靚靚貼頭鬢辮

我地喺上個星期六開始放復活節假啦!

會放兩個半星期, 不過返兩日又放三日~王子大婚嘛!

見得閒,同靖翹鬢返條靚靚辮~

我成日都同影曦鬢呢條辮返學㗎, 鬢靖翹都係第一次!

佢頭髮少呀嘛:P

佢雞碎咁多頭髮,要鬢真係幾辛苦-.-

我喺FACEBOOK畀人追問呢條辮點鬢...我都想同人分享下...可惜我無多一隻手可以有人幫我揸機!

如果大家識鬢貼頭嗰種鬢辮,就會識咁鬢...

簡單咁講下啦...

喺頭頂分界至耳仔(分一邊得㗎啦)

分界後耳背後嘅頭髮用橡筋輕輕扎住(用嚟分好條界唔好畀頭髮周圍飛,等陣要拆返㗎)

由耳仔前方嘅頭髮鬢沿住額頭上方好似頭箍咁貼頭鬢

一路髮到另一隻耳仔時就解開橡筋, 繼續一路鬢到開頭嗰隻耳仔嘅耳背.

用橡筋扎好. 可以扎髻/加一朵大花之類嘅頭飾~好好睇㗎:)

(希望大家明我講咩啦~!)

呢個係靖翹個頭

呢個係影曦個頭:)