DIY紙燈罩

我屋企有好幾罩燈啲燈罩都係唔係好掂
繼上次嘅彩虹傘燈罩之後
今次又整個紙燈罩
用嘅材料主要係馬拉紙同大量A4紙~

我買咗呢種大氣球（一pack３個，可吹到直徑３０cm咁大㗎！）
用完可以就咁放氣，唔洗吉爆㗎~
小朋友又有得玩~最開心！
*如果想skip咗呢部，大家可以去ikea買個燈罩，跳去下步繼續做

先係整咗個球型先...
材料有...白膠漿，馬拉紙同大氣球

先係將馬拉紙cut細，白膠漿開水，一層層咁貼上氣球面
乾咗第一層（約一晚）後再整第二層...第三層
由於都要整都幾煩，我搵咗影曦幫拖lol
*我用個生果碗放底，咁個波唔會碌嚟碌去~



攪掂就係咁㗎啦



跟住我就用咗好多A4紙一開３
由底用白膠漿貼起，圍圈咁貼！
我咁吊住嚟貼會易啲囉~
都唔想整皺啲紙㗎嘛！





黐好就將個氣球放氣（呢個氣球好厚身，個咀位解開唔難㗎！）
喺頂到開個孔
我自己就用衫架整咗個吊落燈到嘅架
喺燈罩嘅頂部開孔，黐個鐵架落去就攪掂㗎啦！
都幾靚呀