5點我畀舒韻嘈醒，餵佢餵到６點我就瞓返...
之後我瞓到８點先起身呢！！！
好彩兩個大嘅都好合作，好快就換好衫，食埋早餐出得門口
由於今日係第一日...所以我好多野都plan好先
以免時間太亂
湊完影曦返學，我就湊住靖翹同舒韻返屋企
餵咗舒韻先
之後就煮定飯
同靖翹玩陣playdoh就再出去接影曦
影曦返到嚟，我就整埋d飯就開飯
食完飯我由得佢地玩陣
我就餵奶
餵完奶同影曦做功課
之後就同佢換上趕去clubhouse上芭蕾舞
一上完堂返到屋企，叮返熱之前煮好嘅飯就可以開飯啦
點知影曦同靖翹都話攰，唔想食，想上床瞓喎@.@
格硬叫佢地食咗d就同涼都無沖（抺身算！）換睡衣上床瞓
當時係６點半都未到！
之後成晚...都係屬於我同舒韻嘅^.^
你d囡都算乖算易湊噃~ 唔係你真係頭都暈呀! 舒韻個樣超可愛啊~
ReplyDelete[版主回覆02/25/2010 01:21:00]多謝^.^ 我都覺得佢好可愛呀!尤其是佢唔喊嘅時候！
真係羡慕你3個女都咁好湊 ，我湊1個都比佢玩c，我個女又唔合作又黐身。
ReplyDelete[版主回覆02/25/2010 01:22:00]我大女喺我未生二女時都好痴身㗎 係大大下先好d咋~！ 而家成日都會自己玩，唔洗好似以前咁，成日要我陪
想請問下當你餵舒韻飲奶時,靖翹會做乜,若靖翹要你同佢玩,點分配時間?謝謝!
ReplyDelete[版主回覆02/25/2010 01:33:00]通常我餵奶我會開電視 因為咁係最分散到佢注意力嘅 仲有我會準備定小食，野飲放喺佢前面 咁我餵奶時佢就有d野做下，唔會走過我攪我 其實佢係好乖㗎啦，我餵奶時，佢最多走過嚟望下我，錫下妹妹，摸下妹妹就行開，唔會要我同佢玩 可能因為佢都兩歲半，懂事好多啦！ 靖翹出世時，影曦先得歲半 佢嗰時好痴身，我餵奶時都會要我抱，想我同佢玩 我有同佢講，當我每次餵奶時，佢唔可以要我抱，佢要leave me alone，更唔可以爬上我到。 嗰時我每次餵奶前，都會攞定晒d搖控，dvd player放咗佢鐘恴睇嘅dvd，有幾本書喺我隔離，放咗少少玩具喺電視前，準備好小食同野飲... 到我要餵奶時如果影曦要我同佢玩，我就會洗咗佢去攪其他野先...玩玩具呀，睇書呀咁... 但如果最後都無效，我會同佢講，你想媽咪陪你玩嘅都得，等媽咪餵完奶就可以陪你玩啦 總之promise咗佢，我餵完奶之後會同佢做d乜野乜野，而每次餵完之後都要記得記得你promise過同佢做d咩 咁佢好快就會明白，媽咪餵奶時唔可以埋去，有咩事媽咪餵完奶就會同佢做。 我都用咗一星期先令影曦明白呢個道理！ 之後我都唔洗餵奶前準備咁多野囉~
你真的好厲害,可以將d時間分配得咁好,喂人奶又可以堅持每四小時一次,你喂奶時兩個家姐唔會黐住你要你陪嗎?點解你坐月期間都可以周圍走????
ReplyDelete舒韻真係又可愛又乖
[版主回覆02/25/2010 01:38:00]我有條straight rule，我餵奶時佢地唔可以行埋嚟！ 佢地都明白㗎 我餵奶時通常都會開電視佢地睇 咁佢地就唔會攪我 佢地唔會走嚟黐住我㗎 可能而家大個啦 佢地都會走開，自己喺玩具房到玩~ 點解我坐月可以周圍走？ 因為我唔會坐月囉 兩個女都要我睇住㗎嘛，邊會坐到呀 屋企d家務始終要人做，邊有得抖呀...
你真係好掂，生完無幾多日就一湊三仲要出街！ 你咁快出街唔怕入風咩？d人話坐月最好唔好出街喎！
ReplyDelete[版主回覆02/25/2010 01:39:00]入風？唔怕啦...我生上兩胎都無坐月，都ok呀 我坐月嘅話，無人幫我睇住大嗰兩個㗎
I really give you 100 . You are a super mother. I also did not "sit moon". Same as you, no one help me ah.
ReplyDelete