呢到就係我上次講，我想開party嘅地方啦~
叫陶畫籽
www.artpod.com.hk
我地join咗佢個art jamming party
佢地仲會攪小朋友嘅生日會㗎~
４個鐘嘅時間...都只係＄２８０咋！抵！！！
包埋小食同兩罐野飲
畫板，顏料，畫筆全部有齊
我地班fd就用咗４個鐘嘅時間各自畫咗幅畫（其實仲可以整陶瓷，不過無時間！）
我地呢到所有人都係讀體藝嘅，當中只有三個人係修Art，其他都係修PE㗎
估唔到個個都畫得好好~~~佢地個個畫完後都好滿足呢！
好開心最後有咁多人嚟！
大家亦好享受呢４個鐘^.^
呢個係一個好特別嘅生日會！
有d fd嚟唔到，見到d相，都話想再上去玩呢！
...下次等我安排下先...
努力作畫中
大家都好努力睇書搵０感
Art攞a嘅Sofi，即場影咗張舒韻嘅相嚟畫
佢畫得超快~我都唔知畫咩嘅時候，佢己經畫到咁...
畫得好靚呀~~~
佢送咗呢幅畫畀我^.^
我恨咗佢畫畫畀我好耐㗎啦！
而家畀我恨到啦！！！正呀！
大家都好專心畫畫...
舒韻好醒下
我要一手抱住佢，一手畫呢~
我嘅畫...
我完全無起過稿
因為我都唔知自己想畫乜
雖然我係修art，但係呢幅只係我人生第二幅painting咋！
第一幅係form 3時，嗰時第一次學用Acrylic，我畫得超唔掂
自始就怕咗painting
F.4時我修咗陶藝
F.5修Course work->完全skip晒graphic design同painting囉！
算啦...都係當裝飾啫
畫畫下...嚟個Break
食下野先
（呢個廚房都好大下㗎，可以自己帶野嚟煮添！）
切生日蛋糕~
係咪勁先~全女班！
好多謝大家肯抽時間嚟...真係估唔到真係可以喺到開生日會
It means a lot to me!!!
上次打嗰篇"存在價值"
我以為我班fd無人會睇到我先打喺到（話晒我喺呢個blog到打D野都係C9野，我估唔到佢地睇到...）
真係唔知係好彩定唔好彩囉...
不過真係好感激各位...
更重要嘅係一班支持我嘅blogger!!!!!!
我自問係一個較自卑嘅人
我係要經常要人提我，我先會知自己做得有幾「好」
因為你地，我都重拾返自信啦
都係我之前諗埋咗一邊啫...唔好意思呀！
我一直都希望可以帶多D正能量畀大家㗎
希望我以後都會做到啦！
謝謝各位！！！
我facebook到有更多相
自己去睇下啦~
No comments:
Post a Comment