畀人點相

呢排成日畀人點相﹣＞有時我帶少個女落街，都會有d三唔識七嘅人走嚟問，仲有個呢？

我自己落街買野時，就會有人問：𠲖~你今日咁輕鬆嘅！

估唔到咁多人認我地

其實今次出呢個post，仲想講下...見面

好多人都會喺facebook到留言話想趁我走之前見下面

老實講...可免則免

我唔識點當面拒絕人

所以次次人地問起我都會避免回答

點解？

相信上次有個BK媽咪畀人擋肚單野大家都知

人地喺網上可以整假A/C，post人地嘅相，post埋假資料，我地係無法查證嘅

我一諗起呢單野就怕怕

呢到咁多人我相信絕大部份都唔會咁做，但有時d野真係唔知咁清楚㗎嘛...

另外，喺上年某晚，有個媽咪推住架BB車上咗嚟我屋企，話有睇開我個blog，想同我做朋友

我相信呢位媽咪係絕對無惡意嘅，亦只係想大家交個朋友

但係咁亦都話都畀我知...居然一個blog就可以畀人搵到上門

呢樣係我驚嘅地方

有睇開呢到嘅人都知我住東涌映灣園

映灣有五千幾個單位，我真係估唔到會有人可以知我住邊一個單位！

問返管理處先知原來嗰位媽咪係住呢度嘅，佢同下無服務大堂D人傾傾下就知我搬咗去邊咗邊個單位

我無正式向管理處投訴，唔想攪大件事

但真係估唔到，咁同下面d人傾兩句，就會畀到住客資料人地

咁要用八達通doo幾多次先入到嚟都無用啦

所以...

如果人地真係想同我見面嘅，我都會約一大班人一齊

相信咁會安全D

希望大家唔好介意我嘅警介心

亦希望呢位媽咪唔好介意我講呢個case出嚟同大家分享

我只係計對管理處，唔係針對嗰位媽咪呀！