影曦、靖翹、舒韻生活小誌: 英國生活.節日

Showing posts with label 英國生活.節日. Show all posts

Monday, 19 March 2012

英國的復活節<3

上年在英國生活的我們...過了這樣的一個充實復活節:)
（沒錯，足足待了一年才打這篇~）

復活節假開始了~附近的教會有holiday club:)
是免費的活動！好玩之餘又令小朋友認識復活節的真正義意~

到達了~先括括，裝飾復活蛋（活動約在十五分鐘後開始~因為想待所有小朋友到齊刀開始！）

熱身遊戲~ musical chair, pass a parcel...

牧師說了耶穌進耶路撒冷的故事
這塊布在教事開始時是空的
牧師邊說故事，小朋友就邊貼相關物件上去~
耶穌進城時是騎驢子的<3
慶祝他進城的人將樹枝和長衫放在地上~

聽完故仔，出外走走~parachute time!
Echo都想玩~

washing machine!

選了花~
裝飾花盆

又走進教堂內做手工
這回做驢子手玩偶~

大家又出外走走，採摘不同的樹葉作觀察

各位的製成品~

短短的兩小時，實在非常充實呢！

*****
Palm Sunday
Palm Sunday是復活節前的星期日
記念耶穌進入耶路撒冷
有些教會會在這天舉行巡遊，重演耶穌進城的情景

還記得這塊布嗎？
我們會帶同這塊布巡遊~

我們由村的一端，由驢子帶領，潮著教堂走
大家都會拿著由palm leaves製成的十字架，牧師也會手持palm leaves
到半路中途會唱唱聖詩和祈禱，這是是日崇拜的一部份
現場有教友彈結他和打小提琴，很有氣氛！

大家都跟著驢子，走進教堂
（舒韻在右下角！當時的她只有１３個月大呢！）

教堂內...

好近距離~喲！

牧師又說教事了...
小朋友都戴上皇冠，化身歷代不同國家的國王
但耶穌的國卻沒有國度，他都超越了這些國王
是王上之王，我們都要敬畏祂~
（很喜歡英國的「講道時間」，講道者常會走到大家中間，要大家參與，說的故事多比喻多，好叫小朋友投入又易明呢！

*****
Holiday Club又來了~
這次先做animal mask

再做頂Easter Bonnet

故事後，大家就體用footprint走出這條"路"
記念下耶穌受難時走的路

parachute time!

回到教堂內，我們就用一小蛋糕放在圓型的餅乾（我焗的！）上，造成edible easter bonnet~
再作裝飾

我們用sherdded wheat 加溶了的朱古力，造成鳥巢~

影曦的easter bonnet ！好可愛~
鳥巢在右下角~

又一充實的假期~

*****
朋友很花心思，在復活節期間請了我們到她家Easter Egg Hunt!
她把復活蛋藏在屋內，她會給提示我們找~
我們要把她的迷語一個一個地打開，才會知道復活蛋在哪裡！
非常好玩~

大家都找到了復活蛋了~~~

*****
很多地方復活節前都會有Easter Fair, 有同Easter有關嘅手作仔賣~有遊戲玩，有face painting等等~
仲有Easter Bonnet Design competition，好有復活節嘅氣氛㗎！

*****
耶穌受難日是Good Friday
復活日是Easter Sunday
這兩天都會有崇拜，不過我因為去了姑奶家，兩個崇拜都沒有去:(
很懷念英國的生活，想念英國的朋友~
希望大家今年的復活節也可過得如此充實啦！xxx

Wednesday, 21 December 2011

自從n年前德國人開始整薑餅屋（可暖身）後，呢個風氣而家直捲全球啦！
影曦超鍾意食薑餅...
佢就嚟生日，學校有生日會。我問佢想我整咩生日蛋糕返學同同學食呀？
佢竟然話要薑餅屋！
好...我就用咗一晚（８點到４點@.@）嘅時間趕起咗呢間屋畀佢帶返學
我本來想整複習啲嘅，但係影曦話要呢種
咁我唯有下次先挑戰自我啦lol
呢間屋我連個template都係自己畫㗎~
屋有9cm*15cm*16cm咁大

薑餅嘅食譜喺到
夠整呢間屋同N咁多塊小薑餅
白色嘅係royal icing （蛋白糖霜）
只係蛋白加糖霜
打到佢杰放入pippin bag就可以用啦！
royal icing 乾咗後好硬㗎！
royal icing好似係食得嘅膠水咁用！

影曦指定話要加呢粒星喺中間，窗要心型嘅！
加埋燈，即刻靚晒！

Monday, 4 April 2011

英國人的母親節(Mothering Sunday)

前兩日係英國人的母親節(Mothering Sunday)

Mothering Sunday 同Mother's Day係有D唔同㗎

Mothering Sunday係喺Lent嘅(齋戒期)第四個星期日

Mother's day 係美國人"發明"㗎,係五月嘅第二個星期日

而Mothering Sunday嘅歷史遠比Mother's Day耐得多

喺12世紀時,D工人全年得一日假-就係Mothering Sunday, 同家人團聚,一齊去返佢地嘅Mother Church. 同時佢地都會紀念童貞女瑪利亞所受嘅苦.

喺19-20世紀時美國人先開始有Mother's Day, 到咗二次世界大戰後,英國人先好似美國人咁慶祝母親節(又變得商業咗啦-.-)

而家都有好多英國人改咗口叫Mothering Sunday 做Mother's Day, 但仍有人好在意呢日嘅叫法.

喺香港,母親節好多人都會送康乃馨畀媽咪,但係喺英國,我一支康乃馨都未見過-.-

反而周圍盛開嘅DAFFDOIL(喇叭水仙)就成日都見到.

靖翹學校就同小朋友用DAFFODIL嚟插咗盤小盆栽畀我, 影曦就喺學校用紙整咗朵DAFFODIL畀我(讚!!兩樣都勁靚!)

我呢日仲去咗教會,會個小朋友都攞咗盆花送畀媽咪~睇下!我又有三盆啦!

今個母親節真係收咗好多花呢!

Saturday, 26 March 2011

齋戒期前的pancake day

復活節前的第七個星期二係PANCAKE DAY (美國同法國叫Shrove Tuesday, Mari Gras, Fat Tuesday)

信教嘅人都知道齋戒期為40日.復活節一定係星期日, 而復活節前嘅40日(唔計星期日㗎)係星期三(Ash Wednesday),亦即係齋戒期(Lent)嘅開始. 係齋戒期間傳統嚟講大家嘅野會無咁豐富嘅野, 嚟紀念耶穌喺沙漠禁食40日嘅事跡. 所以喺齋戒期開始前, 以前嘅人都會用晒屋企比較"豐富"嘅食材如糖,蛋,奶,面粉...咁啱呢D材料整PANCAKE就最啱~所以喺SHROVE TUESDAY我地就會食PANCAKE嘅傳統

今年嘅PANCAKE地我地去咗個PANCAKE PARTY

有好多人一字排開咁整PANCAKES畀我地食~

PANCAKES嘅配料有好多款~

唔甜嘅有beef stew, Thai curry, Chilli...甜嘅有雪糕,朱古力醬等等...包羅萬有!

傳統嚟講, 齋戒期間嘅人會放棄豐富嘅食物, 佢地只會有乜食乜, 有時會食少餐, 什至全日唔食野. 期間要自我反醒所做嘅錯事, 我地感到抱歉並檢討自己如何改善狀況. 17世紀嘅Ash Wednesday後,教友會著住著麻包袋以代替美輪美奐嘅衫, 更會用灰(ASH) 揸喺自己嘅額頭上㗎!

到咗而家呢個年代, 平常人都唔會禁食啦. 取而代之佢地會喺齋戒期間放棄一樣自己鐘意嘅野. 好似我咁,我就放棄咗飲LEMONADE, 我朋友有D就放棄食朱古力, 唔食含碳水化合物嘅野(有助減肥!), 有D就放棄玩自己鐘意野40日(如唔打機啦~)

我而家仍然堅持到㗎:)

Friday, 14 January 2011

英國的平安夜+聖誕

聖誕PARTY，周圍都係
但係我都過咗PARTYING嘅年紀囉
香港嘅平安夜間間鋪頭都無休，地鐵又通宵
但係喺英國，好多鋪頭都會提早收擋，聖誕同BOXING DAY都唔開架
（英國嘅店舖好多都係9點幾10點開門，5／6點就閂門！比香港嘅早好多！）
我地嘅平安夜，去咗由99主持嘅CRIB SERVICE
佢叫D小朋友DRESS UP做NATIVITY PLAY嘅人物，同唱好多聖誕歌
靖翹話要做KING

影曦話要做天使，仲全場拖住嫲嫲，"幫嫲嫲定驚"

影響曦同靖翹同台演出

平安夜晚，聖誕老人會嚟派禮物

(講開又講，又講下聖誕老人嘅由來
話說喺N年前喺土耳其有個牧師叫NICHOLAS，佢見小朋友窮，於是就喺聖誕送禮物畀佢地。
又話說有三姐妹洗完D襪放喺火爐上哄乾
佢地好窮，想出嫁但無錢買嫁妝
言談間NICOLAS路過聽到，就喺煙囪掉D金幣畀佢地
D金幣跌咗落D襪到，所以自始就有STOCKING掛喺火爐上啦
亦因為佢咁好人，所以被封聖人，叫佢做St. Nicholas 啦
呢個只係其中一個傳說，亦有人話聖誕老人係住喺FINLAND嘅LAPLAND...各有各說啦！)

有D小朋友想見聖誕老人，會遲遲都唔上床
歌仔都有得唱...
he knows that when you're sleeping,
he knows when you awake...
我地都會同小朋友講，佢地要乖乖早D瞓聖誕老人先嚟:)
我地喺影曦學校嘅CHRISTMAS FAIR買咗呢包有閃粉嘅麥皮
佢地叫"reindeer food"

喺平安夜晚灑D喺門口（我地仲放咗CARROT），等聖誕老人嚟時D麋鹿可以食下
我地仲準備咗MINCE PIE，同一杯牛奶畀聖誕老人添
（呢D係我睇書睇返嚟，我99都唔知，佢話係呢幾年新興架喎！）

MINCE PIE係聖誕必食架，用PASTRY包住MINCE MEAT焗嘅。MINCE MEAT係無肉架！主要係用提子乾，杏甫等嘅材料整。
CHRISTMAS PUDDING都係聖誕必食（不過我唔鐘意食，無影相...都係由提子乾同杏甫等乾果再加洒整嘅）

放咗D女瞓後我就準備定聖誕大餐時食嘅brussel sprouts
brussel sprout係傳統聖誕必食嘅，味道似椰菜但濃好多，我識嘅人一係好鐘意食，一係就好憎食-.-
99教咗我點準備brussel sprout～
先係MET咗外面嗰層菜葉，CUT咗個底部，再喺底部界個十字，之後再放喺水到浸（要食時就咁"拾"就得）

平安夜晚，又去咗CHURCH
11點半嘅MIDNIGHT SERVICE
我都係第一次去MIDNIGHT SERVICE咋！
好好氣氛:)
一去到，有人拉緊教堂嘅鐘
有D教堂鐘聲己電子化，用電腦控制嚟拉
呢間教堂仲係手動嘅
教堂嘅鐘唔係易拉架！呢組要4個人拉
拉鐘係要TRAIN架！佢地都係經過特別訓練架

MIDNIGHT SERVICE，成間教堂都點晒蠟燭，勁靚！

返到屋企都成點囉
即刻食咗個MINCE PIE同飲咗杯奶扮聖誕老人嚟過
英國人係聖誕節拆禮物架，唔係BOXING DAY拆架！
（唔同國家，拆禮物嘅日子都唔同。有D國家會喺St. Nicholas' Day 6/12就拆）

第二朝就有兩個好興奮嘅妹妹喺床尾發現佢地嘅STOCKING有勁多禮物！即刻彈咗起身拆

等等埋嫲嫲喺教堂返嚟，我地就繼續拆大人送畀佢地嘅禮物

聖誕大餐
火雞（必配CRANBERRY SAUCE）
STUFFING
VEG
ROAST POTATO
SAUSAGE MEAT

見到每人枱上都有呢個CRACKER嗎？
食CHRISTMAS LUNCH前我地都會一人揸住兩個（CRACKER有兩邊，通常係交叉手咁揸住兩個CRACKER嘅其中一邊，個個都咁揸就會成枱人都會每人揸住兩個）
數一二三大家就會一齊拉
拉爛時會有"啪"嘅一聲，所以叫CRACKER
撕開嘅CRACKER會有一邊得一個短筒，一邊長嘅
拉到長筒嘅即係WIN到裡面嘅獎品
獎品係咩就視乎你買幾錢嘅CRACKER啦！
平嘅幾磅都有，獎品都係D無謂野
貴嘅可以去到50磅都有架！
通常CRACKER內都有一個紙皇冠，一件"獎品"，同一個"爛GIG"（如下圖）

講住咁多先啦！下次再講:)

英國人聖誕節前的準備

Wednesday, 22 December 2010

英國人聖誕節前的準備

前排太忙，無時間打呢篇，希望仲趕得切同大家分享下英國人點樣過聖誕，為呢個版面增添少少節日氣氛！

英國人過聖誕好誇張，有Ｄ專係賣聖誕飾物、用品嘅店鋪，早喺８月就開門做生意！

佢地點生存？我完全不能理解！但好多人都有批評，呢Ｄ鋪頭咁早開，實在太誇張！

有人會早幾個月前預訂送畀小朋友嘅玩具！
好像似今年咁，TOY STORY3熱爆，有人喺十月尾預訂BUZZ嘅玩具，但係到而家都仲未返到貨！
我有朋友喺百貨公司做，佢話D人訂唔到想要嘅玩具，向佢地開火-.-好慘！

英國人好重視聖誕。聖誕一定要同屋企人過（好似中國人嘅新年咁，要一家人齊齊整整）
以前喺香港，聖誕我都係同朋友過，真係唔知聖誕嘅意義喺邊。而家...我算係了解多咗啦！
講返聖誕點解要送禮物先...其實係因為耶穌出世時，嚟自東方嘅三位博士帶咗禮物送畀新生王。因為咁，聖誕送禮變咗傳統。聖誕為期12日（歌仔都有得你唱-THE TWELVE DAYS OF CHRISTMAS），因為東方嘅三位博士喺耶穌出世後嘅第十二日先到達。傳統嚟講，聖誕飾物喺12前（1月6日）就會拆除。如果唔係就unlucky㗎！

十一月尾時有D英國人會整ADVENT CANDLE
我99有同影曦同靖翹一齊整：）

十二月嘅第一個星期日第一支蠟燭會被點起，第二個星期日，第二支會被點起...第四支點著埋後～聖誕嗰日會點埋中間嗰支
5支蠟燭代表唔同嘅野，通想都係三支紫色（分別代表patriarchs，prophets，John the Baptist），一支粉紅（代表MARY），一支白色（代表JESUS).蠟燭仲會畀長青嘅植物圍住架

仲有D人會買一支嘅ADVENT CANDLE代替5支
一支嘅ADVENT CANDLE刻有24格，每日點著一格咁倒數聖誕

英國人都會買定ADVENT CALENDAR畀小朋友，用嚟倒數聖誕
ADVENT CALENDAR有24格（有D有25格，第25格係大禮物！）
每日開一格，開晒咁多格就係聖誕！
ADVENT CALENDAR有好幾種。有D好似我兩個女開緊呢種現成買嘅，每格一粒朱古力；有D係開"櫃統"，等我地自己放糖／朱古力／小玩具落去；另外一種就係布造嘅