湊影曦的第一年+時間表時表分享

今日啱啱搵返本當年嘅日記出嚟

裡面寫低咗好多有關當年同影曦戒夜奶嘅實況

想記低佢~因為我怕我又會唔見咗呢本野

咁我而家寫低佢，起碼第時都可以畀自己check返

同埋又畀大家有個參考！

希望到時Echo出世時，我都會有時間再寫多次戒夜奶實況啦！

實況...我會用返當年嘅日期

可便可以查返啦

影曦係２００５年１２月２３日出世㗎

之後我都會以佢幾多星期大為題~

整曲奇＋佈置聖誕樹

今朝早老公帶咗影曦去睇Christmas Carol
我咪同靖翹喺屋企搵野做囉~整曲奇

有板有眼喎...

點知老公打返嚟話套戲太得人驚，睇咗半個鐘就出咗嚟
所以整整下，影曦返咗嚟~

食曲奇

仲要大啖大啖咁食

忍唔住...喺屋企無野做，攞咗棵聖誕樹出嚟

佢兩個都有掛野上樹㗎

高度關係...靖翹嘅藍色波掛嚟掛去都係喺嗰個高度-.-

佈置好啦
不過我諗我地遲d都會加多d野㗎啦

（靖翹仲食緊曲奇-.-）

叫佢兩個影返張"靚相"嚟整今年嘅聖誕咭
佢地即刻擺咗個咁嘅pose

之後愈玩（影）愈癲

仲互吱對方...

再次聖誕廸士尼

齊齊又去廸士尼
不過今日我畀咗佢地瞓晏覺，成３點先出發~
因為係special night out,畀佢地睇埋廸士尼煙花先走~

一去到...落雪呀！

同學仔鋾澄都有同我地一齊去呀!

之後又撞到另一個同學仔，彤彤（唔知係咪呢個彤呢）
一齊去見公主先~

影完相，我地明明行開咗㗎啦
靖翹無啦啦衝咗去攬住BELLE!
真係有d驚險...如果belle 係企係到嘅...實畀佢撞跌！

影曦又攬Belle

影曦Fairy上身，喺廸士尼周圍飛~

我地又有約埋Stephanie 同Justine㗎~
一齊入去小小世界到先~

好難得影曦話要影相！

坐定定睇golden mickeys-我地miss咗４點嗰場
５點嗰場我地早個字去到﹣己經full咗！
d人叫我地下場要開場半個鐘前去排隊！！！
超誇~都未試過咁多人嘅
咁我地咪早咗７個字去排囉
我地排第一，坐第一行嘅中間！！！
乜都好近，d卡通人物成日同我地打招呼~正！

個城堡好靚^.^

第一次參加填色比賽

影曦學校喺２６／１１派咗呢張填色比賽嚟

但係deadline係２７／１１囉-.-
影曦話想要獎品喎...咪同佢趕工一齊油囉
佢油，我加陰影
再用水彩油背景~

入大埔探太婆

搭車去大埔搵太婆
靖翹喺巴士上瞓著咗...

難得有韆鞦玩，更難得嘅係佢兩個居然主動話要玩！

影曦猛咁推靖翹

靖翹都有推影曦㗎
不過推推下走咗佬...

臨走前同太婆影返張相先~

一湊三嘅時間分配

Echo出世後我嘅生活會點？

真係要諗諗諗d時間點分配先

我向來都係餵人奶，所以都唔洗旨意老公可以幫到d咩

我一向都係按時餵食嘅

咁分配時間方面會易好多
同埋bb會快d戒到夜奶
一出世會每日上下午７點／１０點／１點／４點餵
一共８次
咁餵完朝早點嗰餐就可以攪掂影曦返學d野
送咗影曦返學後就同靖翹去會所／公園玩
１０點嗰餐就會喺嗰到餵
餵完去買餸
１２點接咗影曦送學後就返屋企煮飯，兩個女１點食飯時我就可以餵Echo
點半就放細女瞓覺
之後就準備晚餐
３點叫醒靖翹（不過呢排佢戒緊晏覺，可能到時佢都己經戒咗囉）
４點餵Echo
餵完煮埋餐飯
５點開飯
６點同大嗰兩個沖涼

７點佢地兩個上床後我就可以餵Echo啦
之後嗰d...咪１０點／１點／４點餵囉
通常一點我都未瞓嘅
咁我都只係半夜起一次身（４點）啫

到約兩個星期後，細b就會慣咗每三個鐘食一次嘅pattern
就轉三個半鐘嘅routine
6點半／１０點／１點半／５點／８點半／１２點（半夜就喊食先餵，睇下可唔可以戒夜奶，就算唔得，都只係起一次身）

到Echo 4/5星期大左右，就轉４個鐘routine（睇下Echo慣咗３個半鐘嘅routine未啦）
到時就６點／１０點／２點／６點／１０點餵
到到Echo慣咗呢個routine,戒咗夜奶，就慢慢將１０點嗰餐推前
直至令到佢可以由６點瞓到６點為止

我之前兩個女係７點瞓到７點嘅，一日四餐（７點／１１點／３點／７點），直到４個月就開始畀糊仔
佢兩個而家都係由７點瞓到７點
但如Echo７點先起身，攪大女返學就會好趕
１１點餵第二餐嘅話我又要好趕咁去接大女放學
總之d時間就唔係好啱用啦
所以先諗住要６點到６點嘅routine

希望成功啦！！！

影曦嘅功課

影曦嘅功課
呢版係１１月頭嘅功課
我覺得佢油得好靚

但係呢兩次嘅功課，油得唔錯...但係比以前差咗少少少少...

多咗白位

唉...日日嘅功課都係油顏色...比著我都會覺得有d悶-.-

影曦到而家都仲係主力用左手，到油到攰咗就用右手

好明顯見到佢用右手油嘅野係差d嘅...白位多好多呢

又做下手工先

post咗個製成品出嚟先~

呢個係Willow's Room嘅門牌，掛喺佢間房門口

影曦又返咗學，同靖翹喺屋止整下手作仔
第一次正正式式揸較剪
佢都剪到自己唔少次呢
好彩把較剪都唔係好利（如果唔係我都唔會畀佢啦）
練下啦亞女！慢慢你就會識㗎啦！

學畫圓

先剪咗四份一個圓出嚟先

待用

四份三個圓對摺

畫對奕，cut埋出嚟

嗰四份一個圓對摺，cut對手出嚟

用第二張紙，cut個心出嚟

之後剪個圓嚟做頭，加埋頭髮

黐埋一齊再加少少裝飾就得啦

影曦放學後見到靖翹有個，又話要做返個

佢話要寫"影曦"，唔要Francesca喎
我用鉛筆寫咗後佢自己再用水筆寫，都算寫得ok啦~

佢話呢個唔要掛喺房門

佢要貼喺玩具房嘅牆到貼堂（佢喺學校d手工都係貼晒喺嗰到㗎！）

和靖翹獨處^.^

隨住我個肚愈嚟愈大，可以同靖翹獨處嘅時間愈嚟愈少啦

我真係要好好珍惜！

佢真係好sweet，得我同佢嘅時候，佢會變得好cuddly好嗲~仲好聽話

希望妹妹出世嘅時候，佢都會係咁對妹妹啦！

佢兩姊妹成日都會走埋嚟錫我個肚

影曦仲會用耳靠喺我個肚到聽Echo

Echo都會成日踼影曦同影曦玩!

我陀靖翹時，影曦仲細，都唔會咁同肚裡面嘅靖翹玩

而家影曦就成日都走埋嚟話要同Echo玩^.^

靖翹就唔係好識啦

不過靖翹一向都好呵護BB，對佢地好溫柔

相信佢都會好照顧妹妹Echo嘅~

湊咗影曦返學後，同靖翹返咗屋企
佢突然話要painting喎~

畫得好開心^.^
係佢自己拎個頭過嚟畀我影㗎
真係有鏡頭觸覺！

之後佢好主動咁話要"help mummy cooking"
自己喺廁所擔咗張櫈入廚房幫我洗野，切野同醃野~好叻女呀！

去macy 屋企整壽司

屋企停電...鼠咗去macy屋企
macy整壽c畀班馬騮食^.^
好好味喲~

個個都想幫手

係咁放粟米~

食完又dress up...又跳舞~

靖翹係到睇"bible"

睇到勁激動~
見到 barbie嘅musketeer,係咁叫"MUSKETEER"!

Piers學校開放日

Piers學校開放日

我應承咗幫佢d學生畫面做話劇-Goldilocks and the three bears

影曦同靖翹都好鐘意睇呢！

影曦試打壁球~

靖翹都有試，不過我無影

視藝室整板畫

馬賽克

睇表演

拉丁舞@.@

靖翹企喺張櫈到跟住一齊跳！

畫水墨畫

靖翹話要攞畀daddy睇

一張櫈都玩咁耐...

無計啦，屋企無張櫈係轉得㗎嘛！

影曦自編自導自演goldilocks and the three bears
佢做goldilocks

我做mummy bear,piers做daddy bear,靖翹做baby bear

baby bear發現goldilocks瞓咗喺佢張床
baby bear準備上床攻擊...嚇走goldilocks

攻擊成功~