小朋友講嘅野,好大部份都係學我地大人㗎(其他都係睇電視學,所要小心選擇!)
我地同小朋友講野,都要有相當嘅技巧
講野要正面~呢方面好影響小朋友嘅自信㗎
小心你講嘅野可能會產生小朋友妒忌(呢到有提到)
想小朋友聽你話,先要問下自己,佢同你講野時,你有停低聽佢講野嗎?
好多時小朋友講嘅野好似好無聊,大人覺得唔重要
但係喺佢地嘅世界,可能係好重要㗎!
小朋友唔識分輕重,你就要慢慢教佢乜野係重要,要即刻同你講;乜野係唔打緊嘅,可以遲D先講.小朋友累積生活經驗,慢慢就會學識事物嘅輕重
你想小朋友幫你做野?咁就要睇下你嘅想像力有幾多啦!
例如小朋友唔肯上跳舞堂...
試下唔好講"唔好咁曳唔上堂呀!亞媽畀晒錢㗎啦!"
試下..."仙仔同公主都上跳舞堂㗎! 如果你唔上跳舞堂嘅話,咁你下次去廸士尼咪無得畀D公主睇你跳得幾靚囉!"
又例如我喺房餵緊奶,漏咗舒韻張BLANKET喺廳,想叫兩個女幫我攞...
如果我話"你可唔可以幫我落樓下攞舒韻張BLANKET畀佢呀?",佢兩個好大機會唔理我T.T
但如果我話"你過嚟呀!我有個秘密任務畀你做呀!做完舒韻會好開心㗎!"兩隻野會即刻樸過嚟爭住做㗎!
呢D技巧對於生於香港嘅我,仍然係好陌生,都係老公教我嘅.我都仍然磨練緊:)
希望大家都有所得著,一齊努力呀~
(Empty)
ReplyDelete[版主回覆01/27/2011 08:12:00]謝謝:)
有關的說話技巧不單適用於家長與孩子，也適用於任何人，例如夫妻之間等(當然不可把家長向孩子的說話技巧直接套用於其他人)。了得的說話技巧可以有助你跟孩子建立良好的親子關係，相信你可以在這方面做得好，以及可以當一個成功的母親。
ReplyDelete[版主回覆01/27/2011 08:16:00]我份人有時都幾直轉,唔識轉彎...我要學下講野圓滑D,咁做人處事方面都會有幫助:)
咁樣講又真係順意好多既！
ReplyDelete[版主回覆01/27/2011 08:17:00]係㗎~把口"朗"過油嘅人就會識咁講野啦LOL
" 我份人有時都幾直轉,唔識轉彎...我要學下講野圓滑D,咁做人處事方面都會有幫助:)" 個人認為，圓滑的人可以容易跟人相處，但有時會予人虛偽的感覺；直腸直肚的人可能會較容易跟人家閙衝突，但這些人會比較誠實。前者或後者的性格本身就各有優點和缺點，因此不用太在意自己是擁有前者還是後者的性格。
ReplyDelete[版主回覆02/01/2011 07:33:00]我唔介意㗎
最緊要做返自己:)
同小朋友 講野真系要多D 想像力~ 我要多看看你個BLOG 先~
ReplyDelete仲有香港的小朋友.. 好難自己可以快快手或唔 紐計好好食飯.. 有咩方法呢~
[版主回覆02/20/2011 04:27:00]你小朋友幾大呀? 想小朋友食多D,有幾種方法
1. 同小朋友一齊煮, 佢地會鐘意食自己有份煮嘅野㗎
2. 食物賣相...可以用野食砌個人樣出嚟呀咁,叫佢食咗佢隻眼呀之類咁,好快就食完
3. 唔同種類食物. 試下再畀多D新嘅, 唔同種類嘅野佢食.有新鮮感自己會食多D~
4. 聯想故事, 話小朋友鐘意嘅人物都係食呢D
5. 同輩影響. 如果有差唔多年紀嘅小朋友喺到, 小朋友有時會唔覺唔覺食D佢地平時唔鐘意食嘅野,同埋食得快D㗎(不過都有可能大家一齊唔肯食-.-)