＜＜按摩女郎＞＞

早於復活節時，我把三個女兒交給丈夫照顧數天，我和幾位友人前往中山享受我們的girl's trip♥ （做了六年ftm才第一次這樣去旅行呢！）有日我們到了一家按摩店，我們進了一五人房，五位按摩師傅（女郎）走進來了。
不久，我就跟我的按摩師傅談起來。
她是從重慶走到中山打工的（她是說普通話的呢！我只能用有限的普通話跟她溝通），丈夫比她大十多年，他們有兩個孩子，女兒跟影曦差不多大，兒子和靖翹年紀相約。
「我有三個女兒。」
「你不想要多個男孩嗎？會生多個嗎？」（她是從鄉村出來打工，重男輕女的概念根深柢固）
「想。要生的話，不會因為想要個男的，而是想要多一個孩子才生。」（她的表情很驚訝！）
我給她看女兒的照片。
「你先生是哪裡人？」
「英國人。」
「你懂說英語？」
「是呀，在香港，英語是必修的。」
「你怎樣認識他？」
此時，五位按摩女郎同時澄著眼睛望著我，想要聽我說故事。
我跟先生認識，並不浪漫（我猜這要叫她們失望呢！我跟我先生，是在教會認識的），誰知她們非常雀躍，希望我繼續把故事講完。

原來...她們如此雀躍，並不是因為我的故事格外動聽，其實是她們都未試過自由戀愛！！！她們想要聽我從前談戀愛的事：被追求是什麼感覺、被愛是怎樣、分手又是什麼一回事？這些我以為每人人生必經的階段，她們都沒走過！這回就到我聽故事了...

「我跟家人關係不太好，不知什麼叫愛。爸爸常常打媽媽，幾年前媽媽就自殺了，我也沒有流過淚，因為我真的不知什麼叫做愛，所以不太傷心吧？！我唯一的記得跟父母的快樂回憶，就是有一次小時候到鄰村出席婚宴，回家時天已黑，我我們要走進森林的山路回家。我很累，爸媽就輪流背著我，一起邊唱邊走回家。」
聽到了其實心很酸，很難想像父母離逝，淚也不流的境況。
「婚嫁是父母之名、媒勺之言嘛！父母選了現任丈夫給我，他比我大十多年，很大男人，很古板。我只跟他見過一次面就結婚了。」
我估不到到這時代仍有媒人婆、相體等事@.@
「你愛你的丈夫嗎？」我問到。
「怎麼說呢？感情一定有，但你說愛不愛，我就不知道了。」
跟一個自己不愛的結婚，幸福這二字真的較難感受。
「他不喜歡我出來做工，但我希望有自己的自由，所以選擇到中山打工。」
「你念孩子嗎？我想像不到要離開女兒們去做工...」如果要我離開女兒們，我會很難受，但沒有說出口...耐心的等待她的反應。
「想的，但大女兒比較煩，不聽話。兒子就很會逗我笑，我比較喜歡兒子。」
女兒不聽話，或許是想引她注意？我沒有給意見，始終我是外人，而且她跟子女的是搖控關係，要比我這些每天都能見到女兒的全職媽媽複雜得多。我只做聆聽者好了。

媽，自殺死了。
姨，病死了。
外婆，因為坐超載的人力車，車在轉彎時倒翻，意外中死了。
她經歷了多次親人離開，可能如此，感覺麻木了。
命，就是如此兒戲。

臨走時，我多給了小費,希望她買點東西給孩子- 也感激她給我上了一課如此真實的「文化課」。
幸福，不是必然；自由，也不是必然的。珍惜眼前人，常存感恩之心，便得永遠之快樂。感謝你，我的按摩女郎！xxx

背書包

上星期送靖翹返學後，我帶了舒韻到公園玩。有一工人姐姐和祖母帶著一約三歲的男孩上學，距離學校，不到一百米。
「做乜畀佢揹住書包呀？咁重！你驚佢以後無得揹，揹唔夠咩？」
接著，工人姐姐就把書包從少主手上拿回。
男孩子其實沒有抱怨要背著書包，也沒有埋怨書包重。背著自己的書包上學乃學生最基本的責任，他也很樂意去做，理應讚賞！卻就是因為這些愛寵壞孫兒的祖父母們，又要特顯他們是主人的身份，對工人姐姐的態度差，培育了態度囂張的港孩。孩子習慣了在這種環境成長，會對他們有什麼影響？
不負責任
執書包、背書包都是工人姐姐的工作，而且覺得是理所當然的
不尊重別人
對人（工人姐姐）態度惡劣，持著自己是主人就命令式對待他人
不懂感恩
覺得別人為你做事是理所當的，態度傲慢

勇於負責任，才會得到別人信任、欣賞。
禮貌，乃人與人之間最基本的尊重。
懂感恩，人才會活得快樂。
你想孩子成為一個怎樣的人，就要趁他們小時慢慢塑造他們。
最微不足道的事，也可能影響他們一輩子！

二女兒靖翹會自己背書包，手拉著妹妹舒韻上學去♥

聖誕的期待

有朋友問到：「嘩！好多禮物呀！怕唔怕寵壞佢地呀？」
不怕！
我較熟悉的朋友，都知道我們平日不會買玩具給女兒們，朋友都會配合我們，不會亂買禮物給她們。很多朋友送禮前都會先問我們可以送嗎。專制？才不是呢！只是覺得禮物唾手可得的話，她們不會珍惜。
一年中，有三個日子我們會買禮物 - 我們的結婚紀念日、她們的生日和聖誕。她們就會期待這些日子。平日跟她們外出，她們從不會嚷著要買喜愛的玩具，反而會說：「我會寫信給聖誕老人，告訴他我想要這個！」，或「我希望生日時會收到！」。有了這樣的期待，使她們得到時更興奮、更懂珍惜！
我小時候沒有怎樣期待聖誕，不明白聖誕的特別意義（先不談宗教因素），但因為我先生堅持，要製造magical Christmas 給她們，要她們有個快樂、難忘的童年！這種期待聖誕老人來的興奮喜悅，從三個女兒的笑容與尖叫聲可感受到（絕對是無價！）
期待，也是種幸福的事:-)

上了yahoo頭版lol - 高分港童 叻得只剩下分數？

【經濟日報專訊】有國際機構發表報告指，本港學生閱讀能力冠絕全球，但閱讀興趣及課堂投入幾乎包尾。論學術成績比賽，本港學童向來「叻仔叻女」，但若成長學習中只求分數，即使贏在起跑綫上，長大後能否在漫長人生競賽中有力競爭呢？

國際教育成績評估協會調查全球45個地區，結果發現本港小四學生的閱讀能力高踞第一，但在閱讀興趣、動機、信心及課程投入程度等，卻接近榜尾。報告亦指，本港父母對閱讀的興趣也是全球包尾，只有14%父母明確表示喜愛閱讀。

論讀書成績，本港學童的能力毋庸置疑，09年的學生能力國際評估計劃（PISA），本港15歲學生的數學及科學能力，在全球65個地區中均排名第三，閱讀能力排第四；在IB課程的成績也十分驕人，去年的滿分狀元比率較全球平均比率高出兩倍；即使在國際數學奧林匹克賽，每年也奪金摘銀而回。

自理能力差 2成不懂綁鞋帶

不過，分數背後，大家有否反思，孩子成長的「成績表」中，並不只是追求學術上的分數。近年「港童」在自理能力方面「成績零蛋」的情況，令人擔心。

香港中華基督教青年會去年訪問1,600名9至11歲小童家長，18%受訪家長指孩子不曉得綁鞋帶、24%指孩子不懂得剪指甲。

孩子只注重學習，生活細節上一竅不通，未必是孩子不願做家務，今年有機構的調查便指，84%家長寧願子女溫書或參加課外活動，也不要孩子學習煮飯，74%更禁止孩子入廚房。

「惟有讀書高」的心態，在中國人心中根深柢固，近日網上流傳一組漫畫，比較中美孩子幼時的活動，這組漫畫中描述，2、3歲的美國孩子在學習執垃圾的時候，中國人孩子已在背詩，3、4歲美國孩子在淋花、餵狗，中國孩子則已在學彈琴、跳芭蕾舞（見表），會讓幼兒班子女學西班牙文、「A for astronaut」的香港父母，對此也會否有共鳴？

近日fb上廣傳一篇關於「不上playground」的文章，這是一名英國回流的港人家長Yennie的分享，她表示，街上有人會問她，其兩歲女兒上學了沒有，她表示會待女兒三歲才上學，但對方卻說「這不行，她要上學，學多點」，但Yennie指，女兒不用上playgroup，因為培養孩子的自理能力及價值觀比2歲便懂唸乘數表更重要。

她要求孩子自行更衣、刷牙、穿襪穿鞋，兩歲孩子吃完飯已懂得收拾碗筷，3個孩子會互相幫忙（校服拉鏈在後面，會互相幫手拉上），作為母親，她將子女的學習融入孩子的生活當中，故不相信沒有上playgroup的孩子會比其他人遜色。

孩子的學術能力固然重要，但若過分追求分數，而忽略了培養孩子其他形式的學習，例如自理能力、人際關係、尋求知識的好奇等，結果可能只是製造了一批又一批溫室長大的「草莓族」，沒有充分裝備離開溫室，長大後一遇到壓力便會碎掉。

化身「草莓族」 遇壓力即碎

草莓族問題在台灣早已響起警號，早前一項比較4歲以後的美國和台灣兒童的能力評估，結果發現在獨立進食、扣鈕、綁鞋帶、過馬路等方面，台灣兒童均落後於美國同齡兒童，只有移動能力方面佔優。

在漫長人生中，草莓族可能贏了起步，但長大後始終要離開溫室，投身社會，若如草莓般一捏就碎，之後在職場上可否繼續保持「好成績」，在人生漫漫長路上有否競爭力，為自己未來打拼？

「萬般皆下品，惟有讀書高」，催谷孩子努力學習無可厚非，但現今社會，無論見工、升職抑或創建自己人生，學歷已不代表一切，更着重的是獨立思考及抗逆力。除了分數，我們的下一代還剩下甚麼，值得本港父母反思。

「我自己會教，我教得好好！」

今天在街上有人指著舒韻問我：「她幾歲了？」

「兩歲多了。」我答到。

「她上學了沒有？」

「還未，要到三歲才上幼稚園。」

「這不行，她要上學，學多點！」

我開始不耐煩，畢竟這是我的女兒，她是否適齡上學，我要比任何人都清楚。

「我自己教就可以了。」

「不上那些playgroup，總是會比別人差一點，不太好！」

我，大概有點自大，說：「我自己會教，我教得好好！」

她笑了笑，轉身走了。她笑，可能以笑遮羞，也可能笑我的無知。

從哪時開始，孩子的上學年齡越推越前？現在三歲的孩子上學被評為遲？

我不相信沒有上playgroup 、沒有上N班的三個女兒們比別的孩子遜色。

或許，我跟他人追求的有所不同 - 學業上的，我不太在乎。我覺得更重要的是培養孩子之價值觀與自理能力。

我的三個孩子早上會自己換衣服、把睡衣放進洗衣籃、會自己弄早餐、自己吃飯、會自己刷牙洗臉、會自己穿襪子鞋子、會收拾玩具、會自己做功課、會清理枱面抺枱開飯、吃完會收拾碗筷入廚房（連兩歲的舒韻都懂）！若她們有事做不到，會互相幫忙（如校服的拉鏈在後面，就會互相幫大家上拉鏈）此外，掠衫摺衫掃地等家務，她們都老早懂了。

跟她們外出時，我總會被照顧 - 拿著購物袋會有人問「媽媽，我可以幫你拿著嗎？」；要坐升降機時總會有人幫我按好制（有時舒韻想按但不夠高，姐姐們就會抱起她讓她按）；有門或閘時總有人「開定門等我」。

要給孩子多點與別的小孩相處，我就會帶她們到公園、室內遊戲室練練大肌肉，又不時約其他小朋友玩。都是免費的。

要教孩子學術上的我都會 ，不會的話就到網上找找找，找出方法，和孩子一同學習。比如我在大女兒小時候就跟她一起學bb手語，大了點學phonics。我先生雖時英國人，但他也不得不承認，女兒懂英文拼音，是我教出來的。（現在大女兒快將七歲，我猜她的英文閱讀能力已達十一、二歲。）我又會把數學融入生活中，希望把她們的數學底子打好（她們不懂唸乘數表，我只想她們按步就班，先打好基礎理論才進一步學習）

孩子們會常跟我做手工、畫畫、做蛋糕、做飯...試問香港哪裡有一個playgroup會比我的全面？

其實可以跟孩子相處是種恩賜，實在要珍惜 ♥ 兩歲的孩子還小，何不好好享受對方的陪伴？

*早幾天在Facebook 打了這個status, 竟被瘋轉！
兩日間已有萬八個讚好、訂閱我Facebook 公開狀況的由三百跳升至二千五百人！好誇張呢！

十月一日拍一拍

上年呢個時候，3A幫the Paint Box 拍咗輯廣告相
事隔一年，原班人馬，為3A影咗呢輯咁靚嘅相！真係唔該晒！ 
不過今次唔係廣告，只係私影啫~
龍友與私影妹lol
呢堆相係由三個攝影師影嘅 - Bryan, Kim同我妹妹:)
我upload咗其中嘅三十幾張相！大家慢慢睇~






好有氣勢咁怒影！

先係大家姐

Francesca影曦 6歲半

再嚟二家姐
靖翹Willow













壓軸出場嘅係小女
Echo 舒韻

家長面試

上年我只係同大女報咗一間直資，即我老公教嗰間
今年都係
話面試心得，我唔敢講，話晒我只係in咗一間
不過都想同大家分享下我上年面試係點嘅

上年，大女pass咗得一round interview, 千三人減到三百人
其中有三十幾個係mix嘅家庭
影曦當時唔係好識廣東話，所以佢用英文in, 第二round都係用英文in家長）
（影曦有幾個同學直頭唔係中國人，有幾個日本人）

第二Round係主要in家長
我先入一間房報到，之後有人畀咗張紙我
紙上有約十點有關學校嘅教學理念，要我用1-10排先後次序
排完就寫原因（好似作文咁）
其他家長都係兩公婆去，有啲係mix,兩個人寫一張紙真係難，乜都要傾完先寫落去〜煩！
我一個人去幾輕鬆lol

張紙係中英都有，我揀咗用中文答
排嘅次序我唔係好記得
不過我記得寫過咩
內容大約係...
我覺得最重要係小朋友有正面嘅價值觀（唔好寫正確，因好難判斷咩係正確，正面會較易伸廷答案）
正面價值觀可以包括好多野： 做人處事態度謙虛誠懇、有正面態度面對問題（抗逆力強，能自我解決問題）、有耐性、常存感恩嘅心、包容體諒、中國人傳統嘅忠孝仁義禮智...真係任你吹
如果該校注重體育，你就可以講下有正面態度點樣去幫助小朋友喺呢方面有體育成就
若學校重音樂，又可以講下音樂點可以陶冶性情，使小朋友做事會更有耐性，因著正面態度不輕易放棄......等等

到寫完，我就同個女同另外四個家庭被叫入interview room.校長同兩個副校都在場
佢地問咗啲假設性問題，如成績同課外活動點取捨咁
（小朋友就要乖乖坐喺家長隔離，乜都唔洗做〜悶！不過我覺得可能係考小朋友坐唔坐得定）
答嘅重點就圍繞返你重親子時間、唔好畀佢地覺得你係pushy parents, 唔好一開口就請補習老師
同埋...唔好擦鞋
啲上過乜鬼面試班嗰啲小朋友，一見到校長嗰啲就九十度鞠躬@@＜-唔好咁做作！
有家長同校長講自己小朋友學鋼琴、小提琴、朗誦、畫班@@太多啦
我記得我講過...kids should be kids, they are entitled to play!
我亦有提及影曦好早瞓。我認為小朋友應有充足睡眠，咁佢地頭腦清醒啲，學野易入腦，脾氣又好啲〜

就係咁，影曦就中咗啦〜

選校分享

大家有諗過小朋友第時讀邊類型小學嗎？
國際？傳統名校？定係輕鬆啲嘅活動教學學校？

喺呢到，我想分享幾個朋友嘅經歷

我二女學校有個女仔(10/2006出世）以前讀Montessori 嘅學校，上年去考某傳統名校，點知佢中文唔夠好考唔到

考我而家二女讀緊嘅local幼稚園K3,又考唔到

上年結果係一月時轉咗嚟做大女讀K2

論歲數佢今年應該係讀小一㗎啦

佢就係因為父母喺選幼稚園時無諗清楚個女第時讀邊間，只係覺得Montessori 好就畀個女讀，結果就因此浪費咗一年

另一位朋友同佢個小朋揀咗間催谷型學校（名校嚟㗎），開學後排山倒海的功課做不完
小朋友做得慢，喊攰，唔願做
開學不到一個月，轉校了

有朋友給孩子選讀國際幼稚園，但想他升到傳統小學
孩子的英文不錯，但中文就...受苦了！上了小一他的中文真係跟不上

大家為孩子選幼稚園時真的要用心想一想，若你想孩子一路只讀國際學校，那讓他們讀國際幼稚園真的不錯
但由國際轉為本地小學，小朋友可能有點吃力
若然小朋友讀的是英普班，由英普班轉本地小學，我猜這對小朋友來說倒也不太難

總言之，大家選幼稚園時要想想孩子要入怎樣的小學
不要盲目追求名校
且要看小朋友的能力、家長跟學校的教學理念是否相似
否則，苦的是小孩。要轉校的話，亦浪費了時間！

我的兼職

大家係咪好奇怪我做咩消失咗咁耐呢？
實情呢排真係太忙忙忙，好多兼職做呀！
多到要推推推！

1）教畫
上兩個星期開始，我喺二女讀嘅幼稚園教手工同畫畫
學校畀我帶埋舒韻上堂（喺側邊玩）
課堂係用英文教嘅
估唔到反應熱烈！一班有成十四個人呀！
呢份兼職真係正〜

2）整蛋糕
朋友間唔中都會同我訂蛋糕
我都鍾意整㗎，但係成本貴，工作時間長
試過整到朝早六點先整完！
呢份兼職，我嘛嘛地鍾意

3）face painter
我好鍾意呢份工〜
畫到小朋友想要嘅野，見到佢地面上嘅反應，我得到好大嘅滿足感！
最重要係呢份工無乜野要準備，一去到畫畫畫，畫完就收工〜正！

4）賣頭飾
呢排我都積極整緊多啲頭飾諗住賣
整整整，其實都幾輕鬆，但又係好花時間囉〜

要做全職媽媽，又做兼職唔係易㗎
真係幾攰㗎
咪就係因為呢幾份兼職攪到我呢排無時間打卜
我連電腦都幾星期無開啦！

唉，尋日老公話想叫我開間nursery畀學前小朋友返嘅
又係一門生意...但有咗自己生意嘅真係好困身
我真係唔太想
我對老公嘅回覆係＂it's a lot of work!"
之後就畀佢插話我懶
其實唔係懶唔懶嘅問題，係困身嘅問題
我只係唔想少咗咁多時間見小朋友啫！
同埋教話真係好搵，工時又少
如果賺嘅錢係差唔多嘅，我梗係想做份少工時㗎啦！

可惜男人唔會明@.@

感動點

最近發生了幾件小事，令我好感動...

 

有一日，影曦放學返嚟同我講，佢跳繩嘅手柄位（木嚟㗎）爛咗，問我可唔可以整返。我問佢點整爛㗎？佢話：「我借咗畀同學玩，佢整爛咗，不過佢唔係有心㗎，係意外嚟㗎，媽媽你可唔可以幫我黐返好呀？」跳繩爛咗，佢無喊，無話要買過條，同學整爛咗佢仲怕我會責怪佢同學，幫佢講好說話~影曦真係好乖！！！

 

靖翹放學返嚟，有個貼紙喺件衫到，我問佢個貼紙點得嚟㗎？佢話佢答啱問題、幫老師（之類嗰啲），「原本我有兩個㗎，不過我畀咗一個XXX同學，因為我想佢開心呀嘛！」「我書包仲有啲糖呀，一粒畀影曦，一粒畀舒韻㗎！」...咁你呢...「唔洗㗎啦，我想同佢地分享呀！」靖翹都好乖呀...

 

我搵到一個Aurora公仔，係靖翹嘅兩歲生日禮物。佢見到後，佢話：「我想送畀舒韻呀！」「但係係你嘅special toy嚟㗎喎！」「唔緊要啦！我有Lily嘛！舒韻無一個可以換衫嘅公仔呀！」跟住佢就送咗個公仔畀妹妹啦！

 

更感動嘅係喺尋日發生...原本靖翹被邀請去一個生日會，我同佢一齊畫咗張生日咭，包好禮物，但因為塞車同要趕住去婚禮，老公帶唔到佢去佢期待咗個多星期嘅生日會（我有啲失望）...佢知道佢去唔到後，佢無喊，無扭，佢仲同daddy講“I did want to go to the party but it doesn't matter, it's not your fault daddy and anyway there will be other parties that I can go to.”跟住佢仲攬住daddy同錫咗佢一啖，同daddy講話多謝佢帶佢出街！佢地真係好生性，好聽話！雖然只係好小嘅事，但就令我覺得佢地真係好識諗，好明白事理，佢地都長大啦！我地為佢地而驕傲！！！

開學了！

30/8
影曦上小學了
呢次係影曦第二次返小學
喺英國時，佢已經返過一年㗎啦（4歲至5歲）
返到香港，因為佢歲數，要讀返一年幼稚園
好似降咗呢咁lol
不過唔緊要，咼咗呢一年畀佢打好中文底，係必需嘅！！！


我地早咗半個鐘，喺課室坐下先~



學校係行雙班主任制
影曦嘅班主任係講普通話嘅，副班主任係講英文嘅
其實都幾正，好多小朋友都鐘意投訴人地
佢地想投訴嘅話就要迫住佢地一係講普通話，一係英文lol

影曦返咗學都有三星期啦，適應得好好，完全無問題
佢有兩個最friend嘅同學仔
一個係日本人（有日影曦無啦啦用普通話同我講佢同學嘅名，我呆咗呆先知佢講乜！），一個係香港人
但係呢...
個日本朋友仔係講英文同日文，個香港女仔係有中文名，但講英文，唔識講廣東話
oh...好彩老師而家掉走咗佢地唔係一齊坐，如果唔係一定全日英英英@@

5/9佢地已經返全日啦
而家每日都有3﹣4樣功課
英文默咗一次書啦
你唔好話我話，都幾深！
課文係煮野食嘅recipe
有十五個生字
小朋友要記住呢十五個字，老師就會用呢十五個英文字嚟作篇野同小朋友默書
係unseen dictation嚟㗎！
唔好以為影曦好醒，佢肥咗T.T
好彩呢個係mock嚟嘅啫！
影曦學英文嘅方法同香港嘅唔同
佢一路都係靠聽，跟住自已拼音出嚟串字
可惜香港嘅教法係死背...影曦要重新適應呢種學習方法
不過唔緊要嘅，相信佢好快可以pick up 到！
下次默書老師話會易啲，只係默十五個字~
希望合格啦~

中文由於仲係蜜月期，老師仲未教書（中文係用普通話教）目的係要畀小朋友聽慣咗普通話先
而家老師都仲係教緊佢地裝字、筆劃咁
好嘅係...老師都話影曦肯主動舉手答問題，又會用普通話造句字
頭先無啦啦用普話彈咗句”我要問爸爸可不可以星期日去海洋公園玩呀“
我都畀佢嚇咗一跳！好驚喜~
希望佢會一日一日咁進步啦~

My Melody & Piano便當

哈哈哈！懶人便當嚟啦！
唔好以為好難整~
只係我用嘅刀比較花巧，大家先會有錯覺嘅啫
我之前喺淘寶淘咗啲hello kitty同melody嘅模
用嚟整cookies又得，三文治又得，飯團又得（未試過，不過我覺得得）
好正~

鬆馳熊

影曦上小一了~
學校食飯好鬼貴@@成＄750一個月呀！（差唔多＄37一餐@@）
又唔知影曦啱唔啱食...所以呢...
我就畀佢帶飯啦！
希望佢食得開心啲啦~

再次談及死亡

偶爾女兒們都會問及死亡。
死﹣亡﹣
是一個中國人普遍較少與小朋友談及的話題。
記得我第一次接觸親人死亡時，那時我已九歲﹣我的外公病逝了。
那時的我只懂嚎哭。為什麼會哭？除了因為傷心，是因為...我看了電視劇，親人死了就要呼天搶地地嚎哭，我就要在現實中把這些情節一一釋演出來。
從前，父母都沒有跟我和妹妹談過關於死亡的事。事情發生了，我就哭得崩潰，不懂怎樣面對。

我的外婆已年屆八十八， 她雖然仍能走動，但每次見她，她的身體狀況都比之前差。我很愛她，不想她離開，但我仍然要面對她在未來某一天她將會離開我。7年多前我嫁到英國，很想念外婆，念得一想到她就會流淚。那時的我並不知道我何時才會回港，那種思念把我的情緒都要摧毀！好不容易地過了兩年半，我們舉家回流香港，我終於達成讓外婆見外曾孫女的心願！

剛兩歲的影曦初次與太婆見面~

歲半的舒韻逗得太婆好開心呢！

出門時，她們都會嚷著拖太婆的手，說要照顧太婆


跟女兒們，我說得很白。太婆很老了，我們還不知道能見得她多久。每次見面，就多給她擁抱，要多點說「我愛你」！
女兒們都很受落，都懂珍惜 與太婆相處的時間
我告訴她們，就算太婆要離開，也不要難過。她活了精神的一生，會為著我們而驕傲！
我們要好好記著和她的相處時刻
我就要她們都有心理準備，不會像我從前哭得如此的盲目
我也告訴她們，人死了就會回天家，到天父那裡，我們總有天會重聚
We should always celebrate what we have in our lives but not what we lost. 

*我的外婆有糖尿病，要小心飲食
她仍給家人煮飯和做家務，身體尚算健康
我好希望好希望她可以長命百歲，讓她見證女兒們的成長
我真的好愛好愛她（我又哭了出了:-( ）
我，會好好記住她，享受與她相處的快樂時光<3

百搭頭飾（必買頭箍）

嘩嘩嘩！
呢啲頭飾全部都係我整㗎:)

個頭箍係我特製㗎！
個頭箍有一個圈仔，啲頭夾可以夾住係頭箍到
你睇下以下嘅示範就見到，個夾可以換嚟換去，戴左或左都得！
亞女學校規定一定要戴黑白藍嘅頭飾，所以我整咗呢set畀佢~



呢啲就留返畀靖翹戴啦！因為佢返學戴咩色嘅頭飾都得！
呢個頭箍都係可以換嚟換去㗎
就算你喺街買到嘅頭夾都可以夾落去做頭箍㗎！

*頭箍有一個圈仔，啲頭夾可以夾住係頭箍到
實行一物二用！
個頭箍係金屬嚟㗎，戴全日都唔會痛（我啲女話㗎！）
平日嗰啲好多時都會戴到耳背痛㗎嘛！呢款就唔會~
係咪好正呢~
大家記住訂閱我fb嘅public status, 留意我幾時開賣啦~~~

頭飾示範

呢呢排都會整多啲頭飾，會放上facebook賣~
呢個款好靚~個花係髮夾嚟㗎！
個頭箍係我特製㗎！
個頭箍有一個圈仔，啲頭夾可以夾住係頭箍到
實行一物二用！
個頭箍係金屬嚟㗎，戴全日都唔會痛（我啲女話㗎！）
平日嗰啲好多時都會戴到耳背痛㗎嘛！呢款就唔會~
係咪好正呢~
大家記住訂閱我fb嘅public status, 留恴我幾時開賣啦~~~
(上嚟yahoo真係比較麻煩＠＠）

花花頭飾

近排真係好忙好忙忙...
日日都好鬼攰...
所以好耐無寫卜添！
因為時間關係...我唔打咁多野住啦！
畀住啲相大家睇先！



係咪好靚呢~
呢啲係頭夾嚟㗎，可以周圍夾
係我整嚟畀啲女做花女時戴~平日返學戴都得㗎！
呢啲花真係要花好多時間整
點整...ummmmm...
前幾日飛媽IRIS 邀請我去佢新開嘅teapot分校開班！
無錯，我係會開班呀！
但我同飛媽講我呢排真係好忙
所以我諗都係要下兩個月先會攪
大家要密切留意啦！！！