適應期

嚟咗英國都己經有４日啦

有無吾習慣？其實真係無

除咗第一晚瞓瞓下醒咗，定咗一定、驚咗一驚，因為吾知自己喺邊外

其餘時間都好自在

話晒之前都同６２９９住左兩年半，大家都知道大家嘅習慣

相處吾係問題

好多野大家都可以開心見成咁講

雖然只係返咗嚟幾日，但自己好似無離開過咁

而家住緊呢間屋係６２９９為我地搬返嚟而另外租嘅

佢地星期一搬，我地星期三到

但我地到時所有野都準備好！

完全吾似啱啱搬嚟嘅

影曦同靖翹一間房，都係瞓碌架床

房內有晒玩具！仲有少少佢地表姐留畀佢地嘅衫

老公嘅４個家姐個個都為我地返嚟做咗好多野！

大家姐搵咗carseats畀D女，送咗兩個熊仔放喺佢地床到，又借咗張cot bed畀舒韻

二家姐準備咗兩個禮物袋﹣𥚃面有幾件新衫、褲、睡衣、襪、校服（勁周到﹣＞到左嘅第一晚我太攰吾想拆行李搵要用嘅野，呢個袋內嘅野大派用場！）

三家姐嚟咗接機，送咗一人一個公仔畀三個女！仲送咗架孖車畀我地！仲有BB衫同舒韻玩嘅玩具

四家姐就幫手搬屋。佢最了解我同三個女嘅習慣

係佢幫手擺我地房內嘅傢俬。佢仲知我平時點將D女嘅衫分類放，我到前己經放好晒！佢又知我D女鐘意食Nutella,專登叫９９買定

真係好感激各人為我地所做嘅一切

喺香港時有屋企人同好多好朋友幫手

過到嚟有６２９９一家幫忙

真係好好彩！好多謝大家！！！

好啦，講下其他野先

除咗第一晚D女晏咗瞓外，佢地第二晚己經照常７點上床！

佢地己經無時差！超勁！

三個都一覺瞓到大天光，無醒過！

呢幾日我都無食過飯

我地都無吾習慣

遲D得閒先同大家分享下我地平時食D咩啦！