本來都無諗位今日去廸士尼㗎
不過今朝joey打嚟問我去唔去
畀佢講一講...咪諗住一齊去囉~
一去到見到棵大嘅聖誕樹~
準備出動
去咗小小世界先
裡面有好多聖誕佈置~
好有聖誕氣氛呢！
最開心嗰個係靖翹
呢期佢好鐘意影相呢！
影曦唔肯影@.@
呢期佢好鐘意影相呢！
影曦唔肯影@.@
影曦最愛﹣ginger bread man!
而家次次睇golden mickeys,我兩個女都要坐第一行~佢兩個勁鐘意坐到咁近
因為好多卡通人物臨上台／落台時都會同佢地打招呼！
而且佢地仲會走落台同佢地握手，佢地勁鐘意呢！
今日我又同咗泰山握手啦（係第二次啦）
佢好鬼大隻~好正呀hehe
我都好鍾意泰山，好大隻好型好man.啲日本妹見到尖叫。
ReplyDelete如果我有機會同佢握手，我實會乘機抽吓水摸吓佢啲肌肉，諗吓都正。
[版主回覆11/25/2009 21:18:00]我估佢係見到我兩個女先會走埋嚟咋 我都想抽佢水喲~可惜佢走得太快... 唯有叫老公減到好似泰山咁，咁我就發達囉！！！hehe（不過都係發下夢好啦...點會實現呀...唉...）
HEHE 我想問下你凑住2個女多數坐咩交通工具NA? 會很辛苦MA?
ReplyDelete[版主回覆11/25/2009 21:24:00]以前就搭MTR多~因為推孖車，兩個女要瞓，推車會好D 而家細女大咗，唔會扭抱，所以搭巴士多囉 都唔係好辛苦啫 兩個女都好肯行，同埋好聽話，唔會自己走咗去~
我囡囡吾係好鍾意坐bb車成日想行路!so我未try過自己帶2個出街!你好厲害! 其實我有用工人but 我想自己try獨力湊but 我老公怕我攪吾掂!你可過返2招比我ma? 分配時間? i want ask you 到時你生bb時邊個幫你takecare 2個女ar ! 我想學你一人takecare 小朋友and 家庭仲要咁enjoy ! 祝你一家幸福開心!
ReplyDelete[版主回覆11/25/2009 23:24:00]多謝先！ 我自己就無工人嘅 平日兩個都係我嘅貼身膏藥 不過佢地都唔算好黐身~佢地都開始大囉~ 我老公有時都會問我，生咗第三個之後你會唔會攪得掂呀？ 我自己唔鐘意有工人，有嘅話我會變得好懶！我會好依賴 我又唔鐘意自己無晒c隱，所以寧願自己辛苦d都唔想請！ 唔好理人地點睇，只要自己相信攪得掂就一定得！ 時間分配方面係咁： 今年大女啱啱返學 老公通常佢返工時就會整醒兩個女（係６點半囉） 所以有打把時間打點晒返學前要做嘅野 送咗大女返學，就同細女去下會所／公園玩 再行去買個餸，返上樓準備lunch 就要再出門口接大女返屋企啦 細女而家仲會瞓晏覺（不過而家戒緊） 呢個時候咪同大女一對一咁玩囉 做咗功課先，之後教下佢畫野，做下手工，計下數，認下字，煮下野食呀咁 一係佢就幫我做下家務 吸麈呀，抺枱，抺窗，掠衫，洗野，切野... 個半鐘好快就過 到三點細女又起身囉 佢兩個睇電視我又準備下餐飯 攪掂有時早咪帶多次佢地去公園／會所／朋友屋企玩 佢地５點食飯 ６點 沖涼 ７點瞓覺 之後就係我嘅c人時間啦 係就係忙朝早嗰十幾個鐘啫 放工後就好舒服㗎啦 所以都唔係好辛苦啫~ 我生時如果係日頭，我會叫我住附近嘅朋友幫我睇住兩個女先 夜晚就由我姑９接力 如果係夜晚，都應該係叫我奶９過嚟幫我睇住兩個女㗎啦 佢地都好熟我兩個女嘅routine,只要跟住做返就可以 我亞媽同個妹兩個都要返工，佢地都放晏，都未必可以幫到我d咩 生完之後我老公應該都會請假一兩日嚟睇住兩個女 到我返咗屋企之後，都應該係靠自己㗎啦 我上兩次生完都無坐過月 所以今次都無諗過要坐 我唔想靠人，我覺得只有自己先會清楚自己嘅標準，做到標準^.^ 我地大家都要一齊努力，令小朋友享受更童年，享受更多家庭生活呀！
看完你個blog 激發左我都要享受fulltime mummy 生活! thank you! i want ask you 平時小朋友扭計發脾氣吾聽話你會訓個ma? or罵佢? becuase 當我仔仔曳曳時我真係好勞氣ar
ReplyDelete