因為Kerry住得遠，所以佢而家搬埋嚟我地屋企暫住，等我要入院時就可以即刻入~
佢會幫我睇住兩個女
今朝我又要去健康院
老公第一次陪我去
Kerry喺屋企睇住兩個女
今日去健康院超快攪掂呢！
check完基本野就去見e生，半個鐘就走得！
老公真好彩！唔洗喺嗰到陪我咁耐
e生話Echo而家2/5 engaged咋
可能都仲要等下...
我會喺瑪嘉烈生，佢地嘅policy係，如果過咗edd 10日就會催生
e生幫我book咗17號年初四入院
即係至少我知...Echo最遲17/18號會出世啦
都好，起碼有d野畀我倒數下！
仲有6日咋
不過...我當然希望佢早d出嚟啦！
再遲d，我唔知佢有幾大份呀...生都生c我！
直到而家為止，我已經食咗超辣咖喱（老公泡制嘅...我嘅感覺係我畀人玩緊-.-）
佢加咗極辣嘅辣椒仔辣汁，peri-peri sauce 同６隻辣椒
食咗６００ml綠豆沙
食咗波蘿
成日行樓梯（仲有跑添！）
不過都係無用...
而家唯有順應天意啦~
如果想早d行下樓梯都有幫助.我果陣到期醫院約我一星期後催生, 跟住果3日行下樓梯結果都唔洗催生. 不過行樓梯時要搵老公陪安全d.
ReplyDelete[版主回覆02/12/2010 11:17:00]我有行㗎 行樓梯，食涼野，食辣野...我都試晒 佢都唔肯出嚟，我都無計-.-
我係你個blog嘅fans黎，預祝你生產順利！
ReplyDelete[版主回覆02/12/2010 11:18:00]多謝晒~ 有咩住展我一定會喺到同大家講~
我都係你個blog嘅fans黎架，希望bb快d出黎^^
ReplyDelete[版主回覆02/12/2010 11:19:00]望就咁望啦~ 因為而家都幾悶 成日喺facebook到見到一個又一個預產期比我遲嘅朋友都生咗 我自己仲係大肚婆一名-.-真係有少少心急呢！
YENNIE , 祝你身體健康 ! 再生多個靚 bb !
ReplyDelete[版主回覆02/12/2010 11:20:00]多謝呀~ 生個靚bb？係就好囉！！！
加油! Take care & wait for your good news!!
ReplyDelete[版主回覆02/12/2010 21:29:00]我會㗎啦~ 我都喺到呆等緊-.-
如果echo想早d出世, 不如就初一啦, 又情人節, 真係幾廿年先有一次機會架! 仲可以上新聞....比人訪問! 哈哈! 太太, 請問你囡囡喺年初一出世, 你有咩感覺呀等等!
ReplyDelete[版主回覆02/12/2010 21:32:00]上報上電視就咪啦... 我邊夠上面落嚟畀錢喺到生嘅d人爭呀... 初一出世都ok嘅，情人節出世就慘囉 第時大個就會成日少咗份禮物 男朋友買花畀佢一定極貴...D花又唔放得耐喎...都幾慘㗎... 我寧願佢平日出世算囉~
原來你有左 no. 3, 好勁呀! 你試下扶住枱邊, 連續做十幾廿下 蹲下 站立, 幫助快啲生架.
ReplyDelete恭喜晒!
[版主回覆02/12/2010 21:32:00]好！我會試下㗎啦... 我都乜都試過 佢都唔肯出嚟 我都無計-.-