2010年第一次去廸士尼

影曦主動叫我影佢
真係唔知有咩好影...

做咩扁咀呀...

又見公主
今日個公主出晒嚟
但係排完一邊，又排唔到第二邊喎...
所以只係見到佢兩個
公主同佢兩個好好傾！
我係咁叫佢地影相，唔好阻住後面
但係d公主都係咁同佢地傾
都傾咗成５分鐘㗎！

影曦帶咗auntie Nicky送嘅袋，話要show畀公主睇
靖翹就帶咗snow white 同個 prince嘅figures, 又係要畀公主睇！
傾得好投入！

影曦見到人地喺呢個動畫廊前影相
又叫我影佢-.-

第二次帶入去學畫畫咋
第一次時影曦先得２歲幾，嗰時佢都唔識畫
而家？
我只係幫佢開頭畫咗幾條線（明顯好幼嗰幾條）
之後我就無理佢，因為我都畫緊自己嗰幅

估唔到佢都畫到咁
我覺得算係唔錯啦！！！
嗰個人仲要係用中文教
佢都聽得明~