四日大嘅舒韻

今日無同舒韻影到相添~

今日餵奶嘅時間表好亂...

最衰都係我

因為谷奶痛，我就走咗去泵奶（泵出嚟倒...）

雖然我只係泵咗一邊，但係就係因為咁攪到舒韻唔夠食

攪到有一餐我餵完佢兩個鐘後佢就喊食！

跟住全日嘅奶量都唔係咁定

拖返到每３個半鐘餵一次！

我兩邊嘅腋下都有lumps，實係d乳線塞咗...

朝早時按咗按，而家就散咗d啦

兩日大的舒韻

返到屋企嘅第一晚

舒韻就瞓咗喺呢個靚靚moses basket到啦

由於我地間房係向北嘅，比較凍，所以我同佢著咗...

一件vest，一件babygro，一個sleepingbag，一張blanket

好夠暖啦~

兩個家姐第一次起身見到妹妹~

佢地都好興奮呢！

婆婆都有嚟探我地

影曦愈嚟愈大家姐啦~

因為個moses basket比較難攞

所以之後我地放咗舒韻喺呢個car seat到

呢個car seat好好用㗎~影曦出世後一個月都係用佢嘅

介紹下呢個car seat先

呢個car seat係連埋一架BB車買嘅Travel system

有４個角度可以較，仲可以平瞓添！

連埋床褥㗎

而家我就較咗比平瞓高一格，斜少少嘅，咁如果BB嘔奶都唔會"續親"

同埋可以幫助去風

呢個car seat有兩set seat belts

而家紥住呢條係畀平瞓bb用嘅

好就好在bb好似畀人攬住咁，又唔怕佢"富"被喎

連埋個cosy toes(包腳咁嘅)~好保暖！

仲有塊野反起擋風添！

有時出街，佢又瞓緊嘅，我就可以一clip個 car seat落架BB車到就得，唔洗整醒佢^.^

好方便㗎！

好啦~講下餵奶方面啦

其實呢幾日有d亂,我仲未定死一個時間餵佢
不過每餐一定隔三至四個鐘。發覺咁既方式餵佢都幾好喎,時間彈性少少,又快適應喎！
而家夜晚都係起一次身啫,唔辛苦,唔支力,幾夠訓

而家知道，如果佢未夠三個鐘喊嘅話，即係佢要poo poo

通常抱起佢，佢poo完同佢換完片佢就會瞓返

過三個鐘喊嘅，就係肚餓~

如果我餵完佢，掃完風，同佢玩完放低佢瞓

佢有時都會喊㗎

不過最多喊１０分鐘就會停~跟住就會自己瞓著

講下我自己先

今日朝早我老公帶咗兩個女出街

我只係喺屋企睇住舒韻

我一餵完佢就瞓咗

較咗鐘三個鐘後起身餵佢，點知我起唔到身

到第四個鐘先起到

舒韻仲係瞓緊㗎喎@.@

我餵完佢一輪，又瞓過...

瞓到６點左右我先起身

跟住先知原來自己發緊燒

我估係谷奶谷到發燒啦！

上胎都試過

我漏奶漏得好勁
每邊兩個奶墊都頂唔住，濕透咗三件衫@.@
而家要用muslin square對摺三次，共八層先可以頂住咋！

食咗paracetamol,好咗好多囉！

三日大的舒韻

第一晚返到屋企瞓，放咗舒韻喺moses basket到瞓

因為我地間房對北，又無暖爐，所以我同佢著咗

一件vest，一件babygro，一個sleepingbag，再冚多張blanket~幾夠暖

第二朝一起身，兩個家姐第一次一起身見到妹妹

相當興奮！要爭住抱佢呢！

婆婆嚟咗探我地~

影曦好有大家姐feel呀

由於個moses basket比較難攞起

所以之後我地放咗舒韻喺呢個car seat到

呢個car seat真係好好㗎

影曦出世之後一個月都係用佢！

呢個car seat好就好再可以較角度（共個角度），由平瞓到坐起（110度）

呢個car seat係連埋BB車嘅Travel system,咁有時舒韻瞓緊嘅話，我又要出街，都可以就咁clip個car seat落架BB車到，唔洗整醒佢

個car seat仲要有埋床褥，有一條打橫嘅seat belt咁紥住，等BB好似畀人攬住咁，又唔怕佢"富被"喎~暖到爆！

前面仲有塊野可反上，擋埋風添~

好啦，講下餵奶方面啦

因為今日係返到後嘅第一日，我餵奶嘅時間仲係有少少亂

不過每餐都至少會隔三個鐘，最多隔四個鐘

如果大家有睇開我個blog嘅，都知我主張按時餵食

但今次我以實驗性質咁去試~又覺得幾ok喎

始終我喺屋企都仲有兩個大嘅要睇住，有時d野真係唔可以on time做晒

要揀咗d重要嘅嚟做先

所以我先試咁餵法

舒韻佢又好合作㗎喎

佢好快就適應咗呢個咁亂嘅routine

而家已經知道，唔夠三個鐘佢喊嘅話，即係佢要poo poo

過咗三個鐘喊嘅話即係佢肚餓！

而家夜晚都係起身餵一次夜奶咋~

但係其仲一邊畀亞女啜損咗

其實次次餵奶都好痛...

希望呢個時期快d過去啦！！！

另外，要講下自己...

今日約中午，老公帶咗兩個大女出街，剩返我同舒韻喺屋企

我餵完佢我就上床瞓...較咗三個鐘後餵佢食奶但我又起唔到身...

攪到隔咗４個鐘先餵佢

佢又無喊喎，仲要我整醒佢

餵完佢我又放低佢...我又上床瞓...

到６點幾我起身，先知自己發緊燒

唔怪得咁好瞓啦！！！

今日開始有d谷奶

我估因為咁而發燒啦！

成個人都有少少wing wing地

係食咗paracetamol 先好返d咋

我而家漏奶漏得好勁，每邊用兩個奶墊，都可以濕透過三件衫！

而家要用muslin square對摺三次，共八層先可以頂住咋！

湊影曦的第一年+時間表時表分享

今日啱啱搵返本當年嘅日記出嚟

裡面寫低咗好多有關當年同影曦戒夜奶嘅實況

想記低佢~因為我怕我又會唔見咗呢本野

咁我而家寫低佢，起碼第時都可以畀自己check返

同埋又畀大家有個參考！

希望到時Echo出世時，我都會有時間再寫多次戒夜奶實況啦！

實況...我會用返當年嘅日期

可便可以查返啦

影曦係２００５年１２月２３日出世㗎

之後我都會以佢幾多星期大為題~

十七個星期大

又無餵影曦食人奶

朝早mix咗奶粉+baby rice畀影曦（3.5tps）

影曦食晒呀！佢鐘意我唱住歌餵佢

十六個星期+六日大

今日我病咗

又疴又嘔，仲要發冷同發燒

成晚都無覺好瞓

無餵人奶畀影曦食呀，因為都無營養㗎啦

17.00時，９９餵影曦食幾杰嘅糊仔（3tps）

影曦喊到拆天！不過係因為肚餓啫~

十六個星期+四日大

今朝畀２tps baby rice影曦食

佢食晒呢！

今日開始，１日食２次糊仔

我係喺餵奶前畀佢食嘅

佢咁肚餓，一定食晒！

6.00 / 10.00 / 13.30 / 17.00 / 21.00

6.00同17.00嗰餐都有畀糊仔影曦食

十六個星期+一日大

影曦試食Baby rice

可惜佢唔係好鐘意！

希望下次佢會"好"D啦！

十六個星期大

影曦搵到自己隻手指公啦...

今日開始係咁啜手指！

十五個星期+六日大﹣畀影曦用學習杯

今日９９買咗個tommee tippee嘅學習杯畀影曦

以後佢可以學下點用杯飲水啦！

十五個星期+兩日大﹣第一次用匙

雖然話食人奶嘅bb係唔洗飲水

但今日第一次用匙餵水畀影曦飲~

畀佢習慣下用匙都好嘛！

十一個星期+四日大

同影曦轉返三個半鐘嘅routine

因為影曦呢幾晚都唔settle...可能佢肚餓啦！

6.00 / 9.30 / 13.00 / 16.30 / 20.00 / 23.00

十星期大

而家都同影曦戒咗夜奶啦

同影曦試轉４個鐘嘅routine

6.00 / 10.00 / 14.00 / 18.00 / 22.00

佢瞓足成晚都無醒過^.^太好啦！

九星期大+五日

呢日係值得紀念嘅日子，影曦終於戒咗夜奶啦！

瞓足６個鐘都無醒過^.^

由12點餵完最後嗰餐瞓到朝早6點，仲要我叫佢先醒呢！

六星期大

同影曦轉三個半鐘嘅routine

6.00 / 9.30 / 13.00 / 16.30 / 20.00 / 23.30

夜晚佢都仲係會６點前喊醒，攪到我４點幾點仲要落去廳到坐喺張nursing chair到暗返佢瞓

到到６點先再餵佢

不過比起之前，佢己經可以瞓到4個鐘，算唔錯

影曦兩日大﹣平安夜

到朝早４點幾，我真係攰到頂唔順，我就問midwife可唔可以幫我睇住個女一陣

因為我都餵咗佢，應該無乜野

咁個midwife都好好，幫我睇住個影曦

我就一路瞓到７點幾先畀midwife叫醒

佢地較咗水畀我沖涼

好神奇呀，己經３，４個鐘啦

影曦仲瞓緊，未醒喎！

到８點幾，沖完涼，食咗少少早餐

我都係叫醒咗影曦餵奶畀佢食

１０點，老公同９９都嚟咗e院接我地~

１１點返到屋企我就開始我嘅routine餵奶生活啦！

１１點就餵第二餐奶

由於攰得濟，Piers同９９都叫我瞓，佢地負責換片同影曦玩同整佢瞓

我只係負責餵奶

如是者...我瞓咗三日！

都係每三個鐘餵一次奶

食﹣＞玩﹣＞瞓﹣＞換片﹣＞食...

呢日下晝，Wendy帶咗Lauren, Serena同Joshua都有嚟睇影曦呢

影曦出世﹣在e院的第一晚

影曦嘅預產期係１２月２２日

喺呢日嘅13.37，第一次有強烈嘅contraction！

之後一個鐘後，９個字後，半個鐘後...contraction都好有規律咁嚟

到８點幾我去咗浸浴

到夜晚１１點先去e院

一去到e院就要gas & air,到３，４點左右我決定要epidural 

到朝早9.58，影曦出世啦！

唔知係咪epidural嘅關係，我嘔咗兩次

好攰呀~但超級開心，感動到喊！

影曦一出世我就抱住佢

即刻餵人奶

之後就上咗房啦

影曦好眼瞓，第一次食完奶，就瞓到８點！

７點半時Nicky，Piers同９９嚟咗睇我

佢地走影曦仲瞓緊（可能因為打咗麻，比較眼瞓）

到８點幾，我見佢瞓咗咁多個鐘，咪問midwife好唔好叫醒佢餵佢食奶

佢又話好喎

點知...

叫醒咗佢，餵咗佢第一餐之後，影曦就成晚每兩個鐘一次！

我９９都同我講唔好BB一喊就餵，要按時餵食

但係因為隔離床嗰個媽咪一聽到影曦喊就係到唉聲歎氣...攪到我勁唔好意思！

所以都局住影曦一喊就餵佢...