給母親的...母親節花球蛋糕

呢排開始試好多新嘅野:)因為想遲啲開始畀人訂蛋糕
不過因為我仲要湊３Q，時間唔會太多~所以到時只係一個星期接幾單，主打cupcakes~
就係因為咁，我就試唔同嘅recipe，整唔同味，唔同款嘅蛋糕
呢盆花係由cupcakes砌成㗎~做法都好簡單...
（呢個星期呢個蛋糕我整咗三次！所以相中啲cupcakes係唔同色㗎！

呢張相中嘅蛋糕係白色＋漸變粉紅＋漸變紫~

先準備好cupcakes,用buttercream做玫瑰形花
要一個花盆，一舊花泥同埋一啲牙籤


每一個cupcake要兩支牙籤支撐
先插牙籤入花泥，預先插好個孔，然後先插落個蛋糕仔到，再插返入花泥
*要注意牙籤邊邊頭插過入花泥，唔好用返嗰邊插入去蛋糕仔~

我一共用咗７個蛋糕你嚟砌~
最後加返啲葉、蝴蝶等裝飾就攪掂~



幾靚~哈哈！

呢個係影曦同靖翹親手整畀婆婆㗎！
仲加咗啲銀珠添！
補祝婆婆（即係我媽呀~哈哈！）母親節快樂！
希望你會鍾意呢兩個檸檬（好酸﹣＞好孫）送畀你嘅蛋糕啦~~~