我是一個年輕的全職媽媽
人人以為因為我年輕就做不到好媽媽, 我就徧徧要做好
也就是因為我年輕, 我沒有職場經驗, 人人都會以為我好幸福- 不會打工受氣, 日日空閒如是照顧孩子打發時間
其實全職媽媽的工作不會比任何工作容易
工作時間長, 無雙糧, 無假期, 無福利, 情緒智商要高, 應變能力要高, 時間管理能力要高, 有耐性, 通識智識要廣, 體力要好, 也要有創意...
*
相約朋友外出用膳，晚了，有人嚷著要走...
朋友說：「我地唔似你，我地第二朝要返工㗎！」
難度我不用工作嗎？我不用早起嘛？
噢！等等...你的工作是有薪的，我可沒有喲！
你病了、外出與朋友聚晚了，翌日請假睡個夠
我可以嗎？我連懶床都不可以！何況是病假！
全職媽媽這份職業總是要被人看低！
朋友，你能給我一點尊重嗎？
*
每當朋友聚會, 總有覺有點格格不入...
當她們說著哪些流行的品牌，我在想著嬰兒品牌
化妝品？尿片
衫大減價？玩具大減價
ladies night? 學校開放日
劇集？兒童節目
八卦雜誌？育兒雜誌
愛情小說？兒童圖書
旅行？ 本地一日遊！
高踭鞋？兒童鞋
多媒體高科技產品？玩具...
私家車？嬰兒手推車
她們愛情故事？孩子的生活逸事
水晶甲？不會造，怕會弄傷孩子
煙？不會吸，怕會影響孩子健康
酒？不會喝，怕吃人奶的寶寶會喝醉了...
要比的話，還有更多
*
你猜我是在埋怨做全職媽媽嗎？
不是！
*
孩子的一個微笑，就把我的心融化了
淺淺的一吻，就給我無窮的力量
輕輕的一個擁抱，就把煩惱一掃而空
淡淡的一句"我愛你"，就把時間停住了...
要比的話，沒有一份工作能比全職媽媽給我的快樂比下去
*
這數年間我學到的技能不會比其他工作少，亦更全面，亦發現自己不少潛能
充實自己，充實生活
就是要看不起我的人都大跌眼鏡
連自己也在埋怨自己的工作，生活不會快樂
連自己也看不起自己，那叫人家怎麽看得起你？
不要老說孩子困身，困住你的只有你自己
堅信自己做的一切，人家說再難聽的話，你也不會動搖
記著和放大美好的事，不如意的都給鎖在盒子裡不要打開
世界會美好得多
*
三個孩子是我的成就
能見證她們的成長是我最大的幸福
有個在背後支持我做全職媽媽的丈夫是我的幸運
*
不錯，我是年輕，但我清楚焦點，活得精彩
我是全職媽媽，但我不會自卑
媽媽是我的終生職業，極富挑戰性，且要不斷學習
不要小看我...
我要驕傲的說：「我是一個年輕的全職媽媽！」
（其實還有三年就要跟廿說再見...談不上年輕？！哈！我心境年輕嘛！）
Yennie, I'm really proud of u!!!!
ReplyDelete[版主回覆11/10/2011 01:18:59]多謝呀:)
你嘅生活，其實我都好羡慕
婚前一路想考CX做空姐周圍飛
見你成日可以帶clok同lolo周圍去，真係好！！！
不過算啦，我諗我都係唔得㗎啦lol
great reflection! Feeling excatly same as you. Their "returns" to us are precious gifts
ReplyDelete[版主回覆12/28/2011 01:42:42]thank you x
你既想法我完全認同! 我成日都俾我d fd睇死 出親街都覺得話題唔夾 又成日俾佢地串唔駛做 少少奶生活.其實我地都好辛苦架
ReplyDelete[版主回覆12/28/2011 01:42:05]我今日啲fd先啱啱嚟過探我
跟住佢地話...其實你全日咁睇住佢地都幾忙㗎喎！
嗰刻我坐嗰喺梳化同佢地傾計...都唔係好忙啫，仲有時間傾計lol
佢地成日以為我地唔洗做咁，但試下畀佢地跟住你一日，佢地就會感受到我地有幾忙~
我都有個朋友成日開口埋口話我過少奶奶生活，佢未又係攞住個好幾萬蚊嘅手袋過住大小姐生活，講起就‘興’，結果我MSN都BLOCK左我個朋友，唔係同佢絕交，不過費是自己勞氣。
ReplyDelete[版主回覆12/28/2011 01:39:16]唔好勞氣...屋企嗰個了解你咪得囉:)
agree! 加油!!!
ReplyDelete[版主回覆12/28/2011 01:37:05]多謝~一齊加油呀~
我都是FTM, 我都系無工人（不過我得一個），真系每日都好充實。但系真系超busy!我有個問題想請教你，我bb14個月大，由出生開始食奶已經吾多，（有4餐人+1-2餐奶粉）到6個月開始食糊仔，但佢一口都吾食，試左二個月都吾食，直到十三個月，我開始逼佢食一餐固體，但每餐都食小小，吾肯放大個口，試過好多煮食方法\食材\軟硬\大小\形狀\蓉粒滌片.....，到而家逼多食一餐（共二餐），都系甘，試過吾比奶佢，都系吾食（10鐘以上），都吾食，我可以點做？已經一個星期了，都系甘？醫生叫我餓詎，又話一定吾系生理上的問題，系佢未餓夠！我就黎顛啦！，！你可以教下我嗎？
ReplyDelete[版主回覆12/28/2011 01:36:32]唔好意思，咁遲先覆你！
其實醫生係講得啱㗎，餓下佢佢自然會食
一歲大嘅bb奶已經唔係主食
我女一歲時只係早晚一餐人奶，一日三餐加小食
餓佢十個鐘其實唔係好夠耐，你試下減多啲奶，佢自然會食多啲固體
同埋你唔好畀自己咁大壓力呀！bb肚餓自己會食，佢唔食就由得佢
我地大人有時都會無咩胃口，有時想食勁多野，有時乜都唔忌食
小朋友都係一樣
唔好將飯枱變咗戰場:)佢唔食，由得佢，下餐佢餓就自己會食多啲~
I'm a mom, but I'm a working mom. I definitely think being a FTM is a lot harder than a working mom. I can slack off at work, but I can't do that if I stay home taking care of my daughter. I am really proud of you. Not many woman, esp. young one, could give up their career and be a FTM (and you are even a FTM x 3...haha)...Add oil!!!
ReplyDelete[版主回覆12/28/2011 01:30:26]做在職媽媽都唔易㗎~大家一齊加油！
小朋友唔係一出世就識得照顧自己的起居飲食、識得各種知識、識得做人……要將一個乜野都唔識的小朋友教到識得照顧自己的起居飲食、識得各種知識、識得做人，談何容易？教師只教唔懂得知識的學生懂得知識都尚且唔易甚至艱難，何況要教小朋友咁多東西的全職家長？話照顧小朋友好輕鬆的人，我一向都建議佢地試下照顧小朋友一個月，讓佢地感受下照顧小朋友係咪真係好輕鬆。
ReplyDelete[版主回覆12/28/2011 01:27:32]哈哈哈！睇完你嘅留言，我笑咗lol
外國有個節目（唔記得叫咩名呀！）會畀夫婦二人交換身份，做對方工作一至兩星期（唔記得實際時間）
男嘅可能就要喺屋企湊小朋友做家務，女嘅就喺職場工作
節目一路都會訪問佢地嘅心路歴程，大家對對方都會有多啲嘅體諒：）
香港有啲咁嘅節目就好囉！大家都會了解其他人多啲！
加油,我一直都有看你的文章,我有一個小朋友,不及你辛苦,努力呀
ReplyDelete[版主回覆12/28/2011 01:22:57]多謝~大家一齊努力:)
其實全職媽媽係最偉大架! 佢就奉獻晒所有時間比屋企同小朋友 .... 反之我而家返工就係休息時間 ..... 因只需專心一致去完成工作, 有時仲可以偷下懶, 上下網 .... 多咗好多自己時間.
ReplyDelete雖然我都好想試下做 FTM, 親眼見證 BB 嘅成長, 但係我比較自私 ..... 放低唔到現有嘅狀況! 所以話 FTM 係好偉大架!
[版主回覆12/28/2011 01:22:14]咁又唔好咁講~
各人追求嘅野唔同嘅
相信你係「重質不重量」嘅，希望同小朋友過quality time嘛~
每個人生活都有自己的難處,作為一位真心好友,不會說出"我唔似得你"這幾個字的,何必為一個泛泛之交而勞氣呢~~好慶幸你有以上的想法!:)
ReplyDelete[版主回覆12/28/2011 01:19:58]每個人都的確有自己難處
以前好自我中心，而家人大咗都會從其他人嘅角度睇多啲~
多點體諒，多點包容，世界會更美好:)
講得好!
ReplyDelete[版主回覆12/28/2011 01:17:24]thank you x
你應該為自己感到自豪的! 一位全職媽媽係24/7的, 一點都不易做, 要同小朋友一起進步真不易, 你很幸福才對! 你的朋友不太了解你, 太唔了解真正全心全意照顧孩子的媽媽有多忙, 我自己無經驗, 但眼見奶奶為了我們煮一頓飯都要花整日準備, 朋友照顧孩子回到公司說工作才是她休息的時間, 回家係真正打工....
ReplyDelete[版主回覆12/28/2011 01:15:48]謝謝支持:)
總之做媽媽都唔易，在職媽媽都好多野做好忙㗎
你都要加油呀~
你很厲害呢.....
ReplyDelete[版主回覆12/28/2011 01:10:50]其實只係c９一名:P
主題:全職媽媽
ReplyDelete呢篇文章...係值好高分~
有層次~
有條理~
很豐富~
睇完...很讚同..
我作為讀者..被感動了!!
[Yy回覆02/02/2012 02:22:35]我很開心...在你的BLOG...
了解左好多有關在英國的一切人事.衣食住行,
有機會都會去的,但唔知咩地方會岩自己多D=.=
[版主回覆12/28/2011 01:10:44]多謝:)
好少人讚我作文作得好~好開心呀！