CAKE POPS

有一次去farmers market見到人地賣d蛋糕有支棒,好似珍寶珠咁好得意

好奇之下喺網上搵到點整

原來呢d叫cake pops~

睇下我點整啦

(聽日係影曦學校既cake sale,好多家長都會整蛋糕,賣到既 錢會去咗家長教師會,用嚟幫學校添置器材)

材料:

任何一種糕recipe (我用咗betty crocker既朱古力蛋榚mix!包攪掂唔洗煩)

frosting 一罐 (我用咗betty crocker既朱古力icing)

朱古力一排

做法:

焗好蛋糕待涼後整碎佢(如果大家喺hk無後蛋糕既,可以考慮買蛋糕咁整碎佢)

加入frosting

少少少少咁加,我只係用咗半罐,都已經夠濕

(我上網睇嗰d 人整,有人落晒成罐,有人落2/3罐)

之後放d mixture入雪櫃雪15分鐘

攞出嚟後就搓成一個個波(我唔記得影相-.-)

搓好晒又放入雪櫃雪多15分鐘

喺呢15分鐘,就隔水整融d朱古力

d朱古力一融咗就快快手用竹纖吉落個波再點朱古力

真係要好快手,如果唔係d朱古力好快杰,點出嚟就唔靚

我就係掛住影相,攪到下一批樣樣衰衰咁-.-

點完就由得佢咁乾

我仲加咗少少銀落,懶靚咁

d點得樣衰d既我就加咗糖霜喺面遮醜

建議如果好似我手咁慢既人,最好就唔好點朱古力

點(糖霜加水)會易控制同靚d,仲可以加唔同顏色!

我喺網上見過人地生日蛋糕係用發泡膠整,絲帶圍住圓形發泡膠咁整幾層

上面就插滿咗唔同顏色既cake pops

咁就唔洗切蛋糕,個個小朋友都有一支~

英國的秋天

英國人成日都會講天氣

皆因呢到日頭同夜晚天氣變化可以好大

日頭以好大雨,但轉個頭個天就好清!

英國既秋天對於我呢個住慣hk既人嚟講比較凍>.<

好多英國人仲著緊短袖,但我會忍唔住著羽絨!真係笑大人個口

(好彩大嗰兩個女都唔怕凍,而家都成日著短袖!)

英國既秋天同冬天都好濕,所以雨褸同水鞋係必需品

普遍既英國人都會覺得"some dirt won't do any harm"

所以佢地好多時都鼓勵小朋友get messy-例如...踩水氹

佢地覺得小朋友應該做小朋友鐘意做既事

記得我細個時都好鐘意踩水氹,但就成日都會畀大人喝止,話污糟

呢到既人反而唔會咁諗

有時仲會專登趁落雨天,同小朋友著好雨褸同水鞋出去搵水氹踩

唔會因落雨怕濕而唔出街

我地屋企都有規定,一定要咗水鞋先可以踩水氹!

死火,講講下唔知講咗去邊!

好啦,入返正題

呢到既四季都明顯

一到秋天,好多樹都會變咗紅,橙,啡...

呢張相係我三年前喺英國住時既

呢段路我行過無數次

秋天呢個時候有好多松鼠周圍執松子架!

好多時秋天同冬天個天都好清架

我62話,無雲既日子會比有雲既凍d架!因為有雲既話可以困住熱氣,溫度會高d

估下咩嚟既?

呢個果子叫conker,喺呢頭周圍係架

62話佢細個無咩野玩,秋天時個個都會執conker,用string紥住,兩個人會互相fing string 上既conker,兩粒conker互相撞擊,邊個跌咗既就輸!呢種遊戲而家己經無人玩啦!

英國生活,由此開始

好多謝大家支持!以後我會更有心機講講我喺英國既有趣事

呢篇係第一篇

不如講下我點嚟咗英國生活先啦

話說我自細都想喺外國生活,但係只係去過美國同加拿大,未去過歐洲

我自己都估唔到自己會嫁個英國人

我嚟英國前我對英國係一無知既,以為英國同美國係差唔多

但原來係好唔同架!!!(遲d會詳細講)

當年結咗婚後十日就飛咗嚟英國同6299一齊住

(我一路都喺hk,未試過喺外國讀書架)

嗰時一住就住咗兩年半...

喺英國,同6299同住既情況唔咁常見架

佢地好講求私隱,仔女大咗都會主動搬出去住

呢到都幾重稅架,但係福利好,退休金多,所以老人家老咗都唔洗仔女供養

同香港既情況真係好唔同!

同6299住既日子唔難過,佢志仲教識咗我好多野

99教咗我好多湊小朋友既技巧,62講咗好多以前英國係點既野畀我聽(好有趣架!有時間再同大家分享)

...講住咁多先

遲d再講過!

cupcake生日蛋糕

62生日,我話整蛋過佢

問佢想要咩,佢話都係就返影曦同靖翹喎

整咗cupcake蛋糕,因為而分唔洗切

將d cupcake砌埋,上面加上裝飾就得!

喺hk無焗爐都整到~買孖寶蛋糕返嚟裝飾就得啦!

如果...

呢幾日喺到諗

如果我另外開釮類喺到寫英國生活既衣.食.住.行

你地會有興趣睇嗎?

呢排見到好多野,同hk好唔同,想同大家分享下~

不過我而家仲積極趕緊畫...

所以呢排都好少寫blog呀

遲兩個星期,希望我會得閒d追返d blog啦!

舒韻的自助餐

7個半月既舒韻,自己食野啦

仲唔係食得好好,不過我知佢會好快學識既:)

慢慢嚟啦呀女!

我放咗個spoon喺乳酪到,佢識自己攞出嚟放入口到啦

有時早餐我會畀條蕉佢食

就咁meet開條蕉放喺佢面前佢就會自己攪掂架啦

非常自助!

好友天TINA嚟探我地呀:)+第一次買飛搭巴士-,-

中學時代好友TINA喺喺St. Martin 讀咗一年,仲有兩日就飛返hk啦

臨返港前佢由LONDON落咗嚟搵我地
佢好有心,我每生一個女,佢都會喺LONDON專登嚟KENT睇我地一次~
第一次嚟,影曦得7個月,仲未識爬;第二次嚟,靖翹得半個月大,一PAT野咁;今次嚟,舒韻都係個7月大~
今日講咗好廣東話,講得好暢快!謝謝天娜:)
我地返HK再見!

我地約咗去headcorn,佢搭火車嚟,我搭巴士去(我都係第一次喺英國搭巴士咋!)

我地去咗一間local pub食英式full breakfast:)

full breakfast有d咩?

下呢張相就知...

 

今日靖翹無返學,第一次走堂!

呢到既巴士成個鐘一班,我去到headcorn後會趕唔切返嚟接佢,唯有走堂...

第一次喺英國等巴士...

巴士好鬼貴,20分鐘車程,來回共6磅!

呢到d人一到65歲(無記錯既話),搭巴士唔洗錢,會有張巴士證架

學生要搭既多數都會買月票/星期票

其好似我咁唔係成日搭既人就要一上巴士買飛!

係企喺入口同c機買囉,真係勁慢!相比起hk有octopus...直係差好遠!

同埋...呢到d巴士好舊架

hk既巴士真係新同乾淨好多好多!

我地食完個full breakfast勁飽!

去公園玩玩

之後就周圍逛下...坐下就各自返歸

今日講咗好廣東話,講得好暢快!謝謝天娜:)
我地返HK再見!

tina今日畀咗d畫具我
返到屋企拆開晒先知原來畀咗咁多野我!!!
water colour, acrylic, pastel, oil passtel, 水溶性木顏,水溶性蠟筆,畫筆...仲有好多珠仔!!!真係有排我玩!!!
oh,仲有月餅!我今年無成過月餅,估唔到仲有得食~多謝晒呀^.^

scones

今日見得閒,同d女整scones

scones係英式茶點,少甜,帶牛奶味

平時切開中間加牛油食,加埋jam就最好:)

唔難整,可以同小朋友一齊整!

自發粉 8安士/225g

牛油(室溫) 1.5安士/40g

砂糖 1.5茶匙

少少鹽

牛奶 150ml

麵粉少許作手粉

1.焗爐預熱至220度

2.牛油紙上塗上牛油

3.自發粉過篩.加入切到一粒粒既牛油.(用手指搓呀!)

4.加入糖同鹽.攪好,再少少,少少咁加入牛奶

5.手沾上麵粉,將粉團搓成一大舊

6.枱面同碌加麵粉,將粉團放上去,碌到不少於2cm厚度

7.cut咗個圓出嚟就可以入焗爐,焗12分鐘或至面頭金黃即成

呢個recipe可以做到12個4-5cm咁大既scone架!

彈彈星期六

今日一早起身,兩個影曦同靖翹就話要睇電視-.-

我話要如dress up啦...跟住攞咗條芭蕾舞出嚟

佢地喺房跳舞跳咗好耐呢

之後我地一齊跳彈床:)

影咗d靚相呀~

跳咗成朝後,佢地換返d正常衫-.-

做返d靜d既野啦

星期三係grandad生日,影曦話要畫張咭畀grandad呢!

佢話grandad坐緊過山車@@

又畫得幾靚喎!

grandma買咗兩本disney princess既書畀佢地

等我臨瞓前同佢地講

不過今晚...都係等grandma講啦

我要休息一天啦!

英國一週生活淺談

好感激表嫂,寄咗部netbook畀!

我而家可以打中文啦!

呢個星期真係好忙

星期日靖翹咳得好勁(己經咳咗兩三個星期,但係到星期日轉差),仲咳到嘔

星期一無畀佢返,帶咗佢去睇e生

仲去咗圖書館,leisure centre,children centre同銀行

諗住去開埋戶口,點知去到先知開戶口係要約make appointment開既-.-

放是約咗星期二下晝

去睇睇e生時靖翹又咳得無咁勁,e生都係例牌calpol,calpol同calpol-.-

星期二接咗靖翹放學後就好趕咁又行返去tenterden,去銀行開戶口

開完戶口買埋alex份生日禮物就急急腳跑去接埋影曦放學

真係好鬼趕!唉!鬼叫我無車咩

星期三朝早見影曦班主任,佢話影曦適應得好好,好聽話,識到好多朋友仔

影曦學校而家先教1-10,我同老師講影曦識數到100架啦

仲識加減數,同個位2倍乘數

a-z識晒讀音同拼音

佢真係呆咗,問係咪佢喺hk學呢d野,仲學埋中文

學校有學中文同英文但係數就我教既(唔係刻意教佢,係一路玩,一路自己學)

而家老c比久前更了解影曦,真係好!

喺英國教小朋友係因材施教

小朋友全部都係同齡既,但程度可以差好遠

呢到既學校好鼓吹小朋友睇書

好似影曦學校咁,逄星期一三五都會換書

初初睇既好簡單,只有圖畫

目的係要小朋友講出書中故事,增強佢地既表達能力

佢地係用oxford tree既,hk都有.

高年級既學生一班內可以有差幾級既小朋友架!

影曦而家讀緊year r, reception

無課本既.佢地每日返學都係玩玩玩

但係佢地學到野架喎!

year r既主旨係learning through playing.

又無功課做

唯一一樣要會做下既,係一本叫home/school diary

本野你以寫咩都得

可以係平日你同小朋友喺屋企做咩,呢個星期做咗咩特別野,又或者喺學校以外你仲上咩堂呀咁,令老c加了解你既小朋友

小朋友都會喺學校做d野貼上去,好似一本成長記錄册咁架

比起hk真係輕鬆好多呢!

好啦...講講下唔知講咗去邊添...

星期四,影曦學校有PTA(家長教師會)

我膽粗粗走咗去開會

加埋我,得5個人...嗰兩PAIR人仲要係玩開,全部都識得既...

但係好好彩,得都畀到唔少意見佢地,佢地都接納咗,可能會實行呢!

我係喺HK都無參加PTA,居然過到嚟呢個雞同講既地方先參加

覺得自己有D勇!

星期五...今日去咗靖翹學校同班英國小朋友講中文故仔

佢地聽得明幾多唔重要,其實都係想畀小朋友意識到呢個世界上仲有好多跖唔同既語言啫

到最後個個小朋友都有起身做動作,反應都唔錯!

希望下次再同大家玩過啦!

呀係呀...我仲喺靖翹學校仲埋圖書管理員hehe

你睇我幾極融入呢個社區!

真係要佩服自己既熱心!!!

舒韻開始周圍冼啦!

我放咗舒韻喺地下,本來佢玩緊頂帽架

之後我走咗入房

出到嚟佢就冼咗去櫈到!

睇嚟就快識爬啦:)

鬼馬靖翹

今日靖翹放咗學食完飯後,我放咗舒韻瞓

我就同靖翹玩玩玩

佢叫我影佢相...佢係要整埋d咁既樣!鬼鬼馬馬!

靖翹話要扮sleeping beauty 喎

佢似祈緊禱多d啦

錫錫xx

想同佢正經影返張相都唔得@.@

Tractor!

呢排秋天係收成期

禾旱草被收割

我地住郊區,好多農場架~所以成日都有好多tractors駛過架!

tractor個後6好鬼大,仲高過我架!

呢到d小朋友次次見親tractor都好興奮架!

整紙燈籠係咁e慶祝中秋節

喺英國慶祝中秋節真係無咩氣氛架啦

所以係咁E整紙燈籠算~

我地屋企

呢間就係我地屋企啦:)

樓上嗰個窗就係我間房

舒韻企得好穩啦!

啱啱7個月既舒韻,因為8卦想睇下個BATH內有D咩,所以好努力咁企咗喺到呀!

SKYPING DADDY

SKYPE 係我地每日都會做既事:)

等D可以每日都見到DADDY

平時影曦放咗學返到屋企我地就會SKYPE但係呢個時間佢地都好攰,唔會講得耐

星期六SKYPE係最好!一起身就SKYPE,個個都好精神,好多野講!

1

之後我地去咗公園玩

舒韻呢個樣好深思熟慮呀!

quiet

Nights are very quiet here. I enjoy the stary sky. I can see the milky way easily on a clear night. You'll know the true meaning of "twinkling stars".

Most of the night I enjoy the quietness...but sometimes it hits me. I turn the light out and go to bed. A single bed. It's so cold...How did I end up sleeping in a cold single bed? I keep asking myself...

I read, I pray. Reading this book makes me strong. It helps me to become a better wfie as well as a better parent. God does help me to go through my rough time. I am very grateful knowing where I am now. Thank you...

I'd love to share all the joy of reading this book. I strongly recommend it to everyone. It's a 40-day-dare. You read a few pages every day and that's a dare at the end. This book taught me the true meaning of love- patient and kindness as well as forgiveness and thoughtfulness. I read the Chinese Version in Hong Kong. Now I am reading the English one. I hope you will enjoy this book as much as me too:) God bless us all!!!

靖翹裝飾蛋糕仔,影曦裝飾餅乾

今日影曦同靖翹兩個學校不約而同咁裝飾蛋糕仔同餅乾呢!

靖翹整咗兩個,話一個係畀影曦架

真係錫家姐啦:)

影曦整咗個女仔有頭髮既笑哈哈:)

好天的秋天:)

難得咁好天,影返靚相先!

呢到係我地既後花園:)

d顏色好靚呀!

影曦同grandma整apple crumble

唔好意思既係唔記得咗影相...

不過食譜响樹:)

焗爐開至180度預熱

材料:

兩個cooking apple+ brown sugar

topping: 麵粉+brown sugar(白砂糖都後,不過brown會好味d)+牛油

topping既材料份量係不詳-.-因99都話呢d睇經驗既...多少都唔太緊要

大家想要個份量,不妨上網搵搵...

蘋果去芯切一舊舊加兩茶匙水同brown sugar煮成蓉(記住唔好架咁多水呀!!!兩茶匙好啦!)

整咗蘋果蓉後放落ovenproof dish

topping:(ready to get messy!)

牛油放於室溫,切粒,融會合brown sugar同麵粉,用手搓最好!

搓好後就咁放喺蘋果蓉面,放入焗爐約15分鐘,或至面頭呈現金黃色

攪掂!

可以就咁食,或者加custard/ 花奶/ 雪糕都好好味架!