Ariel同Edward嘅婚禮

今日去咗同學Ariel嘅婚禮

佢地下晝行禮夜晚設宴

我只係帶咗兩個女去婚禮咋

之後送返佢地去東涌

放咗佢地瞓覺得，再出去飲A&E嗰餐

係就係麻煩咗d

但我始終唔鐘意帶小朋友去飲

一嚟我兩個女７點瞓，去飲未夠８點都唔開始嘅...

去到咪自己攞嚟衰！

佢地又攰又躁，我地大人都一樣

又要照顧佢地同人傾唔到計喎

無謂攪到大人細路都辛苦

所以去咗飲咁多次...我一次都無帶過兩個女去㗎

會唔會好似佢地miss咗d野？

佢地仲細，大個d先體驗下婚宴都未遲啦！

我地早到咗會場，等緊入"幸福小教堂"

影下相先

今次我一個人只係帶咗兩個女去，連車仔都無帶

搭搭下地鐵，靖翹瞓著咗@.@

攪到我抱住佢由地鐵站行到上會場...

好彩影曦都乖，佢都有拖實我行嘅

點知一入到"教堂"，靖翹就醒咗啦！

仲要自己坐埋一角

婚禮未開始，同yannis影返張相先~

我地等咗好耐，終於可以同Ariel合照

影曦見ariel好似見公主咁
一見到就走埋去攬住Ariel同錫佢！

靖翹都唔執輸，又攬又錫~
Edward唔好呷醋呀...

借咗兩個女畀佢地扮一家人~

尋日先發現靖翹原來紥到孖辮！

係咪好可愛呢！

Ariel之後仲送咗個花球畀佢地玩呢（呢個係伴娘用㗎~）

恭喜晒佢地呀~希望佢地一路都甜甜蜜蜜啦！