英國人揀屋的條件

英國人買屋同香港人買樓好唔同...

香港人鐘意買新樓,間格四正,要有會所,交通要方, 校網要好...

但係喺英國買屋係完全兩回事!

英國好多屋都有幾百年歷史㗎

有D人鐘意PERIOD HOUSE(較舊嘅),有D鐘意MORDERN嘅

我之前都講過下TUDOR 嘅屋同GEORGIAN 嘅屋, 佢地都係PERIOD HOUSE嘅一種

其實仲有好多㗎...好似VICTORIAN呀, EDWARDIAN呀咁

每個時期都有住唔同嘅建築風格, 有D人會鐘意特定時期嘅屋

好多人都會想要D有"CHARATER" 嘅屋

佢地會睇下間屋有無ORIGINAL FEATURES, 如門,窗,火爐,天花皮嘅木刻同BEAMS等等...

好似呢間屋咁...(有五百年歷史㗎啦!)

露出嘅橫樑(BEAMS)係特色之一

有好多人都鐘意火爐(FIREPLACE), 燒木嘅時候有陣陣木嘅香氣㗎! 但就唔咁啱屋企有小朋友嘅家庭~(市面上都有好多圍欄賣,防止小朋友走得太近嘅)

不過而家所有屋都有中央暖氣LU

我都好鐘意呢D咁有歷史嘅屋㗎!可惜我仲未住過...

呢D PERIOD HOUSE通常屋內嘅間格有少少奇怪, 所以好多人都會改屋內嘅間格㗎

喺約VICTORIAN時期嘅屋,厠所係喺屋外㗎! 所以而家好多人都會加返個厠所喺室內

而厠所喺樓下嘅通常都係比較舊式(六,七十年代)嘅設計

英國好多人都會夢想買間爛屋,裝修好再賣出去㗎,因為都真係幾好賺㗎

呢D人咪會將個樓下厠所搬返上樓,又或者喺樓上加個厠所

一間屋好多時係廳同廚房喺樓下,睡房同浴室喺樓上

樓下有個厠所係+ POINT嚟㗎!

而家又會好興起EXTENTION, 令屋企更大

有好多人都會鐘意起CONSERVERTORY(溫室),用嚟做飯廳,書房,玩具房等等...

有D大屋會有多過一個廳(RECEPTION ROOM). 佢地會用嚟做玩具室, 工作室, 畫室, 遊樂室咁㗎

英國人嘅㕑房比香港嘅要大得多

KITCHEN / DINNING AREA而家好流行

英國人認為廚房係成個屋企嘅中心,食飯同同朋友交際都會喺呢到發生

唔似喺香港咁, 煮野食嗰個成日要呢埋

另外,呢到嘅套房無香港咁普遍

呢到嘅屋近屋頂嗰層叫做LOFT/ ATTIC(用嚟放雜物)

LOFT係要拉條樓梯先上到嘅閣仔

而ATTIC係可以直接上到去嘅

而家好多人都鐘意做LOFT CONVERTION, 將閣樓改做睡房,令屋企有更大空間

仲要講嘅係車房.通常呢到D人都係鐘意用車房嚟做雜物房,真係拍架車入去嘅係唔多㗎! 我地好多工具呀, 趁平買多咗嘅食物都會放喺嗰到㗎:)

有車房都係一個+ POINT嚟㗎

仲有睇下有無OFF ROAD PARKING

有D人可以泊架車喺前花園,但有D COTTAGE無前花園嘅,咁嘅車就要泊喺路邊...

順帶一提~ 兩間屋黐住一齊嘅叫SEMI-DETACHED, 一間零零丁丁嘅叫DETACHED,一排嘅叫TERRACE, 細細間樓底矮嘅叫COTTAGE(係以前D農夫住㗎!叫農屋)

SEMI-DETACHED同TERRACE會聽到隔離屋嘅聲㗎,但因為有隔離屋,冬天無咁凍㗎!

我而家住緊呢間係DETACHED,四面都係牆,好鬼凍呢!

仲有呀,呢到嘅窗多部份都係DOUBLE GLAZED(雙層)㗎!咁可以隔聲同保暖,比起單層暖DD㗎!

花園有大有細,有D屋會連埋馬房,方便養馬嘅人

 

講住咁多先...諗到繼續打!:)