公主城堡生日咭

見到咁多人都話靚~等我POST埋出嚟同大家分享下點整!

材料...我全部都係就地最材,見到屋企有乜就用乜

我用咗兩種唔同深度嘅粉紅色紙

皺紙(英國人叫TISSUE PAPPER, 我唔知中文真係叫乜, 佢地成日用嚟包禮物㗎)

閃閃紙 <-閃閃紙同TISSUE PAPPER都係包過禮物嘅紙,我見咁靚咪無掉,留嚟做手工!幾環保!)

珠片

閃粉膠水

先係對摺張咭, 再畫個城堡初形,之後剪出嚟

三角形嘅頂部唔洗畫得咁仔細, 因為可以用閃閃紙遮

依次序剪同貼咗喺後排嘅形狀先, 之後先貼最前面嘅(如城堡門口)同埋三角形嘅屋頂

最後貼埋個公主貼紙, 加珠片同閃粉膠水點綴下~同埋用閃閃筆加少少DETAIL就攪店啦!