總結下我嘅「成就」先
２５歲嘅我
生咗三個可愛嘅囡囡
有個美滿嘅家庭
學歷我只得中七
全職工作嘅經驗係0...
嚟緊嘅人生我仲有咩想做呢？
今年復活節，我老公會自己一個去旅行
我諗下年嘅復活節，就會到我自己一個去
我都好想自己一個去探探呢個世界
雖然只係會係一個short trip，但總好過無~
可以嘅話，等D女大個D，我會讀返個degree嘅
到佢地獨立啦，先會出嚟做野
我會唔會怕自己搵唔到野做呢？
唔會啦...我都知自己嘅工作經驗係０，但我相信，如果肯捱嘅，自己都可以有一番事業（但我事業心真係一都唔重囉）
會唔會生多個
之前幾肯定係會嘅
而家唔知...因為喺hk生，打唔到麻醉...我真係好怕再痛過...
如果喺英國生，我一定生多個！
又講下生日啦...
自己身邊嘅朋友個個都未結婚，未有小朋友
好多時佢地出去都唔會叫我
有活動D時間都好怪...我一定join唔到
慢慢地，覺得自己同佢地遠咗好多
我地出到嚟，佢地講嘅都係工作上嘅野
我無咩興趣聽+搭唔到嗲
佢地個個生日，我都會整蛋糕畀佢地，我次次都會到
因為我重視佢地
以前嘅我認為，想知道自己何等被朋友重視，就要睇下有幾多人同你慶祝
但過咗英國+生咗影曦之後，我己經改變咗自己嘅諗法
一嚟，自己喺英國無咩朋友
二嚟，覺得...都係個女重要D
又但係返咗嚟hk之後，我生日，想攪活動...好似次次都攪唔成咁
好多人都話嚟話嚟
到最後好多都遲幾個鐘先到，又或者打電話嚟話"oh,我瞓過龍，嚟唔到"...
上年生日，成班fd只有４個上咗嚟我屋企
仲有...次次我叫親人上嚟我屋企，無次攪得成㗎
個個都話我住得遠...
其實佢地唔上嚟係咪因為真係我住得遠，定係佢地唔想嚟我到？
好多呢d少事都令我覺得無咩存在價值，變得可有可無
我大肚８個月時，佢地出去慶祝新年
我大住個肚，唔係咁想出
我話不如喺我屋企攪party，咁大家都可以上嚟玩
但無一個人會體諒下我...
佢地寧願去個屋企細d，但近kln D嘅朋友屋企都唔會嚟我到
無人會考慮到我heavily pregnant
我唔係特別想全世界就我
我只係想佢地體諒下我
結果嗰晚，我係自己一個喺屋企過，連老公都出咗去㗎
好啦，到我話今年生日想去邊到邊到攪生日啦
同其中一個朋友講
佢嘅反應係...
你要諗下喎，喺到攪佢地鐘唔鐘意㗎？
佢地多數都係修PE(我以前讀嗰間學校係有分修PE/ART)，唔會有興趣㗎喎
酒水有幾多先？野食嗰到又點呀？
我覺得攪得成嘅幾會唔係咁大囉...
我完全被打沉
我生日想去一個地方都唔可以畀我自己決定到
仲要同我咁"分析"晒
都係算啦
我都係想大家有個good time啫
而家真係攪唔攪都擺
反正都唔會多人去
反正生日，都係好似平日咁...又有咩咁特別呀...
大家見我咁勤寫blog，就知我真係無咩朋友
電腦就係我最好朋友
好可悲！
No comments:
Post a Comment