恩祈嚟咗我地屋企玩~+一家人去睇Toy Story 3

約咗好耐...

終於都約到恩祈嚟我地到玩啦！

我只係影咗一張相~因為Elaine攞咗部大機出嚟

佢影d相一定好靚啫！

我地約咗十點去食早餐（唔好意思-.-我住得咁近都遲到...）

之後去咗會所玩

再上嚟我地屋企玩+食lunch呢

估唔到第一次約埋一齊玩，影曦就同恩祈friend到咁喎~

恩祈好乖巧，又斯文

十足媽咪咁~有晒媽咪嘅優良遺傳~

佢地三個女仔一齊玩~非常和稭

我同Elaine坐喺到傾計，全程都唔洗理佢地點玩

傾得好暢快！

一家五口去睇Toy Story 3

本來無諗過帶舒韻㗎
我老公想帶影曦同靖翹去，但係呢排靖翹玩野，好黐我喎
我老公就話帶影曦去咋
靖翹係超鐘意toy story㗎~所以我好想靖翹都有得去睇
結果咪一家人入晒去睇囉

舒韻第一次入場，全程都無喊，又無瞓過喎！佢真係睇晒㗎！

之前舒韻去咗影曦學校個兩個半鐘嘅畢業禮都無事
所以今次先帶埋佢去囉~

你睇~只係搭電梯上戲院，靖翹已經超興奮

佢一路睇一路擺住佢個招牌笑容！好可愛！

影曦真係一家好好嘅大家姐~

成日都會同妹妹玩

佢話帶舒韻大個，佢會教晒佢識嘅野畀舒韻識喎~