自製芒果奶﹣＞芒果奶昔﹣＞芒果香蕉奶昔！

之前都講開，我會喺超市買就爛嘅生果~
呢一日，我就買咗三果芒果，盛惠＄５
呢啲生果因為比較成熟，果糖較多會較甜，用嚟整呢啲飲品唔洗另外加糖／蜂蜜
一買到返屋企，就要「處理」下佢先~
先係切粒...



一盒咁放入雪格備用（呢到有三個芒果咁多肉~)



雪好咗嘅冰鮮芒果，幾時都可以用！
今次我想整杯細細嘅~用咗一個芒果咁多肉
將冰鮮芒果粒加入攪拌機



加奶攪拌就變咗芒果奶
份量幾多？隨意啦！有啲人鍾意稀啲，有啲人鍾意杰啲
少少少少咁加嘅話就可以調較到自己喜歡嘅濃度



想要奶昔？
加啲呍呢拿雪糕~
咁就變咗芒果奶昔



加多條蕉，就變咗...



芒果香蕉奶昔！勁好味！！！



如果大家無冰鮮芒果，都可以用新鮮芒果＋冰粒
唔夠甜嘅就加糖／蜂蜜~
唔想咁肥嘅就可以用脫脂奶！好多變化㗎！