尋晚last feed 喺11.30pm，我而家餵完舒韻一邊後，同佢沖個涼，再餵佢第二邊
咁佢食得唔錯喎，又醒d（整攰佢！！！hehehe）
放落床12.30左右
佢一瞓瞓到5點先醒
咁都幾好啦~就快戒到夜奶啦！
好醜樣呀>.<
尋晚review返舒韻食奶嘅情況，佢話不如改返每三個半鐘餵一次奶啦
我計計下...都ok喎
d時間會好少少，唔會撞得咁勁...起碼６點嗰餐唔洗撞同兩個女沖涼嘅時間嘛！
所以呢...今日餵舒韻嘅時間變咗...
5am/10am/1.30pm/5.00pm/8.30pm/12.00am...
睇下舒韻今晚又會瞓成點~
好啦，講下影曦同靖翹先
今日放學，影曦無咩咩話要去廁所！
即刻衝咗去東薈城
點知咁啱今日（初十一）有舞C採青
兩個女勁鐘意見！！！影曦睇到唔捨得走
即刻衝咗去東薈城
點知咁啱今日（初十一）有舞C採青
兩個女勁鐘意見！！！影曦睇到唔捨得走
周圍打鑼打鼓
佢仲可以瞓得咁冧...勁！
佢仲可以瞓得咁冧...勁！
見過c子搭電梯未呀？
東薈軒玩野...掉住隻蟹
採採採...採咗勁多次都採唔到@.@
驚嚇嘅舒韻
東涌新浦點~
文東路嘅play room
都幾好玩㗎~
文東路嘅play room
都幾好玩㗎~
有架pirate ship!
你睇影曦幾歎~
舒韻對眼仔好大呀,而且仲好深雙眼皮添...
ReplyDelete你自己有時間都要多點休息啊!!
[版主回覆02/27/2010 20:54:00]我會多d休息㗎啦^.^多謝關心！
認同 Him 咩咩說法，睇妳由朝忙到晚，自己要多D休息呀，始於係坐緊月，呢個月對女人黎講係好緊要架，要小心D保養吓。
ReplyDelete[版主回覆02/27/2010 20:55:00]我係朝早忙啫 夜晚我通常上網多 都唔係太忙啫！
舒韻好錫妳呀，食飽就乖乖肯瞓，等妳可以照顧兩位姐姐．妳記得休息多ｄ呀！ 我都係母乳媽咪，仍記得ｂｂ未足月果陣我係隔兩小時就餵，一日至少餵十餐，手腕勁痛同埋無得瞓，不過真係好長肉呀，妳都加油啊！
ReplyDelete[版主回覆02/27/2010 20:57:00]我會加油㗎啦~ 嘩！嗰時你兩個鐘餵一次...一定好攰啦！ 健康院真係教壞人...教到個個人奶媽咪都咁鬼辛苦... 我通常餵奶係瞓喺到餵㗎，所以唔會手痛 以前坐喺到餵得多，條腰都好痛呢！而家瞓喺到餵舒服好多啦！
舒韻飲完奶即刻沖凉會唔會好易嘔奶呀?你都要俾自己多D時間休息呀!
ReplyDelete[版主回覆02/27/2010 21:01:00]舒韻係個好奇怪嘅BB 佢一路都好少好少嘔奶 頭嗰幾日直頭無嘔過奶添！ 當然我餵完佢一邊，梗係掃咗風先同佢沖涼啦 所以都無嘔奶嘅情況出現~
恭喜哂你呀, baby 舒韻已經10日大, 佢好乖好合作, 希望佢健健康康, 聽聽話話!
ReplyDelete你真係 super mum, 你3個囡囡好幸福, 真的, 現在很多家庭因為各種原因只可一孩, 有姊妹一起成長真的很幸福.
你記住呀, 你只係生左10日, 真係要休息多d, 除了必須既活動, 唔好四處去喇, 我99 好後生生BB 生左3個, 當時生活清貧, 生完好快就要落田工作, 當時佢真係後生, 好健康, 但係而家50多歲就好多病痛又怕冷. 唔肯定關唔關有無坐月事, 但係你既小朋友將來都好需要你既, 你真係要好好take care yourself!
[版主回覆02/27/2010 20:59:00]我生完後嗰幾日條腰好軟，行唔得遠 而家就好好多囉 我唔會格硬做太多野 我都係量力而為，做唔到嘅，我唔會做嘅~
咁快就戒到夜奶. 舒韻真係好易湊 .
ReplyDelete[版主回覆02/27/2010 21:01:00]都真係幾㗎^.^ 湊佢都幾舒服 唔覺自己湊緊三個
其實我都想問你之前有冇坐月架? 可能你比較外國d所以唔興, 我嗰時就強制要坐月, 仲有好多規矩, 不過都冇跟足, 但試過十日冇出過街, 所以見你呢十月都已經活動自如, 勁!
ReplyDelete[版主回覆02/27/2010 21:07:00]我之前兩胎都喺英國生，無坐月㗎 亞媽同亞婆都唔喺身邊，乜都唔識，咪無理到囉 我唔係因為思想"外國"所以唔坐月 我只係覺得，世界唔會因為你生咗個B就停 所有野都會move on 而且我唔想因為屋企多咗個妹妹，而影曦兩個家姐嘅日常生活 如果因為坐月而攪到兩個女要坐監咁困喺屋企...好似對佢地好唔公平咁...
咁你仲使唔使做家務, e.g.煮三餐, 清潔屋企?
ReplyDelete(同你講聲Happy Birthday先, 我唔係日日上網, 大家都係3月4日生日 )
Anson
[版主回覆03/02/2010 00:07:00]咁我都同你講定生日快樂先~ 我而家都要做晒所有家務㗎 煮三餐唔在講 三個女每日著咩衫，食咩野，玩咩，做功課，沖涼...乜都係我 洗衫（每日至少洗一機！），掠衫，摺衫煮飯，掃地，拖地，洗碗...又係我 夜晚霸住個電腦嘅，都係我hehe
唔好意思, 我以為yahoo又出唔倒, 打多幾次
ReplyDelete你好呀, 我睇左你個blog都一段時間啦, 你好叻呀...你岩岩生左bb要休息多d呀, 唔係呢身體唔好你點樣照顧三個囡呀~ 雖然你覺得坐月對兩個大女唔公平咁, 但你諗下你呢段時間最緊要係休息休養身體, 將來仲要更多體力去照顧佢地架....保重呀....
ReplyDelete我依家細仔都十個月大啦, 之前我都唔住點坐月, 因為奶奶有病媽咪請唔到假幫我, 我諗住求其就算, 但係媽咪提醒我話坐月坐得唔好, 將來身體唔好點照顧兩個仔呀, 好似最簡單腰骨痛(生完之後最常見)點樣湊到佢地呀, 之後我先肯聽媽咪話坐月, 期間煲湯飲(煲產後廿八坊)食薑醋咁, 依家點樣湊仔腰骨都無痛(我第一胎果陣時抱b耐都腰骨痛架)....你保重呀, 煲下湯飲(可考慮廿八坊或者去藥材舖執湯包), 或者去鴻福堂(mtr沿線都有好多分店架), 佢有d湯包煲定左, 又有薑醋賣架, 你叫husband幫你買定多d, 係屋企整返熱來食都架啦, 湯包揀花膠就得, 呢幾樣我都試過, 好得架, 唔駛自己煲整返熱就得, 咁咪叫做補下身咁, 你真係要保重呀~~~
[版主回覆03/02/2010 22:50:00]多謝你嘅關心同意見~ 我上兩胎都無補過 今次媽咪同婆婆都有整雞酒，薑飯同薑醋我食 我有食㗎~我己經覺得好夠囉！ 而家生完都兩個星期啦 已經無再腰骨痛，可以做返以前yoga嘅動作啦 我嘅身體（除咗個肚腩）同體能上都去返之前我未生之前咁啦 我會保重，我會量力而為㗎啦^.^