自製聖誕飾物

遲咗出呢個post~不過唔緊要啦！
都同大家分享下啦！

呢粒星好靚㗎！只係用六張摺紙嚟做
我啲女都做到，一啲都唔難做！
我喺FB已經答應咗朋友會整tutorial,　不過我仲未有時間~後補呀下！


話說有日行過救世軍（我成日去尋寶㗎lol)，見到一大串白色嘅呢種「樹幹」，有成米半咁長，$15咋！
未諗到做咩之前我就買咗佢lol
返到屋企諗諗下，不如剪咗佢啦
跟住我就剪咗吋出嚟，加啲紙黏土做底...咁就做咗棵mini聖誕樹啦！！！
我「斬」咗好多棵樹，有次教手工就同小朋友裝飾呢棵聖誕樹！
個個小朋友都有棵聖誕樹攞返屋企~好開心㗎！
呢棵就係影曦靖翹裝飾嘅~

仲用剩少少，我就整咗個Wreath，加咗幾個紅色蝴蝶結就攪掂~



影曦同靖翹學校都有聖誕吊飾比賽~
影曦呢個攞咗冠軍呀！
我地一齊整㗎！

呢個靖翹嘅
雖然無獎攞，但係我地都整得好開心㗎~


我地仲用gingerbread play dough整咗呢啲掛喺樹上嘅聖誕吊飾~
好香㗎！

聖誕真係好忙~
最忙嗰幾日都過咗lu
希望大家都有個快樂聖誕！xxxx

影曦六歲了！

影曦六歲了！
靖翹和舒韻的生日都比不上影曦生日來得震憾
畢竟她是我們最大的女兒
真的不太相信，自己有個六歲的女兒...

六年前我把你帶來這世界上...

小小的你徹底的改變了我們。你的出現重新定義了「生命」二字。每天你都給我驚喜，帶給我們歡樂。六歲的你善解人意、愛錫妹妹，有了你是我們的幸運！只希望你會健健康康，繼續做個快樂小女孩！我們最愛的大女兒，影曦 - 6歲生日快樂！

自製cupcake stand

見到屋企有幾個大Pizza盒，突然想整個cup cake stand~


呢個係24吋pizza盒
我有兩個，夠我整呢個cup cake stand啦！
我仲買咗花紙包住會靚嘅~
同埋pvc透明貼紙鉆喺花紙上面，咁就算啲蛋糕油，都唔會有漬


喺英國呢類即棄嘅cup cake stand其實好平！但係喺香港都幾難買-.-
係我上網睇人地啲款，畫咗個類似啲圖
啲尺吋我就自己就返個pizza盒嘅大細嚟做嘅


呢塊要兩塊
cut埋啲圓就，中間cut個十字咁就可以整成咁...


包花紙先！


包埋透明膠貼


貼埋中間嗰塊
包好就係咁啦！
唔好以為好快攪掂...
做唔難，但係煩！
我足足整咗４＋鐘！

我整完放咗喺抬面
朝早一起身出到廳就見到個cupcake stand 畀人攻佔咗啦lol

聖誕「奇樂膠」Gingerbread play dough

聖誕整咗薑餅，有多餘薑粉？
不如試下用嚟整呢種gingerbread play dough啦！
好似"奇樂膠"咁㗎，不過就有薑同玉桂味~係聖誕嘅味道呢！
同小朋友用呢種play dough整聖誕飾物最好:)
掛咗上樹都聞到薑同玉桂味！

我上個星期同小朋友做手工就係整呢種play dough
初初搓時好黐手㗎！
有兩個小朋友初頭都話污糟唔願意掂！
但係之後佢地見其他小朋友搓得咁開心，佢地最後都搓埋一份:)
喺香港好少有人會自己整play dough㗎
其實好易，又平又好玩！
係好好嘅手眼協調玩意
舒韻仲自己坐喺到玩咗成個鐘play dough呢！



個recipe喺到

Gingerbread Play Dough

2 cups flour
1 cup salt
1 tbsp. ground ginger
1 tbsp. ground cinnamon
2 tbsp. vegetable oil
1 cup water
Mix together and knead until smooth.

我喺呢個網頁到搵㗎！http://prekinders.com/play-dough-recipes/#ixzz1hf3HuxZ5

聖誕薑餅屋

自從n年前德國人開始整薑餅屋（可暖身）後，呢個風氣而家直捲全球啦！
影曦超鍾意食薑餅...
佢就嚟生日，學校有生日會。我問佢想我整咩生日蛋糕返學同同學食呀？
佢竟然話要薑餅屋！
好...我就用咗一晚（８點到４點@.@）嘅時間趕起咗呢間屋畀佢帶返學
我本來想整複習啲嘅，但係影曦話要呢種
咁我唯有下次先挑戰自我啦lol
呢間屋我連個template都係自己畫㗎~
屋有9cm*15cm*16cm咁大

薑餅嘅食譜喺到
夠整呢間屋同N咁多塊小薑餅
白色嘅係royal icing （蛋白糖霜）
只係蛋白加糖霜
打到佢杰放入pippin bag就可以用啦！
royal icing 乾咗後好硬㗎！
royal icing好似係食得嘅膠水咁用！


影曦指定話要加呢粒星喺中間，窗要心型嘅！
加埋燈，即刻靚晒！

聖誕薑餅

影曦勁鐘意食薑餅，每年真係走唔甩，要整下薑餅
今年就整下送畀佢地啲朋友仔啦~
呢個食譜唔難㗎~
同小朋友一齊整好開心㗎:)
*呢種薑餅幾硬下㗎！薑係天然嘅防腐劑，所以薑餅可以放成個月都食得㗎~

牛油（室溫） 120g
金黃幼砂糖　 180g
蛋                     1隻
糖漿　　　　  4湯匙
薑粉　　　　  4茶匙
玉桂粉　　　  4茶匙
麵粉　　　      400g
（呢個recipe 可以做到50-60塊㗎！）

牛油加糖攪攪攪~


加蛋同糖漿攪攪攪~

加入麵粉（已過篩）、薑粉同玉桂粉
用手搓
如果覺得太黐手可加多少少麵粉
放入雪櫃雪幾個字

焗爐預熱至180度

雪完就可以碌碌佢，cut啲形出嚟

吉個孔畀佢（要吉大啲呀！）咁焗好可以加絲帶
焗十二至十五分鐘左右啦

我吉啲孔太細...乜都穿唔過-.-

唔同大細嘅星星疊埋一齊可以整成聖誕樹喎！

焗好一埋啦...

跟住我就加咗fondant喺面
都係用同一個模cut出嚟㗎~
之後用糖霜加水嚟黐好~
fondant嘅做法喺呢到



然後我就用咗呢隻writing icing嚟裝飾
以前我要喺英國先買到！
上個月喺taste居然見到！！！
（減價$49.9，原價$52左右
二德惠有一包包咁賣，$29／3包（買咗未用過，唔知好唔好用）
Silverspoon呢隻好似好貴咪，但我覺得買得過！因為每次唔用得多，可以用好耐
同埋有蓋，可以keep耐啲
二德惠嗰隻就無蓋啦！）

呢啲筆畫出嘅線條好幼細~好靚㗎！

攪掂！
影曦都有幫手裝飾㗎！
左上角個雪人係佢畫㗎！佢真係畫得好好！對於就嚟歲嘅佢，icing筆都幾難控制㗎！
pack好就畀啲女去派畀朋友仔lu~

呢啲餅整一塊真係好多功夫，希望食嘅人會感受到我地嘅心意！
聖誕快樂~！

Fondant 糖膏/糖皮/翻糖 自制法

喺英國實在太spoiled, 買fondant只不過係磅幾一盒...
香港嗰啲真係貴好多:(
所以決定搵個食譜自己整！
做咗出嚟嘅呢啲花仔風乾佢會硬晒㗎~可以放好耐！
得閒就可以整啲咁嘅cupcake仔啦

一次過整好多，留返下次用~

呢個造法非常簡單~等我講下先...
材料：
魚膠粉／片　7g
水　　　　　50ml
糖霜　　　　450g　（預多少少，太濕可以加多少少）


我用個一片半（約7.5g）魚膠片
先係浸喺水到５分鐘

之後就開小火至微溫（然後熄火）
慢慢加入已過篩嘅魚膠到

咁加啲糖霜落去就攪掂，如太濕就加多啲糖霜，太杰就加水
暖暖地嘅糖皮係最易搓嘅，一凍咗就會硬
如果硬咗可以放入微波爐叮熱佢再搓，或者可以好似咁喺呢到開小火加熱（小心煮燶，記住加啲水）
想溝色嘅就咁搓一個圓，喺中間滴色素，然後對摺...
一路對摺對摺咁搓就會搓好嘅色:)
跟住你想點印模都得~

聖誕節就到啦~

呢兩篇係我上年寫㗎:)
嚟睇下英國人係點過聖誕節嘅~

英國人聖誕節前的準備


英國的平安夜+聖誕

小一

星期一係小一自行分配學位放榜嘅日子
我呢位大矇完全唔知@.@
係我媽咪打嚟問結果我先知:P
睇一睇facebook,好多人都話派到心儀學校~恭喜恭喜！
跟住我就走上網check...之後先發覺要check no!
係屋企CC然咁搵到張黃色底紙，仍然放喺報完名後放入嘅file內，完全無郁過lol
對下先...
中咗喎
心情其實無咩特別，因為無咩期望過~
諗住星期三去登記啦
點知一早老公攞咗封信返嚟
係另一間c校嘅取錄信（我只係報咗呢間咋！）
收咗影曦喎
有少少感冒嘅我十分高興，因為我唔洗山長水遠去註冊lol
（自行分配嗰間係同區學校，但由我屋企去要搭兩程車，要的埋舒韻去...病病地真係唔想去！）

老公話不如慶祝
我反問返佢點解...

一個五歲嘅小朋友，in完小學都唔知咩事，以為只係去玩
唔明呢個世界幾勢利
唔明點解要讀好學校
（至少我個女係咁啦！）
我係為影曦而驕傲，但我亦覺得唔好將入到呢間學校變成好大件事咁
因為咁家長其實係無形地凝造咗一個有壓力嘅環境畀小朋友
反而我覺得將事件淡化，畀佢繼續過carefree嘅生活係最好:)
無論如何，我相信無論佢入咗邊間都ok嘅~

清潔地板好幫手:)

我地一家五口，小朋友成日行嚟行去周圍玩，個地下成日都好快污糟㗎>.<
呢兩樣野係我秘密武器！
prologic嘅化妝棉地拖
可以掃地同抺地同時做晒！
吸水力強，抺完地下無水漬，仲好快乾！啲頭髮同dust一抺即刻黐晒喺舊棉到
只要沖一沖水啲污糟野就會沖走晒！！！
呢舊棉都可以用到幾耐下，我幾日抺一次地，約半年先要換一次棉
掃咗一埋嘅垃圾用個手提hoover吸一吸就無晒~
用完呢個地拖後唔好完全渣乾晒啲水出嚟，如果唔係舊棉會硬晒（硬都唔緊要，可以浸返淋，不過較煩）
小朋友倒瀉水用佢嚟抺真係一流！
佢地簡直係我至佳拍擋呀！！！

我是一個年輕的全職媽媽

我是一個年輕的全職媽媽

人人以為因為我年輕就做不到好媽媽, 我就徧徧要做好

也就是因為我年輕, 我沒有職場經驗, 人人都會以為我好幸福- 不會打工受氣, 日日空閒如是照顧孩子打發時間

其實全職媽媽的工作不會比任何工作容易

工作時間長, 無雙糧, 無假期, 無福利, 情緒智商要高, 應變能力要高, 時間管理能力要高, 有耐性, 通識智識要廣, 體力要好, 也要有創意...

*

相約朋友外出用膳，晚了，有人嚷著要走...

朋友說：「我地唔似你，我地第二朝要返工㗎！」

難度我不用工作嗎？我不用早起嘛？

噢！等等...你的工作是有薪的，我可沒有喲！

你病了、外出與朋友聚晚了，翌日請假睡個夠

我可以嗎？我連懶床都不可以！何況是病假！

全職媽媽這份職業總是要被人看低！

朋友，你能給我一點尊重嗎？

*

每當朋友聚會, 總有覺有點格格不入...

當她們說著哪些流行的品牌，我在想著嬰兒品牌

化妝品？尿片

衫大減價？玩具大減價

ladies night? 學校開放日

劇集？兒童節目

八卦雜誌？育兒雜誌

愛情小說？兒童圖書

旅行？ 本地一日遊！

高踭鞋？兒童鞋

多媒體高科技產品？玩具...

私家車？嬰兒手推車

她們愛情故事？孩子的生活逸事



水晶甲？不會造，怕會弄傷孩子

煙？不會吸，怕會影響孩子健康

酒？不會喝，怕吃人奶的寶寶會喝醉了...

要比的話，還有更多

*

你猜我是在埋怨做全職媽媽嗎？

不是！

*

孩子的一個微笑，就把我的心融化了

淺淺的一吻，就給我無窮的力量

輕輕的一個擁抱，就把煩惱一掃而空

淡淡的一句"我愛你"，就把時間停住了...

要比的話，沒有一份工作能比全職媽媽給我的快樂比下去

*

當全職媽媽會與社會脫節？那我就要證明給人家都錯了！

這數年間我學到的技能不會比其他工作少，亦更全面，亦發現自己不少潛能

充實自己，充實生活

就是要看不起我的人都大跌眼鏡

連自己也在埋怨自己的工作，生活不會快樂

連自己也看不起自己，那叫人家怎麽看得起你？

不要老說孩子困身，困住你的只有你自己

堅信自己做的一切，人家說再難聽的話，你也不會動搖

記著和放大美好的事，不如意的都給鎖在盒子裡不要打開

世界會美好得多

*

三個孩子是我的成就

能見證她們的成長是我最大的幸福

有個在背後支持我做全職媽媽的丈夫是我的幸運

*

不錯，我是年輕，但我清楚焦點，活得精彩

我是全職媽媽，但我不會自卑

媽媽是我的終生職業，極富挑戰性，且要不斷學習

不要小看我...

我要驕傲的說：「我是一個年輕的全職媽媽！」

（其實還有三年就要跟廿說再見...談不上年輕？！哈！我心境年輕嘛！）

11/11戰爭紀念日

每年一踏入十一月，英國各大小街店鋪都會有呢種poppy 賣
十一月十一日係英國嘅戰爭紀念日
好多英聯邦國家都會有悼念儀式
點解係十一月十一日呢？
話說喺1918年11月11日11時，德國正式簽薯投降
為咗記念喺第一次世界大戰中為國捐驅嘅烈士，佢地就定呢一日為戰爭紀念日
咁點又會用poppy呢種花呢？
話說世界大戰時John McCrae目睹自己朋友點死，跟住就寫咗呢首詩...第一段係咁嘅...

In Flanders fields the poppies blow

Between the crosses, row on row,
That mark our place; and in the sky
The larks, still bravely singing, fly
Scarce heard amid the guns below.

We are the Dead. Short days ago
We lived, felt dawn, saw sunset glow,
Loved and were loved, and now we lie,
 In Flanders fields.

Take up our quarrel with the foe:
To you from failing hands we throw
The torch; be yours to hold it high.
If ye break faith with us who die
We shall not sleep, though poppies grow
         In Flanders fields.

經濟，社會，心理經濟，社會，心理支持當兵人士啲屋企經濟，社會，心理

喺某一戰場上，有好多戰士死咗，被埋喺嗰到...第一樣生出嚟嘅，就係poppy！
佢鮮艷嘅紅色亦令人聯想起當年戰士所流嘅血
自始，眾人就開始用poppy嚟悼念戰爭中犧牲嘅烈士（唔單只係WWI, WWII,係所有戰爭中離世嘅人都會紀念）

上圖嗰朵假嘅poppy，係畀我地扣喺件衫到㗎
有啲人會扣喺車頭等等，以作紀念
呢啲假poppy係由 The Royal British Legion 同Haig Fund　呢兩個機構賣嘅，籌到嘅錢會喺經濟上、心理上支持當兵人士／退役嘅屋企人
教會市會喺十一月第二個星期日舉行Remembrance Service，當日周圍都會有掉念活動。夜晚都會有晚會，電視台都會播添㗎！

而呢兩年都新興咗呢種十字架，等人可以寫低啲訊息
都好有意義㗎！

pic from: http://upload.wikimedia.org/wikipedia/commons/9/9f/Westminsterabbeypoppies.jpg

大家想６條１結婚？都係考慮清楚先啦~
（97回歸前我都仲記得呢日有假期㗎！）

超靚超簡單小蛋糕裝飾法

材料在普通超市也能買到
輕易造出漂亮cupcakes
生日、派對、婚宴場合這種cupcakes也十分適合！
材料：
嘉頓孖寶蛋糕
糖霜
棉花糖
食用色素

蛋糕裝飾
今次錄咗片（返嚟香港第一次錄！）
去片！

http://youtu.be/mTPyGEJrxQY

返咗嚟香港後，因為所有整蛋糕嘅生材工具都畀晒人，要由頭買過晒！
所以攪到咁耐先開始再整
不過而家屋企個廚房無以前咁大，以後整蛋糕又麻煩啲啦...

字咭架

為咗啲女學多啲中文字，我整咗呢個字咭㗎~畀佢地睇多啲，認多啲
因為我買張cardboard都幾大下，我一分為二，整咗一個中，一個英畀佢地

材料：
cardboard
包書膠（我用用剩嗰啲lol)
膠紙（定位用，都要用幾多下㗎！）
pvc貼（我買咗兩呎，夠整晒兩個）
用具：
鉛筆
尺
較剪

咭紙開二後度位
濶度隨你鐘意，可以就返字咭大小
我就６cm一行，每３cm畫一條線
預留咗邊＋３cm*１６（共８行）＋邊
唔畫唔度線都得，不過就無咁靚囉
畫完就將包書膠貼喺左右兩角（我呢卷包書膠無成個card board咁闊㗎，所以等陣要用pvc貼貼包埋包書膠嘅左右兩邊呀！）
以膠紙定位，貼包書膠時係咁摺...
去到６cm位時一摺
摺返去３cm個位時再摺
１２cm一摺，９cm一摺...
如此類推！！！　

貼好晒就cut一條長嘅pvc貼
貼喺中間（你地自己就，度返自己啲flash咭嘅大小而定啦！）

cut　埋啲邊佢，要夠包晒包書膠嘅邊同cardboard嘅邊

包完後面就係咁㗎啦

前面係咁~攪掂！

之前有人叫我post字咭嘅soft copy出嚟...其實我都無做過lol
我都係download返嚟㗎咋！
介紹下呢個網，有好多字咭嘅soft copy 免費download㗎！
快啲去整返啲啦！
http://www.happyfamilynet.com/baby/download.htm