Leeds Castle (一)

好友ISSY問我HALF TERM去唔去LEEDS CASTLE, 佢話佢有全年證, 佢會問朋友借埋個證畀我同影曦, 咁入場唔洗錢~ 咁筍我梗係話好啦~

約十二點佢渣車嚟接我地, 未起程就落雨:(
好彩去到停晒雨, 嗰到仲好乾,無落過雨嘅跡象添~全日好天:)

講下LEEDS CASTLE嘅小小歷史先

呢個城堡原建於1119年, 原本唔係城堡,只係一間"屋", 後來到1278年King Edward I of England同佢皇后加建到似而家咁嘅樣-包括護城牆,三個加建建築物嘅入口,閘口同吊橋.

之後一路都有貴族同皇室喺到住...

不過令LEEDS CASTLE出名嘅主要係因為HENRY VIII 嘅第一個妻子, CATHERINE OF ARAGON喺到住過, 佢地嘅女ELIZABETH I 喺加冕禮前(做皇后前喺到做特訓,準備成為皇后)喺到住咗一排

跟住一呢到一路都有貴族喺到住, 每一個主人都喺城堡加入少少"個人特式"...等陣你睇相就會見到

LEEDS CASTLE最後一個主人係LADY BAILLIE, 佢同佢第二任丈夫買呢個城堡時城堡非常殘舊,野草周圍都係. 佢用咗好幾年時間同設計師修復城堡嘅室內設計. 佢好鐘意雀仔㗎, 所以喺LEEDS CASTLE周圍都有雀仔~ 鴨, 鵝, 天鵝, 鴛鴦, 孔雀...隨處可見:) 仲有個AVIARY 養咗嚟自世界各地唔同嘅雀仔添! 由於LADY BAILLIE想LEEDS CASTLE公開畀遊客參觀,又唔想LEEDS CASTLE落入NATIONAL TRUST嘅手中,所以佢死前就成立咗LEEDS CASTLE FOUNDATION呢一個非牟利機構去管理 LEEDS CASTLE一切事務. LEEDS CASTLE 平日隨咗開放畀公眾參觀,你仲可以租用佢嘅會議室開會, 可以租用場地結婚(無錯,喺城𡋛結婚呀!!!), 仲可以喺嗰到住一晚. 佢仲有個GOLF COURSE畀人GOLF打㗎!好啦...講住咁多先...睇相!

一去到,𥄫𥄫地圖...個湖都幾大下㗎

喺到許個願先

搵個地方野餐先

見到有隻白色嘅PEAHEN喺到(女仔嘅孔雀...通常灰色,但呢隻係白色㗎~)

我地喺到落腳野餐, 同雀共餐

呢條唔係欄住孔雀嘅欄杆嚟㗎, 我地食緊野時, 佢行到好近下,一D都唔怕人

WILLOW UNDER A WILLOW TREE

排隊入去城堡參觀

CELLAR-以前D酒就係放喺樹㗎啦

兩座大嘅建築物就係靠呢條橋連接㗎啦

行到去另一邊,D裝飾即刻唔同咗(唔同年代嘛~)

呢張係皇后瞓嘅床

同一間房...皇后日間瞓嘅床

幾好VIEW! (留意下D窗~個個窗都唔同㗎!)

呢個係浴室. 以前嘅人無自來水,皇后想浸個浴,就要靠工人一桶桶水咁攞上嚟

又一個靚窗(呢個似係歌德式喎)

兩個人嘅兩枱...

好大個FIREPLACE(火爐)呀~冬天實好暖~

小公主~呢幅PAINTING好靚呀~

周圍都掛滿人皇室嘅人像畫

個FIREPLACE好正呀~

講住咁多先(呢篇咁嘅野我都打咗個半鐘!死未!)...仲有廿張相未UPLOAD!

密切留意LEEDS CASTLE (二) 啦!!!