整蛋糕+練字

呢幾日都好凍，唔想出街，所以下畫都係喺屋企整下野食，畫下野咁
呢日整咗我幾日前買嘅oreo蛋糕
呢個人好鐘意食oreo！但係太甜，所以平時我唔會買畀佢食
今日知道有得整，佢不知幾開心！

影曦要食蛋糕啦！

食完影曦又話想做功課...
但係做完啦喎...
所以我就攞咗婆婆買嘅copy book出嚟畀佢做
真係要講句...要教啱佢寫畫順唔易！
因為佢係用左手嘅
一橫佢好多時都係由右寫去左，唔係由左寫去右！
亞女呀...寫中文字係辛苦d㗎啦...鬼叫你係用左手嘅咩>.<

靖翹又話要做homework喎...
呢排仲話要返學添-.-
梗係啦...佢喺學校係人都識佢啦
個個老c都成日趁我地行入學校張開手想攬住佢...鬼咁受歡迎
校長又成日讚佢又主動又乖，唔怕"生寶"，仲識好多野
佢梗係鐘意返學啦

靖翹呀...
你三歲先啦！
大個d返到你唔想返添呀！

玩具房嘅一角，貼滿咗影曦平時喺學校嘅作品
有d就係我同佢喺屋企做嘅，有d就係靖翹嘅
呢排影曦叻咗，油親野都有三個印仔+一張貼紙
比起開學時，有好大嘅進步呢！