呢個儲存糊仔方法喺英國好流行
嗰邊個個媽咪都係用呢個方法整野畀BB食㗎！
呢pack就係處理好嘅蘋果蓉冰粒
做法
蘋果去皮去芯（整蘋果蓉嘅話，我覺得華盛頓蘋果比加拿蘋果好，會較稔~）
加水煲稔
隔水用叉壓蓉蘋果（d水可以做蘋果水畀BB飲）
當然亦可用masher/攪拌機打碎
但我個人比較懶，用叉算~
而且咁壓會較有口感，唔會太爛
壓好啦~
放落冰隔（我用咗兩個蘋果，啱啱好fill晒一個冰格）
用保鮮紙包住（感覺乾淨d~）
雪好後就用保鮮袋入好
用marker標簽寫好係咩嚟嘅同幾時整嘅（我無影到相）
同樣地，可以用呢個方法嚟存放粥仔，甘荀，pasta等等嘅野...
以前我會一個星期煮一次
每次煮幾味，每樣煮一大煲
咁我出街時就唔洗煩畀咩bb食
又唔洗BB食樽仔野~經濟好多
而且冷藏嘅食物嘅營養價值，唔會比新鮮嘅差得去邊㗎~
咁平時可以就咁攞你要嘅冰粒數量出嚟坐暖佢／叮返熱佢咁畀BB食
如果要出街，可以好似我咁帶幾粒放落食物盒
一路出街，d冰會一路解凍
到要餵bb時可以就咁餵~
好似蘋果蓉咁，可以凍食添！
而家咁熱就啱晒！
想d蓉有返少少口感
仲可以加卜卜米
喺餵BB前先加~
我亞女好鐘意㗎~
大家試下啦！
我遲d會post多d BB食譜㗎啦~大家要留意呀！
No comments:
Post a Comment