觀星

喺英國嘅郊區, 只要天清, 睇星非常容易

英國由比香港北, 所以睇到嘅星星都有D唔同㗎

北極星離北天極只差0.7度, 著名嘅北斗七星(大熊座嘅尾巴)喺英國係全年都見到嘅,但係喺香港嘅,就只會喺夏天先見到

大家好多時見到人地影星星, d星星圍住中間嗰點轉,就係因為d人較咗好長時間嘅暴光(長開快門), 中間喺就係北極星, d星係圍住北極星轉㗎, 所以咪影到咁囉~

至於好似南十字星座咁南嘅星,英國就完全睇唔到啦

呢張係我兩年前影㗎

某一晚見到個天咁鬼清，我就走咗出去睇星
超多星呀！
呢張﹣畀我影到夏季大三角，牛郎，織女同天津四
背景灰灰地色嘅就係銀河啦！！！
係咪好正呢~

仙后座係w字咁, 由5粒星組成...我成日同靖翹講,佢個名(w)喺個天到㗎!(跟住影曦就會問...點解無佢個名嘅...-.-)

用北斗七星同仙后座嚟搵北極星好方便㗎(想知點搵...大家上網搵下啦...唔喺到講咁多), 古時d人就係用佢地嚟認方向㗎

喺英國睇星就係好正㗎, 好容易用肉眼見到星團同星雲添㗎

好似七姐妹星團, 獵戶座腰帶下嘅M42星雲, 仙女座星雲...等等

全部都好易睇到:)

大家如果想學下睇星嘅, 不妨可以買個星圖嚟睇(好似十幾蚊一個㗎咋, 太空館有得賣)

有d大書局好似商務咁都會有講星星嘅書, 但係要記住唔同嘅經緯度,星圖都會唔同㗎(台灣嘅香港用,有少少分別,但英國同香港嘅就差好遠!)

順帶一提, 好多人對流星雨有誤解, 以為流星雨係不定時, 幾年先一次

但其實流星雨係每年定時都有㗎! 只係睇下大唔大型嘅啫~

"流 星 雨 的 成 因 是 地 球 遇 上 了 一 群 密 集 的 流 星 體 ， 一 般 相 信 ， 流 星 群 是 由 周 期 性 彗 星 分 解 出 來 的 物 質 或 由 瓦 解 了 的 彗 核 所 形 成 ， 所 以 流 星 群 和 其 母 體 彗 星 有 大 致 相 同 的 軌 道 ， 由 於 流 星 群 的 軌 道 頗 為 固 定 ， 所 以 地 球 會 周 期 性 地 穿 越 這 些 流 星 群 ， 形 成 固 定 出 現 的 流 星 雨 ， 例 如 「 四 月 天 琴 座 流 星 雨 」 、 「 十 二 月 雙 子 座 流 星 雨 」 等 。"

詳細資料响樹呀~ http://www.lcsd.gov.hk/CE/Museum/Space/StarShine/AstroEvent/MeteorShower/c_starshine_ae_ms.htmhttp://

十一年前嘅獅子座流星雨係我見過最壯觀嘅流星雨:)當年我去咗錦田到睇, 到好黑, D星特別光呢!

幾個月前有一晚我由屋企行去車房, 一分鐘都唔洗就行到,但係已經見到三粒流星! CHECK返先知原來嗰幾日係獵戶座流星雨呢!

我鐘意睇星,因為望住天上嘅星, 想到宇宙嘅浩大, 我自己嘅渺小, 煩惱都唔再覺得重要:)希望你地都會愛上觀星啦!