一歲的舒韻

湊舒韻記,不經不覺已經寫咗一年啦~

我寫湊舒韻記嘅目的,係想分享下幾大嘅BB可以做到D咩,等大家都可以喺屋企教上小朋友

我教BB嘅都係生存之道,求生技巧

我唔鐘意"baby can read"嗰類野, 呢D咁嘅教材又貴,又一定要係好有恒心先做到

自問無咁嘅恒心...我見過好多父母買咗好貴嘅教材,但無堅持同BB做,結果買咗都無用

失敗例子實再太多...倒不如同BB做下D有趣D嘅無壓力活動仲好

其實網上有好多資源, 想教小朋友嘅,跟本唔使買!

好啦,講返正題...

舒韻一歲,係一個里程碑, 多謝大家同我一齊見證佢嘅成長!

舒韻喺一歲前一星期, 開始企得穩, 跟住開始行, 而家都行到十幾步啦!

佢仲成日企喺到睇住電視成野:)

(用小朋友鐘意食嘅野嚟引佢地企/行, 係好好嘅方法嚟㗎!)

影曦都鐘意捉住舒韻手嚟行

舒韻砌積木都砌得好好啦!

新記錄係6舊!

舒韻上樓梯嘅速度快咗好多:)

舒韻而家嘅COPY能力強咗好多, BB手語學得快咗

佢好快跟到做, 但就未必明

講野方面都仲係DADADA咁,但就好明顯見到GRANDAD時會叫DADA

講BYEBYE時又講DADA...起碼佢知幾時要講野,係好事!

舒韻好鐘意睇書, 成日走去搵書睇.佢會靜靜咁坐喺到睇

佢會指住D字, 知道D字有意思

呢排佢好鐘意入自己D玩具落袋.,然後攞出嚟.佢可以咁玩玩成4個字

佢最鐘意睇嘅節目有:

Waybuloo, In the night Garden,Teletubbies

呢幾個節目都係BB節目,講嘅係BB話,可以幫助BB語言發展

用匙食飯佢可以自己食一大半,但最後嗰幾啖都仲係要我餵

佢最意食柑, 仲會食提子,香蕉, 梨同士多啤梨

仲係食緊人奶,早晚各一餐

NAP係12-3,一日三餐

仍然係7點瞓到7點

記住咁多先:)