鎖匙

呢條鎖匙係咪好有份量呢~真係超巨型!

條係教堂嘅鎖匙嚟㗎

呢間教堂有二百幾年歷史,我估呢條鎖匙都差唔多有二百幾歲掛~

英國嘅鎖匙同香港嘅有D唔同.呢邊好少人用電腦匙㗎

中間嗰條係門匙, 喺呢邊好普遍㗎~

*****

鎖匙可以解鎖,但人嘅心鎖係唔可以用鎖匙解開嘅

我遇過幾個經歷日軍侵華嘅"憤怒老人"

佢地全部都好平易近人,鐘意同人傾計.

但有一位婆婆起日提軍侵華時,仍然激動落激,語氣沉重!

佢嘅憤怒我完全感受到...過咗咁多年仍然未能忘滅心中嘅怒火

聽完佢講佢嘅身世後-由出生顯貴,家有八兄弟姐妹到家園盡毀家散人忘,更睹到自己母親因扎腳+咩住妹妹失足跌落池塘...再被騙被賣豬仔做人家妹仔...一生捱盡苦頭...全因為日本人

佢嘅憤怒我可以理解. 但同時我覺得可惜嘅係佢睇唔開,睇唔到當前兒孫滿堂嘅幸福, 活在從前痛苦回憶當中.

亦因為佢,令我領略在寬容待人嘅重要. 我希望我離開呢個世界之時記得嘅野都美好嘅. 我唔想到臨離開嘅一刻,都記住邊個對我唔好,邊個對我唔住.咁做人實在太辛苦...

呢排遇到幾個唔太鐘意我做事方式嘅人"留言相勸". 目的何在? 不想猜度. 但願佢地嘅憤怒之心可以遠離佢地, 花更多時間當前佢地所愛之嘅人, 將快樂之事加倍放大~解開心鎖~:)