十三個半月的舒韻

眨眼間, 舒韻已經十三個月大啦

佢明顯比之前更明白我地講乜(醒咗好多!)

佢亦都大膽咗...大家睇下...

我都怯呀!

自己SIR落嚟無問題

(不過最近佢鐘意扒喺到SIR落嚟,咁佢一定唔會跌出嚟!我又覺得安全D無咁驚!)

我一向都係咁教3Q㗎~佢地細個時一開始就教佢地扒喺到SIR(腳落先)

一嚟安全D唔會跌出嚟, 二嚟可增強佢地SIR滑梯嘅信心

到佢地一路大大下佢地見到其他小朋友坐喺到SIR,自己就會試

好記得影曦同靖翹一識爬上樓梯,就會自己扒喺到SIR返落嚟,嗰時佢地一歲都無

之後到歲幾,佢地對滑梯有信心,慢慢就會試坐喺到SIR

唔洗心急教佢地,佢地READY嘅話一學就識

舒韻好鐘意玩紙袋.成日都會執野放晒D野入去

一玩就玩幾個字㗎啦~攪到自己好忙LOL

啱啱開始識玩叠叠杯

唔好以為佢咁醒叠到咁多!有一半係我叠㗎!

仲要係我順序畀佢先叠到咁咋

不過我覺得佢對手仔都幾定,值得讚賞:)

叠積木愈嚟愈叻:)

玩完仲識收野! 乖!!!

呢排佢好鐘意同靖翹玩HIDE AND SEEK

我陪佢一齊數,靖翹呢埋,我就同舒韻一齊搵佢

呢幾晚佢仲扮數,用手遮住對眼喺到"DA DA DA"咁數LOL

到靖翹數時佢又識走去窗簾後呢埋

真係笑死我~

佢而家行得好穩啦, 成日都想周圍行

有時行行下跌倒佢又再爬...但係我叫佢"STAND UP AND WALK"佢又識聽,真係會企返起身行㗎喎

小朋友啱啱學行嘅階段會成日行下跌下

做家長嘅見到小朋友跌梗係會心痛

但係希望各位唔好太緊張~佢地有咁矮跌落地,唔會好痛

佢地跌親, 就用口鼓勵佢地自己起返身就可以啦~唔好下下衝前去扶佢地起身

小朋友跌到要學識自己企起身:)

到佢地真係跌到好痛時小朋友先會喊~我地先會上前問好.

注意唔好用怪責嘅語氣, 亦唔好過度誇張令小朋友覺得嗰小小皮外傷好大件事

理想嘅係用平日講野溫柔嘅語氣去講,將大事化小:)

舒韻其實平日都幾乖

但係上幾個星期好扭計,完全唔似佢!!!...

因為佢出水痘呀!!!!!!!!!!!我遲D打返篇出水痘嘅BLOG先~