親親動物農莊+Terminal 2潮樓飲茶+會所學芭蕾舞+玩渣車！

我地班映灣媽咪約好一齊去asiaworld expo嘅親親動物農莊

以為會好好玩...點知...

動物少又多人，收費貴，唔係好值得去...

喺７﹣１１買飛，＄３０一個人

我地先去東涌搭免費shuttle bus->無頂巴士嚟㗎！

d女好鐘意~好晒佢地都唔介意！

一入到去見到人人排隊再買飛

原來要喺counter買飛先可以玩bouncy castle同攤位遊戲-.-

去到買咗飛畀小朋友跳bouncy castle

盛惠$30/5分鐘（憑入場劵減$10，但都係好貴！）

大家除晒鞋，等入場

期間有兩段小插曲：

插曲１：

買咗飛門口個人先同我講唔夠４歲唔畀入@@

賣飛嗰個人無講清楚...

靖翹超級失望！

好彩事後有個工作人員話暗地𥚃畀佢入埋去

插曲２：

小朋友赤晒腳，靖翹踩落地毯到﹣＞佢吉到腳！！！！
之後發現有粒大嘅釘書釘喺地下！！！係向上吉咗出嚟嗰種！！！（張相放大嘅話會見到粒訂㗎！）
我有少少失控...走咗去鬧個職員...
我都知唔係好關佢事...但係又真係控制唔到...
好彩靖翹無流血啫！

７個小朋友個個都唔落力咁sir咗５分鐘！

憑飛可換一包仔生菜

攪到周圍d細路都餵生菜畀兔仔同龜食

d動物係被埋喺生菜海到㗎囉-.-

靖翹好大膽

餵完隻龜自己走去摸佢囉lol

影曦摸兔仔

悶悶地...

孖女都走返過嚟同舒韻玩

欣欣ee買咗個棉花糖畀大家食呀~

梗係要分享啦

愈嚟愈多人，又樣樣野都要收錢

我地一於走人

用$5坐機鐵過Terminal 2嘅潮樓飲茶

Lily有機場員工價~咞多個人食，三百蚊都唔洗~正！

我地食，舒韻瞓咗覺！

返到屋企...

影曦趕住去會所學芭蕾舞

我無同佢報８月啦

所以今日係最後一堂啦！

梳好個頭先~

幾靚~

影曦學緊芭蕾舞時，我地就喺會所畀靖翹同舒韻玩陣

睇下舒韻同vivi玩得幾開心！

喺會所見到孖仔媽咪Elaine

佢畀咗粒Apricot 舒韻

佢啜下啜下~又幾好味喎！

接影曦放學（多謝欣欣ee今日同我地影咗咁多靚相！）

我地之後去咗揸車~搬咗嚟咁耐，我都係第一次帶d女去玩咋！

今朝喺Asiaworld Expo畀人襟住嚟搶，幾大我都要賺返，平衡返d心理！

揸呢d車$5/15分鐘

抵！！！！！！

Charles Studio影嘅全家幅~

post住咁多張出嚟先

遲d再upload多D呀吓！

我去剪髮後...紫蕾又嚟探我地啦~

紫蕾又嚟探我地啦~

我地仲帶埋三條Queen去游水添！

今日喺泳池撞到超多人呀！

好似成個映灣我地識嘅都去晒泳池咁！

我放晒d女瞓後，老公喺屋企睇住d女

我好紫蕾仲去咗會所坐住按摩椅傾計~

今晚傾得好開心，又令我開竅咗d~多謝你呀！！！

東涌文東路圖書館

今日同Macy+孖女，Joey+James同D女去咗新開嘅文東路圖書館

呢到好大好靚呀！

最緊要嘅係...呢到無人shhh我地！

記得之前去過逸東嗰個圖書館

靖翹嗰時得歲半

佢興𡚒咁走嚟走去（佢係無咩點嘈㗎）

畀一個圖書館職員追住佢嚟shhh佢囉

我明白圖書館要靜

但係我只係想同d女養成去圖書館嘅習慣

你要一個歲半嘅細路係圖書館完全唔嘈係無可能

我畀呢個職員shhh到煩晒...

自此都無去過逸東個圖書館

平時我地都係喺圖書車到借書

而家唔洗lu~

呢個部份全部都係小朋友書，又無人嚟shhh我地

大家都睇得好開心呢！

今日喺圖書館都撞到好多人~

Elly,栢賢,風風...

好似成個東涌我地識嘅人都嚟晒呢到咁呢！

去完圖書館

我地去咗隔離嘅遊戲室到玩~

今個星期今日算係最得閒㗎啦...

聽日又要忙啦~

James' Farewell party（黑雨中度過！）

James一家星期六就要搬離東涌啦

Joey喺東堤會所攪咗個farewell party

今日真係好多好多小朋友到呀！

希望Joey一家搬咗後，快d適應新生活啦~

我負責今日嘅蛋糕

係用60個cupcakes砌成嘅火車嚟㗎！

點咗蠟蠋，個個小朋友都有得吹！

由於尋晚整咗兩打後先發覺唔夠cup cake case

所以我今朝拿拿淋落街買，再焗咗三打！

影曦幫我裝飾㗎

靖翹負責幫我清潔個碗~

she loves licking the bowl!

今日嘅野食，係我地三個負責㗎！

James婆婆整中式野

我整蛋糕

Mandy整西式野！

Mandy幫我抱住舒韻時

舒韻無啦啦攞住人地個杯係咁啜！勁攪笑@@

靖翹擺晒pose,叫我同佢影相@@

小朋友坐定定玩遊戲！

pinata出場啦！

老友鬼鬼
祝你地四個友誼永固（加埋舒韻五個啦！）
無論你地我地搬咗去邊~都咁好朋友！

靚媽Yuki & 舒韻

Party後我地去咗playroom到玩

呢到又幾好玩喎！

靖翹咁sir嘅時候~好似條魷魚咁呀~~~

小插曲：

開開下party，黑雨！

會所職員會要成個會所閂門喎！要我地離開！

我地O晒咀！

橫風橫雨，咁多個媽咪同小朋友，你仲叫我地走？！

...但係我地無理繼續party玩遊戲

之後變返紅雨我地先無再畀人趕咋！

我出門口時無雨，乜都無帶

好彩老公喺屋企~叫咗佢嚟救我地

佢攞咗BB車嘅raincover畀我同埋影曦嘅雨褸

我地撤退時細雨咗~無咩點濕

返到屋企，老公煮咗餐勁野~

佢話會畀個surprise我

佢買咗我鐘意嘅煙三文魚

加檸檬同蛋黃醬~勁好味！

佢仲整咗雞全翼同熱狗~^.^~

正！

映灣媽咪聚一聚之曲奇篇

一班媽咪同小朋友嚟咗我地屋企~
10個小朋友+2個BB
玩玩具~大食會~整曲奇~dressing up~face painting
我都玩到好攰呢！

一班小朋友啱啱嚟到我屋企

玩陣先~要等齊人先開始嘛！

影曦好朋友康晴（Stephaine D三七面相真係好正！）

個個都爬咗上影曦張碌架床到玩呢~

恩祈抱住舒韻

一人整一樣野食~大食會！

靖翹餵薯容畀舒韻食

恩祈又走過嚟同舒韻玩啦~

開始整曲奇~個個都有幫手㗎！

個個都好專心呢！

整曲奇實況﹣＞亂！

等緊曲奇焗好時，個個都dress up~

焗好啦！

唔係咁靚，但好好味~唔太甜！

恩祈第一次接觸face painting
所以佢初初唔敢畀我畫面
所以我幫佢畫手先呢！

之後佢就敢畀我掂佢塊面啦~

佢坐到好定呢！

畫好啦~

之後我地仲去咗食埋tea先買餸返屋企

我攰到C~

希望班小朋友玩得開心啦！

今晚仲要焗蛋糕

我要努力加油！