你會為孩子安排興趣班而煩惱嗎? 我小時候參加的興趣班, 排得密密麻麻的- 星期一東方舞, 星期二小提琴, 星期三敲擊樂, 星期六畫班......還學過鋼琴, 芭蕾舞, 打過排球, 網球...你會以為我樣樣佳能嗎? 這卻不是事實. 事實是, 因為我參加太多, 每樣只懂皮毛, 變得無一善長!
現代的家長為孩子編排多采多姿的課外活動. 但真的有必要嗎? 孩子平日花很多時間追上學校的課程. 若再加上密密麻麻旳興趣班, 小朋友平日有多少時間有空在家中玩自己的玩具? 我記憶中的童年...1. 趕功課 2. 溫習 3. 上興趣班 4. 在外婆家玩...跟父母相處的時間不多. 我不希望我的孩子長大後對童年的印象如此. 我希望她們記得她們有個有趣的童年- 玩,玩,玩!
再者, 與其像我"周身刀但無張利", 不如專注學習一樣東西, 只讓孩子長期上一樣興趣班, 他們就會做得好. 假若孩子畢業後找不到工作, 至少他們可以教興趣班(這些工需求量大嘛!), 不至於失業. 我有朋友的成績不理想, 考不想大學, 卻彈得一手好琴, 光是教琴收入已很可觀!
游泳是求生技能, 這個我想是必學的; 學器是不錯的選擇, 令小朋友更有音樂感, 也能令小朋友學懂自律(要練習嘛!); 繪畫手工班能發揮及激發小朋友想像創造力, 還有助訓練手眼協調; 溜冰跳舞都有助小朋友的平衡力, 滿足小朋友的表演慾, 增強自信心; 抬拳道等運動除了有益身心, 亦使小朋友更有紀律守規則.
我興幸父母給予我機會去試不同的東西, 我也會讓我的孩子嘗試不同的活動. 我會鼓勵她們專注學習一樣東西. 你認同嗎? 請留言發表意見~~~
現今學生在社會、學校及家長的要求下要做到百項全能、樣樣皆能，且樣樣皆要錢，害苦了不少貧窮家庭的學生家長，香港人何時才會反思有關問題？
ReplyDelete[版主回覆04/21/2011 07:16:00]相信有D人真係可以好"全能", 但唔係個個都得. 好多人都望子成龍...出現PUSHY PARENTS嘅情況在所難免
記得早陣子有人調查父母注重孩子那一方面(好似係咁啦...), 頭幾名係學業, 課外活動等...健康好似排第四. 呢個係一個非常唔掂嘅現象. 孩子嘅快樂同健康先係最重要. 現今父母把優先次序倒轉, 這個是以上情況發生的其中一主因!
認同!
ReplyDelete我小朋友7歲學校有好多免費既興趣班,好多樣都比佢試過,佢同我講只係對踢足球有興趣,我就由得佢踢足球,身邊卻有好多人對我只幫個仔學一樣興趣班而感到驚訝,特別係足球因為係香港做足球運動員或教練收入好唔穩定,但係我唔會理人講,興趣班當然係為興趣而學,無興趣學嚟都無謂,我更加希望我一對仔女係有開心既童年,回憶唔會只有學習,學習再學習...何
[版主回覆04/21/2011 07:18:00]咁正嘅~學校又會有咁多免費野學嘅~
你真係講中晒我心聲啦! 我都希望我D女有個開心嘅童年, 到佢地老咗都會記得無憂無慮嘅日子:)
同意呀，比佢試，唔會排得太密，希望興趣班為1動1靜1興趣就OKAY
ReplyDelete[版主回覆04/21/2011 07:19:00]最緊要小朋友歡喜:)
英國人會否又同香港父母一樣, 假期課外活動排得密密麻麻.
ReplyDelete[版主回覆04/21/2011 07:26:00]英國係有人會咁㗎, 但係就無香港咁誇張
首先佢地唔會好似香港人咁要補英文(英數係佢地主科)
數學就會補下嘅
有人會特別為6年級要考嘅11+而補(PASS 11+嘅話可以入講文法中學)
英國人好鐘意做運動, 放假就會有好多足球, 游水等短期課程
樂器就會5歲以上先開始學, 佢地覺得太早學係無用. 佢地聽到香港人3歲就畀小朋友學琴都好驚訝!
香港好多BB PLAYGROUP, 又音樂, 又語言, 又體能
呢到我只係見過體能(好似MY LITTLE GYM咁)嘅PLAYGROUP
一句講晒: 香港真係好誇...
我也會看看有甚麼配套下才讓他學適量的東西, 如你所說游水是技能不只是興趣, 所以我一定會讓他學, 不過想等他4歲左右才學! 至於鋼琴應該今年會學了, 人家說3歲左右開始學就差不多, 配套方面就是我媽家中有琴不用買, 另小兒的契媽是教琴的, 他答應不收費教他, 對於沒有太多閒錢的家庭來說, 好好學會這些已經不錯!
ReplyDelete學校想學生為學校增光,我個仔被老師挑選左入英詩集誦,合唱團,口風琴,小童軍,之前仲想佢入中樂隊,阿仔話唔想再玩,就同老師講可以退出就退出,如果有足球隊先叫我個仔啦,我個仔無興趣你迫佢都無用,我唔想佢對學校反感,而家全日制以經令到d小朋友無咩時間做自己鐘意既事,仲要留校到四點幾五點,大人都辛苦,做小朋友只係無機會反抗,先唔反抗,我寧願果一個鐘比佢去公園玩下睇下電視,比佢有返屬於自己既時間
ReplyDelete" 記得早陣子有人調查父母注重孩子那一方面(好似係咁啦...), 頭幾名係學業, 課外活動等...健康好似排第四. 呢個係一個非常唔掂嘅現象. 孩子嘅快樂同健康先係最重要. 現今父母把優先次序倒轉, 這個是以上情況發生的其中一主因!" 難怪現在有奶粉供應商標榜吃了其奶粉可以便便暢通，不再像以往般標榜自己的奶粉加入了甚麼能提升孩子智力的元素。該奶粉商可能察覺現代孩子的健康問題，而便便暢通是健康的其中一個條件。
ReplyDelete[版主回覆05/10/2011 04:44:00]嗰個廣告又離譜咗D嘅...用便便比喻BB-.-
不予置評!:P