英國人聖誕節前的準備

前排太忙，無時間打呢篇，希望仲趕得切同大家分享下英國人點樣過聖誕，為呢個版面增添少少節日氣氛！

英國人過聖誕好誇張，有Ｄ專係賣聖誕飾物、用品嘅店鋪，早喺８月就開門做生意！

佢地點生存？我完全不能理解！但好多人都有批評，呢Ｄ鋪頭咁早開，實在太誇張！

有人會早幾個月前預訂送畀小朋友嘅玩具！
好像似今年咁，TOY STORY3熱爆，有人喺十月尾預訂BUZZ嘅玩具，但係到而家都仲未返到貨！
我有朋友喺百貨公司做，佢話D人訂唔到想要嘅玩具，向佢地開火-.-好慘！

 

英國人好重視聖誕。聖誕一定要同屋企人過（好似中國人嘅新年咁，要一家人齊齊整整）
以前喺香港，聖誕我都係同朋友過，真係唔知聖誕嘅意義喺邊。而家...我算係了解多咗啦！
講返聖誕點解要送禮物先...其實係因為耶穌出世時，嚟自東方嘅三位博士帶咗禮物送畀新生王。因為咁，聖誕送禮變咗傳統。聖誕為期12日（歌仔都有得你唱-THE TWELVE DAYS OF CHRISTMAS），因為東方嘅三位博士喺耶穌出世後嘅第十二日先到達。傳統嚟講，聖誕飾物喺12前（1月6日）就會拆除。如果唔係就unlucky㗎！

 

十一月尾時有D英國人會整ADVENT CANDLE
我99有同影曦同靖翹一齊整：）

十二月嘅第一個星期日第一支蠟燭會被點起，第二個星期日，第二支會被點起...第四支點著埋後～聖誕嗰日會點埋中間嗰支
5支蠟燭代表唔同嘅野，通想都係三支紫色（分別代表patriarchs，prophets，John the Baptist），一支粉紅（代表MARY），一支白色（代表JESUS).蠟燭仲會畀長青嘅植物圍住架

仲有D人會買一支嘅ADVENT CANDLE代替5支
一支嘅ADVENT CANDLE刻有24格，每日點著一格咁倒數聖誕

英國人都會買定ADVENT CALENDAR畀小朋友，用嚟倒數聖誕
ADVENT CALENDAR有24格（有D有25格，第25格係大禮物！）
每日開一格，開晒咁多格就係聖誕！
ADVENT CALENDAR有好幾種。有D好似我兩個女開緊呢種現成買嘅，每格一粒朱古力；有D係開"櫃統"，等我地自己放糖／朱古力／小玩具落去；另外一種就係布造嘅

英國人鐘意用真樹做聖誕樹，因為真樹有香味：）

聖誕樹有唔同嘅品種，有種會跌樹葉（針）嘅會平D，有種唔會跌樹葉嘅就貴D呀咁...
呢到仲有CHRISTMAS TREE FARM，可以畀人即揀即攞走添架！
而我地買呢棵就係仲有泥嘅，用完可以種返喺花園

（我地擺到棵樹咁高係因為唔想畀四圍爬爬嘅舒韻同隻貓攪，平時係唔會放咁高架！）

聖誕樹下當然有禮物啦

屋企除咗有聖誕樹外，仲有呢D咁嘅NATIVITY嘅擺設，好有聖誕氣氛！
當然如果屋企有火爐嘅，掛埋聖誕襪就更好！

好多英國人都會裝飾埋屋外，加咗好多燈飾
我住嗰條街無咩睇頭，但一轉角有幾加人好似喺到鬥咁，D燈飾多到好誇！
記得見過有家人裝飾到成間屋外同花園都係燈，好多人渣車洗過都會慢洗睇燈飾，攪到塞車囉LOL

喺HIGH STREET好多鋪頭都會有別緻嘅聖誕櫥窗（可惜我無影到-.-）
令我覺得新鮮嘅係，佢地會喺鋪頭門口上掛上聖誕樹！
真係喺HK未見過架！

英國人好注重寫聖誕咭
我屋企而家都有過百張聖誕咭啦！
寫聖誕咭畀朋友好似係每年嘅CATCH UP咁，話返畀大家知過去一年發生咩事。好似6299嘅朋友，都會講下身體狀況同佢地嘅第幾個孫出咗世咁...問候下大家
有少少似我地嘅新年啦

每年十一月尾十二月頭，周圍都會有好多CHRISTMAS FAIR之類嘅野，畀人賣下聖誕手作仔，買下聖誕禮物咁
英國人好鐘意手作嘅野。靚嘅手作，可以賣得好貴！

呢到有CHRISTMAS PUDDING，MINCE PIE，畫，聖誕飾物之類嘅野賣架

好多時呢類CHRISTMAS FAIR都會有聖誕老人在場，吸引人去架！

呢日呢個農場開放，仲好有心思咁裝飾咗個STABLE做NATIVITY SCENE添！

一到聖誕，教會就會有好多崇拜去慶祝
間間教會唔同，而屋企付近幾間就咁...
十二月頭有個Turn on Christmas light Service

之後又會有Carol Service
仲有呢個Christingle Service嚟預祝聖誕
我特別鐘意Christingle呢個！

個個小朋友都會攞住呢個Christingle,點起蠟燭唱CAROLS！
Christingle - 橙代表地球，4串糖代表4季，紅色線代表基督為我地流嘅血，白色蠟燭代表耶穌基督：）

聖誕唔少得嘅係睇小朋友做嘅Nativity Play
影曦係天使:)
靖翹喺佢學校做MARY喎（我無POST出嚟）！真係好驚喜！
3X人中揀中靖翹做MARY！I am very proud of her!!!

屋企附近有個CHAIRTY開咗架LORRY嚟，有聖誕老人喺車到，向大家籌款

仲有唔少得嘅就係整gingerbread house!
99焗咗FRUIT CAKE，CHRISTMAS PUDDING同MINCE PIE嚟準備畀大家聖誕節食呢！（有D似中國人整年糕過年咁啦！）

參考網址：
http://www.gssonline.org.uk/forum_advent_wreath.htm

英國的平安夜+聖誕

落大雪

呢幾日係咁落雪...

喺香港時成日都希望有個白色聖誕

但置身其中時...真係吾太好受！

記得第一次見到雪時，一起身見到周圍都白色，好靚，感覺好新鮮

平時見到嘅景象都鋪滿雪，感覺好震撼！

夜晚時周圍都好光，白色嘅雪反光度好高！

光嘅折射令雪變得閃閃發光咁

難怪咁多人形容聖誕係 magical啦！

通常第一日落雪Ｄ雪“幾新鮮“,踩落去吾太冼

但係到咗第二日後積雪受壓（雪嘅重量、雪被人踩，被車踐過）後會變成冰

呢個時候係最危檢嘅...

連水tum都會結晒冰

我試過喺呢個時候咩住舒韻送影曦靖翹返學，冼低咗兩次！

一次向側冼無咩事，第二次向前冼舒韻塊面先著地...但好彩都係hi一hi，撞紅咗少少

呢個時候渣車仲危檢...所以呢個時候路面明顯少好多車架！

天氣凍，個個都要早好多出門口去defrost結咗冰嘅車

有次我放咗支野飲喺架車到，想攞嚟飲時發現結咗冰！

９９有同事試過渣半個鐘車返工，到時車門結咗冰開吾到車門...要人煲水倒喺車門到溶咗Ｄ冰救佢出嚟呢！

１１月尾時嗰次大雪，我地無準備好，屋企吾夠麵包同牛奶！

附近嘅local shop 好快就無晒麵包同牛奶！

今次我地都為大雪做好準備，買定晒longlife milk，yeast同bread flour，可以自己整麵包，雪格都係冷藏食品，吾怕無野食！

英國人好重視聖誕咭同聖誕禮物，所以呢個時候所有鋪頭同郵寄服務都係全年最忙嘅時候！尋日９９連入城買下野都用咗２個鐘先泊到車！

聖誕就到，好多人外遊，但呢幾日Heathrow D班機狂取消...

想要個白色聖誕係要付出代價架...

真係要講句﹣Be careful what you wish for!

老公聽日上機啦，希望班機吾會取消啦！！！

Christmas is the busiest time of the year!!!

I have a very very busy week ahead!!! Christmas parties*2, Nativity play *3, Carol service...still need to do some christmas shopping...and make Echo's christening invitation, and prepare Francesca's birthday party plus a birthday cake to make!!! >.<

SORRY for not being able to reply all your msg as soon as I can! 

學習每天說&quot;我愛你&quot;

學習每天說"我愛你"
你會跟你的孩子說"我愛你"嗎？我每天都會跟她們說數十次！我很愛我的家人，但從不會跟媽媽給妹妹說"我愛你"。我知道媽媽愛我的，但她從不說出口...就連擁抱也不會。大概是因為中國人的較含蓄吧！小時候不會說，長大更覺一句"我愛你"難以啟難齒。
或許你不會察覺一句"我愛你"的重要性，短短的一句卻可令生命增添色彩！我跟女兒們每天都會說"我愛你"-在她們玩耍時，吃飯時，送她們上學時，看電視時，睡覺前...無時無刻可以說。除了用行動表示我愛她們外，也得說出來。要讓她們知道，我有著她們，她們有著我，是多麼美好的一回事！孩子活在我們的愛裡，對他們長大後有著正面的影響！孩子遇到錯折時，會知道有你的支持，有你作後盾。經歷錯敗後會以正面態度面對問題，較易較快重新站起來。
每次我跟女兒們說"I love you",她們都會以"I love you too"作回應。她們也常常主動說"我愛你"呢！有時在跟她們做手工時；有時是她們玩耍時；有時是我有點惱時，有時是我流淚時...我知道她們愛我也很重要，這令我生命有著另一意義:)在她們玩耍和做手工時，她們突然的一句"我愛你"，使我知道她們享受其中，我的"努力"得到欣賞；我生氣時，她們的一句"我愛你"，使我的怒氣全消，叫我更有耐性，學著忍耐與包容，提醒我"It takes more skill to solve an arguement without fighting."這個道理；我流淚時，她們輕輕的一句"我愛你"（還有親吻和擁抱！！！）會使我重新振作。我知道，我還是活在愛內。
真的不能低估一句"我愛你"的威力喲！現在就跟你的孩子（還有愛侶）每天說"我愛你"，把它變成習慣，好讓他們知道你的愛！
在此，我也要向我的家人說句：我很愛你們！XXXXX

用FLASH CARDS學英文

影曦喺學校學緊JOLLY PHONICS同用FLASH CARDS學英文
英國大部份嘅學校都係用JOLLY PHONICS嘅
有人問我LETTERLAND定係JOLLY PHONICS...其實都無所謂嘅
只不過老公話LETTERLAND比較七十年代，英國嘅學校都改用JOLLY PHONICES架啦！
有關JOLLY PHONICS嘅BLOG响樹：
http://hk.myblog.yahoo.com/yenniedarkins/article?new=1&mid=478

英國嘅學校教小朋友英文嘅方法係咁～
佢地主要係用JOLLY PHONICS，FLASH CARDS同故事書
小朋友由開學開始會睇書。呢到D小朋友真係睇好多書架！一星期換書三次，每次兩本。一本係OXFORD READING TREE嘅書，另一本係小朋友自己揀嘅，由大人讀。開學時OXFORD READING TREE嘅書都只有圖畫，小朋友要用佢地嘅想像力同自己嘅言語講個故事出嚟。到佢地用FLASH CARDS認到15個字後，就可以開始睇有字嘅OXFORD READING TREE嘅書（當然係得幾句嗰D）。
PHONICS樓上講咗，所以而家我會講下FLASH CARDS
FLASH CARDS，由三張咭教起，每次加幾個字。
當佢地認到晒後，就可以加字
加咩字？我會喺到同大家分享！因為學校有次序咁畀學生學生字架！相信咁會有效D！
FLASH CARD嘅字係好基本我地會常用嘅字，小朋友會成日見到。識咗呢D基本字，睇書會易好多:)
頭三個字係
THE
I
TO

唔好心急呀！要小朋友記得晒先好加字呀！
大家都一齊教下小朋友啦:)

就畀佢認埋go同no

喺flash card上嘅字，大部份都吾係phonetically correct

即係應用吾到phonics 嘅法則架！

呢類字就要死背啦

攞住一張寫住呢Ｄ字嘅flash card教小朋友讀

你讀一次,佢讀一次

重覆幾次,好快就記到

影曦學校每星期會同佢測一次字，要佢識晒所有字先會加字

錯一個都吾會加字畀佢學架！

大家都要有耐性Ｄ咁慢慢教小朋友呀:)

影響力

吾知係咪因為呢排少咗寫blog,喺fb多咗好多blog友add我喎

你地嘅留言,盡可能我都會詳盡回覆！只係呢排電腦好多問題，超慢又成日hang機,攪到我好多野都做吾到...

blog友add咗我後,會問好多問題。最常問嘅係戒夜奶,其次就係ＢＢ食野,食乜野,點教佢地自己攞羹食呀咁。仲有紀律問題，吾聽教點算，ＢＢ用品邊樣好，ＢＢ手語,ꅁ小朋友教育問題與方法，夫妻問題，英國住宿生活天氣福利，點整蛋糕，乜野喺邊到買等等等等...真係乜都有人問過！

我成日都會花時間去回覆,因為我鐘意幫到人嘅感覺。尤其係幫到ＢＢ戒夜奶！呢Ｄ係好影響到其他人嘅生活架。記得啱啱返到香港時,身邊嘅小朋友都係好晏瞓嘅。兩年後,有好幾個朋友都好似我Ｄ女咁７點上床瞓！有Ｄ開始煮野食,有Ｄ變得開朗，會成日同小朋友出街,吾再呢埋喺屋企。最感恩嘅係，因為有朋友見到我（當年）一湊二都無問題，決定生多個小朋友（吾係吹水,係佢同我講架！）我...令到呢個世界多咗條生命，令我寫ＢＬＯＧ生涯有著特別嘅意義！

從來無諗過一個未出嚟做過野嘅年輕全職Ｃ９會有咁嘅影響力！曾經有網友同我講，我喺blog同facebook介紹過嘅野,佢都買晒！真係超級誇！（當然最誇嗰次係有網友拍我門搵上門...）

而家我避走英國,無人點到我地相囉！呵呵！

我都幾鐘意寫野嘅（我雖然成日打口語,但我寫白話文都ＯＫ架！）如果有人搵我寫專欄就好囉！寫湊小朋友又好，英國生活體驗又好，起碼叫做有個錢袋嘛！（我呢Ｄ ＦＴＭ，梗係想搵個閒錢旁下身！希望你地吾好介意我咁講！）如果你地識人介紹下我都好呀！

仲有呀...你地話好吾好喺facebook開個fans page好呢？會吾會重覆咗咁呀？自問上facebook多過blog...你地話呢？

p.s.謝謝你們一直的支持,我才能把難關捱得過去！最難過的,過去了:)

老公會在聖誕來英國數天短聚 :) 希望大家還可以！...

落大雪

http://www.facebook.com/photo.php?pid=7420033&l=372c2ca033&id=654084318

呢兩日係咁落雪呀

住咗喺英國幾年都無見過咁大雪架！

而家得﹣７度

Ｄ雪兩日都未停過

而家有８吋厚,今晚就再落４吋

我部腦又傻傻地，UPLOAD吾到相上YAHOO-.-

所以呢排都無寫blog呀>.<

想買部新嘅又無銀買，留返個錢畀Ｄ女嘛！

要睇相就去樓上個網址啦...

11月5日BONFIRE NIGHT

英國每年11月5左右都有BONFIRE NIGHT，呢個係好英國人嘅節日

起原於1605年，有條友叫GUY FAWKES埋咗好多桶火藥喺一個開會地方，密謀炸死晒同佢對頭嘅異見人仕。好彩畀人發現咗，之後每年呢日英國人都會慶祝呢日，會燒BONFIRE同煙花
呢幾晚周圍都有人玩煙花!

英國好多條村都會有BONFIRE嘅嘉年華
我同咗三條Q去咗睇BONFIRE同煙花呢！
喺英國放煙花係合法架！超巿都有得賣
不D佢地都係太細，等佢地大D先畀佢地玩啦:)

 

CAROUSEL CAKE

影曦同名朋友仔生日，整咗個蛋糕畀佢:)

FRANKIE話想要個熊仔蛋糕，我整咗呢個，有5隻熊仔喺上面嘅，雖然離咗少少題，希望佢鐘意！

中間用玻璃杯頂住，放咗D JELLY BEANS落去，好睇又好食！

就嚟9個月嘅舒韻

舒韻就嚟9個月啦
前幾日學識用羮食野啦！（VIDEO放咗喺FACEBOOK）
而且家佢成日周圍爬，但係仲係軍人式咁爬！
可能係個人地板冼得濟啦；P
呢排佢用個好有趣嘅爬行姿勢爬
佢坐喺到，一隻腳喺前，一隻腳喺後咁用雙手拖住嚟行！
遲D影相畀你地睇！好攪笑嘅爬法！:)

*舒韻用緊呢張吸盤墊好好用！吸住個碗唔會跌
睇下你個靚妹仲點同我"反碗底"！

my poor Willow and Echo:(

Willow got conjunctivitis after bonfire night last Saturday. Unforturnately...Echo got it ytd>.<

靖翹仲未好晒
舒韻都中埋招:(隻眼又紅又腫

bed tent

made a bed tent:)

finished with window and a door!

(Willow's having a teddy bears' picnic in her room!)

舒韻妹妹等開飯

等開飯，舒韻妹妹攞咗隻臭腳出嚟畀我嘆！

Tunnel for the bunk beds

Francesca and Willow shared the bottom bunk since we came to England. They both like the bottom bunk!

It's lovely that they want to share a bed but the legs always go funny at night-.-
I made this tunnel to convince Francesca to sleep at the top...and she does now:)

very home made - a spare cloth and 3 chopsticks!

英國人覺得中國人不雅的地方

想出呢個POST好耐，但係一路都諗唔到個靚TOPIC...
算，照打！
我所講既不雅，係基於英國人嘅文化禮儀去睇
呢D係英國人去完中國或香港後會同佢地朋友討論嘅話題
我聽得多，收到料返嚟架
隨地吐啖嗰D我唔講啦
講下D你未必知，知咗都可能繼續做嘅先！
1）BURP
俍完飯飯氣攻心，好多時中國人都會隨街極大聲BURP！
英國人覺得咁係好嘔心架！佢地BURP完後都會講叫PARDEN ME，起碼會道個歉先呀！
2）邊食邊講野
 中國慣咗邊食邊講野，攪到成日噴飯...talk with a monthful喺英國係好無禮貌架
3）食野唔合埋口
 好幾個朋友都經歴過，搭地鐵時有人喺佢地耳邊食香口膠！食到jepjep聲！你唔好話佢地呀，我都頂唔順呀！
大家...以後要留意留意啦！

SORRY!

sorry- my netbook and laptops are both playing up! I cannot even get on facebook and reply messages:(

I am using my in-laws' laptop. I'll try my  best to reply all the messages as soon as i can - in english-.-...if you don't mind!

I'll keep writing my blog soon xxx

係時候投票啦!

我勁想贏呢個比賽,唔該大家幫幫手click入去投票,炸爆個網頁佢呀唔該!!!
贏咗你會喺next既catalog到見到舒韻架!
Please vote for Echo- she may appear in the NEXT catalog!

http://nextbabycomp2010.psycle.com/index.php/entry/641825

喺英國睇醫生

upload唔到相...咁就等我打多d唔洗相既blog啦

喺英國住既話,嚟到好緊要要做既事就係去附近既clinic登記!

National Health Service (NHS)似hk既醫管局咁(上nhs既網頁到搵邊個clinic近你)

基本上有咩問題上NHS既網頁都會答到

登記時唔需要任何身份證明文件(我都覺得奇怪...但我就咁填咗張FORM就上咗佢地個SYSTEM! 英國係無身份證架!要證明身份,就要用PASSPORT/車牌)

GP = General Practice 係你既家庭醫生, 以後你既一家都會係跟呢個醫生

0-16歲(唔記得係16定18)既人睇醫生同攞葯+睇牙醫都係唔洗錢既

有咗bb到bb出世後一年睇醫生同攞葯+睇牙醫又係唔洗錢既,仲有好似65歲以上都係有呢個福利

所以我嚟咗英國咁多年,咁耐...睇咗咁多次醫生,一次錢都未畀過!

一般要睇醫生既話,就要畀6磅幾(無記錯既話)

呢到睇醫生全部都係要預約架(打電話去clinic到book)

而且佢地好重時間,好少人會遲到架!因為睇醫生都係正苦錢,book間又無到即係浪費公帑!

呢到好少好少人睇私家架,我無一個朋友係睇私家,同香港真係好唔同呢!

睇得私家既,真係要好有好有米既人先會睇架!

我喺英國生咗兩胎,兩胎都係正苦生,服務好好:)好過香港好多!

我遲d打篇有關香港同英國生bb既分別畀大家睇下:)

好啦...登記咗GP後,佢地會主動聯絡HEALTH VISITORS

health visitors係會跟進0-5歲既小朋友成長,會畀一紅簿仔你記錄小朋友既生長歷程

如果bb喺英國出世,health visitor會喺你出院後幾日內去你屋企睇你,有d好既health visitors會幫你做少少家務,幫輕下你呢(我聽返嚟架咋!)

係新手媽咪既,佢地會喺bb出世後連續幾日都會嚟睇你.睇下你餵奶,bb瞓覺各方面有無問題.無既話之後就要你自己帶bb返健康院做檢查啦

如果小朋友啱啱先嚟英國,登記咗後,health visitor都會聯絡你,會安排小朋友補打返無打既針(英國同香港打既針係有少少唔同架),夠歲數仲會安排check up

如果你係好似我之前咁大住個肚嚟英國既話,登記完咗會有midwife聯絡你,同你做各種產前檢查.喺英國懷孕其間無咩問題既,佢地只會照兩次超聲波, 一次喺10 星期,第二次喺20星期(可以測埋bb性別) midwife好多產前資訊你,包括一本nhs講懷孕過程既書同產前班,產前yoga班等等.

我產前參加咗midwife攪既產前班,識到一班準媽咪

產後參加咗health visitor攪既breastfeeding group(喺英國絕大部份既人都係餵母乳,同hk真係差好遠好遠!我識十幾個媽咪,只有兩個係餵奶粉!),又識到一班媽咪.我地到而家仲有見面架!

我覺得呢到睇e生可靠好多呢!唔似hk d c+咁成日要你返去覆診!>.<

banoffee pie

banoffee = banana + toffee!

勁好味!

被邀請去朋友晊sunday lunch, 所以整定甜品去
見屋企咁多香蕉,就諗住整banoffee pie
banoffe= banana + toffee
勁勁勁好味!
唔難整~

材料：
消化餅 300g
牛油 60g
caramel 一 罐(唔知hk有無得賣呢)
whipping cream 250ml
香蕉 幾條
糖 幾茶匙(示乎個人喜好啦)
朱古力 少少(溶咗淋面架)
大家睇下點整啦

焗爐預熱180度

裝d消化餅入袋,搥碎佢
加60g溶咗既牛油...
放入ovenproof dish 入焗爐焗10-12分鐘

焗完就係咁既樣
待涼
加caramel喺面,放入雪櫃雪一個鐘

由於攰得濟...一個鐘變咗一晚...
好啦,切咗d蕉先,然後鋪面

打好d whipped cream
鋪面

放少少met到一粒粒既朱古力落入得微波爐既器皿
叮30秒,睇下溶,未既話繼續叮10秒...直到朱古力溶晒(可以隔水整溶朱古力,不過咁好似方便d,又work喎!)
之後fing d 朱古力上面
靖翹整完後話佢嗰個係monster嚟架喎!

味道如何?勁好味啦!!!我呢幾日又會再整過!勁快畀人清晒!

half term的啟示

今個星期係half term,英國絶大部分學校都會放一星期假(有d放上個星期)

好多朋友都一大細去旅行,無去旅行既都會一家人出下街

呢排心情認真麻麻

望見佢地,不得不寄以羡慕眼光

今日我拖住三條Q出街,自己狼狼狽狽咁,推住好多野

人地手拖手推住架bb車

眼淚在心裡流

仍然要固作堅強,強顏歡笑,真係唔好受

而家出街又唔敢買太多野,怕下年搬返香港時自己攞嚟辛苦

我雖然住喺呢到,有自己房,可以做自己野

但係...呢個唔係我既家

唔可以畀到自己小朋友一個穩定既居所...

呢種uncertinty 令我好不安.

以後既路係點,我真係無勇氣去諗

怕要面對做決定既一刻...

"前路汒汒"既意思,我而家真正了解到

英國與美國的大不同

小時候以為外國=英國=美國

到來到了英國才知,縱使他們說的是同一種語言,文化卻是大大不同的

英國人很重視是他們的文化歷史,會為身為英國人而驕傲.他們United Kingdom始於1707年(之前的england,scotland,ireland是分開的),在19至20世紀時英國最為強大,1922年時大英帝國更佔領整個世界的1/4國土.到現在很多籍民地仍保留英國籍民地色彩.

美國人也很重視他們的歷史,但他們的歷史只有二百多年.他們的建築特式都受著英國的影響.金髮藍眼的美國人,都是由英國遷移到美國的.美國人其實很熱愛英國文化,英國人到美國是很吃香的.你有看過love actuclly 這戲嗎?內裡有一英國人在英國找不到女朋友,跑到美國去.因他操一口英國口音,美國的女孩都對他另眼相看! 這只是一誇張的例子,但這道出了兩國文化的不同.

除了文化,口音也是很不同.有時連用字也有不同意思.就如英國人說pants,就是內褲;但美國人說pants,就是長褲.要住在這裡一段日子,才會知道呢!

不能不談的是兩國的屋的分別.英國人住的多是紅磚屋,非常穩固,固很多數百年的cottages仍可以供人居住.美國人住的大多是木屋,固起屋的費用較便宜而且快.你有看過美國製作的extreme makeover嗎?是美國abc電視台的一節目.主持人會選好一家家境困難的人,替他們拆除現有的屋,再在一星期內給他們起好一間豪華大宅,英國的屋,絕不可能在一星期內起好呢!

英國很大部份的街道都是由羅馬人起的.當時的人用的是馬車,路不會那麼闊.而美國的路都是闊闊的,除了因為地大,還因為是較後期建的.

數天前我曾講到英國人的簡單午餐.英國人喜愛roast dinner.哪美國人呢?相信你們都會很清楚...快餐>.<

還有在香港很流行的美國街頭文化,在英國真係很少見呢!punk的較多-在london有很多畫眼線的男生呢!

夜了...明天繼續作戰:) 我若想到更多的話,會跟大家分享:)

英國的屋-tudor period

英國人很重視自己的文化,古舊的屋都會盡量保存

好多有特式的建築都會被列作保護建築物(listed building)

英國人很喜歡還原被破舊的建築到以前的面貌,英國遺產局(English Heritage)有規管限制這些建築物的改變

Listed building分為grade I, grade II*, grade II, grade I的最為重要,限制的也較多

很多人仍然住在這些listed building內呢!

以後我每看到漂亮的屋,都會跟大家分享!

英國的歷史都有很多時期,每時期都會有其建築特式

這間屋是Tudor period (1485-1603)所建的,有400年歷史呢!

Tudor的屋都會有beams(樑)露出

從前的人會在地方那層工作(如織布),睡房都會在樓上

這條村子大街的屋都大約是在tudor時期建的:)

*我對英國的建築歷史沒有特別硏究

我所知的都是從看電視學到的

遲陣子我會談談英國的電視節目~看過英國的電視節目,就會覺得香港的有點...-.-

光是看電視,我學到很多英國化的事與物呢!

 

英國人的簡單午餐 - with toast

英國人的午餐許多時都很簡單

bean on toast, spaghetti on toast, scrumble egg on toast, cheese on toast...加幾片青瓜,幾粒車厘茄...或是一個沙律

起初我也覺得這種配搭很奇怪

但慢慢地我也習慣了這種味道

這都是很英式的食法,連美國人也不會這吃呢!

英國的小學(影曦的學校)

英國既學年係9月計起

英國教育制度（小學）喺分為三個stages㗎。

Foundation Stage - Nursery & Reception

Key Stage 1 - Year 1 & Year 2

Key Stage 2 - Year 3 to Year 6

有啲小學會附設nursery，有啲無。

有啲叫Primary School，係由Reception至Year 6嘅

有啲分Infant School 同 Junior School

Infant School由Reception至Year 2, 讀完Year 2 (Key Stage 1)就要轉校到Junior School繼續Key Stage 2嘅課程

不過好似現在新的小學都會喺Primary School。(以上資料由網友hihi提供,唔該晒!)

year r 入學時要滿4歲

靖翹8月出世,即係靖翹下年9月就可以返year r,會係佢班最細嗰堆

喺呢到,無得揀做大仔定細仔,夠歲數既,一定要入嗰年!

英國既小學一般都要小朋友住喺區內,私校當然除外啦!

入表時只可以揀屋企附近既學校,只有三個志願

所以住邊好影響小朋友入邊間學校(好似香港既校網制咁)

例如key stage1會包括學加減數,times table同歷史等等...只要喺呢幾年間學晒d野就ok,老師都會用課本既.基本課程會跟住一本,仲有幾本係附助既,咁就畀咗好大空間老師發揮佢地既宇宙,令課堂更有趣!

小朋友會年都會考一次評估,但係好多時小朋友都係唔知自己考緊架

呢個分係用嚟評估學校既級別,對小朋友無影響既

到小朋友7歲時,佢地會有個全國性既評估考試

11歲時有個時叫11plus

11plus唔硬性小朋友一定要考既

由於英國既中學有文法同非文法中學之分

想入文法中學既,就要pass 11plus

11plus分幾科考(詳情我唔係太清楚,因為我仲未經歷過!)

之後所分配到既中學會依分數,志願同學校<->屋企既距離而定

由電腦計算出嚟架

(有錯請更正!)

英國既學校都會經過ofsted,好似係學校質素評估咁上下既野

想知間學校好唔好,就上網下學校既ofsted好唔好啦!

英國既學校有d有宗教背景,有d無架

影曦呢間有架,連住間church架,大時大節小朋友都會過去church到做崇拜(見到間church嘛?)

呢個係影曦學校既操場, net ball team喺到練波架(net ball喺英國既小學好興架!下次等我講下英國既sports時再提下啦)

英國既小學成日都會有playgroup畀小朋友玩架

草地畀小朋友練足球

見唔見到喺足球場後又有個playarea呀?後面仲有d樹,成個森林咁架!

影曦叫嗰到做woods架!

影曦既課室

周圍既野都好能夠刺激小朋友各方面既發展

左邊有book corner,小朋友可以坐喺bean bags上揀書睇

右上角嗰個係role play area,有d bb喺到啦,仲有好多唔同既衫畀小朋友試著嚟玩角式扮演

又有個creation station,每朝返到學校,都會有唔同既野喺台面畀小朋友玩(沙,冰,積木...)

課室連廁所

每日返到學校,影曦都會掛好件褸同放好書包喺右邊既勾到

英國既小朋友唔會著體育衫返學,佢地會帶返學校換架!

你見到右邊掛住嗰d就係pe袋啦

佢地體育當通常都會著黑色鞋帶(有少少似我地細個時著既白飯魚咁,不過佢地著嗰d靚d架,喺clarks到賣4.5磅左右,唔會著壞小朋友腳架)

英國的學前教育-nursery / pre-school

英國既小朋友夠兩歲就可返nursery,兩歲後幾時開始返都得架

家長可以揀畀小朋友一個星期返幾多日

有d小朋友好似靖翹咁日日都返,有d只會返一日

夠三歲既話英國正苦係會貼錢畀小朋友返一個星期

佢地只係返朝早三個鐘架咋

好多local既nursery固定既校園

佢地通常都係駐喺village hall或者一d小學,中學既school hall到

雖然佢地無固定校園,但佢地都有幾多資源架

好似靖翹學咁,佢地學校既"老師"會setup晒個village hall

日日都會放d唔同既玩具出嚟,分好晒一個個section.

佢地返nuesery真係玩架咋,完全無要大家坐喺到用課本教野

小朋友通常一入到去就玩,玩咗陣就會大家圍圈點名,唱下歌

之後又玩...食茶點(茶點只會提供生果,多得jamie oliver,而家英國所有學校都主張health eating啦!)

然後畀小朋友出出面花園玩下單車,種下野...

跟住大家圍圈講個故仔唱下歌,咁就夠鐘等家長嚟湊走

聽落好似好求其,但係佢地好有計劃,我真係幾impressed架!

(呢間學校好多好細微既野佢地都會注意到.佢會請我去學校同小朋友講個中文故仔,畀小朋友知道呢個世界有好多種語言;又叫我用中文寫d"你好,椅子"等既野,畀靖翹得閒望下,令我覺得有參與其中)

nursery都有私校架...不過又係貴囉...

甲蟲

平時成日急急腳咁湊兩個返學...

今日湊完兩個返學同舒韻慢步走,先發覺原來周圍都係甲蟲!

數一數,喺短短既回家路上,有成廿幾隻喎!

我買咗呢件&quot;創意親子袋鼠服&quot;禦寒呀!

睇新聞話今個冬天仲凍,即~刻同coco買咗呢件創意親子袋鼠服(coco喺hk,我叫佢寄過嚟架)
以後湊兩個女返學,可以就咁咩住舒韻,再笠呢件vest,唔洗同舒韻另外著衫,啱晒呢個冬天:)
我喺呢到買架!
http://www.facebook.com/home.php#!/album.php?aid=28335&id=145773632101886

香港人咁多人用咩帶,好啱hk人用!

出街唔洗同bb著厚厚既衫,就咁著呢件就得:)
入到室內熱既話又只係大人除呢件背心就得,唔洗專登攞bb出嚟同佢除衫,方便好多!