Oreo 雪條

嘩！呢種Oreo雪條簡直係夏天嘅real treat!
好易整，小朋友一定好鐘意！


材料...
Orea 數塊（除你鐘意，我用咗6塊）
Whipping Cream 一盒（會有剩㗎）
糖  隨意
呍呢嗱香油 少許

呢個recipe 非常"forgiving"， 所有野嘅份量都可以好隨意
因為整多咗嘅...可以放落其他容器存放，當雪糕食！

先係將whipping cream 加糖打起，打到咁嘅樣，加入少少呍呢嗱香油
（加幾多糖隨你，可以自己試味）


將Oreo 放入食物袋，用毛巾包住打碎（3A最鐘意做呢個動作！）




攪埋一齊就放入雪條模~



整多咗嘅可以入落食物盒，下次再食

雪好就攪掂~

什菜薯蓉波波

今日好懶，我住整薯蓉
我又費事另外整veg，我就整咗呢個什菜薯蓉波波~
我用咗美國焗薯
我連皮都無批（皮都有益㗎）
攞去“烚”，到啲薯仔就淋晒時就加入冷藏嘅veg
熟晒後就倒晒啲水出嚟，加入牛油同芝士（optional)
用個壓薯蓉器壓爛嘅薯蓉
之後我就攞出秘密武器  ﹣ 吉G島買嘅球型壓壽司器！
壓出個個一樣大細嘅波波（當然你用手都得，但因為啲薯薯都幾熱...較難用手握）
灑上碎芝士~就攪掂！
*下次放埋入焗爐焗到啲芝士脆卜卜仲正~

香蕉雪糕（追加版！）香蕉拖肥蛋白餅雪糕~banoffee ice cream with meringue

一講起香蕉，我又諗起banoffee pie＜﹣click入去有食譜
就係咁...我就試整咗呢個"香蕉拖肥蛋白餅雪糕"~！唔難整㗎，仲~超~級~好~味~！！！
呢睇下舒韻妹妹食到幾開心~講下點整先~
材料：
拖肥一罐
whipping cream/thickened cream/double cream ＜﹣其實係差唔多嘅野，打起會變鮮忌廉
meringue 蛋白餅　＜﹣百佳有得賣，亦可自己整（click 入去有食譜）
冰蕉lol*無拖肥嘅話...就要用煉奶整拖肥，點整？詳情請睇下面嘅附錄）*由於香蕉唔係好多，我只係用咗兩匙！如果你多香蕉就用多啲啦！小心唔好咁重手，好甜㗎！

先係處一處理呢幾種材料，攪埋一齊就攪掂~如果你買唔到toffee,就要用煉奶整（下面附碌有講點整）

cream,要發到變企身（平時會加糖打，但唔建議加糖~只為toffee已經好甜！）冰蕉，用攪拌機打爛佢變雪糕
蛋白餅就揸碎佢~（我之前整咗好多，放喺盒到存放，可以得閒就加少少喺雪糕到~）



將呢幾樣野加埋一齊就係...香蕉拖肥蛋白餅雪糕！！！
要用幾多材枓，份量隨你喜好~
幾樣加埋時唔好攪得咁勁，就會有雲石紋（我攪得太多了！所以無咩紋）
可以即食，可以雪返入雪格下次食~
我就放返雪糕入雪格，第二朝畀三個女食~

勁快無晒...
豬咀@@

好味！

ARRRRRRRRRRRRRRRR

附錄：英國有一罐罐嘅toffee賣，但香港無：（
我上網搵到話放成罐煉奶燉兩、三個鐘，就會變toffee
我廢事浪費gas,就用真空煲
成罐鍊奶放落滾水到煲滾，放入真空煲到焗
我4點放入煲，11點攞出嚟
因為咁整法無得check煮好未，所以我寧願放耐啲
開罐時成罐鍊奶變咗啡色嘅toffee~

香蕉雪糕 (材料只係香蕉！）

朋友Christa介紹整呢種香蕉雪糕
真係估唔到咁鬼易整！
又好味喎！真係大大力推介！！！
材料...只係一樣 - 香蕉！
做法：
先係將香蕉剝皮，切到一舊舊，放入冰格雪到冰~

幾個鐘後攞出嚟用攪拌機打爛佢


神奇嘅事就發生啦！
攪爛嘅香蕉會變到好似雪糕咁嘅質地！



真係零添加㗎！
幾健康！又好味
大家喺呢個時候可以加入朱古力漿、朱古力粒粒、nuts等等嘅野拌食㗎！
咁易整，你都快啲試下啦！！！

自製芒果奶﹣＞芒果奶昔﹣＞芒果香蕉奶昔！

之前都講開，我會喺超市買就爛嘅生果~
呢一日，我就買咗三果芒果，盛惠＄５
呢啲生果因為比較成熟，果糖較多會較甜，用嚟整呢啲飲品唔洗另外加糖／蜂蜜
一買到返屋企，就要「處理」下佢先~
先係切粒...



一盒咁放入雪格備用（呢到有三個芒果咁多肉~)



雪好咗嘅冰鮮芒果，幾時都可以用！
今次我想整杯細細嘅~用咗一個芒果咁多肉
將冰鮮芒果粒加入攪拌機



加奶攪拌就變咗芒果奶
份量幾多？隨意啦！有啲人鍾意稀啲，有啲人鍾意杰啲
少少少少咁加嘅話就可以調較到自己喜歡嘅濃度



想要奶昔？
加啲呍呢拿雪糕~
咁就變咗芒果奶昔



加多條蕉，就變咗...



芒果香蕉奶昔！勁好味！！！



如果大家無冰鮮芒果，都可以用新鮮芒果＋冰粒
唔夠甜嘅就加糖／蜂蜜~
唔想咁肥嘅就可以用脫脂奶！好多變化㗎！

香蕉麵包 Banana bread

呢排我愛上買爛生果~
爛生果除咗平，仲可以整到好多好味嘅野！（遲啲講！）

呢個recipe喺呢到搵嘅
真係超好食！好moist~

好似呢個banana bread (其實食落似蛋糕)
屋企有時買多咗香蕉，出晒梅花點，又有啲爛...食得入口啲又唔多，掉咗又浪費...
用嚟整呢個banana bread最啱~
仲有呢個banoffee pie都係用晒啲梅花蕉嘅好方法~



材料：
麵粉                      　　　     2杯
梳打粉(baking soda)         １茶匙
鹽　　　　　　   　　　　少許
牛油　　　　　  　　　　 半杯
金黃幼砂糖(brown sugar)  3/4杯
蛋　　　　   　　　　　　2隻
香蕉　　　　   　　　　　2 1/3杯（約５條）

做法：
1. 焗爐預熱至175度，用牛油揸落個pan到（我想條邊靚啲，就用牛油紙墊底）
2. 麵粉＋梳打粉＋鹽

3. 另外一個碗﹣＞牛油＋糖

＋蛋

＋打爛咗嘅香蕉


4. ２＋３，如果想嘅話，可以加朱古力粒粒~

5. 倒落個pan到，放入焗爐焗60分鐘左右
用牙櫼插入去，無漿黐住就即係攪掂！
（我加咗入得焗爐嘅朱古力喺面~)

我整咗一個pan,再整多幾個cupcakes~
話就話麵包，但係都呃得下人，可以當muffin食~
呢個麵包真係超好食！快啲試整啦！

好味Pancakes:)

呢種pancake好似麥當當嗰隻熱香餅~真係好好味㗎！大家都試下~

麵粉　　　　　200g（1.5杯）
泡打粉　　　　3.5茶匙
鹽　　　　　　少許
糖　　　　　　３茶匙
奶　　　　　　300ml（1.25杯）
蛋　　　　　　一隻
牛油（已溶）　3湯匙
１）麵粉＋泡打粉＋鹽＋糖過篩
２）蛋＋奶＋己溶牛油
３）２倒進１，攪拌好（最好用攪拌器）
４）細火煎pancake.最好有牛油喺側邊，每煎完一塊都用廚房抹手紙沾上牛油，輕輕掃在鑊上，咁每塊煎出嚟就會好靚:)

芝士火腿露荀蘑菇燉飯

今日打開雪櫃...見到幾粒蘑菇，幾片火腿同幾條露荀...
一係就炒個飯，一係就...整risotto~
梗係整risotto易啦！
咁我就開工啦~
（其實係見到雪櫃有乜用乜都得~）
基本材料：
米　　　　　　   　　　１mug
水　　　　　　   　　　２mug　
洋葱　　　　　   　　　１個／半個（你鐘意啦！）
雞粉　　　　　   　　　半茶匙
蘑碎咗嘅芝士　   　　　少許
黑椒　　　　   　　　　少許~可加可唔加
車打芝士　　　　　　   隨意
柏尔馬芝士(Parmesen) 少許~可加可唔加　

之後嘅料就隨意啦！
我今日就用咗蘑菇火腿同露荀

講下點整先~
用煲（最好用易潔煲）~燒熱少少個煲，加油，將洋葱切粒，炒一炒佢，閂至中火
洋葱淋時加米，抄一抄啲米佢，之後加水，較至大火
滾咗後就加埋雞粉較細火，蓋上蓋，等啲米熟（約１０分鐘）
攪一攪佢
啲好快熟嘅材料：蘑菇火腿同露荀就而家加，再蓋上蓋等幾分鐘
試下嘅米熟未，未熟嘅話就加嘅熟水落去再熟多陣
攪掂後就加埋芝士攪攪佢~就可以上碟啦！
大家鐘意可加少少黑椒同paemesen cheese喺面:)
勁好味~我其中一至愛~

好味芝心批

一路我都想自己搓粉整pizza~
喺呢到搵到個好易嘅食譜~


同大家講下點整...
pizza dough:
麵粉　　　 　　　　  ２杯
dried yeast(依士粉)　１.５茶匙
糖　   　　　　　　　１茶匙
鹽　　　　　　　　　半茶匙
olive oil                          ６茶匙
暖水　　　　　　　　３／４杯


將所有野攪埋一齊成麵團
攞少少麵粉放喺枱，搓下個麵團，搓多啲空氣入去
搓完之後放返麵團喺個碗到，用保鮮紙封住佢放佢喺暖嘅地方等半個鐘



半個鐘之後麵團會發大（少少...）



呢個份量可以整到４個細細嘅７吋pizza:)
我啲女可以一人清晒成個㗎！
我地就一開四，畀佢地一人整一個，我又整一個~

pizza 料：
你鍾意啦~
茄醬　（我用普通煮pasta嘅醬）
芝士　（買一磚返屋企磨，或買已磨咗嘅）
火腿
粟米
pepperoni

芝心批必備~
mozzarella cheese（想整芝心批嘅就一定要用mozzarella cheese!咁先會煙勒㗎！mozzarella cheese string! 係最好嘅選擇）
先係埋咗啲芝士喺條邊到先~

預熱焗爐二百度
包啲mozzarella cheese落條邊到先






基本嘅就係cheese and tomato
先落咗茄醬喺底，之後加上自己喜歡嘅材料



放入焗爐焗１０分鐘左右（自己check下熟未啦~大嘅pizza要更耐）
（我喺個盤到查咗牛油，以防黐底）



熱辣辣嘅芝心批就攪掂啦~


啲芝士漏晒出嚟呀！

好易整~又好味！大家都試下啦！

聖誕薑餅屋

自從n年前德國人開始整薑餅屋（可暖身）後，呢個風氣而家直捲全球啦！
影曦超鍾意食薑餅...
佢就嚟生日，學校有生日會。我問佢想我整咩生日蛋糕返學同同學食呀？
佢竟然話要薑餅屋！
好...我就用咗一晚（８點到４點@.@）嘅時間趕起咗呢間屋畀佢帶返學
我本來想整複習啲嘅，但係影曦話要呢種
咁我唯有下次先挑戰自我啦lol
呢間屋我連個template都係自己畫㗎~
屋有9cm*15cm*16cm咁大

薑餅嘅食譜喺到
夠整呢間屋同N咁多塊小薑餅
白色嘅係royal icing （蛋白糖霜）
只係蛋白加糖霜
打到佢杰放入pippin bag就可以用啦！
royal icing 乾咗後好硬㗎！
royal icing好似係食得嘅膠水咁用！


影曦指定話要加呢粒星喺中間，窗要心型嘅！
加埋燈，即刻靚晒！