著和她的相處時刻
我就要她們都有心理準備，不會像我從前哭得如此的盲目
我也告訴她們，人死了就會回天家，到天父那裡，我們總有天會重聚
We should always celebrate what we have in our lives but not what we lost. 

*我的外婆有糖尿病，要小心飲食
她仍給家人煮飯和做家務，身體尚算健康
我好希望好希望她可以長命百歲，讓她見證女兒們的成長
我真的好愛好愛她（我又哭了出了:-( ）
我，會好好記住她，享受與她相處的快樂時光<3

十後風球後...感

十三年嚟第一個十號風球...韋森特
一個風球，死咗幾多棵樹...：（
佩服各位敬業樂業，仍要在十號風球下緊守岡位的人
港鐵員工、据樹組、清道夫、新聞報道員、天文台員工...
我一家能夠喺十號風球下喺屋企安坐家中，十分感恩！
我不覺得天文台員工突然改掛九號、十號風有咩唔妥
天文台喺下午時份已經講明會喺傍晚改掛8號風
市民有足夠時間趕返屋企
十一點幾十二點先搭港鐵返屋企嘅人...除非佢地都係有工作在身先咁遲返屋企，否則我覺得喺半夜你返唔到屋企唔應該責怪港鐵各員工
佢地都係冒住生命危險送大家返屋企
要大家瞓車站，相信大家都唔想。最緊要大家都安全！！！
最後可以平安返家！！！
（懇請鄭家富議員對自己的一番言論負責、出來對公眾道歉）
天文台亦一早講明會喺十點左右改掛三號
大家又再有足夠時間趕返工（就算係遲到...相信老闆都會理解嘅！）
有時真係覺得...香港太多戾氣...希望香港人多點體諒、多點關懷、多點讚賞，令香港變成一個更溫暖熱情嘅家！

*十號風後...我地一家出去行咗個轉
我屋企附近變成咁！
軍人墳場旁一幅護土牆倒塌
好似打完扙咁！

連塌三樹

沙灘變成咁...

我upload咗更多圖片喺facebook
大家得閒去睇下啦>.<真係幾震撼！https://www.facebook.com/media/set/?set=a.10151137297959319.507076.654084318&type=1&l=5a0e15e6a5

我看李紫昕

上星期因為一幅李紫昕喺頭條日報嘅家訪，觸發起連場風波！

詳細嘅時序，請去呢到睇下

今日我想客觀咁分析整件事
廁所睡房呢個己經係鐵一般嘅事實，微博自揭謊話更是低能
虚報自己年齡又係太傻！！！網上咁多網民，求其都搵到以前同佢同小學、中學、大學嘅同學啦！
年齡又唔係咩要慚愧嘅野，幾廿歲人咪認咗佢囉
好啦，佢有自己facebook fans page,好明顯係其他人同佢開嘅
我相信分身術真係誤會
但係要開fans page嘅妹妹仔獨力對抗幾百個網民同過份嘅留言，佢係咪應該出句聲，叫fans唔好對鬧呢？？？
佢要知道，公眾人物有教育市民嘅責任
必需要行得正、企得正，有錯嘅話就要認
佢從來無出嚟認錯，就係最錯嘅舉動！
要記住，自己一路做得幾好，無人會記得，但係一做錯嘅，有千千萬萬嘅人都會記住！！！
我相信，工人房嘅設計未必係佢主意，因為嗰間係佢父母嘅樓
但個問題就係，佢做女嘅，都有責任話畀父母聽，廁所睡房係一個不能接受嘅主意！！！

歸根究底，係佢想弦耀一番
有報紙想訪問佢屋企，佢大可以畀人地睇真正屬於佢嘅六百呎屋
一個人住六百呎已經好夠~
但佢徧徧覺得唔夠，係要畀人睇佢父母嘅屋企
咁就出事啦...畀人揭發呢單野！

尋日同我媽講起佢，佢跟住話...𠵱！佢咪係上次上陶畫籽影野嗰個？
佢個人係點我唔係好知，我未見過佢
我都係聽返嚟嘅啫...
我媽話嗰日影野記者遲咗少少
purple話：「唔緊要，都係我daddy車我之嘛！我daddy退咗休，好得閒㗎！」（再度弦耀）
我嘅感覺係...都四十幾歲人，仲要daddy車你...
住又要痴埋父母住（轉個角度睇，可以話係佢想照顧父母，所以同佢地住，但係你覺得呢？）
四十幾歲人仲要人地照顧你，你有自理能力嗎？
我覺得...廿八歲嘅我，思想同行為上都會比你成熟（我唔會為年齡感到羞愧）

創作兒歌真係好啱佢
某程度上，佢仲係一個兒童﹣長唔大，要人照顧，唔識處理事件
佢喺人生路上，仲有好多野要學！

期待的幸福

前幾日朋友同我講，佢兩個小朋友成日爭ipad玩（5歲半／１歲半）
於是就買多咗部畀兩個小朋友
無錯，係一人一部ipad!
佢地嘅行為不得不令我咋舌
問題一）兩個爭野？咁買多一部囉...點解唔係教小朋友，要大家分享？
問題二）點解會畀兩個年紀尚小嘅小朋友玩ipad? (５歲我都覺得ok，但歲半???）
問題三）小朋友會懂珍惜嗎？

我家裡，一部ipad都無。有係好，但唔係必需（老公諗住結婚周年紀念先買，當係我地互送畀對方嘅禮物）。
對於兩個年紀咁細嘅小朋友嚟講，一人一部，係咪奢侈咗少少？
再者，重要嘅唔係錢嘅問題，係佢地解決兩個小朋友爭野嘅方法

在此，我有一個小小嘅分享
影曦五歲時，奶奶經我地同意，買咗一部NDS畀影曦做生日禮物
當時三歲半嘅靖翹，好想試玩，但係我地話佢太細，同埋部機係佢嘅，無畀佢玩
我地同佢講，到佢五歲時，佢就可以擁有自己嘅一部NDS!
就係因為咁，佢無再問幾時可以玩，每次影曦玩時，靖翹都會問影曦佢可唔可以睇
有時影曦話得，有時話唔得...等等等等等...而家佢足足等咗年半啦！
下個月就係佢５歲生日，到時我奶奶就會遵守諾言，買一部靖翹想要咗好耐嘅NDS畀佢！
年半嘅期待，令佢好興𡚒！唔好似為佢好慘，要等咁耐先可以有，佢覺得自己好好彩㗎！
上次我問佢，你就快生日，我地可以去買DS畀佢啦！
佢係開心到彈起，歡喜若狂咁尖叫咗聲~
佢話想要白色嘅NDS，仲要貼上獨角獸嘅貼紙！
呢種期待，令佢更珍惜自己擁有嘅，亦學會專重別人嘅物件
通常喺我地屋企嘅野，佢地都會分享玩具，但只有幾樣係佢地嘅special item（好似影曦嘅nds咁），佢就唔洗分享
分享係好，但係佢地始終係三個個體
每人擁有自己特別嘅野，令佢地覺得自己與別不同：）

三條Queens(3Q)要改名做三個Angels(3A)

我老公叫我以後改口叫佢地3 angels ~
話係queen另一意係男同性戀者，叫我改叫3 princesses or angels 
我唔想啲女有公主病lol咁叫天使算！
以後我會叫佢地做３A㗎啦~

我要選校

混血兒、混血兒、混血兒。
經常會有人問我家女兒讀哪所學校﹣哪所國際學校。混血兒，就是常被人標籤。
我認為，在香港生活，中文一定要好。一口流利的英文又如何？中文底子不好，競爭力就會大減。一大班本地學生會廣東話、懂英文及普通話。若只能說流利英語，你能應徵的工作最少減半！機會就自然少一半。
我是平實派，選學校，也得實際。我喜歡國際學校的教學方式，但始終學費貴，而且在國際學校的中文水平一定比本地學校低，所以我徧愛本地學校。再者，我不太喜歡國際學校學生的態度﹣因為他們大多出自較富有家庭，較傲慢（這只是個人感覺，當然我知有很多也很有教養的！），較難融入，彷彿他們有自己的圈子。我喜歡普通本地學校的平實和校風。我希望孩子在校內培養到中國人傳統謙卑禮讓的情操與價值觀。對於我來說，學習「做人」比學術上的成就更為重要。要孩子跌倒了學習自己爬起來解決問題，有著正面的人生觀與態度，抗逆力強，對將來投身社會有著莫大幫助。


中文不是拼音文字，要學好就要靠背誦和應用。英文日文西班牙文法文乃拼音文字，中國人要學拼音文字易，但「外語人」學中文難。所以我更加覺得本地學校較適合我女兒。

早陣子我遇見了一對姐妹，分別是４歲和６歲，父母皆是香港人。我跟她倆交談時，我用了廣東話，她們竟一句都聽不懂！我當然驚奇...父母溝通時是用廣東話的，但和女兒溝通會用上英語。女兒們都是上國際學校，英語是她們的母語，她們還會說一點點的普通話。中國人的樣子，在香港生活，但一句廣東話都不懂...已輸了給很多人...（輸在起跑線？！）學廣東話，也是對本地文化的一種尊重。連自身的文化也不尊重，做不好身教...這是現代社會崇洋的悲哀！

當然...這只是個人見解
每個孩子都是不同的個體，選校的標準也不一樣
希望大家都會選到一間適合小朋友的學校給他們~

***
放學前見到影曦跟一金髮男孩對話。我問她他們談什麽...她說：「我同佢講我地喺學校，佢要用中文同我講野呀！」
不錯！他倆確是用廣東話對話呢！

近況~

同老公傾傾傾...
我地終於同意放３Q嘅相上blog啦！
只要唔放暴露重要部位嘅相就可以：）
以後可以post多少少佢地嘅相上嚟啦！
好似有少少大解放咁！
好啦~我借咗妹妹部相機~
等我post啲佢地近期嘅相先

小一

星期一係小一自行分配學位放榜嘅日子
我呢位大矇完全唔知@.@
係我媽咪打嚟問結果我先知:P
睇一睇facebook,好多人都話派到心儀學校~恭喜恭喜！
跟住我就走上網check...之後先發覺要check no!
係屋企CC然咁搵到張黃色底紙，仍然放喺報完名後放入嘅file內，完全無郁過lol
對下先...
中咗喎
心情其實無咩特別，因為無咩期望過~
諗住星期三去登記啦
點知一早老公攞咗封信返嚟
係另一間c校嘅取錄信（我只係報咗呢間咋！）
收咗影曦喎
有少少感冒嘅我十分高興，因為我唔洗山長水遠去註冊lol
（自行分配嗰間係同區學校，但由我屋企去要搭兩程車，要的埋舒韻去...病病地真係唔想去！）

老公話不如慶祝
我反問返佢點解...

一個五歲嘅小朋友，in完小學都唔知咩事，以為只係去玩
唔明呢個世界幾勢利
唔明點解要讀好學校
（至少我個女係咁啦！）
我係為影曦而驕傲，但我亦覺得唔好將入到呢間學校變成好大件事咁
因為咁家長其實係無形地凝造咗一個有壓力嘅環境畀小朋友
反而我覺得將事件淡化，畀佢繼續過carefree嘅生活係最好:)
無論如何，我相信無論佢入咗邊間都ok嘅~

我是一個年輕的全職媽媽

我是一個年輕的全職媽媽

人人以為因為我年輕就做不到好媽媽, 我就徧徧要做好

也就是因為我年輕, 我沒有職場經驗, 人人都會以為我好幸福- 不會打工受氣, 日日空閒如是照顧孩子打發時間

其實全職媽媽的工作不會比任何工作容易

工作時間長, 無雙糧, 無假期, 無福利, 情緒智商要高, 應變能力要高, 時間管理能力要高, 有耐性, 通識智識要廣, 體力要好, 也要有創意...

*

相約朋友外出用膳，晚了，有人嚷著要走...

朋友說：「我地唔似你，我地第二朝要返工㗎！」

難度我不用工作嗎？我不用早起嘛？

噢！等等...你的工作是有薪的，我可沒有喲！

你病了、外出與朋友聚晚了，翌日請假睡個夠

我可以嗎？我連懶床都不可以！何況是病假！

全職媽媽這份職業總是要被人看低！

朋友，你能給我一點尊重嗎？

*

每當朋友聚會, 總有覺有點格格不入...

當她們說著哪些流行的品牌，我在想著嬰兒品牌

化妝品？尿片

衫大減價？玩具大減價

ladies night? 學校開放日

劇集？兒童節目

八卦雜誌？育兒雜誌

愛情小說？兒童圖書

旅行？ 本地一日遊！

高踭鞋？兒童鞋

多媒體高科技產品？玩具...

私家車？嬰兒手推車

她們愛情故事？孩子的生活逸事



水晶甲？不會造，怕會弄傷孩子

煙？不會吸，怕會影響孩子健康

酒？不會喝，怕吃人奶的寶寶會喝醉了...

要比的話，還有更多

*

你猜我是在埋怨做全職媽媽嗎？

不是！

*

孩子的一個微笑，就把我的心融化了

淺淺的一吻，就給我無窮的力量

輕輕的一個擁抱，就把煩惱一掃而空

淡淡的一句"我愛你"，就把時間停住了...

要比的話，沒有一份工作能比全職媽媽給我的快樂比下去

*

當全職媽媽會與社會脫節？那我就要證明給人家都錯了！

這數年間我學到的技能不會比其他工作少，亦更全面，亦發現自己不少潛能

充實自己，充實生活

就是要看不起我的人都大跌眼鏡

連自己也在埋怨自己的工作，生活不會快樂

連自己也看不起自己，那叫人家怎麽看得起你？

不要老說孩子困身，困住你的只有你自己

堅信自己做的一切，人家說再難聽的話，你也不會動搖

記著和放大美好的事，不如意的都給鎖在盒子裡不要打開

世界會美好得多

*

三個孩子是我的成就

能見證她們的成長是我最大的幸福

有個在背後支持我做全職媽媽的丈夫是我的幸運

*

不錯，我是年輕，但我清楚焦點，活得精彩

我是全職媽媽，但我不會自卑

媽媽是我的終生職業，極富挑戰性，且要不斷學習

不要小看我...

我要驕傲的說：「我是一個年輕的全職媽媽！」

（其實還有三年就要跟廿說再見...談不上年輕？！哈！我心境年輕嘛！）

yahoo blog upgrade咗啦!

尋晚喺亞妹點醒我下...終於upgrade咗呢個blog
最好嘅一點係...我可以喺我部ipod到覆留言！以後我可以快少少覆大家嘅留言！
background等之類嘅所碎野我遲啲先執囉！
不過最衰我貪快，無backup舊blog嘅「自定欄位」，之前寫欄位都無晒:(
不過唔緊要啦~遲啲先慢慢執！

之前有blog友話呢個版面唔好用
我都係啱啱先轉，未知咁多住
不過我覺得...每一次facebook轉版都畀人插話舊版好用啲...
我覺得其實改野唔係唔好，係好多人都唔鐘意改變，因為要重新適應啫
改版呢啲時唔到我地呢啲小blogger話事，予其投拆，不如努力適應

講開又講，facebook個app upgrade咗後ok好用，但係可惜嘅係無咗"bookmark"嘅功能:(

名校小一面試

相信有睇開我blog嘅朋友都知我唔係好重小朋友係咪讀名校
但今年因為老公係一c校教，係EMI學校，同埋呢間係離屋企最近嘅小學嘅關係，影曦報咗名去考呢間小學
一入到去...真係覺得自己格格不入
個個小朋友都著到好似去飲咁，有啲老c同我講，有啲女仔嘅裙要成千幾二千蚊一條@.@
有啲男仔仲打晒bow tie!
學校出面泊滿名車，個個都身光頸靚，好誇！

每個父母好想自己嘅小朋友表現出眾...
仲要報埋面試班
奈何，唔係個個小朋友都係咁...
當日...見到有小朋友鬧情緒大喊，有個喊之餘佢媽咪仲打佢媽咪...有啲搶人顏色，有個仲咬人...
嗰日坐喺到睇住影曦油顏色，佢靜靜咁坐係到油。我喺到諗，點解我會畀個女去interview？一個五歲嘅人仔要經歷啲咁面試？我咁做係啱㗎嘛？
...聽天尤命...一切唔需要太過著緊
考唔到咪讀第間~無咩所謂，我只希望佢讀得開心！
xxxxxxxxx